Þurfa að leita nýrra leiða til að bjarga fjármálamörkuðum

3. janúar 2009 12:32

Gordon Brown forsætisráðherra Bretlands.

Bresk stjórnvöld verða væntanlega að grípa til nýrra aðgerða til að koma þarlendum fjármálamörkuðum til bjargar. Þrátt fyrir margra milljarða punda innspýtingu á síðasta ári hafa breskir bankar haldið áfram að draga úr útlánum.

Vandi breskra stjórnvalda er mikill og ljóst að þörf er á gríðarlega miklum fjármunum til að koma þarlendum fjármálamörkuðum til bjargar.

Bresk stjórnvöld þjóðnýttu þó nokkra banka á síðasta ári og kostuðu 37 milljörðum punda til þess - eða sem nemur rúmlega sex þúsund milljörðum króna miðað við núverandi gengi.

Verulega hafði dregið úr útlánum breskra banka og stóðu vonir til þess að aðgerðirnar myndu opna fyrir fjármálastreymi á ný.

Þetta hefur hins vegar ekki gengið eftir og ástandið einungis versnað þrátt fyrir þrýsting breskra stjórnvalda á bankana að opna fyrir útlán.

Alister Darling, fjármálaráðherra Bretlands, neyðist nú til að íhuga nýjar aðgerðist samkvæmt breska blaðinu The Times. Reiknað er með því ákvörðun liggi fyrir á næstu vikum en aðgerðirnar fela meðal annars í sér frekari lánveitingar til bankanna.

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.