Fréttir

Hagnaður Eskju 40 milljónir

Eskja hf á Eskifirði var rekin með 40 milljón króna hagnaði á síðasta ári. Tekjur félagsins námu 2855 milljónum og lækka nokkuð á milli ára. Rekstrargjöld voru 2152 milljónir og hagnaður fyrir afskriftir og fjármagnsliði nam 703 milljónum sem er um 4% lækkun frá fyrra ári.

Viðskipti innlent 29.3.2006 16:33

Upplýsingasíða um fuglaflensu opnuð í dag

Upplýsingasíða um fuglaflensu hefur verið opnuð en það er Slökkvilið höfuðborgarsvæðisins sem hefur umsjón með síðunni í umboði borgarstjóra Reykjavíkur og bæjarstjóra sex sveitafélaga á höfuðborgarsvæðinu. Slóð síðunnar er fugleflensa.is en markmið með síðunni er að auðvelda fólki aðgang að réttum upplýsingum um fuglaflensu, hvað sé verið að gera, hvað beri að varast og hvers megi vænta ef fuglaflensan berst hingað til landsins.

Innlent 29.3.2006 15:58

Áfrýja ákvörðun um afnám hámarkstaxta

Bandalag íslenskra leigubifreiðastjóra hefur áfrýjað ákvörðun Samkeppniseftirlitsins um afnám hámarkstaxta leigubifreiða til áfrýjunarnefndar samkeppnismála. Þá hyggst leigubílastöðin Hreyfill sækja um undanþágu til eftirlitsins til að halda áfram að styðjast við samræmda gjaldskrá

Innlent 29.3.2006 15:56

Starfshópur gerir tillögur að tryggu netsambandi

Samgönguráðherra hefur skipað starfshóp sem gera á tillögu að því hvernig tryggja megi varanetsamband við útlönd í framtíðinni. Þetta kom fram í svari hans við fyrirspurn Björgvins G. Sigurðssonar, Samfylkingunni, um hvernig tryggja ætti netsamband við útlönd.

Innlent 29.3.2006 15:08

Skammvinnt rafmagnsleysi við Elliðavatn

Rafmagnslaust varð í byggðum við Elliðavatn um hálftvö eftir að grafið var í háspennustreng í Norðlingaholti. Rafmagnslaust varð í húsum við Hvörf og Vöð enstarfsmenn Orkuveitu Reykjavíkur voru snöggir að kippa málum í liðinn og var rafmagn aftur komið á um hálfri klukkustund eftir að rafmagnslaust varð.

Innlent 29.3.2006 14:03

Óttast að starfsemi Byggðastofnunar verði fyrir bí

Þingmaður Samfylkingarinnar í Norðvesturkjördæmi óttast að starfsemi Byggðastofnunar verði lögð af með nýju frumvarpi iðnaðar- og viðskiptaráðherra um sameiningu stofnunarinnar og fleiri stofnana í Nýsköpunarmiðstöð Íslands. Þrátt fyrir að bankarnir hafi aukið lánastarfsemi sína úti á landi séu veik svæði sem stofnun eins og Byggðastofnun verði að sinna.

Innlent 29.3.2006 13:51

Háspennubilun í Norðlingaholti

Háspennubilun varð í Norðlingaholti fyrir stundu. Rafmagnslaust er í byggðum við Elliðavatn, í Vöðum og Hvörfum. Í tilkynningu frá Orkuveitunni kemur fram að leit að biluninni standi yfir og verði rafmagni komið á eins fljótt og auðið er.

Innlent 29.3.2006 13:58

Bjartsýni í Bandaríkjunum

Bandaríkjamenn eru sagðir bjartsýnir um efnahag þjóðarinnar og hefur væntingavísitala neytenda ekki verið hærri í fjögur ár. Búist var við því að væntingavísitalan færi í 102 stig í þessum mánuði. Hækkunin nam hins vegar 4,5 punktum og endaði hún í 107,2 stigum. Í maí árið 2002 mældist væntingavísitalan í Bandaríkjunum 110,3 stig.

Viðskipti erlent 29.3.2006 13:47

Snarpur skjálfti í Japan í morgun

Jarðskjálfti upp á fimm stig mældist 80 kílómetra undir sjávarbotni í um 240 kílómetra fjarlægð norðaustur af Tókýó, höfuðborgar Japans í dag. Að sögn japönsku veðurstofunnar er enginn hætta á flóðbylgjum. Engar fréttir hafa borist af skemmdum eða slysum á fólki en mikið er um jarðskjálfta í Japan enda liggur landið á fjórum flekaskilum.

Erlent 29.3.2006 12:30

Hvatti Ísraela til að láta af einhliða ákvörðunum

Mahmoud Abbas, leiðtogi Palestínumanna, sagði í morgun að niðurstaða kosninganna í Ísrael í gær breytti sáralitlu í samskiptum Ísraela og Palestínumanna, þar til Ehud Olmert breyti stefnu sinni um einhliða ákvarðanir Ísraela varðandi framtíðarlandamæri Ísraels og Palestínu.

Erlent 29.3.2006 12:27

Kosningaþátttaka í Ísrael aldrei minni

Kosningaþátttaka í ísraelsku þingkosningunum sem fram fóru í gær, er sú allra minnsta í sögu landsins. Kadima-flokkurinn bar sigur af hólmi, hann náði þó ekki meirihluta og mun að öllum líkindum mynda samsteypustjórn með Verkamannaflokknum.

Erlent 29.3.2006 12:21

Áhugi á samstarfi tengist brottflutningi Varnarliðsins

Georg Lárusson, forstjóri Landhelgisgæslunnar, telur aukinn áhuga yfirmanns bandarísku strandgæslunnar á samstarfi við Landhelgisgæsluna, vera í samhengi við brottflutning Varnarliðsins héðan. Georg var með skömmum fyrirvara boðaður til fundar við yfirmann strangdgæslunnar í gær.

Innlent 29.3.2006 12:17

Ekkert nýtt komið fram í gögnum Vilhjálms

Ríkisendurskoðun telur ekkert koma fram í gögnum Vilhjálms Bjarnasonar, aðjúnkts við Háskóla Íslands, vegna sölu ríkisins á hlut sínum í Búnaðarbankanum sem styðji þær víðtæku ályktanir sem Vilhjálmur dragi af gögnum. Þetta kemur fram í athugasemdum sem Ríkisendurskoðun hefur sent formanni fjárlaganefndar vegna málsins.

Innlent 29.3.2006 12:40

Villepin tilbúinn að gera breytingar á vinnulöggjöf

Franska lögreglan handtók í gær yfir sex hundruð manns vegna mótmæla við fyrirhugaða vinnulöggjöf í landinu. Forsætisráðherrann segist nú, í fyrsta sinn, tilbúinn að gera breytingar á lögunum.

Erlent 29.3.2006 12:13

Ekkert nýtt í gögnum aðjúnkts

Ríkisendurskoðun segir í bréfi til formanns fjárlaganefndar að ekkert nýtt hafi komið fram í þeim gögnum sem stofnunin aflaði sem stutt geti þær ályktanir sem Vilhjálmur Bjarnason, aðjúnkt við Háskóla Íslands, dró af þeim gögnum og upplýsingum sem hann hefur undir höndum vegna sölu á hlut ríkisins á Búnaðarbankanum til svonefnds S-hóps.

Viðskipti innlent 29.3.2006 12:25

Varnarliðið sagðist ekki aflögufært með þyrlur

Varnarliðið gat ekki orðið við beiðni Landhelgisgæslunnar í gærmorgun um að senda þyrlur með í björgunarleiðangur minni þyrlu Gæslunnar norður fyrir land við hættuleg skilyrði. Það sagðist ekki vera aflögufært með þyrlur þar sem aðeins tvær væru til taks í stað fjögurra venjulega.

Innlent 29.3.2006 12:07

Spá 0,5 prósenta hækkun stýrivaxta

Seðlabankinn kynnir vaxtaákvörðun sína í fyrramálið auk þess sem verðbólguspá verður birt. Greiningardeildir bankanna búast almennt við 0,5 prósenta hækkun stýrivaxta. Verði það raunin verða stýrivextir 11,25 prósent hér á landi.

Viðskipti innlent 29.3.2006 11:57

Hagnaður H&M eykst um 20 milljarða

Hagnaður sænsku fataverslunarkeðjunnar Hennes & Mauritz, H&M jókst um 20 prósent á fyrsta ársfjórðungi og nam 16,7 milljörðum íslenskra króna. H&M opnaði sex verslanir og lokaði þremur á fyrsta ársfjórðungi fjárhagsársins.

Erlent 29.3.2006 10:55

Hlutabréf lækkuðu í Ísrael

Gengi hlutabréfa lækkaði um rúmlega eitt prósent í Ísrael í dag í kjölfar þess að Ehud Olmert, starfandi forsætisráðherra landsins, lýsti yfir sigri Kadimaflokksins í þingkosningunum í Ísrael í gær.

Viðskipti erlent 29.3.2006 10:42

Rammagerðin og Sjóklæðagerðin í Leifsstöð

Rammagerðin og Sjóklæðagerðin hefja verslunarrekstur í Flugstöð Leifs Eiríkssonar um næstu mánaðamót um leið og Íslenskur markaður hverfur úr flugstöðinni. Samningur þar að lútandi hefur verið undirritaður.

Innlent 29.3.2006 10:32

Rannsókn á banaslysi á Kárahnjúkum enn í gangi

Enn er ekki ljóst hvað olli því að sprengihleðsla í aðgöngum 4 neðan við Desjarárstíflu á Kárahnjúkasvæðinu sprakk með þeim afleiðingum að stórt grjót hrundi ofan á ungan mann og hann lést. Lögregla og vinnueftirlit rannsaka málið og að sögn Óskars Bjartmars, yfirlögregluþjóns á Egilsstöðum, er ekki ljóst hvenær rannsókn lýkur.

Innlent 29.3.2006 10:09

Áætlun vegna umhverfismats álvers í Helguvík lögð fram

Skipulagsstofnun hefur borist tillaga Norðuráls og ráðgjafafyrirtækisins HRV að áætlun vegna mats á umhverfisáhrifum álvers við Hegluvík. Allir hafa rétt á að kynna sér tillöguna og gera athugasemdir.

Innlent 29.3.2006 09:28

Ófært á heiðum á Vestfjörðum og Norðurlandi

Vegagerðin segir ófært um Klettsháls, Dynjandis - og Hrafnseyrarheiði og um Eyrarfjall á Vestfjörðum. Þá er þæfingsfærð í Ísafjarðardjúpi og þungfært á Steingrímsfjarðarheiði en mokstur stendur yfir. Éljagangur, skafrenningur og hálka er á vegum um allt norðanvert landið og ófært er um Þverárfjall og Lágheiði.

Innlent 29.3.2006 09:03

Starfsmannstjóri Hvíta hússins segir af sér

Andrew Card sagði í gær af sér sem starfsmannastjóri Hvíta hússins í Washington. Joshua Bolten, sem verið hefur yfirmaður fjárlagadeildar, hefur tekið við embættinu. Reiknað er með að Karl Rove, einn helsti stjórnmálaráðgjafi forsetans, þurfi einnig að taka pokann sinn.

Erlent 29.3.2006 08:59

Ætla að birta fleiri myndir frá Abu Ghraib

Bandarísk stjórnvöld ætla að gera ljósmyndir sem sýna bandaríska hermenn kvelja fanga í Abu Ghraib fangelsinu í Bagdad, opinberar. Frá þessu greindu Bandarísku borgararéttindasamtökin í morgun.

Erlent 29.3.2006 08:49

Rætt við bandarísku strandgæsluna um möguleika á samstarfi

Yfirmaður bandarísku strandgæslunnar, Thomas Collins, flotaforingi átti í gær fund með Georg Lárussyni forstjóra Landhelgisgæslunnar þar sem þeir ræddu möguleikana á nánari samvinnu þessara tveggja stofnana.

Innlent 29.3.2006 07:51

Engar athugasemdir við byggingu tónlistarhússins

Engar athugasemdir bárust við byggingu nýs tónlistar- og ráðstefnuhúss sem rísa mun í miðbæ Reykjavíkur. Þetta er meðal þess sem fram kom á aðalfundi Þróunarfélags miðborgarinnar sem lauk um kvöldmatarleytið.

Innlent 28.3.2006 22:23

Líðan sjómannsins sögð góð

Þyrla Landhelgisgæslunnar lenti með veikan sjómann á Reykjavíkurflugvelli á sjöunda tímanum í kvöld. Hann var sóttur í norskt selveiðiskip norður af Siglunesi en ekki var hægt að lenda fyrir norðan vegna veðurs. Sjómaðurinn, sem er sænskur, mun nú vera við góða heilsu.

Innlent 28.3.2006 21:12

Kadima spáð flestum sætum á ísraelska þinginu

Útgönguspár benda til þess að Kadima-flokkur Ehuds Olmerts, starfandi forsætisráðherra, hafi fengið flest þingsæti í kosningum sem fóru fram í Ísrael í dag. Flokkurinn mun því verða í oddaaðstöðu þegar kemur að því að mynda nýja stjórn.

Erlent 28.3.2006 21:06

Bannað að taka myndir í dómshúsum

Bannað verður að taka myndir í dómhúsum, samkvæmt nýju frumvarpi dómsmálaráðherra. Formaður Blaðamannafélagsins segir rétt að gjalda varhuga við þeirri sterku tilhneigingu að skerða athafnafrelsi fjölmiðla. Ekkert hafi komið fram sem réttlæti breytingar á lögum.

Innlent 28.3.2006 19:00