Rætt við Philip Green og Alchemy um kaup á Mosaic Fashion

Derek Lovelock forstjóri Mosaic Fashion hefur átt viðræður við bæði fjárfestingarfélagið Alchemy og breska auðjöfurinn sir Philip Green um sölu á Mosaic Fashion. Þetta kemur fram í frétt á Reuters í dag.

Asíubréf á uppleið áttunda daginn í röð

Hlutabréf á Asíumörkuðum hækkuðu í morgun, áttunda daginn í röð og er þar með um lengstu samfelldu hækkun bréfa þar í álfu að ræða síðan árið 2004.

Segja lausafé Mosaic vera að þurrkast upp

Mosaic sem meðal annars rekur verslanir Karen Millen, Oasis og Principles hefur hafið viðræður við lánadrottna félagsins. Það er The Sunday Times sem segir frá þessu í dag.

Rafmagnsbíll Mitsubishi á íslenskum þjóðvegum

Japanski bílaframleiðandinn Mitsubishi ætlar að gera íslendingum kleift að keyra MiEV rafmagnsbílinn sinn fyrstir allra í komandi framtíð. Þannig ætlar bílaframleiðandinn að hjálpa íslendingum að ná takmarki sínu um að vera lausir við jarðefnaeldsneyti árið 2050.

Bresk stjórnvöld kynna aðgerðaráætlun á vinnumarkaði

Bresk stjórnvöld hyggjast nota 10 milljarða punda á þessu ári til að efla atvinnulífið í landinu. Þetta kom fram í máli Gordons Brown, forsætisráðherra Bretlands, í viðtali við breska ríkisútvarpið, BBC

Forbes segir eignir Björgólfs engar

Björgólfur Guðmundsson situr í fjórða sæti á lista Forbes viðskiptatímaritsins yfir þá sem tapað hafa mest á árinu. Eignir hans voru metnar á 1,1 milljarð badaríkjadala í mars á síðasta ári en eignir hans nú eru sagðar núll.

Þurfa að leita nýrra leiða til að bjarga fjármálamörkuðum

Bresk stjórnvöld verða væntanlega að grípa til nýrra aðgerða til að koma þarlendum fjármálamörkuðum til bjargar. Þrátt fyrir margra milljarða punda innspýtingu á síðasta ári hafa breskir bankar haldið áfram að draga úr útlánum.

Markaðir í Evrópu byrja vel á nýju ári

Evrópsk hlutabréf hækkuðu víðast hvar í verði á fyrsta viðskiptadegi ársins. FTSEurofirst 300 vísitalan sem nær yfir alla Evrópu hækkaði um 2,6 prósent í dag en hún hafði fallið um heil 44 prósent árið 2008. Helsta skýring þessa er hækkandi verð á fyrirtækjum í orkugeiranum og félög á borð við BP, Shell og Total fóru upp um 4,2 og 5,1.

400 gætu misst vinnuna hjá Bakkavör

Bakkavör hefur uppi áform um að endurskipuleggja rekstur sinn í Lincolnshire á Englandi þar sem félagið rekur þrjú matvælaframleiðslufyrirtæki. Um 400 manns gætu misst vinnuna að því er segir í frétt BBC um málið.

Icelandair sló SAS við í dönsku ríkisútboði

Icelandair sló SAS við í útboði danska fjármálaráðuneytisins á flugi á vegum danska ríkisins. Á flugleiðinni Kaupmannahöfn til New York var Icelandair með hagstæðasta tilboðið fyrir danska ríkið.

Bréf hækkuðu í Asíu fyrsta viðskiptadag ársins

Hlutabréf hækkuðu í verði víðast hvar í Asíu í morgun og urðu mestu hækkanirnar hjá fjarskiptafyrirtækjum.

Tchenguiz tapaði 120 milljörðum á hruni bankanna

Auðkýfingurinn Robert Tchenguiz, sem er stjórnarmaður í Exista, tapaði gífurlegum upphæðum á hruni íslenska bankakerfisins eða rúmlega 120 milljörðum kr. Þetta kemur fram í yfirliti breska blaðsins The Times um þá bresku auðmenn sem tapað hafa mestu á fjármálakreppunni þar í landi.

West Ham í greiðslustöðvun ef það selst ekki

Fari svo að Björgólfi Guðmundssyni takist ekki að selja West Ham fótboltaliðið fyrir sjötta mars næstkomandi eru allar líkur á að liðið verði sett í greiðslustöðvun. Þetta kemur fram í breska blaðinu The Guardian í dag. Það gæti haft alvarlegar afleiðingar fyrir liðið.

Hráolíuverð rauk upp á Gamlársdag

Heimsmarkaðsverð á hráolíu hækkaði um rúm fjórtán prósent á bandarískum fjármálamörkuðum í gær, Gamlársdag. Rússneska ríkisorkufyrirtækið Gazprom á nokkurn þátt í þróun mála en verðið rauk upp eftir að það skrúfaði fyrir gasleiðslur til Úkraínu. Hætt er við að það geti valdið gasskorti í Evrópu.

Slóvakar taka upp evru

Slóvakar tóku upp evru í dag og varð landið þar með sextánda aðildarríki myntbandalags Evrópusambandsins. Robert Fico, forsætisráðherra Slóvakíu, var einn af fyrstu landsmanna til að meðhöndla nýja gjaldmiðilinn þegar hann tók hundrað evrur út úr hraðbanka í þinghúsinu.

Mesta hrun síðan í kreppunni miklu

Öfgakennt hrun markaða á þessu ári endurspeglast glöggt í yfirliti yfir árssveiflu markaðsvísitölu Standard og Poor‘s í Bandaríkjunum, en þar eru til óslitin markaðsgögn allt frá árinu 1825.

Vangaveltur um að Magasin komist í eigu íslenska ríkisins

Viðskiptablaðið Börsen skrifar í dag frétt þar sem því er velt upp hvort að flaggskskip danska verslunargeirans, Magasin du Nord og Illum, komist bráðlega í eigu íslenska ríkisins.

Rýrnun hlutabréfa á árinu 30.000 milljarðar dollara

Hlutabréf hækkuðu á Asíumörkuðum í morgun í kjölfar væntinga um að ríkisstjórnir heimsins muni grípa til aðgerða til bjargar efnahagslífinu á nýju ári.

Debenhams í Bretlandi berst í bökkum

Verslunarkeðjan Debenhams á Bretlandseyjum, sem er að hluta til í eigu Baugs, á nú í töluverðum erfiðleikum vegna fjárhagsstöðu sinnar. Fjallað er um málið í Financial Times í dag og þar segir að keðjan verði að útvega sér nýtt fjármagn til að létta á skuldastöðu sinni.

Danir ásaka Norðmenn um undirboð á þorskmarkaði

Verð á þorski hefur fallið um 20% á Evrópumörkuðum á skömmum tíma og þetta hefur leitt til þess að Danir ásaka nú Norðmenn um undirboð á markaðinum.

Lækkanir á Wall Street

Lætin í Mið-Austurlöndum höfðu sín áhrif á hlutabréfamarkaðinn á Wall Street í dag. Fjárfestar voru þannig minntir á að markaðir eru viðkvæmir.

Actavis semur við bandarísku Matvæla- og lyfjastofnunina

Actavis í Bandaríkjunum hefur samið við bandarísku Matvæla- og lyfjastofnunina (FDA) um framhald á lyfjaframleiðslu hjá Actavis Totowa í New Jersey. Þar með fellur FDA frá beiðni um lögbann á framleiðslu lyfja hjá Actavis Totowa, sem sagt var frá um miðjan síðasta mánuð.

Pundið að nálgast evruna

Breska sterlingspundið hefur aldrei verið lægra gagnvart evrunni en slæmar efnahagshorfur á Englandi hafa að undanförnu sett aukinn þrýsting á gjaldmiðilinn. Þetta kemur fram í frétt breska ríkisútvarpsins, BBC, en eitt pund er nú á við 1,029 evrur og stefnir í að gjalmiðlarnir verði jafnverðmiklir á næstu dögum haldi þróunin áfram.

OR tryggir sér 5 milljarða kr. með skuldabréfaútgáfu

Orkuveita Reykjavíkur hefur, fyrir milligöngu Landsbanka Íslands, tryggt sér 5 milljarða króna með útgáfu nýs skuldabréfaflokks.

Átökin á Gaza valda hækkunum á olíu og gulli

Átökin á Gaza hafa valdið því að heimsmarkaðsverð á olíu og guli hefur farið hækkandi í morgun. Fjárfestar flýja nú í örugg skjól með fé sitt því þeir óttast að allt fari í bál og brand á Gazasvæðinu og að slíkt muni smita út frá sér um allan heim.

Darling óttast ekki málsókn Íslendinga

Alistair Darling, fjármálaráðherra Bretlands, hefur engar áhyggjur af fyrirhugaðri málsókn íslenskra stjórnvalda gegn breskum. Þetta kemur fram í Financial Times í dag þar sem m.a. er greint frá löggjöf þeirri sem samþykkt var á Alþingi rétt fyrir jólin sem gefur heimild til málsóknarinnar.

Tæplega 14.000 uppsagnir í danska byggingargeiranum

Þeir eru 13.600, starfsmenn danskra byggingarverktaka sem fengið hafa í hendur uppsagnarbréf síðastliðna sex mánuði. Ef miðað er við hefðbundinn þriggja mánaða uppsagnarfrest er ljóst að stór hópur er þegar orðinn atvinnulaus en margir vinna enn uppsagnarfresti sína.

Skuldum Baugs við bankana hugsanlega breytt í hlutafé

Financial Times greinir frá því á vefsíðu sinni að íslenska ríkið íhugi nú að leysa til sín eignarhluti Baugs í nokkrum af þekktustu verslanakeðjum Bretlands, eins og House of Fraser og Hamleys. Samkvæmt fréttinni yrði skuldum Baugs við gömlu bankana þrjá breytt í hlutafé í eigu íslenska ríkisins.

Bréf hækka á Asíumörkuðum

Hlutabréf á Asíumörkuðum hækkuðu í verði í morgun, meðal annars í kjölfar frétta af sameiningu ýmissa fyrirtækja.

Þriggja prósenta samdráttur á milli ára hjá Baugi í Bretlandi

Forsvarsmenn Baugs reikna með því að fyrirtæki þeirra í Bretlandi muni skila þriggja prósenta minni hagnaði fyrir afskriftir og skatta en í fyrra. Þetta staðfesti Jón Ásgeir Jóhannesson, stjórnarformaður Baugs í samtali við Vísi.

200 verslunum Woolworths lokað

200 af rúmlega 600 verslunum bresku verslanakeðjunnar Woolworths verður lokað í dag. Forsvarsmenn fyrirtækisins óskuðu eftir greiðslustöðvun í nóvember en keðjan skuldar hátt í 385 milljónir punda.

Bönkum fækkar í kreppunni

13 danskir og 25 bandarískir bankar hafa horfið af sjónarsviðinu á árinu. Óttast er að fleiri séu í hættu á nýju ári.

Útsölurnar hafnar í Bretlandi

Jólaútsölur hófust í Bretlandi í dag. Biðraðir mynduðustu um miðja síðustu nótt og segist starfsfólk verslunar í Lundúnum aldrei hafa upplifað annað eins.

Verðfall á olíu dregur fleiri ríki inn í kreppu

Hríðlækkandi olíuverð á heimsmarkaði er líklegt til að draga enn fleiri ríki í hringiðu heimskreppunnar að mati sérfræðinga. Útlit er fyrir halla á fjárlögum í olíuveldinu Sádí Arabíu og niðursveiflu í Sameinuðu arabísku furstadæmunum.

Útsölurnar hefjast í Bretlandi í dag

Jólaútsölur í Bretlandi hefjast í dag. Neytendur tóku þó forskot á sæluna því útsölur hófust á aðfangadagskvöld á netinu.

Kakó ekki dýrara í 23 ár

Heimsmarkaðsverð á kakóbaunum hefur ekki verið hærra í 23 ár og hefur verðið hækkað um 70% á árinu. Súkkulaðiframleiðendur segja að hækkunin muni velta beint út í verðlagið og því má búast við verð á einni af vinsælustu sælkeravörunni muni hækka á umtalsvert á nýju ári.

Heimsmarkaðsverð á olíu aftur á niðurleið

Heimsmarkaðsverð á olíu er aftur á niðurleið eftir örskamma hækkun nú yfir jólin. Í gær lækkaði verðið um 10% og fór niður fyrir 35 dollara á tunnuna að nýju.

Fjárfestir fyrir aðalinn í Evrópu framdi sjálfsmorð

René-Thierry Magon de la Villehuchet, fjárfestir fyrir auðugustu aðals- og konungsfjölskyldur Evrópu framdi sjálfsmorð á skrifstofu sinni á Þorláksmessu.

Lítilsháttar hækkun á mörkuðum í Asíu

Þó markaðir séu víðast hvar lokaðir meðal annars í Evrópu og Bandaríkjunum vegna jólahátíðarinnar halda viðskipti áfram í Asíu.

Salan á Kaupþingi í Luxemborg í uppnámi eftir afsögn Leterme

Salan á Kaupþingi í Luxemborg er í uppnámi eftir afsögn Leterme forsætisráðherra Belgíu. Í ljós hefur komið að salan var skilyrt því að belgíska ríkisstjórnin veitti lán til kaupanna en það hafði Leterme ekki tekist að tryggja áður en hann neyddist til að segja af sér.

Helstu hlutabréfavísitölur lækkuðu á Wall Street

Markaðir á Wall Street lækkuðu í dag þótt ekki hefðu verið mikil viðskipti. Ástæðan er helst rakin til enn meiri lækkunar á húsnæðismarkaði.

Whittard býður mögulegum kaupendum í te

Hin virta te- og kaffiverslunarkeðja Whittard of Chelsea, sem er í eigu Baugs, á í viðræðum við breskt fjárfestingafélag um kaup á keðjunni. Frá þessu greinir Forbes tímaritið en ekki er uppgefið hverjir standa á bakvið félagið en leitt er að því líkum að fjárfestingafélagið sé í viðræðunum fyrir hönd einhvers samkeppnisaðila Whittard. Whittard er á leið í þrot og er gert ráð fyrir því að nýju eigendurnir kaupi keðjuna úr þrotabúinu.

Carnegie afskráð úr kauphöllinni í Stokkhólmi

Carnegie verður afskráð í dag úr kauphöllinni í Stokkhólmi.

Ekki lengur freyðandi sala á kampavíni

Salan á kampavíni er ekki lengur freyðandi. Fjármálakreppan í heiminum kemur við kaunin á kampavínsframleiðendum eins og flestum öðrum. Bara í október var salan 16,7% minni en í sama mánuði í fyrra.

Anno horribiles fyrir Danske Bank

Illvígur og þrálátur orðrómur um Danske Bank hefur gert 2008 að anno horribiles fyrir bankann sem hefur misst 75% af markaðsverðmæti sínu frá áramótum. Og þar sem bankinn hefur lengi verið flaggskip danska fjármálaheimsins hefur orðrómurinn smitað út frá sér.