Bylgja gjaldþrota skellur á verslunargeira Bretlands

Reiknað er með að bylgja af gjaldþrotum muni skella á verslunargeiranum í Bretlandi eftir áramótin. Jólaverslunin í ár er sú lélegasta í yfir 30 ár og fjármálakreppanm hefur komið verulega við kaunin hjá verslunareigendum landsins.

Íslenskir bankastjórar enn hafðir að háði og spotti

Financial Times hefur birt niðurstöðu sína um hver telst vera yfirborgaðasti fjármálamaður heimsins. Bankastjórar Íslensku bankanna komu sterklega til greina því þeim tókst ekki aðeins að reka banka sína í þrot heldur tóku heila þjóð með sér í fallinu.

Óljóst eignarhald setur framtíð FIH-bankans í hættu

FIH-bankinn í Danmörku þarf á endurfjármögnun að halda upp á fleiri milljarða danskra kr. á næsta ári. Framtíð bankans er í hættu vegna þess hve óljóst er um eignarhaldið á bankanum segir í frétt á Business.dk.

Bretar fá Icesave greitt út fyrir áramót

Mikill meirihluti þeirra sem áttu innistæður á Icesavereikningum Landsbankans í Bretlandi hafa fengið peningana sína aftur. 630 milljarðar íslenskra króna hafa þegar verið greiddir til innistæðueigenda.

Viljayfirlýsing um kaup á Kaupþingi í Svíþjóð

Älandsbanken hefur undirritað viljayfirlýsingu um kaupin á Kaupþingi í Svíþjóð. Viðræður milli bankans og forráðamanna Kaupþings, þar á meðal skilanefndar Kaupþings hér heima hafa staðið um nokkurt skeið.

Asísk bréf hækkuðu ýmist eða lækkuðu

Hlutabréf hækkuðu ýmist eða lækkuðu á Asíumörkuðum í morgun. Þannig hækkaði japanska Nikkei-vísitalan um rúmt prósentustig en aðrar vísitölur lækkuðu margar hverjar. Ekki er búist við líflegum viðskiptum á hlutabréfamörkuðum síðustu tvo dagana fyrir jól en margir fjárfestar eru þegar komnir í jólafríið, bæði austan hafs og vestan.

OPEC-samtökin draga enn úr olíuframboði

Olíuútflutningsríkin í OPEC-samtökunum ætla að draga enn úr framboði á olíu, eftir að hafa ákveðið tveggja milljóna tunna samdrátt á dag, í síðustu viku.

Kreppa vofir yfir japönskum bílaiðnaði

Bílaiðnaðurinn í Japan er að lenda í kreppu vegna síminnkandi bílasölu. Búist er við afkomuviðvörun frá Toyota þar sem fram komi að fyrirtækið sé rekið með tapi og Honda á í miklum erfiðleikum.

Hagfræðingar í Bandaríkjunum óttast verðhjöðnun

Hagfræðingar í Bandaríkjunum eru farnir að hafa verulegar áhyggjur af verðhjöðnun. Það er andstæðan við verðbólgu og einkennist slíkt ástand af miklum verðlækkunum, en einnig miklum launalækkunum, atvinnuleysi og lömuðu efnahagslífi. Það var ekki síst til að bregðast við þessu ástandi, sem Ben Bernanke, seðlabankastjóri í Bandaríkjunum, lækkaði stýrivexti niður í 0 í síðustu viku.

Breskir sveitastjórnarmenn bjartsýnir á að fá fé úr Heritable

Sveitastjórnarmenn í Winchester eru bjartsýnir að þeir muni fá til baka 1 milljón sterlingspund frá Heritable bankanum sem hrundi í október. Bankinn var í eigu Landsbankans og var settur í skiptameðferð í október. Fulltrúar frá Winchester borg funduðu með skiptastjórum í síðustu viku.

Sölu á Kaupþing Lux að ljúka

Fjármálaráðherrann í Luxemburg hefur skrifað undir viljayfirlýsingu um sölu á Kaupþing í Lúxemburg til hóps fjárfesta frá Arabalöndunum. Þetta kemur fram í tilkynningu frá ríkisstjórninni í Luxemburg sem Reuters fréttastofan vísar til í dag.

Stjórnendur Goldman Sachs fá ekki greidda bónusa

David Paterson, ríkisstjóri í New York, segir að ríkið verði af milljónum dala vegna ákvörðunar stjórnenda Goldman Sachs um að greiða ekki bónusa.

Bílarisum bjargað vestanhafs

George W. Bush, fráfarandi forseti Bandaríkjanna, greindi frá því í gær að stjórnvöld ætli að veita bandarísku bílaframleiðendunum General Motors og Chrysler neyðarlán sem eigi að forða þeim frá gjaldþroti.

Flykkjast til London að kaupa ódýrar jólagjafir

Íbúar á evrusvæðinu flykkjast nú til Bretlands að kaupa ódýrar jólagjafir. Pundið hefur hrunið gagnvart evrunni. Þrátt fyrir þetta er spáð samdrætti í jólaverslun í Bretlandi.

Færeyingar samþykkja lán sitt til Íslands

Færeyska lögþingið hefur samþykkt 300 milljóna danskra kr. lán til Íslendinga í dag eða sem svarar til um 6,5 milljörðum kr.

Skötuveisla Eimskips til styrktar Mæðrastyrksnefnd

Að þessu sinni var skötuveisla Eimskips haldin til styrktar Mæðrastyrksnefnd. Eimskipafélagið gaf eina milljón króna til starfseminar og söfnuðust að auki fimmhudruðþúsund krónur með sölu á happadrættismiðum til veislugesta.

Rio Tinto Alcan styður Gulleggið 2009

Rio Tinto Alcan (Alcan á Íslandi hf.) og Innovit nýsköpunar- og frumkvöðlasetur hafa gert mér sér samning um stuðning við frumkvöðlakeppni Innovit, Gulleggið 2009.

Heimsmarkaðsverð á olíu í frjálsu falli

Heimsmarkaðsverð á olíu virðist í frjálsu falli þessa stundina en tunnan er komin niður fyrir 34 dollara á markaðinum í Bandaríkjunum. Er það 2 dollara lækkun frá verðinu í gærdag sem lækkaði einnig töluvert þann daginn.

Breskum ferðamönnum til Íslands fækkar um 9.000

Breskum ferðamönnum sem komu til Íslands síðasta sumar fækkaði um 9.000 miðað við árið á undan. Þetta er hluti af almennri þróun í Bretlandi en samkvæmt upplýsingum frá hagstofu landsins ákváðu milljón Bretar að sitja heima síðasta sumar í stað þess að ferðast erlendis í fríum sínum.

Norski olíusjóðurinn sigraði Warren Buffett

Norski olíusjóðurinn hafði sigur í baráttu sinni gegn Warren Buffett ríkasta manni heims um söluna á bandaríska orkufyrirtækinu Constellation Energy. MidAmerican, félag í eigu Buffett, hefur hætt við áform sín um að kaupa Constellation.

Ålandsbanken vill kaupa Kaupþing í Svíþjóð

Ålandsbanken á Álandseyjum hefur staðfest að hann hafi áhuga á því að kaupa Kaupþing í Svíþjóð. Samningaviðræður um kaupin eru nú í gangi milli bankans og sænskra stjórnvalda en bankinn var yfitekinn af sænska ríkinu í kjölfar bankahrunsins á Íslandi.

Nýr bankastjóri og nýtt nafn á Glitni í Noregi

Nýr bankastjóri hefur verið ráðinn að Glitni Bank ASA í Noregi og jafnframt mun nafni bankans verða breytt í BNbank.

Nikkei hefur lækkað um 44 prósentustig á árinu

Hlutabréf lækkuðu í verði á Asíumörkuðum í morgun þrátt fyrir að seðlabanki Japans hafi lækkað stýrivexti niður í 0,1 prósent og lýst því yfir að hann muni kaupa töluvert af skuldum fyrirtækja til að reyna að glæða atvinnu- og viðskiptalíf landsins.

Hugsanlega rætist úr málum bílaframleiðenda í dag

Hugsanlegt er að Bandaríkjaþing samþykki í dag björgunaráætlun til handa bílaframleiðendunum General Motors og Chrysler, sem nægi til að halda fyrirtækjunum á floti fram í mars hefur Bloomberg eftir heimildamönnum sem kunnugir eru gangi mála.

Olíuverðið komið undir 38 dollara á tunnuna

Olíuverð hefur haldið áfram að lækka í dag og er nú komið undir 38 dollara á tunnuna á markaðinum í New York.

Innistæðutryggingar í bönkum hækka meir en tvöfalt

Þing Evrópusambandsins ákvað í dag að innistæðutryggingar í bönkum ESB ættu að hækka í 50.000 evra næsta sumar eða nær 9 milljónir kr.. Tryggingarnar nema nú rúmlega 20.000 evrum. Þessi ákvörðun mun einnig ná yfir EES-samninginn og gildir þá væntanlega hérlendis einnig næsta sumar.

Rio Tinto hættir við álver í Saudi-Arabíu

Rio Tinto hefur ákveðið að hætta sem fjárfestir í nýju álveri í Saudi-Arabíu. Með þessu mun félagið spara nær 5 milljarða dollara eða sem svarar til nær 600 milljörðum kr..

Kreppan kemur við kaunin hjá Magasin du Nord

Fjármálakreppan setur strik í reikningin hvað jólaverslunina í Danmörku varðar og á það einnig við um stórverslunina Magasin du Nord sem er í eigu Íslendinga. Það eru þó ekki Danir sjálfir sem spara við sig jólainnkaupin heldur aðrir Norðurlandabúar sem heimsækja Magasin, einkum Svíar.

Danske Bank telur að 100.000 störf hverfi í Danmörku

Danske Bank telur að 100.000 störf hverfi í Danmörku á næstu tveimur árum. Í nýrri skýrslu bankans um þróun efnahagsmála segir að kreppa verði í landinu næstu tvö árin og að í árslok 2010 muni 115.000 manns verða atvinnulausir í landinu.

Olíuverð lækkar þrátt fyrir mikinn niðurskurð hjá OPEC

Heimsmarksverð á olíu hefur lækkað eftir að OPEC, samtök olíuframleiðsluríkja, boðuðu mikinn niðurskurð á framleiðslu sinni í gær. Eftir fundinn fór verðið í rétt rúma 40 dollara og hefur ekki verið lægra í tæp fimm ár.

Hlutabréf hækkuðu á Asíumörkuðum í morgun

Hlutabréf hækkuðu í verði á Asíumörkuðum í morgun, einkum bréf fjármálafyrirtækja. Fyrirtæki í orkuiðnaði lækkuðu hins vegar mörg hver í takt við lækkandi olíuverð en nú stefnir heimsmarkaðsverð olíu í það lægsta sem sést hefur í rúm fjögur ár.

Meint veikindi Steve Jobs rýra verð Apple

Hlutabréf í hugbúnaðarfyrirtækinu Apple féllu um tæplega fjögur prósentustig í gær þegar fréttir bárust af því að forstjóri fyrirtækisins, Steve Jobs, ætti við veikindi að stríða og myndi ekki flytja árlegt ávarp sitt á tæknisýningu Apple sem nú nálgast óðum.

Chrysler stöðvar framleiðslu á morgun

Chrysler-verksmiðjurnar hætta allri bílaframleiðslu á morgun og munu ekki framleiða svo mikið sem eitt tannhjól í bíl í að minnsta kosti mánuð. Þetta kemur fram í tilkynningu sem stjórn Chrysler sendi starfsmönnum sínum og birgjum í gær.

Saxo Bank spáir því að olíutunnan fari í 25 dollara

Danski bankinn Saxo Bank býst við óeirðum í Íran, að olíutunnan fari niður í 25 dollara og að Ítalir hætti í evrusamstarfinu í nýrri spá fyrir næsta ár.

Bankatap veldur titringi í Bandaríkjunum

Gengi hlutabréfa lækkaði almennt í Bandaríkjunum í dag. Helstu vísitölur vestanhafs ruku upp í gær eftir stýrivaxtalækkun bandaríska seðlabankans.

Öllum búðum Woolworths lokað eftir áramótin

Öllum rúmlega 80ö0 búðum verslunarkeðjunnar Woolworths verður lokað eftir áramótin. Jafnframt verður 27.000 starfsmönnum keðjunnar sagt upp. Baugur á hlut í Woolworths gegnum fjárfestingafélagið Unity.

Norski olíusjóðurinn reynir að stoppa Warren Buffett

Stjórn norska olíusjóðsins hefur leitað til dómstóls í Maryland í Bandaríkjunum til að reyna að stöðva yfirtöku ríkasta mann heimsins Warren Buffett á orkufyrirtækinu Consettation Energy.

FIH bankinn snýr upp á hendina á fjárfestingarsjóðum

FIH bankinn í Danmörku, sem nú er í eigu íslenska ríkisins, er meðal þeirra banka í landinu sem nú snúa upp á hendina á fjárfestingarsjóðum til að fá sjóðina til að standa við samninga sína um lán.

Seðlabanki Noregs lækkar stýrivexti um 1,75 prósentustig

Seðlabanki Noregs hefur ákveðið að lækka stýrivexti sína um 1,75 prósentustig. Er þetta mun meiri lækkun en sérfræðingar höfðu spáð fyrir um.

Framleiðendum parmesanosta bjargað úr fjármálakreppunni

Það eru fleiri en bílaframleiðendur og bankar sem hafa orðið illa úti í fjármálakreppunni. Hið sama gildi um framleiðendur parmesanosta á Ítalíu. Stjórnvöld hafa gripið inn í málið svo að þessi heilagasta kú ítalsks landbúnaðar lifi af veturinn.

Stýrivextir vestan hafs í núllið og peningaprentunin á fullt

Seðlabanki Bandaríkjanna tilkynnti í gærkvöld að vextir bankans miðuðust nú við bilið 0 - 0,25% í stað 1% áður. Þetta kom mörkuðum nokkuð í opna skjöldu þar sem flestir höfðu spáð 0,5 prósentustiga lækkun vaxta.

Carnegie fær ekki málsókn gegn FME í Svíþjóð

Stjórn móðurfélags Carnegie bankans í Svíþjóð fær ekki að höfða mál gegn fjármálaeftirliti (FME) landsins. Landsréttur Svíþjóðar ákvað í morgun að vísa málinu frá dómi.

Viðskiptavinir Kaupþings á Mön fá greitt upp í innistæður sínar

Þeir íbúar eyjunnar Mön sem áttu innistæður hjá Singer & Friedlander, banka Kaupþings á Bretlandseyjum, fá greidd 1.000 pund, eða 175 þúsund kr., hver ef tillaga um greiðsluna verður samþykt á þingi eyjunnar.

Atvinnuleysi í Bretlandi sex prósent

Atvinnuleysi mældist sex prósent í Bretlandi í október, samkvæmt upplýsingum sem breska hagstofan birti í dag. Þetta er 0,2 prósentustiga aukning á milli mánaða.

Skera niður olíuframleiðsluna um 2 milljónir tunna á dag

OPEC, samtök olíuframleiðsluríkja, munu skera niður framleiðslu sína um 2 milljónir tunna á dag. Búist er við að þetta verði tilkynnt formlega síðar í dag en OPEC fundar nú í Alsír.