Fréttir

Tekinn á 208 km hraða

Lögreglan í Keflavík stöðvaði ökumann á Reykjanesbraut í nótt eftir að bíll hans hafði mælst á tvö hundruð og átta kílómetra hraða og próflausir guttar stútuðu meðal annars brunahana í Þorlákshöfn svo upp kom gosbrunnur.

Innlent 13.10.2005 19:34

Samningur undirritaður við Breta

Forstjóri Landhelgisgæslunnar, Georg Lárusson, skrifaði nýlega undir endurnýjun á tvíhliða samningi við Bresku sjómælingarnar (UKHO). Þar var m.a. bætt við samþykkt um að Ísland gangi til liðs við IC-ENC (International Centre for ENCs) og að IC-ENC sjái um dreifingu á rafrænum sjókortum fyrir Sjómælingar Íslands sem eru deild innan Landhelgisgæslunnar.

Innlent 13.10.2005 19:35

Sharm el-Sheik: Ekki Pakistanar

Pakistanar voru ekki viðriðnir hryðjuverkin í Sharm el-Sheik. Þetta sögðu talsmenn egypskra yfirvalda í morgun og vísuðu þar með á bug fregnum um að hópur pakistanstra hryðjuverkamanna tengdist árásunum sem kostuðu nærri því níutíu manns lífið um helgina.

Erlent 13.10.2005 19:34

Skorinn á háls í skemmtiferðaskipi

TF-LIF þyrla Landhelgisgæslunnar var í fyrrinótt kölluð að skemmtiferðaskipinu Sea Rose sem var á siglingu norður af landinu. Þyrlan var kölluð út til að sækja mann sem misst hafði mikið blóð eftir að hafa verið skorinn á háls í ryskingum um borð.

Innlent 13.10.2005 19:35

Einn árásarmanna var Egypti

Rannsóknarlögregla í Egyptalandi hefur borið kennsl á einn sjálfsmorðssprengjumannanna sem frömdu hryðjuverkaárásina í ferðamannabænum Sharm-el-Sheik við Rauðahaf í lok síðustu viku. Kvað hann vera Egypti að nafni Youssef Badran sem hafi verið í slagtogi við íslamskan öfgahóp. Egypska lögreglan tók í gær tugi manna til viðbótar til yfirheyrslu.

Erlent 13.10.2005 19:35

Fólksfjölgun í Reykjanesbæ

Íbúum í Reykjanesbæ hefur fjölgað um meira en 2,3 prósent frá áramótum og er íbúafjöldi bæjarins kominn yfir 11.200 manns. Þetta er þrátt fyrir að nýtt Tjarnarhverfi sé enn í byggingu og þangað séu fáir fluttir inn.

Innlent 13.10.2005 19:35

17 ný tilfelli af sjúkdóminum

Alls hafa nú 19 látist og 17 ný tilfelli greinst af dularfulla sjúkdóminum sem herjað hefur á bændur í suðurhluta Kína að undanförnu. Alls hafa 80 verið greindir með sjúkdóminn, sem hefur þó ekki fengið nafn, en allir virðast bændurnir hafa slátrað veikum svínum á undanförnum vikum.

Erlent 13.10.2005 19:34

Leyfi mótmælenda afturkallað

Prestseturssjóður hefur afturkallað leyfi mótmælenda við Kárahnjúka til að hafa lengur tjaldbúðir en sjóðurinn hefur yfirráð með landinu á þeim slóðum. Er þetta gert að beiðni Sýslumanns á Seyðisfirði í ljósi þess að mótmælendurnir hafi ekki farið fram með friðsamlegum hætti.

Innlent 13.10.2005 19:35

Yngsta eyja í heimi

Fjölmargir fræðingar telja lífríki á Surtsey einstakt rannsóknarefni vegna sérstöðu eyjarinnar og nú fyrir skemmstu lauk leiðangri lífræðinga á vegum Náttúrufræðistofnunar í eyjunni. En hvað er svona sérstakt við þessa eyju?</font />

Innlent 13.10.2005 19:35

Átök við Kárahnjúka í nótt

Til átaka kom á milli lögreglumanna og mótmælenda við Kárahnjúka í nótt og voru tveir útlendingar handteknir og færðir í fangageymslur á Egilsstöðum. Mótmælendur reyndu að tefja fyrir farartækjum verktaka og eftir því sem fréttastofan kemst næst unnu þeir skemmdarverk á farartæki.

Innlent 13.10.2005 19:34

Felldu nýgerðan kjarasamning

Flugumferðarstjórar felldu nýgerðan kjarasamning við ríkið í atkvæðagreiðslu. Fjörutíu og níu voru honum andvígir en fjörutíu og tveir fylgjandi. Ekki liggur fyrir hvort flugumferðarstjórar ætli að undirbúa verkfallsaðgerðir í ljósi þessara úrslita.

Innlent 13.10.2005 19:34

Brjálaðar ömmur vilja í herinn

Brjáluðu ömmurnar í Tucson létu til sín taka í rétti í dag. Þær heimta að fá að ganga í herinn.

Erlent 13.10.2005 19:35

Verður að efna ólöglega samninga?

Verður að efna ólöglega samninga og sleppa þeir sem þá gera við öll viðurlög ef þeim tekst að fela brotið nógu lengi? Að því spyr Kristinn H. Gunnarsson alþingismaður og vísar í niðurstöðu Fjármálaeftirlitsins í máli fyrrverandi framkvæmdastjóra hjá Sameinaða lífeyrissjóðnum. Sá fær tugi milljóna í vasann, þrátt fyrir að Fjármálaeftirlitið hafi úrskurðað samning þess efnis ólögmætan.

Innlent 13.10.2005 19:35

Discovery skal í loftið

Geimferjunni Discovery verður skotið á loft um hálfþrjú leytið í dag þó ekki hafi enn tekist að greina hvers vegna vandamál kom upp varðandi eldsneytistank þegar skjóta átti ferjunni á loft þann 13. júlí. Skynjari í eldsneytistanki bilaði þegar geimfararnir voru að ganga um borð og var þá hætt við geimskotið.

Erlent 13.10.2005 19:34

Enginn strætó í Fossvogsspítala

"Nú er búið að slípa þá fáu hnökra sem komu upp í gær," segir Ásgeir Eiríksson framkvæmdastjóri Strætó, nú þegar nokkur reynsla er komin á nýja leiðarkerfið. Fjölmargir hafa haft samband við Fréttablaðið og lýst skoðunum sínum á því og sýnist sitt hverjum.

Innlent 13.10.2005 19:35

8 ára drengur reyndi að kveikja í

Talið er fullvíst að tiltekinn átta ára drengur hafi reynt að kveikja í einbýlishúsi á Egilsstöðum í gær og eru nú viðeigandi aðilar að ræða við forráðamenn hans, enda er hann að sjálfsögðu ekki sakhæfur. Nágranni við húsið sá hvar mikill eldur logaði við útidyr hússins og náði að slökkva hann með handslökkvitæki, áður en slökkvilið kom á vettvang.

Innlent 13.10.2005 19:34

Ítalir óttast hryðjuverk

Mikill meirihluti ítölsku þjóðarinnar á von á að hryðjuverkaárás verði gerð í landinu í nánustu framtíð. Þetta kemur fram í könnun sem gerð var í kjölfar hryðjuverkaárásanna í London á dögunum.

Erlent 13.10.2005 19:35

Brunavörnum víða ábótavant

Brunavörnum á hótelum og veitingastöðum er mjög víða ábótavant. Þetta segir Bjarni Árnason á Hóteli Óðinsvéum en Samtök ferðaþjónustunnar og öryggisfyrirtækið Meton hafa gefið út forvarnarit til að bæta þar úr.

Innlent 13.10.2005 19:34

Dregur úr innbrotum á Nesinu

Samkvæmt upplýsingum frá Lögreglunni í Reykjavík hefur dregið verulega úr innbrotum á Seltjarnarnesi undanfarið, hvort sem litið er til fyrri ára eða hverfa í Reykjavík.

Innlent 17.10.2005 23:42

Lögreglumaður drap 2 og særði 4

Tveir féllu og fjórir eru sárir eftir að ríflega sextugur lögreglumaður á eftirlaunum gekk berserksgang í bænum Stade í Neðra-Saxlandi í Þýskalandi í gærkvöldi. Svo virðist sem harkalegt rifrildi milli mannsins og unnustu hans á miðri götu hafi vakið athygli vegfarenda sem reyndu að skakka leikinn. Þá dró maðurinn upp byssu og skaut á fólkið.

Erlent 13.10.2005 19:34

Tengsl milli hryðjuverka og Íraks

Kokhraustur Tony Blair blæs á kannanir sem sýna að almenningur telur tengsl á milli hryðjuverka í borginni og stríðsins í Írak. Rannsókn á árásunum heldur áfram og virðist lögreglan á hælum tilræðismannanna.

Erlent 13.10.2005 19:35

Flugherinn taki yfir varnarstöðina

Bandaríski sjóherinn og flugherinn eiga í viðræðum um að yfirráð yfir varnarstöðinni á Miðnesheiði verði færð frá sjóhernum til flughersins. Chris Usselman hjá varnarliðinu staðfesti þetta síðdegis.

Innlent 13.10.2005 19:35

Ellefu sóttu um hjá ÁTVR

Ellefu manns vilja verða forstjórar ÁTVR en Höskuldur Jónsson er að láta af því starfi. Umsóknarfrestur rann út í gær og veitir fjármálaráðherra embættið. Gert er ráð fyrir að nýr forstjóri taki við 1. september.

Innlent 13.10.2005 19:35

Engar skemmdir á brúnni

Vatnsflóðið í Jöklu náði að seytla yfir brúargólfið yfir ána í gærkvöldi líkt og í fyrrakvöld og var hún lokuð allri umferð. Engar skemmdir urðu á brúnni og nú er spáð heldur kólnandi veðri og er frekari hætta talin vera liðin hjá.

Innlent 13.10.2005 19:34

Enginn kannast við laxinn

Gunnar Steinn Gunnarsson framkvæmdastjóri laxeldisfyrirtækisins Salar Islandica á Djúpavogi segir ólíklegt að lax hafi sloppið úr kvíum fyrirtækisins í Berufirði. "Við erum með fjórtán kvíar og við könnuðum ástand þeirra um daginn. Allt reyndist vera í stakasta lagi," segir Gunnar Steinn.

Innlent 13.10.2005 19:35

Fjölmennt lið gerði húsleit

Átta manna lögreglulið frá Hvolsvelli og Selfossi og tveir úr sérsveit Ríkislögreglustjóra, ásamt fíkniefnahundi, gerðu húsleit á bæ í Rangárþingi ytra í gærkvöldi vegna gruns um fikniefnamisferli.Tveir íbúanna voru heima og voru þeir báðir handteknir eftir að fíkniefni af ýmsum gerðum fundust, ásamt bruggtækjum og slatta af landa. Auk þess var kannabisrækt í gangi.

Innlent 13.10.2005 19:35

2300 umsóknir um lóðir á Vatnsenda

Bæjarráð Kópavogs úthlutar lóðum á Vatnsenda á fimmtudag en rúmlega 2300 umsóknir bárust. Þeir umsækjendur sem ekki fá lóð núna fá líklega annað tækifæri fljótlega því Kópavogsbær stefnir að því að úthluta rúmlega þrjátíu lóðum til viðbótar á Vatnsenda.

Innlent 13.10.2005 19:34

Ellefu sóttu um

Ellefu sóttu um stöðu forstjóra ÁTVR en umsóknarfrestur rann út á mánudag. Höskuldur Jónsson núverandi forstjóri lætur af störfum 1. september næstkomandi.

Innlent 13.10.2005 19:35

Vargur lifir víða óáreittur

"Ég hef verið að fá fleiri minka í vor en dæmi eru um án þess að hafa aukið sóknina," segir Guðbrandur Sverrisson, sem eyðir dýrum fyrir þrjú sveitarfélög á Vestfjörðum. Hann segist lengst af hafa verið að fá um hundrað dýr á ári en hafi fengið 170 í fyrra og ef fram heldur sem horfir nær hann yfir tvö hundruð dýrum í ár.

Innlent 13.10.2005 19:35

Mikill taugatitringur fyrir skotið

Mikill taugatitringur var á Canaveral-höfða á Flórída í dag þegar niðurtalning fyrir flugtak geimskutlunnar Discovery hófst. Á þriðja tímanum síðdegis átti hún að taka á loft í fyrsta sinn frá því að geimskutlan Columbia fórst 2003 en líkurnar á stórslysi nú eru taldar einn á móti hundrað.

Erlent 13.10.2005 19:35