Fréttir

Vinna stöðvuð vegna mótmælenda

Öll vinna við byggingu álvers Alcoa við Reyðarfjörð hefur verið stöðvuð eftir að hópur mótmælenda fór inn á svæðið í morgun. Þeir hafa meðal annars strengt borða með áletruninni: „Alcoa græðir- Íslandi blæðir.“ Lögreglumenn frá Eskifirði og Neskaupstað eru á vettvangi og handtaka fólk, að sögn Björns S. Lárussonar, samskiptafulltrúa verktakans Bechtel.

Innlent 13.10.2005 19:37

Djöfulleg breyting fyrir aldraða

Ellilífeyrisþegi í Árbæ segir að með nýju leiðakerfi Strætó bs. sé í raun búið að gera ófært fyrir marga að taka strætisvagn þaðan og niður í bæ. Hann segir þetta einkum bitna á gamla fólkinu og fólki með skerta hreyfigetu. </font /></b />

Innlent 13.10.2005 19:37

Slasaður sjómaður sóttur nærri Vík

Björgunarsveitin Víkverji í Vík í Mýrdal var kölluð út klukkan ellefu í morgun til að sækja slasaðan sjómann um borð í bát sem staddur var rétt fyrir utan Vík. Björgunarsveitarmenn fóru á hjólabát ásamt lækni til að sækja manninn.

Innlent 13.10.2005 19:37

Í neðanjarðarbyrgi í 18 mánuði

Bandaríkjamenn hafa haldið tveimur Jemenum föngnum án ákæru í neðanjarðarbyrgi í átján mánuði, án þess að leyfa þeim að hafa nein samskipti við umheiminn. Þetta kemur fram í nýrri skýrslu frá mannréttindasamtökunum Amnesty International.

Erlent 13.10.2005 19:37

Al-Kaída hótar frekari árásum

Mikill viðbúnaður var hjá lögreglunni á lestarstöðum í London í gær, en frekari sprengjuárásum hafði verið hótað. Fjórar vikur eru liðnar síðan 52 létust í sjálfsmorðsprengingum í lestum og strætisvagni í London.

Erlent 13.10.2005 19:37

Heimatilbúnar sprengjur

Þeir sem stóðu að sjálfsmorðssprengingunum í London fyrir fjórum vikum notuðust við heimatilbúið sprengiefni, eftir því sem lögreglan í New York-borg segir.

Erlent 13.10.2005 19:37

Tvær systur ákærðar

Tvær systur, búsettar í Stockwell í Lundúnum, hafa verið ákærðar fyrir að veita ekki upplýsingar eftir sprengjutilræðið 21. júlí. Systurnar tvær, Yeshshiembet Girma, sem er 28 ára og Muluemebet Girma, 21 árs, munu mæta fyrir rétti í dag.

Erlent 13.10.2005 19:37

Hæsti tindurinn 2110 metrar

Hvannadalshnúkur á Öræfajökli, hæsti tindur landsins, er níu metrum lægri en áður var talið. Niðurstaða GPS- mælinga á honum er sú að hnúkurinn sé 2109,6 metra hár, en ekki 2119 metrar eins og lengst af var talið. Hann er þó enn hæsti tindur landsins.

Innlent 13.10.2005 19:37

Dag hvern slasast fimm aldraðir

Tæplega tveir þriðju allra slysa sem eldri borgarar urðu fyrir árið 2003 áttu sér stað á eða við heimili þeirra.

Innlent 13.10.2005 19:37

Rannsókn hætt í smyglmáli Hauks ÍS

Saksóknari í Bremerhaven hefur formlega hætt rannsókn á því hvernig töluvert magn kókaíns og hass komst um borð í Hauk ÍS fyrr á þessu ári. Tveir úr áhöfn skipsins voru handteknir í kjölfar leitar þýska tollsins um borð og játaði annar þeirrar að hafa tekið á móti tösku fyrir hönd þriðja manns í áhöfn.

Innlent 13.10.2005 19:37

Ekki í samstarfi við bæjaryfirvöld

Vestmannaeyjabær er ekki í samstarfi við kvikmyndagerðarmennina sem vinna að heimildamynd um Þjóðhátíð í Vestmannaeyjum. Í fréttum Stöðvar 2 var haft eftir einum forsvarsmanna myndarinnar að hún væri unnin í samstarfi við bæinn og að myndbrot þar sem Hreimi Heimissyni söngvara og Árna Johnsen lendir saman yrði ekki sýnt til að vernda Vestmannaeyjabæ.

Innlent 13.10.2005 19:37

Klifruðu upp í byggingarkrana

Þrettán mótmælendur voru handteknir eftir að þeir fóru inn á byggingarsvæði álvers Alcoa í Reyðarfirði á ellefta tímanum í gærmorgun. Stöðva þurfti framkvæmdir í fjórar klukkustundir vegna þessa.

Innlent 13.10.2005 19:37

Útvarpsráð mælti með Sigrúnu

Útvarpsráð mælti í morgun með því að Sigrún Stefánsdóttir verði ráðin forstöðumaður Rásar 2 og yfirmaður svæðisstöðva Ríkisútvarpsins.

Innlent 13.10.2005 19:37

Júlíus Vífill gefur kost á sér

Júlíus Vífill Ingvarsson ætlar að gefa kost á sér í prófkjöri sjálfstæðismanna fyrir borgarstjórnarkosningarnar næsta vor. Júlíus sagði í samtali við fréttastofu að fjöldi fólks hefði haft samband við hann síðustu daga og skorað á hann að snúa sér aftur að stjórnmálum en hann sat í borgarstjórn fyrir Sjálfstæðisflokkinn frá 1998 til 2002.

Innlent 13.10.2005 19:37

Óttast um afdrif manns

Lögreglan í Reykjavík kallaði út björgunarsveitir upp úr miðnætti þar sem óttast var um mann sem hafði sjósett smábát á Seltjarnarnesi fyrr um kvöldið og ekki sést síðan. Bíll hans og tómur bátavagn stóðu í fjöruborðinu og ekki náðist neitt samband við manninn.

Innlent 13.10.2005 19:37

Allt með kyrrum kjörum í London

Allt hefur verið með kyrrum kjörum í Lundúnum í morgun. Öryggisyfirvöld höfðu pata af því að hryðjuverkamenn hyggðu á árásir í dag en í dag eru nákvæmlega fjórar vikur síðan yfir fimmtíu manns létust í árásum á borgina.

Erlent 13.10.2005 19:37

Bærinn gæti boðið í reksturinn

Lúðvík Bergvinsson, forseti bæjarstjórnar Vestmannaeyjabæjar, útilokar ekki að bærinn bjóði í rekstur Vestmannaeyjaferju. Enn hafa þó engar ákvarðanir verið teknar í þeim efnum að hans sögn en málið verður skoðað.

Innlent 13.10.2005 19:37

Kapphlaup um jarðir í Kelduhverfi

Þrír forystumenn Húsavíkurbæjar hafa keypt jörðina Eyvindarstaði í Kelduhverfi og ætla að koma þar á fót sumarhúsabyggð. Lífsval ehf. á tvær jarðir í Kelduhverfi og sóttist einnig eftir Eyvindarstöðum með veiðiréttindi í Litluá í huga.

Innlent 13.10.2005 19:37

Skaut þrjá strætisvagnafarþega

Þrír eru látnir eftir að maður í búningi ísraelska hersins hóf skothríð um borð í strætisvagni í bænum Shfaram í Ísrael í dag. Lögregla segist hafa handtekið manninn á vettvangi.

Erlent 13.10.2005 19:37

Þyrlan sótti slasaðan sjómann

Skipverji á togaranum Akurey fékk þungt höfuðhögg þegar hann féll við vinnu sína undir kvöld í gær þar sem togarinn var staddur djúpt norðvestur af landinu. Óskað var eftir þyrlu Landhelgisgæslunnar sem sótti manninn og lenti með hann við Landspítalann um klukkan ellefu í gærkvöldi.

Innlent 13.10.2005 19:37

Frekari viðgerðir ekki nauðsyn

Ákveðið hefur verið að ekki sé nauðsynlegt að fara út í enn eina geimgönguna til að gera við hitateppi, undir glugga flugstjórnanda geimferjunnar Discovery, sem rifnaði þegar flauginni var skotið frá jörðu.

Erlent 13.10.2005 19:37

11 mótmælendur handteknir

Vinna við byggingu álvers Alcoa við Reyðarfjörð var stöðvuð í fjórar klukkustundir í dag eftir að hópur mótmælenda fór inn á svæðið. Þeir strengdu meðal annars borða með áletruninni „Alcoa græðir - Íslandi blæðir“ og klifruðu upp í byggingakrana. Lögreglumenn frá Eskifirði og Neskaupstað voru kallaðir á vettvang og handtóku ellefu mótmælendur.

Innlent 13.10.2005 19:38

Flugstjóranum að kenna?

Rannsókn flugslyssins í Toronto gæti tekið mörg ár að mati þeirra sem vinna að henni. Slysið var flugstjóranum að kenna, segir samgönguráðherra Kanada.

Erlent 13.10.2005 19:37

Segja hrefnuna skorta æti

Hrefnuveiðimenn hafa áhyggjur af holdafari hrenfunnar og óttast að hún hverfi jafnvel á önnur mið fái hún ekki næga fæðu hér við land. Vísindamenn segja að bíða verði með ályktanir uns niðurstöður fitumælinga liggi fyrir.

Innlent 13.10.2005 19:37

Tafir í nokkrar vikur enn

"Framkvæmdum miðar að öllu leyti samkvæmt áætlunum og ekkert stórvægilegt komið upp," segir Höskuldur Tryggvason hjá mannvirkjaskrifstofu framkvæmdasviðs Reykjavíkurborgar.

Innlent 13.10.2005 19:37

NATO tekur við að ári

Alþjóðleg hersveit undir stjórn NATO verður reiðubúin að taka við stjórn öryggismála í Afganistan á næsta ári, að sögn Gerhard Back hershöfðingja.

Erlent 13.10.2005 19:37

Allt að 4.010 þorskígildislestir

Sjávarútvegsráðuneytið gaf í dag út reglugerðir um stjórn fiskveiða á næsta fiskveiðiári. Þar kemur meðal annars fram að byggðakvóti verður allt að 4.010 þorskígildislestir. 37 sveitarstjórnir sóttu um byggðakvóta og eiga 32 þeirra kost á byggðakvóta vegna 41 byggðarlags.

Innlent 13.10.2005 19:37

Mest lesið