Fréttir

Fréttamynd

Semja ekki við ESB

Íranir höfnuðu í gær sáttaboði Evrópusambandsins. Mahmoud Ahmadinejad forseti Íran sagði felast í sáttatilögunni að Íran hefði ekki rétt til þess að auðga úran.

Erlent
Fréttamynd

Björgunaraðgerðum haldið áfram

Rússneska flotanum mistókst í nótt að draga dvergkafbátinn sem sökk á Kyrrahafi á grynnri sjó. Kafbáturinn er á 190 metra dýpi og það er of djúpt til þess að sjö manna áhöfnin geti yfirgefið hann og synt upp á yfirborðið. Rússar segja að þeir haldi björgunarstarfi áfram af fullum krafti en svo virðist sem þeir bindi vonir sínar við aðstoð frá Bandaríkjamönnum og Bretum.

Erlent
Fréttamynd

Robin Cook alvarlega veikur

Robin Cook, fyrrverandi utanríkisráðherra Bretlands, liggur alvarlega veikur á sjúkrahúsi eftir að hann hneig niður í fjallgöngu. Cook var að ganga á fjallið Ben Stack í Norðvestur-Skotlandi þegar hann veiktist og var hann fluttur með þyrlu á sjúkrahús í Inverness. Þar fóru fram lífgunaraðgerðir í 40 mínútur samkvæmt fréttavef <em>BBC</em>.

Erlent
Fréttamynd

Bretar og Bandaríkjamenn hjálpa

Breskir og bandarískir sjóliðar komu til Kamtjaska-skaga í gærmorgun með ýmsan búnað til að aðstoða við björgun rússnesks kafbáts sem strandaði á 190 metra dýpi út af skaganum á fimmtudaginn. Strandið bar til þegar netadræsa festist í skrúfu bátsins.

Erlent
Fréttamynd

Grunaður um ölvun

Karlmaður um tvítugt velti bíl sínum í Aðaldalshrauni á Norðausturvegi skammt sunnan Húsavíkur um klukkan sex í gærmorgun.

Innlent
Fréttamynd

Robin Cook látinn

Robin Cook, fyrrverandi utanríkisráðherra Bretlands, hné niður þegar hann var að ganga á fjallið Ben Stack í hálöndum Skotlands. Hann var sóttur með sjúkraþyrlu og flogið á spítala í Inverness þar sem hann lést í gær.

Erlent
Fréttamynd

Hæstbjóðandi stjórnar hljómsveit

Sinfóníuhljómsveitin í Birmingham í Bretlandi býður nú hæstbjóðanda að stjórna hljómsveitinni á æfingu. Uppboðið fer fram á uppboðssíðunni eBay á Netinu og er hæsta boð þegar komið yfir fimm þúsund pund, um 550 þúsund krónur. Innifalin er klukkustundar kennslustund hjá stjórnandanum, Sakari Oramo.

Erlent
Fréttamynd

Mannréttindi víkja fyrir öryggi

Tony Blair tilkynnti í gær að hann væri tilbúinn til þess að breyta lögum um mannréttindi til að bregðast við breyttum aðstæðum í Bretlandi vegna hryðjuverkaógnarinnar. Hertar aðgerðir voru boðaðar til að senda fólk úr landi eða neita því um aðgang, lofsyngi það eða hvetji til hryðjuverka.

Erlent
Fréttamynd

Ferðast til Pakistans

Nemendur og starfsmenn Borgarholtsskóla munu á morgun efna til táknræns hlaups, göngu eða hjólreiða í tilefni tíu ára afmælis skólans. Ætlunin er að ferðast til Pakistans í óeiginlegri merkingu, en markmiðið er að samanlagður kílómetrafjöldi sem lagður verður að baki verði jafn vegalengdinni í loftlínu á milli Íslands og Pakistan.

Innlent
Fréttamynd

Andri hættir hjá KEA

Framkvæmdastjóri KEA, Andri Teitsson, hefur sagt starfi sínu lausu af persónulegum ástæðum. Í tilkynningu frá KEA kemur fram að hann og kona hans eigi von á tvíburum auk þess sem þau eigi fyrir fjögur börn 8 ára og yngri svo Andri hyggst taka sér langt feðraorlof. Segir í tilkynningunni að þetta hefði leitt til þess að málefni KEA hefðu verið í biðstöðu um lengri tíma og það taldi stjórnin óheppilegt.

Viðskipti innlent
Fréttamynd

Fimm létust í tilræði í strætó

Maður hóf skothríð í strætisvagni í arabíska bænum Sfaram í Ísrael í gær með þeim afleiðingum að fjórir arabar féllu. Við það æstist múgurinn svo að hann drap manninn. Talið er að maðurinn hafi viljað mótmæla fyrirhuguðum brottflutningi gyðinga frá Gasasvæðinu og hluta Vesturbakkans.

Erlent
Fréttamynd

Síminn úr eigu ríkisins

Kaupsamningur milli ríkisins og nýrra eigenda að tæplega níutíu og níu prósentum hlutafjár í Símanum var undirritaður í Þjóðmenningarhúsinu í gær. Fyrirtækið

Innlent
Fréttamynd

Ekki þarf að gera við hitahlíf

Áhöfn geimskutlunnar Discovery hefur fengið þau skilaboð frá stjórnstöð NASA að ekki sé þörf á að gera við rifna hitahlíf á flauginni áður en haldið verður til jarðar. Engin hætta stafi af skemmdunum sem eru rétt fyrir neðan glugga stjórnklefa skutlunnar. George Bush, Bandaríkjaforseti hefur lýst yfir stuðningi við NASA vegna málsins en Discovery á að lenda í Flórída á mánudag.

Erlent
Fréttamynd

Yfir þúsund látnir í flóðum

Yfirvöld á Indlandi segja 1039 hafa farist í flóðum og aurskriðum vegna úrhellisrigninga í vesturhluta landsins undanfarið. Um 200 þúsund manns, sem neyddust til að flýja heimili sín, dvelja enn í flóttamannabúðum. Yfirvöld í Indlandi hafa verið harðlega gagnrýnd vegna ástandsins, þá sérstaklega vegna skólpkerfa sem náðu engan veginn að taka við vatnsflauminum.

Erlent
Fréttamynd

Risaflugfélag á Íslandsmarkað

"Þeir telja orðið að Ísland sé vænlegur og spennandi kostur enda sívaxandi áhugi á ferðum hingað til lands," segir Bolli Valgarðsson, talsmaður breska flugfélagsins British Airways hér á landi. Flugfélagið hyggst hefja reglulegar ferðir hingað til lands í mars á næsta ári og mun þá samkeppnin harðna til muna á þessari flugleið.

Innlent
Fréttamynd

Rannsaka tilkynningu um sprengju

Ítarleg rannsókn er nú hafin á því að fjarskiptamiðstöð Ríkislögreglustjóra barst í nótt tilkynning um sprengju í Leifsstöð og var allt viðeigandi lið kallað út til sprengjuleitar um klukkan hálffjögur. Þetta var svonefnd óljós tilkynning þannig að ekki var gripið til rýmingar heldur leitað skipulega á vissum svæðum og reynt að vekja ekki ótta fyrstu gesta morgunsins.

Innlent
Fréttamynd

Salmonellutilfellum fjölgar enn

Tilfellum vegna salmonellusýkinga fjölgar stöðugt á Spáni og eru staðfest tilfelli nú orðin yfir tólf hundruð talsins. Einn karlmaður á tíræðisaldri lést af völdum sýkingarinnar í gær en búið er að innkalla alla kjúklingana úr matvöruverslunum í landinu vegna málsins. Tilfellin eru öll rakin til kjúklinga frá matvælafyrirtækinu Sada á Spáni og hafa Spánverjar verið hvattir til að borða ekki kjúkling á næstu vikum.

Erlent
Fréttamynd

Tveir létust í flugslysi í Seattle

Tvær litlar flugvélar, önnur Cessna en hin sjóflugvél, rákust saman nálægt flugvelli í Seattle í Bandaríkjunum í morgun með þeim afleiðingum að sú fyrrnefnda hrapaði til jarðar. Báðir sem um borð voru létust en vélin lenti á skólabyggingu sem stóð auð vegna sumarleyfa. Sjóflugvélin lenti á flugvellinum og sakaði engan af þeim fimm sem um borð voru. Málið er í rannsókn.

Erlent
Fréttamynd

Skemmtiferðaskip í gleðigöngu

Gleðigangan eða Gay Pride heldur niður Laugaveg á morgun og var víða unnið að undirbúningi hennar í dag en nú standa yfir hinsegin dagar. Ýmis farartæki verða í göngunni og má þar nefna skemmtiferðaskip.

Innlent
Fréttamynd

Íranar skoða nýjar tillögur ESB

Evrópusambandið hefur lagt fram nýjar tilllögur til þess að reyna að fá Írana til þess að leggja kjarnorkuáætlun sína á hilluna. Í tillögunum, sem hafa ekki verið gerðar opinberar, er réttur Írana til framleiðslu kjarnorku viðurkenndur og auknu samstarfi ESB og Írans á sviði efnahagsmála heitið ásamt því sem Rússar og ESB bjóðast til að útvega Írönum orku.

Erlent
Fréttamynd

4000 tonna byggðakvóta úthlutað

Rúmlega fjögur þúsund tonna byggðakvóta verður úthlutað á næsta fiskveiðiári sem hefst þann fyrsta september. Rúmlega þrjú þúsund þorskígildistonnum verður úthlutað vegna hruns í skel- og innfjarðarrækjuveiðum. Sjávarútvegsráðherra kynnti reglugerðir vegna stjórnar fiskveiða á Akureyri í dag.

Innlent
Fréttamynd

Lánshæfismat ríkissjóðs óbreytt

Alþjóðlega matsfyrirtækið Fitch Ratings hefur tilkynnt að mat þess á lánshæfi ríkssjóðs sé óbreytt. Lánshæfieinkunn ríkissjóðs gagnvart erlendum skuldum er því enn AA- og AAA gagnvart skuldum í innlendri mynt.

Viðskipti innlent
Fréttamynd

Sérferð eftir umhverfisráðherra

Enginn aukakostnaður hlaust af því fyrir Landhelgisgæsluna að sækja Sigríði Önnu Þórðardóttur, umhverfisráðherra, upp á Holtavörðuheiði til að hún gæti fengið að fylgjast með uppsetningu á mælitækjum þeim er notuð voru til að mæla hæð Hvannadalshnjúks.

Innlent
Fréttamynd

Blaðamaður ákærður fyrir njósnir

Kínversk yfirvöld hafa ákært blaðamanninn Ching Cheong frá Hong Kong fyrir að njósna fyrir Taívan. Cheong, sem starfaði fyrir Singapore Straits Times í Kína, hefur verið í haldi frá því síðla aprílmánaðar, en hann er sakaður um að hafa keypt viðkvæmar upplýsingar um Kína fyrir taívönsku leyniþjónustuna frá árinu 2000 þar til í mars á þessu ári.

Erlent
Fréttamynd

Svala var komin á kaf

"Það var ekki annað að gera en að fara með hana í næstu höfn," segir Finnbogi Ólafsson, stýrimaður á Ársæli, sem dró skútuna Svölu til lands en hún var komin hálf á kaf í fyrrinótt. Þá brá áhöfnin á Ársæli á það ráð að koma henni til hafnar í Þorlákshöfn og voru þeir komnir þangað um klukkan þrjú í fyrrinótt.

Innlent
Fréttamynd

Yfir þúsund hafa látist

Ráðamenn í suðvesturhluta Indlands segja að yfir þúsund hafi látist í flóðum og aurskriðum á svæðinu undanfarnar vikur. Monsúnrigningarnar geisa nú og hefur úrkoma mest mælst 940 millimetrar á einum sólarhring, með þeim afleiðingum að götur borga og bæja hafa breyst í beljandi stórfljót og engi í stöðuvötn.

Erlent
Fréttamynd

Gistinóttum fjölgar um 8 prósent

Gistinóttum á hótelum í júní fjölgaði um átta prósent frá því í júní í fyrra og urðu nær 122 á landinu öllu. Hlutfallslega varð aukningin mest á Suðurnesjum, Vesturlandi og Vestfjörðum en í þessum landshlutum fjölgaði þeim um rösklega tvö þúsund. Þeim fjölgaði hins vegar um rúmlega átta þúsund í Reykjavík þótt prósentuhækkunin sé lægri en á fyrrnefndu svæðunum. Á Austurlandi fjölgaði þeim um þrjú prósent en gistinóttum í júní fækkaði hins vegar um fjögur prósent á Norðurlandi og um ellefu prósent á Suðurlandi.

Innlent

Mest lesið