Fleiri fréttir

Einn stjórnenda IBM heldur fyrirlestur í HR

Einn af leiðtogum IBM, Sandy Carter, heldur fyrirlestur í Háskóla Reykjavíkur í hádeginu í dag. Hún er hér á landi á vegum Nýherja og mun fjalla um það hvers vegna samfélagsmiðlar eru mikilvægir til framtíðar.

Fréttaviðtal: Greina orsakir til að læra af þeim

Danski hagfræðingurinn Jesper Rangvid var staddur hér á landi nýverið þar sem hann var gestaprófessor við viðskiptadeild Háskólans í Reykjavík. Rangvid, sem er prófessor við Viðskiptaháskóla Kaupmannahafnar, var nýverið skipaður formaður yfir rannsóknarnefnd sem mun freista þess að skýra hvort, og þá með hvaða hætti, innlendir áhrifaþættir höfðu áhrif á yfirstandandi erfiðleika fjámálalífsins þar í landi. Þó að ástandið í Danmörku sé langt í frá eins alvarlegt eða víðtækt eins og verið hefur hér á Íslandi, hafa fjármálastofnanir átt í miklum erfiðleikum. Eins og stendur hafa ellefu bankar orðið gjaldþrota frá hruninu haustið 2008.

Gæti falið í sér milljarða ávinning fyrir sjóðina

Lífeyrissjóðirnir munu fara fram á að dómskvaddir matsmenn verði fengnir til að leggja mat á það hvort gögn sem lögð voru fram í umdeildu skuldabréfaútboði Glitnis í mars 2008 hafi endurspeglað raunverulega stöðu bankans. Sjóðirnir vilja meina að þeir hafi verið blekktir til að kaupa víkjandi skuldabréf í útboðinu fyrir samtals 10,7 milljarða króna og hafa stefnt slitastjórn Glitnis vegna þessa. Undirbúningur að málarekstrinum hefur staðið yfir mánuðum saman.

Óformlegar viðræður um fjármögnun og verð

Formlegar söluviðræður við einn af bjóðendum í 77% hlut þrotabúa Landsbankans og Glitnis í Iceland Foods gætu hafist eftir viku til tíu daga, samkvæmt heimildum Markaðarins. Frestur til að skila inn bindandi tilboðum í hlutinn rann út um síðustu mánaðamót. Reuters-fréttastofan hefur fullyrt að tveir fjárfestingasjóðir, Bain Capital og BC Partners, hafi skilað inn tilboðum.

Gamla Sjóvá skilar litlu til kröfuhafa

Kröfuhafar SJ Eignarhaldsfélag, sem áður hét Sjóvá, hafa samþykkt nauðasamning félagsins. Í honum felst í raun að þeir fá um 7% af um 12 milljarða króna kröfum sínum, eða rúmlega 800 milljónir króna. Kröfuhafarnir, sem eru skilanefnd Glitnis, Landsbankinn, Eignasafn Seðlabanka Íslands (ESÍ) og Lífeyrissjóður starfsmanna ríkisins (LSR) höfðu hins vegar af því áhyggjur að sú háa tekjufærsla sem myndi myndast við gerð nauðasamningsins gæti haft í för með sér skattskuldbindingu sem félagið myndi ekki ráða við að greiða. Því gæti nauðasamningurinn í raun kallað gjaldþrot yfir gamla Sjóvá með tilheyrandi skiptakostnaði. Á því höfðu kröfuhafarnir fjórir ekki áhuga.

Mikil gróska í bjórframleiðslu á Íslandi

Bjórmenning á Íslandi hefur tekið stakkaskiptum á síðustu árum. Fjöldi og fjölbreytileiki íslensks bjórs hefur aukist mikið og þá hafa árstíðabundnar bjórtegundir orðið æ vinsælli. Um þessar mundir eru um 50 tegundir af íslenskum bjór í boði í Vínbúðum en voru ekki nema helmingur þess fyrir fáum árum. Þróunina má ekki síst rekja til tilkomu minni

Telur að hagur heimilanna muni vænkast

Hagkerfið á Íslandi er að taka við sér. Hagvöxtur er að aukast, atvinnuleysið fer hægt minnkandi en verðbólgan helst þó enn fremur há á þessu ári, en fer eftir það lækkandi. Staða heimilanna fer hægt batnandi og eru þau að byrja að rétta úr kútnum eftir þrengingar síðustu ára.

Veltan á fasteignamarkaði jókst um 74% milli ára

Fjöldi þinglýstra kaupsamninga um fasteignir við sýslumannsembættin á höfuðborgarsvæðinu í janúar 2012 var 372. Heildarvelta nam 11 milljörðum króna og meðalupphæð á hvern kaupsamning var 29,4 milljónir króna. Þetta er tæplega 70% aukning á fjölda samninga og tæplega 74% aukning á veltunni miðað við janúar í fyrra.

Meiri óvissa um verðbólgu

Meiri óvissa er um verðbólgu núna en áður var, segir Már Guðmundsson seðlabankastjóri. Hann kynnir nú forsendur að baki vaxtaákvörðunar bankans á fundi sem fram fer í húsnæði Seðlabankans.

Seðlabankinn spáir 2,5% hagvexti í ár

Á þessu ári er spáð 2,5% hagvexti, einkum fyrir tilstuðlan aukinnar fjárfestingar. Framlag einkaneyslu er auk þess nokkurt, þótt það sé umtalsvert minna en í fyrra.

Creditinfo veitir fyrirtækjum viðurkenningu

Creditinfo mun veita fimm íslenskum fyrirtækjum viðurkenningu fyrir framúrskarandi árangur þann 9. febrúar á Hótel Sögu. Oddný G. Harðardóttir fjármálaráðherra mun afhenda fyrirtækjunum viðurkenningu fyrir hönd Creditinfo. Er þetta annað árið í röð sem Creditinfo afhendir slíkar viðurkenningar til íslenskra fyrirtækja.

Mikil fjölgun íslenskra ferðamanna í Danmörku

Ferðum Íslendinga til Danmerkur fjölgaði um nærri fimmtung á síðasta ári ef mið er tekið af þeim fjölda gistinátta sem hagstofa Dana merkir Íslendingum. Í heildina fjölgaði gistinóttum í Danmörku um þrjá af hundraði.

Rífandi gangur hjá Icelandair í ársbyrjun

Fjöldi farþega hjá Icelandair jókst um 13% í janúar miðað við sama mánuð í fyrra.. Í tilkynningu segir að sætanýtingin í janúar hefur aldrei verið hærri í þeim mánuði en hún var rúm 69% og jókst um 3,5 prósentustig á milli ára.

Bensínverðið rýfur 250 króna múrinn

Skeljungur hækkaði bensínverð um fimm krónur á lítrann í gærkvöldi og kostar hann nú tæplega 251 krónu. Þetta er í fyrsta sinn sem bensínlítrinn fer í 250 krónur.

Stjórnendur Iceland Foods ekki spenntir fyrir eignastýringarsjóðum

Lykilstjórnendur Iceland Foods hafa ekki áhuga á að vinna hjá fyrirtækinu verði það í eigu eignastýringarsjóða en tveir slíkir skiluðu inn bindandi tilboðum í hlut slitastjórna Landsbankans og Glitnis í Iceland. Malcolm Walker, forstjóri Iceland, tengist hvorugum sjóðnum.

Hugsmiðjan með tvær bestu vefsíðurnar

Tvær bestu vefsíður síðasta árs að mati fagfólks í greininni komu úr smiðju sama aðila, veffyrirtækisins Hugsmiðjunnar. Þetta kemur fram í tilkynningu.

Búast við að staða heimilanna batni

ASÍ gerir ráð fyrir að hagvöxtur á nýliðnu ári hafi verið 3,1% eða nokkuð meiri en búist var við. Hann megi reki til aukningar í einkaneyslu og útfutningi. Almennt er gert ráð fyrir hægfara bata með um 1,4-2% hagvexti næstu þrjú ár.

Enn hækkar gengi bréfa í Icelandair

Gengi bréfa í Icelandair Group í kauphöllinni heldur áfram að hækka en gengið hefur hækkað um 1,83 prósent í dag og er það nú 5,55. Í gær hækkaði gengi bréfa félagsins um 2,83 prósent.

Útsvarið í toppi á þrettán stöðum af fimmtán

Reykjavíkurborg er eina sveitarfélagið af fimmtán stærstu sveitarfélögum landsins sem hækkaði útsvar á þessu ári. Þar hækkaði það úr 14,4% í 14,48%. Hin fjórtán sveitarfélögin halda útsvarpsprósentunni óbreyttu. Þetta eru niðurstöður Verðlagseftirlits ASÍ sem kannaði breytingar á útsvari og álagningu fasteignagjalda hjá 15 fjölmennustu sveitarfélögum landsins fyrir árið. Niðurstöður Verðlagseftirlitsins sýna líka að 13 af þeim 15 sveitarfélögum sem skoðuð voru, innheimta hámarks leyfilegt útsvar sem er nú 14,48%. Lægst er útsvarið 13,66% í Garðabæ og 14,18% á Seltjarnarnesi.

Leigumarkaðurinn tók stökk í janúar

Um 69% fleiri leigusamningum um íbúðarhúsnæði var þinglýst í janúar síðastliðnum miðað við mánuðinn á undann. Samningum fækkar hins vegar um 1,8% miðað við i janúar í fyrra. Þetta kemur fram í upplýsingum frá Þjóðskrá. Venju samkvæmt eru lang flestir leigusamningar gerðir á höfuðborgarsvæðinu. Þar fjölgar samningum um 60,8% frá því í desember, en fækkar um 6,9% frá því í janúar í fyrra.

Nýr markaðsupplýsingavefur á Vísi

Ítarlegar markaðsupplýsingar eru nú aðgengilegar á viðskiptavef Vísis í samstarfi við Kelduna. Inn á markaðsupplýsingavefnum má sjá þróun á hlutabréfa- og skuldabréfamarkaði auk ítarlegra upplýsinga vaxtakjör á fjármálamarkaði, og fleiri þætti er tengjast þróun mála á fjármálamarkaði.

Tap sjóðanna gæti orðið mun meira

Tap íslenskra lífeyrissjóða vegna gjaldmiðlavarnarsamninga gæti orðið rúmlega 70 milljarðar króna eftir skuldajöfnun ef ýtrustu kröfur þrotabúa föllnu bankanna verða samþykktar, samkvæmt upplýsingum Fréttablaðsins. Tap sjóðanna vegna samninganna er í dag bókfært á 36,4 milljarða króna samkvæmt skýrslu úttektarnefndar sem birt var síðastliðinn föstudag.

Í höndum stjórnar OR að veita umboð

Aðkoma lífeyrissjóðanna að fjármögnun Hverahlíðarvirkjunar kemur til af því að Orkuveitan ræður ekki við verkefnið. Heildarkostnaður er talinn 29 milljarðar króna. Formlegar viðræður bíða þess að forstjóri OR fái til þess umboð stjórnar.

Tap lífeyrissjóðanna nærri meðaltali

Tap íslensku lífeyrissjóðanna er nálægt meðaltali þess sem varð hjá lífeyrissjóðum OECD-ríkja, segir í yfirlýsingu sem Landssamtök lífeyrissjóða birtu á vefsíðu sinni í dag. Það hafi því ekki einungis verið íslensku lífeyrissjóðirnir sem urðu fyrir áfalli í kreppunni.

Iceland Express í samstarf við Hinsegin daga

Iceland Express og Hinsegin dagar í Reykjavík – Gay Pride undirrituðu í dag samstarfssamning sem felur í sér stuðning Iceland Express við Hinsegin daga fyrir hátíð þeirra í ár. Þetta kemur fram í tilkynningu frá félaginu.

Búast við 20 milljarða tekjum hjá Icelandair Group

Greiningardeild Arion banka býst við því að tekjur Icelandair Group á fjórða ársfjórðungi síðasta árs verði 20 milljarðar króna og EBITDA verði um 400 milljónir króna. Ársfjórðungsuppgjör verður birt í þessari viku. Í Markaðspunktum Arion segir að fyrsti og fjórði ársfjórðungur séu vallt lökustu fjórðungarnir hjá félaginu bæði hvað veltu og afkomu varðar. Miðað við flutningstölur félagsins megi gera ráð fyrir töluverðum tekjuvexti frá fyrra ári. Samkvæmt afkomuspá stjórnenda Icelandair Group frá nóvember síðastliðnum er gert ráð fyrir að EBITDA félagsins á fjórða ársfjórðungi verði lítil sem engin eða neikvæð um allt að 500 milljónir króna.

Ingvar Helgason horfinn

Erna Gísladóttir og Jón Þór Gunnarsson, sem um síðustu áramót tóku við rekstri bílaumboðsins Ingvars Helgasonar og B&L hafa frá og með deginum í dag breytt nafni félagsins í BL. Ingvar Helgason er því horfinn úr nafninu. Þar með líkur endanlega sameiningarferli þessara gamalgrónu bílafyrirtækja sem hvort um sig hófu starfsemi sína um og eftir miðja síðustu öld, eftir því sem fram kemur í tilkynningu frá félaginu. Hjá BL starfa 128 manns auk fjölda samstarfs- og umboðsaðila um allt land en félagið er með söluumboð fyrir BMW, Hyundai, Isuzu, Land Rover, Nissan, Opel, Renault og Subaru.

Högnuðust um 472 milljarða á móti 480 milljarða tapi

Gylfi Arnbjörnsson, forseti ASÍ, segir að þrátt fyrir um 480 milljarða tap lífeyrissjóðanna vegna hrunsins þá sé útkoman ekki svo slæm þegar hagnaður sjóðanna af öðrum eignum sé tekinn með í reikninginn, en hann var 472 milljarðar. Þetta kemur fram í pistli Gylfa á vefnum Pressan.is þar sem hann fer yfir skýrslu rannsóknarnefndar um starfsemi lífeyrissjóðanna fyrir hrun.

Áfram dauft yfir fasteignamarkaðinum í borginni

Fjöldi þinglýstra kaupsamninga á höfuðborgarsvæðinu í síðustu viku var 70. Þetta eru töluvert færri samningar en nemur meðaltalinu síðustu þrjá mánuði sem er 90 samningar á viku.

Um 94% landsmanna telja fyrirtæki skapa góð lífskjör

Ný skoðanakönnun sýnir að 94% landsmanna telja íslensk fyrirtæki skipta öllu eða miklu máli þegar kemur að því að skapa góð lífskjör á Íslandi Capacent Gallup vann þessa könnun fyrir Viðskiptaráð Íslands.

Icelandair selur SmartLynx í Lettlandi

Fyrir síðustu áramót gekk Icelandair frá samningi við stjórnendur SmartLynx um kaup á öllu hlutafé félagsins. Í samningnum voru nokkrir fyrirvarar sem nú hafa verið uppfylltir.

Lífeyrissjóðirnir lánuðu Glitni 11 milljarða

Þrettán lífeyrissjóðir veittu Glitni nærri ellefu milljarða króna lán í mars 2008 þegar viðvörunarmerki voru farin að blikka á íslenskum fjármálamarkaði. Engar tryggingar voru fyrir láninu og enginn gjalddagi. Milljarðarnir töpuðust nokkrum mánuðum síðar þegar bankinn féll.

LV hafnar vangaveltum um lögbrot

Stjórn Lífeyrissjóðs verzlunarmanna hafnar afdráttarlaust þeim vangaveltum sem fram koma í skýrslu Rannsóknarnefndar lífeyrissjóðanna um að sjóðurinn hafi brotið lög með kaupum á gjaldeyristryggingum árið 2008.

Kynning rannsóknarnefndar aðgengileg á Vísi

Inn á viðskiptavef Vísis er nú hægt að sjá kynningu rannsóknarnefndar um starfsemi lífeyrissjóðanna fyrir hrun í heild sinni. Rannsóknarnefndina skipuðu Hrafn Bragason, fyrrverandi hæstaréttardómari, Guðmundur Heiðar Frímannsson heimspekiprófessor, og Héðinn Eyjólfsson viðskiptafræðingur.

Sjá næstu 50 fréttir

Mest lesið