Fréttir

Fréttamynd

Reykjavíkurborg tekur þátt í herferð gegn dauðarefsingum

Borgarstjórn Reykjavíkur hefur samþykkt að taka þátt í baráttunni gegn dauðarefsingum með því að gerast aðili að herferðinni "Lífsborg -gegn dauðarefsingum". Tæplega 400 borgir víða um heim hafa gerst aðilar að herferðinni. Reykjavíkurborg vill leggja baráttunni gegn dauðarefsingum lið, þar sem um mikilvæga mannréttindabaráttu sé að ræða.

Innlent
Fréttamynd

Palestínskir byssumenn hertóku ráðhúsið í Betlehem

Meira en tuttugu palestínskir byssumenn hertóku ráðhúsið í Betlehem á Vesturbakkanum fyrir hádegið í dag. Mennirnir óðu inn í húsið hlaðnir vopnum, skipuðu starfsfólki að drífa sig út og læstu svo hurðum ráðhússins.

Erlent
Fréttamynd

Hamborgarhryggur á Suðurnesjum en hangikjöt á Ströndum

Suðurnesjamenn vilja hamborgarhrygg í jólamatinn en líta nánast ekki við rjúpu á sama tíma og rjúpan hefur ýtt hamborgarhryggnum út af jólaborði Mývetninga eftir að veiðibanninu lauk og hangikjöt heldur velli norður á Ströndum.

Innlent
Fréttamynd

Örnólfur Thorsson skipaður forsetaritari

Örnólfur Thorsson hefur verið skipaður í starf forsetaritara í stað Stefáns Lárusar Stefánssonar sem lætur af störfum um áramót og hverfur á ný til starfa á vettvangi utanríkisráðuneytisins. Örnólfur var ráðinn sérfræðingur á skrifstofu forseta Íslands árið 1999 og hefur verið skrifstofustjóri frá 2003.

Innlent
Fréttamynd

Útlit fyrir að hægi á vexti einkaneyslunnar

Þrátt fyrir talsvert meiri veltu í dagvöruverslun í síðasta mánuði en í sama mánuði í fyrra, eru vísbendingar um að farið sé að hægja á vexti einkaneyslunnar, samkvæmt mælingum Rannsóknaseturs verslunarinnar.

Innlent
Fréttamynd

Viðbúnaður á Kastrup vegna lendingar vélar frá Iceland Express

Viðbúnaður var við lendingu vélar Iceland Express á Kastrup flugvelli í Kaupmannahöfn laust fyrir hádegi í dag. Ástæðan var sú að merki í stjórnborði vélarinnar gaf til að nefhjól vélarinn hefði ekki farið niður. Flugmenn vélarinnar settu því hjólið handvirkt niður og gekk það vandræðalaust. Farþegar vélarinnar fengu upplýsingar um gang mála jafnóðum og að lendingu lokinni var þeim boðin aðstoð eftir þörfum. Tæknimenn SAS eru að fara yfir búnað vélarinnar. Engin seinkun varð á lendingunni en búist er við einhverri töf á brottför frá Kaupmannahöfn í dag þar sem kalla þarf inn nýja vél.

Innlent
Fréttamynd

Magnús kaupir P. Samúelsson í dag

Toyota-umboðið á Íslandi skipti um eigendur í dag. Magnús Kristinsson útgerðarmaður kaupir P. Samúelsson hf. og var skrifað undir samninga nú fyrir hádegi.

Innlent
Fréttamynd

Handtekinn vegna aðildar að misheppnuðum árásum

Breska lögreglan hefur handtekið tuttugu og þriggja ára gamlan mann sem talinn er hafa átt þátt í misheppnuðum hryðjuverkaárásum á London þann 21. júlí. Maðurinn var handsamaður þegar hann kom til Bretlands með flugvél frá Eþíópíu nýlega.

Erlent
Fréttamynd

Ríkisstjórnin skipar nýja fjölmiðlanefnd

Ríkisstjórnin ákvað í morgun að skipa nýja fjölmiðlanefnd til að leggja grunninn að nýju frumvarpi um íslenska fjölmiðla. Nefndin verður skipuð sjö manneskjum úr öllum stjórnmálaflokkum.

Innlent
Fréttamynd

Sjálfstæðiflokkurinn með mikinn meirihluta samkvæmt könnun

Sjálfstæðisflokkurinn er með mikinn meirihluta í Reykjavík samkvæmt nýrri skoðanakönnun frá Gallup. Framsóknarflokkurinn næði ekki inn manni en um þrjátíu prósent borgarbúa treysta Birni Inga Hrafnssyni, sem stefnir á efsta sæti á lista framsóknarmanna, til að gegna starfi borgarstjóra.

Innlent
Fréttamynd

Verslunarstjórar sakfelldir fyrir mútuþægni

Átján verslunarstjórar í áfengisverslunum ríkisins í Svíþjóð voru í gær sakfelldir fyrir að hafa tekið við mútum frá birgi sem vildi koma vöru sinni á framfæri. Verslunarstjórarnir þurfa að greiða dagsektir ásamt andvirði mútanna til ríkissjóðs.

Erlent
Fréttamynd

Bannar vestræna tónlist

Forseti Írans hefur ákveðið að banna vestræna tónlist á útvarps- og sjónvarpsstöðvum landsins. Sem forseti Írans er Mahmoud Ahmedinajad líka yfirmaður menningarráðs landsins, sem hefur sent frá sér tilkynningu þessa efnis.

Erlent
Fréttamynd

Sambönd iðnaðarmanna á Norðurlöndum sameinast

Eitt norrænt iðnaðarmannasamband verður til um áramótin en þá sameinast Samband málmiðnaðarmanna og Samband starfsfólks í efna-, pappírs- og textíliðnaði. Samkvæmt frétt á heimasíðu Samiðnar verða félagsmenn yfir 1,2 milljónir í 22 samböndum.

Innlent
Fréttamynd

Rasmussen hefði átt að ræða við sendiherra

Anders Fogh Rasmussen, forsætisráðherra Danmerkur, hefði átt að ræða við sendiherra íslamskra ríkja í landinu eins og þeir fóru fram á vegna teikninga af Múhameð spámanni í Jótlandspóstinum. Þetta segja 22 fyrrverandi sendiherrar Danmerkur í grein í Politiken.

Erlent
Fréttamynd

Sharon útskrifaður af sjúkrahúsi

Nú fyrir hádegið var Ariel Sharon, forsætisráðherra Ísraels, útskrifaður af spítalanum í Jerúsalem sem hann hefur legið á síðan í fyrradag. Að sögn lækna hlaut hann ekki varanlegan skaða af völdum heilablóðfallsins.

Erlent
Fréttamynd

Ríflega helmingur Suðurnesjamanna hefur hamborgarhrygg

Rösklega helmingur Suðurnesjamanna, eða 55 prósent, ætlar að hafa hamborgarhrygg í jólamatinn, samkvæmt skoðanakönnun Víkurfrétta. Næst kemur kalkún, en fimm prósent ætla að hafa hann, fjögur prósent rjúpu, tvö prósent önd en rúmlega þirðjungur er enn óákveðinn.

Innlent
Fréttamynd

Dæmdur til dauða fyrir heróínsmygl

Ástrali af víetnömskum uppruna hefur verið dæmdur til dauða í Víetnam fyrir að smygla heróíni til landsins. Maðurinn var handtekinn fyrir ári ásamt þremur öðrum og þeir ákærðir fyrir að reyna að smygla hátt í tveimur kílóum af heróíni. Hann er þriðji Ástralinn af víetnömskum uppruna sem dæmdur er til dauða í Víetnam fyrir eiturlyfjasmygl á árinu.

Erlent
Fréttamynd

Bandarísk tollyfirvöld vara við ólöglegum Tamiflu innflutningi

Bandarísk yfirvöld lögðu í gær hald á póstsendingu sem innihélt fimmtíu ólöglega skammta af flensulyfinu Tamiflu. Lyfið er einkaleyfisskylt og framleitt af lyfjarisanum Roche og því ólöglegt að framleiða og selja lyfið. Ólöglegur innflutningur Tamiflu, sem talið er lækna fuglaflensu, er sístækkandi vandamál í Bandaríkjunum. Bandarísk tollayfirvöld segja lyfið vera pantað í gegnum internetið frá Asíu og að oftast sé aðeins um lyfleysu að ræða. Yfirvöld segja þessa hömstrun hættulega og vara við kaupum á lyfinu í gegnum internetið.

Innlent
Fréttamynd

Hærra gjald fyrir reykingafólk í dönskum lestum

Reykingafólk sóðar út segir danska járnbrautafyrirtækið DSB. Af þeim sökum hafa fargjöld reykingafólks verið hækkuð um helming á við það sem reyklausir borga. Einnig mun reyksætum fækka í lestunum og sumar lestir verða alveg reyklfríar. Er þetta gert vegna þess að þrif eftir reykingafólk kostar milljónir króna á ári hverju og einnig af tillitssemi við reyklausa. Gjaldhækkunin tekur gildi um áramót.

Innlent
Fréttamynd

Launavísitala hækkaði um 0,6 prósent í nóvember

Launavísitala var 272,3 stig í síðasta mánuði og hækkaði um 0,6 prósent frá fyrra mánuði. Þetta kemur fram í nýjum tölum frá Hagstofunni. Síðastliðna tólf mánuði hefur launavísitalan hækkað um 7,3 prósent.

Innlent
Fréttamynd

Dökkt súkkulaði meinhollt fyrir hjartað

Nú geta súkkulaðifíklar tekið gleði sína því svissneskir vísindamenn hafa fært sönnur fyrir því að súkkulaðiát geti komið í veg hjartaáfall. Vísindamenn í Zurich rannsökuðu hóp reykingamanna með stíflaðar kransæðar.

Innlent
Fréttamynd

Grjóthrun á þjóðveginn í Hvalnesskriðum

Grjót hrundi niður á þjóðveginn í Hvalnesskriðum á milli Hafnar í Hornafirði og Djúpavogs á fjórða tímanum í nótt og áttu flutningabílar í erfiðleikum með að komast leiðar sinnar. Vegurinn var þó jeppafær.

Innlent
Fréttamynd

Fartölvum stolið á tveimur stöðum

Þjófar brutust inn í íbúð við Hringbraut í Reykjavík í gærkvöldi og stálu þaðan meðal annars nýrri fartölvu. Þá barst tilkynning um innbrot í tölvuverslun við Suðurlandsbraut á fimmta tímanum í nótt. Þar náðu þjófar að stela þremur nýjum fartölvum og komast undan áður en lögregla kom á vettvang.

Innlent
Fréttamynd

Verkfall hafið í New York

Verkfall hófst í morgun hjá starfsmönnum almenningssamgangna í New York. Ekki náðist saman um nýjan kjarasamning í gærkvöldi og því hófst verkfallið í morgun. Talið er að það kosti borgaryfirvöld allt að fjögur hundruð milljónir dollara á hverjum degi. Þá verða milljónir manna að finna sér aðrar leiðir til að komast í og úr vinnu.

Erlent

Mest lesið