GrÍðarleg hagnaðaraukning í sjávarútvegi

Hreinn hagnaður sjávarútvegs var samtals 62 milljarðar króna á árunum 2009 og 2010, samkvæmt tölum frá Hagstofu Íslands. Ljóst er að afkoman í fyrra, og það sem af er árinu 2010, verður enn betri hjá mörgum fyrirtækjum í þessum geira.

Skuldir sjávarútvegs lækkuðu um 63 milljarða króna á milli áranna 2009 og 2010 og stóðu í 500 milljörðum króna í árslok 2010. Miðað við þá þróun sem sést í ársreikningum þeirra stóru sjávarútvegsfyrirtækja sem skilað hafa uppgjöri er ljóst að þessi skuldastaða hefur minnkað enn frekar í fyrra.

HB Grandi, eitt stærsta sjávarútvegsfyrirtæki landsins, er eina slíka fyrirtækið sem er skráð á markað. Í uppgjöri þess fyrir fyrstu sex mánuði ársins í ár kemur fram að hagnaður HB Granda fyrir afskriftir, fjármagnsliði og skatta (EBITDA) var 4,5 milljarðar króna. Slíkur hagnaður nam 8,8 milljörðum króna á árinu 2011 og 6,4 milljörðum króna árið 2010. Samtals hefur EBITDA-hagnaður HB Granda á síðasta tveimur og hálfa árinu numið 19,7 milljörðum króna miðað við gengi dagsins í dag. Á sama tíma hefur félagið greitt skuldir sínar hratt niður. Í árslok 2010 skuldaði HB Grandi 25,4 milljarða króna. Skuldir fyrirtækisins um mitt þetta ár voru hins vegar 19,7 milljarðar króna. Þær höfðu því lækkað um 5,7 milljarða króna á einu og hálfu ári.