Fréttir

Góð afkoma Lauru Ashley

Gengi hlutabréfa í bresku tísku- og húsgagnakeðjunni Lauru Ashley hækkuðu um 16 prósent í gær eftir að greint var frá því að afkoma keðjunnar hfafi verið umfram væntingar. Stjórn eignarhaldsfélags fyrirtækisins ákvað í kjölfarið að greiða hluthöfum arð í fyrsta skipti í átta ár.

Viðskipti erlent 12.4.2006 12:40

Rússar skora á Írana að láta af kjarnorkuvinnslu

Íranar hafa færst skrefi nær atómsprengjunni eftir að þeir tilkynntu í gær að þeim hefði tekist að auðga úran. Rússar skoruðu á Írana í morgun að láta af kjarnorkuvinnslu sinni.

Erlent 12.4.2006 12:16

AFA krefst þess að vandi öldrunarheimila verði leystur strax

Aðstandendafélag aldraðra krefst þess að vandi öldrunarheimila verði tafarlaust leystur með hækkun daggjalda og hækkun launa ófaglærðra starfsmanna heimilanna. Ef lausn finnst ekki á launadeilu starfsmanna hefst vikulangt setuverkfall eftir níu daga.

Innlent 12.4.2006 12:13

Myndar líklega ekki ríkisstjórn fyrr en um miðjan maí

Romando Prodi, leiðtogi mið- og vinstrimanna á Ítalíu, segist líklega ekki getað myndað nýja ríkisstjórn fyrr en um miðjan maí þegar nýr forseti landsins hefur verið kosinn. Hann hafnar algjörlega tillögu Silvios Berlusconi, forsætisráðherra og leiðtoga hægrimanna, um myndun samsteypustjórnar.

Erlent 12.4.2006 12:05

Nasdaq stærsti hluthafi í LSE

Gengi hlutabréfa í kauphöllinni í Lundúnum (LSE) í Bretlandi hækkuðu um 14 prósent í morgun eftir að Nasdaq-markaðurinn greindi frá því eftir lokun markaða í New York í Bandaríkjunum í gær að hann hefði keypt 14,99 prósent í LSE og væri orðinn stærsti hluthafi hennar.

Viðskipti erlent 12.4.2006 11:52

4500 undirskriftum hefur verið safnað í Reykjanesbæ

Tæplega 4.500 manns styðja Séra Sigfús B. Ingvason í embætti sóknarprests í Keflavík og verður undirskriftarlistinn afhentur dóms- og kirkjumálaráðherra í dag.

Innlent 12.4.2006 11:02

Lífeyrisgreiðslur TR 19 milljarðar króna

Lífeyrisgreiðslur Tryggingastofnunar (TR) til ellilífeyrisþega nema 19 milljörðum króna á þessu ári samkvæmt fjárlögum. Í Vefriti fjármálaráðuneytisins kemur fram að greiðslur Tryggingastofnunar á hvern ellilífeyrisþega hafi hækkað um tæp 80 prósent á á árabilinu 1995 til 2005 en á sama tímabili hækkaði vísitala neysluverðs um 41 prósent.

Viðskipti innlent 12.4.2006 10:44

Verðmunur á bensínlítra allt að 13 krónur

Allt að sex hundruð króna verðmununur var á því í morgun að fylla bensíngeymi á meðal fólksbíl, eftir því hvar bensínið var keypt og verðmunur á lítra fór upp í þrettán krónur. Hækkandi bensínverð hefur lyft verðbólgunni yfir fimm prósent, samkvæmt nýrri vísitölu neysluverðs.

Innlent 12.4.2006 09:45

TM gerir tilboð í norskt tryggingafélag

Tryggingamiðstöðin hf. hefur lagt fram formlegt kauptilboð í NEMI að fjárhæð 62,5 norskar krónur á hlut. Kaupverðið er greitt í reiðufé, að því er fram kemur í tilkynningu til kauphallarinnar. Tryggingamiðstöðin hefur þegar aflað sölusamþykkis meira en 2/3 hluthafa í félaginu.

Viðskipti innlent 12.4.2006 10:20

Áframhaldandi árásir í Bagdad

Þrír óbreyttir borgarar og einn lögreglumaður létust þegar sprengja sprakk nærri lögreglubíl í norðurhluta Bagdad-borgar í morgun. Þá særðust þrír lögreglumenn til viðbótar og einn vegfarandi.

Erlent 12.4.2006 09:34

SAS Braathens býður þrjár milljónir flugmiða á útsölu

SAS Braathens hefur gripið til þess ráðs að bjóða þrjár milljónir flugmiða á útsölu um páskana til að lokka aftur til sín viðskiptavini eftir verkfall flugmanna á dögunum.

Erlent 12.4.2006 08:56

Nýi Baldur ekki enn kominn til landsins

Nýi Baldur er ekki enn kominn til landsins en til stóð að hann hæfi siglingar yfir Breiðarfjörð í dag. Skipið hefur lent í vonsku veðri á heimleiðinni og verður ekki á móts við Færeyjar fyrr en undir kvöld. Hugsanlega verður dokað þar eitthvað við þar sem spáð er stormi á suðausuturmiðum.

Innlent 12.4.2006 08:13

Nagladekkin af, á með sumardekk

Á laugardag eiga allir bifreiðaeigendur að vera búnir að skipta nagladekkjunum út fyrir sumardekk. Frá og með 15. apríl er ólöglegt að keyra um á nagladekkjunum og geta þeir sem það gera átt von á að vera sektaðir fyrir en sekt vegna aksturs á negldum hjólbörðum er 5000 krónur. Nagladekkin má svo setja aftur undir bílana 31. október

Innlent 12.4.2006 08:08

Verðbólga orðin 5,5 prósent á ársgrundvelli

Verðbólga í landinu er nú 5,5 prósent ársgrundvelli samkvæmt tölum Hagstofunnar sem birtar voru í morgun. Vísitala neysluverðs mælist nú 255,2 stig og hækkaði um 1,14 prósent frá fyrra mánuði. Verðbólga hefur ekki mælst hærri í fjögur ár.

Innlent 12.4.2006 09:19

57 manns féllu í sjálfsmorðssprengjuárás

Að minnsta kosti fimmtíu og sjö manns féllu þegar tvær sjálfsmorðssprengjuárásir voru gerðar í suðurhluta Pakistans á mánudag. Fjöldi súnnía var saman kominn til bænastundar þegar árásirnar voru gerðar. Þá særðust fjölmargir í árásunum og er óttast að tala látinna eigi eftir að hækka. Hryðjuverkaárásum hefur fjölgað mikið í Pakistan síðan landið gerðist bandamaður Bandaríkjanna eftir árásirnar á New York og Washington þann 11. september árið 2001.

Erlent 12.4.2006 08:03

Ökumaður slasast í bílveltu

Ökumaður slasaðist og farþegi skrámaðist þegar bíll valt skammt frá Blönduósi í gærkvöld. Ökumaðurinn var fluttur með sjúkrabíl á sjúkrahúsið á Akureyri þar sem gert var að sárum hans. Hálka var á veginum og er slysið rakið til hennar. Víða um land er einhver hálka, sem ökumenn þurfa að gæta sín á þegar halda skal í ferðalög um páskana.

Innlent 12.4.2006 08:06

100 kvennakórskonur á leið til Kúbu

Um 100 söngkonur í Léttsveit Reykjavíkur munu leggja land undir fót eftir Páska og halda til Kúbu þar sem þær munu koma fram á alþjóðlegu kóramóti.

Innlent 11.4.2006 23:43

Vilja fella niður skatta af styrkjum

Fjórir þingmenn stjórnarandstöðunnar hafa lagt fram lagafrumvarp um að styrkir úr sjúkra- og styrktarsjóðum stéttarfélaga verði ekki lengur skattskyldir. Fram hefur komið að nær ellefu þúsund einstaklingar greiddu rúmar tvöhundruð og sextíu milljónir króna í skatta af sjúkrastyrkjum árið 2004.

Innlent 12.4.2006 07:58

Prodi hafnar tillögu Berlusconis

Romano Prodi, leiðtogi mið- og vinstrimanna á Ítalíu, hafnaði í gær tillögu Silvios Berlusconis, forsætisráðherra og leiðtoga fylkingar hægrimanna, um myndun samsteypustjórnar. Berlusconi hefur neitað að játa sig sigraðan fyrr en atkvæði hafa verið endurtalin en vinstri fylking Prodis hlaut meirihluta í báðum deildum þingsins. Munurinn gæti þó ekki hafa verið minni í efri deildinni

Erlent 12.4.2006 07:56

Sjálfstæðisflokkur tvöfaldar fylgi sitt í Árborg

Sjálfstæðisflokkurinn tvöfaldar fylgi sitt í Árborg frá síðustu sveitarstjórnarkosningum og næði hreinum meirihluta samkvæmt nýrri skoðanakönnun NFS. Samfylkingin hrapar hinsvegar úr rúmum 40 prósentum niður í rúm tuttugu og fylgi Framsóknarflokksins lækkar úr 28 prósentum niður í 18 prósent. Vinstri grænir bæta heldur við sig, en næðu ekki inn manni og fylgi Frjálslynda flokksins er vart mælanlegt.

Innlent 12.4.2006 07:49

Íranar farnir að auðga úran

Íranar eru farnir að auðga úran til framleiðslu á kjarnorkueldsneyti fyrir raforkuver landsins. Forseti landsins staðfesti þetta í sjónvarpsávarpi í gær. Donald Rumsfeld, varnarmálráðherra Bandaríkjanna, sagði Írana vera á rangri leið og leitað yrði allra leiða til að stöðva þá í áætlunum sínum.

Erlent 12.4.2006 07:41

Kína gerir tilslakanir gagnvart Bandaríkjunum

Kína hefur gert nokkrar viðskiptatilslakanir gagnvart Bandaríkjunum nú skömmu áður en að forseti landsins, Hu Jintao, heimsækir Bandaríkin í næstu viku. Yfirvöld í Peking hafa afnumið innflutningsbann á bandarísku nautakjöti og gert bandarískum fyrirtækjum auðveldara að bjóða í samninga á vegum ríkissins.

Erlent 12.4.2006 07:59

Sýkti svanurinn ef til vill á leið til Íslands

Svanurinn, sem fannst dauður í Skotlandi á dögunum, og var síðar greindur með fuglaflensuveiru af gerðinni H5N1, var ef til vill á leið til Íslands að sögn Martins Fowlie, hjá breska fuglafræðifélaginu. Frá þessu greinir fréttastofan BBC. Um var að ræða álft en ekki hnúðsvan eins og haldið var fram í fyrstu.

Erlent 12.4.2006 07:26

Blúshátíð í Reykjavík sett

Blúshátíð í Reykjavík var sett í dag og var söngkonan Andrea Gylfadóttir heiðruð við það tilefnið fyrir framlag sitt til blústónlistar.

Innlent 11.4.2006 22:39

Vilja sleppa skatti af sjúkrastyrkjum

Fjórir þingmenn stjórnarandstöðunnar hafa lagt fram lagafrumvarp um að styrkir úr sjúkra- og styrktarsjóðum stéttarfélaga verði ekki lengur skattskyldir. Fram hefur komið að nær ellefu þúsund einstaklingar greiddu rúmar 260 milljónir króna í skatta af sjúkrastyrkjum árið 2004.

Innlent 11.4.2006 21:30

Öflugra og hagkvæmara fjölþjónustunet

Og Vodafone hefur tekið í notkun MetroNet; nýja kynslóð af fjölþjónustuneti sem sameinar flutning á tali, mynd og gögnum yfir eina tengingu til fjölda starfsstöðva fyrirtækja. MetroNetið, sem hentar öllum gerðum fyrirtækja, er ný kynslóð gagnatenginga sem er bæði tæknilega fullkomnari, hagkvæmari og einfaldari en hefðbundnar tengingar. Flutningshraði netsins er frá 512 kb/s og upp í 1.000 Mb/s.

Innlent 11.4.2006 21:30

Holtasóley verður þjóðarblóm

Ekkert virðist nú geta komið í veg fyrir að holtasóley verði valin þjóðarblóm Íslendinga. Landbúnaðarnefnd Alþingis hefur mælt með því við þingheimur samþykki þingsályktunartillögu í þessa veru.

Innlent 11.4.2006 20:58

Byggja björgunarmiðstöð

Björgunarsveit Hafnarfjarðar og Slysavarnadeildin Hraunprýði gengu í gær frá viljayfirlýsingu við Hafnarfjarðarbæ um uppbyggingu björgunarmiðstöðvar í bænum.

Innlent 11.4.2006 20:29

29 manns ákærðir vegna hryðjuverkanna í Madríd

Tuttugu og níu voru í dag ákærðir vegna hryðjuverkanna í Madríd í mars árið 2004. Aðstandendur fórnarlamba árásanna gagnrýna ákærurnar og segja þær hroðvirknislega unnar.

Erlent 11.4.2006 20:25

Staðráðnir í halda áfram auðgun úrans

Íran hefur nú bæst í hóp þeirra þjóða sem hafa yfir kjarnorkutækni að ráða og Íranar eru staðráðnir í að halda áfram auðgun úrans. Þetta sagði Íransforseti í dag. Bandaríkjastjórn segir að ef fram fari sem horfi þurfi að ræða næstu skref í kjarnorkudeilunni í Öryggisráði Sameinuðu þjóðanna.

Erlent 11.4.2006 20:20