Fleiri fréttir

Reynsluboltar miðla af reynslu sinni

Íslandsbanki hóf fyrr í ár að bjóða starfsfólki sínu upp á að vinna með lærimeistara, eða mentor, til að stuðla að starfsþróun innan bankans. Konum hefur hingað til boðist þátttaka en í haust mun körlum einnig bjóðast tækifæri.

Markaðurinn á Facebook

Markaðurinn, fylgirit Fréttablaðsins um viðskipti og efnahagsmál, er nú aðgengilegur í gegnum Facebook. Í hvert sinn sem Markaðurinn kemur út verður hægt að nálgast eintak af honum á Facebook-síðu hans auk þess sem allar fréttir, fréttaskýringar, aðsent efni og pistlar sem birtast í Markaðnum hverju sinni er deilt í gegnum síðuna.

Veiðigjöldin fara í stuðning við barnafjölskyldur

Veiðigjöldin sem samþykkt voru á Alþingi í vor munu skila ríkissjóði 5,8 milljörðum króna meiri tekjum en áður hafði verið gert ráð fyrir á árinu 2013. Þessar tekjur munu standa undir fjárfestingaáætlun ríkisstjórnarinnar og verður að mestu leyti varið í vegaframkvæmdir, rannsókna- og tæknisjóði og stuðning við tekjulægri barnafjölskyldur og fjölskyldur í greiðsluvanda.

Konur skrifa í Markaðinn

Breyting hefur verið gerð á föstum dálki í Markaðnum, fylgiblaði Fréttablaðsins. Frá og með tölublaðinu sem kom út í dag mun dálkurinn á baksíðu, sem áður hét "Bankahólfið", heita "Hin hliðin" og hafa átta konur með mismunandi aðkomu og sýn á viðskipti og efnahagsmál samþykkt að skiptast á að skrifa hann. Pistlar þeirra munu einnig birtast hér á Vísi sama dag og Markaðurinn kemur út. Breytingin hefur verið unnin í nánu samstarfi við Félag kvenna í atvinnurekstri (FKA).

Skuldatryggingaálag Íslands með því lægsta frá hruni

Skuldatryggingaálagið á ríkissjóð Íslands hefur hríðlækkað að undanförnu og er komið niður í 217 punkta. Hefur álagið ekki verið lægra í rúmt ár eða síðan í apríl í fyrra þegar það fór í 216 punkta. Þá var um að ræða lægst álagið frá hruninu haustið 2008.

Landsbankinn á kauprétt í Húsasmiðjunni

Samhliða því að rekstur Húsasmiðjunnar var seldur til dönsku byggingavörukeðjunnar Bygma A/S í upphafi þessa árs var gert samkomulag sem tryggði seljandanum, gömlu Húsasmiðjunni, kauprétt á þrjátíu prósenta hlut í fyrirtækinu. Gamla Húsasmiðjan, sem nú heitir Holtavegur 10 ehf., er í dag í eigu Landsbankans. Þetta kemur fram í nýbirtum ársreikningi Holtavegs 10 ehf.

Afnám nýtt til að endurfjármagna

Afnema á höft á fjármagnsflutninga með því að gefa út löng skuldabréf, sem útgefin verða af tegundum útgefenda til að endurfjármagna erlendar skuldir sínar eða til að ráðast í nýfjárfestingar. Þetta kemur fram í tillögum Samtaka fjármálafyrirtækja (SFF) sem kynntar hafa verið fyrir Seðlabanka Íslands, hagsmunaaðilum, stjórnvöldum og fjölmiðlum að undanförnu. Tillögurnar byggja á vinnu hóps sem samtökin skipaði snemma á þessu ári til að kanna til hvaða aðgerða hægt væri að grípa til að afnema höftin.

Býður upp á nýja tegund posa

Íslenska fyrirtækið Handpoint hefur hafið að bjóða fyrirtækjum hér á landi posaþjónustu. Fyrirtækið hefur um árabil boðið lausnir á þessu sviði erlendis en samhliða innleiðingu korta- og pinn-posa hér á landi hyggst það hefja landvinninga hér.

Ræða reglur til varnar stöðugleika

Seðlabankinn gaf 27. ágúst út rit sem nefnist Varúðarreglur eftir fjármagnshöft. Í ritinu eru kynntar tillögur að svokölluðum þjóðhagslegum varúðarreglum. Leggur bankinn til að nokkrar slíkar verði lögfestar hér á landi með það fyrir augum að minnka líkurnar á þjóðhagslegum áföllum. Þá telur bankinn jafnframt að setning varúðarreglna búi í haginn fyrir afléttingu gjaldeyrishafta á næstu árum.

Brimborg tapaði þrátt fyrir afskriftir

Brimborg ehf. tapaði 273,1 milljón króna á síðasta ári þrátt fyrir að félagið hefði fengið fjóra milljarða króna af lánum sínum fellda niður í byrjun árs 2011 gegn því að hluthafar legðu 200 milljónir króna inn í félagið. Eigið fé Brimborgar var þó jákvætt um 394,5 milljónir króna í lok síðasta árs. Þetta kemur fram í nýbirtum ársreikningi félagsins.

Íbúðasalan stígur upp á við en með sveiflum

"Þróun síðustu tveggja ára í sölu íbúðarhúsnæðis á höfuðborgarsvæðinu hefur verið hægt stígandi upp á við, en þó með nokkrum sveiflum,“ segir í Hagsjá, riti hagfræðideildar Landsbankans þar sem fjallað er um þróunina á fasteignamarkaði höfuðborgarinnar frá hruninu 2008. Þar kemur m.a. fram að töluverður munur sé á þróuninni í fjölbýli annarsvegar og sérbýli hinsvegar.

Orkuveita Reykjavíkur semur við Tölvumiðlun

Orkuveitan ætlar að innleiða eina af aðalvörum Tölvumiðlunar, H3 heildarlausn í mannauðsmálum, sem flest af stærstu fyrirtækjum landsins nota við launaútreikninga. Hjá Orkuveitunni starfa rúmlega 400 manns og mun H3 halda utan um öll launa- og mannauðsmál starfsmanna frá upphafi starfs til starfsloka; starfsumsóknir, ráðningar, starfslýsingar, starfsmannasamtöl, fræðslu, símenntun, launavinnslu og réttindamál.

Hagnaður hjá Kaupás en Byko tapaði

Byko ehf. tapaði 352,4 milljónum króna á síðasta ári. Það er aðeins minna tap en árið áður þegar félagið tapaði 416,4 milljónum króna. Á sama tíma hagnaðist Kaupás, sem er systurfélag Byko, um 532 milljónir króna. Norvik hf., fjárfestingafélag sem er að stærstum hluta í Jóns Helga Guðmundssonar og félaga sem tengjast honum, er eigandi bæði Byko og Kaupáss. Norvik hefur ekki skilað inn ársreikningi fyrir árið 2011.

SA segja ríkisstjórnina ögra fyrirtækjum og svíkja loforð

Fjárlagafrumvarpið fyrir árið 2013 sem kynnt var í dag er ögrun við fyrirtækin í landinu og starfsfólk þeirra, segja Samtök atvinnulífsins. Á vef þeirra segir að ætlunin sé að hækka tryggingagjald þannig að fyrirtækin fá ekki að njóta lækkaðra útgjalda til atvinnuleysistrygginga eins og gert hafi verið ráð fyrir við gerð kjarasamninga vorið 2011. Þannig sé ráðist að forsendum kjarasamninga og möguleikum fyrirtækjanna að standa við þá án þess að hækka verðlag. Skýrt kom fram þegar samningarnir voru kynntir að gert var ráð fyrir að tryggingargjaldið yrði lækkað í takt við minnkandi atvinnuleysi. Við fyrstu sýn virðist sem lækkunin ætti að nema a.m.k. 0,5% 2013.

Gistináttagjaldið verður hækkað

Virðisaukaskattur á gistingu verður 25,5% í stað 7% frá og með 1. maí 2013, samkvæmt fjárlagafrumvarpinu sem kynnt var fjölmiðlum í dag. Oddný Harðardóttir fjármálaráðherra kynnti frumvarpið fyrir fjölmiðlamönnum klukkan ellefu í morgun. Áætlað er að þetta skili ríkissjóði 2,6 milljörðum króna í viðbótartekjur á næsta ári.

Skattlagning á neftóbak tvöfölduð

Í nýbirtu fjárlagafrumvarpi ríkisstjórnarinnar fyrir næsta ár er gert ráð fyrir að skattlagning á neftóbak verði tvöfölduð. Skattlagning á neftóbak hingað til er talin hafa verið óeðlilega lág samanborið við annað tóbak.

Ferðaskrifstofur um allan heim bíða upplýsinga frá Íslandi

Ferðaskrifstofur um heiminn sem eiga viðskipti við Íslands bíða nú eftir upplýsingum úr fjárlögum ríkisstjórnarinnar fyrir næsta ár. Óskað hefur verið eftir því að beðið verið með hækkun virðisaukaskatts í ferðaþjónustunni en þær eru sagðar kollvarpa áætlunum fyrir næsta ár.

Beinar erlendar fjárfestingar jukust um 100 milljarða í fyrra

Beinar fjárfestingar erlendra aðila á Íslandi jukust um tæplega 100 milljarða króna í fyrra miðað við árið 2010. Þetta kemur fram í hagtölum Seðlabankans. Þar segir að bein erlend fjárfesting hafi numið rúmlega 128 milljörðum króna í fyrra en hún var tæplega 30 milljarðar króna árið 2010.

Engin lausn í banni á verðtryggingunni

Höfundar skýrslu sem kynnt var í gær telja bann við verðtryggingu ekki munu leysa neinn vanda. Grunnrætur vandans, verðbólga og óstöðugleiki, munu áfram vera við lýði. Lántakendur fái nægar upplýsingar til að meta áhættu.

Fasteignamarkaðurinn tekur við sér að nýju

Sumardeyfðinni á fasteignamarkaðinum á höfuðborgarsvæðinu virðist vera lokið í bili en í síðustu viku var 109 kaupsamningum um fasteignir þinglýst í borginni. Þetta er nokkuð yfir meðaltalinu síðustu þrjá mánuði sem er 103 samningar á viku.

Segir sæmilegan gang í íslenska hagkerfinu

Greining Arion banka segir að sæmilegur gangur hafi verið í hagkerfi Íslands það sem af er árinu. Heilt yfir er gangurinn ekki ósvipaður því sem mældist á sama tímabili á síðasta ári.

Krónan veikist aftur - styrking á sumarmánuðum gengin til baka

Gengi krónunnar gagnvart helstu alþjóðlegu myntum hefur veikst töluvert að undanförnu. Í ágúst styrktist gengið umtalsvert, og var hægt að fá ríflega 146 krónur fyrir hverja evru, hinn 10. ágúst. Nú, rúmum mánuði síðar, er hægt að fá tæplega 157 krónur fyrir hverja evru, sem er næstum jafn mikið upp á krónu og var hægt að fá fyrir hverja evru 10. júli, samkvæmt upplýsingum um opinbert gengi krónunnar gagnvart alþjóðlegum myntum á vefsíðu Seðlabanka Íslands.

Dísilolían hækkar

Verð á dísilolíu hefur hækkað umtalsvert á síðustu tveimur vikum. Hjá Olís hefur verðið hækkað um 8 krónur á lítrann síðustu á tímabilinu og stendur nú í 262,7 krónum. Hækkunin hjá Skeljungi er enn meiri, en síðustu 10 daga hækkaði verðið um tæpar 13 krónur og stendur einnig í 262,7 krónum á lítrann.

Konur löngu tilbúnar til að stíga fram í atvinnulífinu

Íslenskar konur eru tilbúnar til að stíga með auknum krafti inn í atvinnulífið og stjórnmálin. Þetta sagði Þorgerður Katrín Gunnarsdóttir, þingmaður Sjálfstæðisflokksins, í viðtalsþættinum Klinkinu á Vísi. „Jájá, fyrir löngu síðan," bætti hún við en sagði að konur hafi gjarna mætt glerþaki og mæti enn.

Töluvert dregur úr tekjuhalla hins opinbera

Tekjuhalli hins opinbera á öðrum ársfjórðungi ársins var 12,3 milljarðar króna sem er nokkru hagstæðari niðurstaða en á sama tíma í fyrra er hann var 18,6 milljarðar króna. Tekjuhallinn nam 2,9% af landsframleiðslu ársfjórðungsins og 6,7% af tekjum hins opinbera.

Reykjaneshöfn greiðir niður lán um 700 milljónir

Reykjaneshöfn hefur ákveðið að greiða niður lán og endurkaupa skuldabréf fyrir 700 milljónir kr. Nota á nýlega fyrirgreiðslu frá Reykjanesbæ til þessa í framhaldi af sölu bæjarins á svokölluðu Magma-skuldabréfi.

Ríkissjóður rekinn með 88,5 milljarða halla í fyrra

Tekjuafkoma hins opinbera var neikvæð um 88,5 milljarða króna í fyrra eða 5,4% af landsframleiðslu, en án áfallinna ríkisábyrgða var hún neikvæð um 69 milljarða króna. Til samanburðar var tekjuafkoman neikvæð um 155 milljarða króna árið 2010 eða 10% af landsframleiðslu, en án áfallinna ríkisábyrgða 99 milljarða króna eða 6,5% af landsframleiðslu.

Virði gullforða Seðlabankans yfir 13 milljörðum

Virði gullforða Seðlabanka Íslands er komið yfir 13 milljarða króna. Mikilar hækkanir á heimsmarkaðsverði á gulli að undanförnu ollu því að gullforðinn hækkaði um tæplega 700 milljónir króna í ágúst og er orðinn tæplega 13,2 milljarðar króna.

Straumur fær auknar starfsheimildir

Fjármálaeftirlitið hefur veitt Straumi fjárfestingarbanka auknar starfsheimildir. Þetta kemur fram á vefsíðu eftirlitsins.

Óskar eftir sérstökum fundi í viðskiptanefnd vegna úrræða tollstjóra

Guðlaugur Þór Þórðarson, þingmaður Sjálfstæðisflokksins, hefur óskað eftir sérstökum fundi í efnahags- og viðskiptanefnd Alþingis til að fá frekari skýringar úrræðum sem tollstjóraembættið hefur boðið fyrirtækjum sem skulda skatta, en embættið hefur gert samninga um greiðsluáætlun við fjölda fyrirtækja vegna skattskulda.

Hefur gert samkomulag við hundruð fyrirtækja vegna skattskulda

Embætti tollstjóra hefur gert samkomulag við hundruð fyrirtækja sem skulda opinber gjöld og eru dæmi um fyrirtæki sem skulda marga tugi milljóna króna vörsluskatta en hafa ekki þurft að þola stöðvun atvinnurekstrar. Tollstjóri hefur ekki beitt stöðvun á nein fyrirtæki frá árinu 2009 vegna tilmæla fjármálaráðuneytisins.

Lindex nú hluti af neyslutölu Hagstofunnar

Sænska fataverslunin Lindex verður framvegis hluti af verðsöfnun neysluvísitölu Hagstofunnar. Í tilkynningu frá Lindex kemur fram að í þessu felist viðurkenning á því starfi sem verslunin hefur haft að meginmarkmiði sínu, að bjóða íslenskum heimilum tískufatnað með hagkvæmni að leiðarljósi.

Hentar vel að vera á flekaskilum

Hilmar Bragi Janusson er önnum kafinn maður og hægara sagt en gert fyrir hann að gefa sér tíma til að spjalla við blaðamann enda í óðaönn að ljúka undirbúningi fyrir sitt fyrsta skólaár sem forseti Verkfræði- og náttúruvísindasviðs við Háskóla Íslands. Hann segir það vissulega viðbrigði að söðla um eftir 20 ára starf hjá stoðtækjaframleiðandanum Össuri.

Mótmælti breytingum á starfslokasamningi

Leiðtogar meirihlutans í bæjarstjórn Kópavogs funduðu nýverið með Guðrúnu Pálsdóttur, fyrrverandi bæjarstjóra, í því skyni að fá hana til að gera breytingar á starfslokasamningi hennar frá því í febrúar síðastliðnum.

Rannsaka einkavæðingu banka

Tillaga um rannsókn á einkavæðingu Fjárfestingarbanka atvinnulífsins, Landsbanka Íslands og Búnaðarbanka Íslands verður lögð fram að nýju á Alþingi á þriðjudag. Hún kom fram á síðasta þingi en fékk ekki afgreiðslu.

Ákvarða ekki eigin laun

Björn Zoëga, forstjóri Landspítalans, vill sem minnst tjá sig um þá gagnrýni sem hefur komið fram á launahækkun hans. „Ég ákveð auðvitað ekki eigin laun, þau eru ákvörðuð af ráðherra og kjararáði. Ég get einungis lýst minni aðkomu að þessu máli. Ég var á leið úr landi í nýja vinnu og þurfti því að segja upp mínu starfi á Landspítalanum. Nokkrum klukkustundum eftir að ég gerði það var ég beðinn um að endurskoða hug minn og eftir að hafa hugsað málið og rætt við ráðherra komumst við að samkomulagi um áframhaldandi samstarf. Það er það eina sem ég hef um þetta að segja.“

Sjá næstu 50 fréttir

Mest lesið