Icelandair lækkað um 3,14%

Gengi bréfa í Icelandair hefur fallið um 3,14% í morgun en gengi bréfa félagsins er nú 5,25. Hvort þessi lækkun tengist eitthvað áformum Easy jet um að fljúga hingað til lands, sem tilkynnt var um í morgun, skal ósagt látið.

Héðinsfjarðargöng fóru langt fram úr áætlun

Héðinsfjárðargöng kostuðu 15,4 milljarða, 17,2% meira en áætlað var. Þetta kemur fram á vef Vegerðar ríkisins.

easyJet til Íslands: Um 11 þúsund krónur báðar leiðir

Breska lággjaldaflugfélagið easyJet hefur ákveðið að hefja áætlunarflug til Íslands frá Bretlandi. Flogið verður þrisvar í viku til Keflavíkur frá Lutonflugvelli í nágrenni London. Ferðirnar hefjast 27. mars á næsta ári en miðarnir fara í sölu á morgun. Í tilkynningu frá easy Jet segir að miðaverðið verði 6100 krónur aðra leiðina en 10.900 krónur báðar leiðir.

Lífeyrissjóðir keyptu hluti í Icelandair af sjálfum sér

Sá breiði hópur fjárfesta sem keyptu 10% hlut í Icelandair af Framtakssjóði Íslands (FSÍ) er að mestu skipaður eigendum sjóðsins. Samkvæmt heimildum Fréttablaðsins voru níu lífeyrissjóðir sem eru á meðal eigenda FSÍ hluti af hópnum. Þeirra á meðal er Lífeyrissjóður verslunarmanna, sem keypti 2,5% og á nú 14,5% hlut, og Gildi lífeyrissjóður, sem keypti um 1,1% hlut.

Leigumarkaðurinn óðum að dragast saman

Leigumarkaðurinn dregst nú óðum saman en samfelld fækkun hefur orðið á þinglýstum leigusamningum milli ára það sem af er árinu.

Dimon: Allt hefur breyst, þarf nýjar reglur?

Jamie Dimon, forstjóri bandaríska risabankans JP Morgan Chase, stóð upp á blaðamannafundi hjá Ben Bernanke seðlabankastjóra Bandaríkjanna fyrr á þessu ári spurði hann ítarlega út í hvort það væri þörf fyrir miklar breytingar á regluverki fjármálamarkaðarins.

Slitastjórn krefur Jón Ásgeir um 83 milljónir

Slitastjórn Glitnis stendur nú í málaferlum við Jón Ásgeir Jóhannesson vegna 450 þúsund punda, jafnvirði um 83 milljóna króna, sem hún telur hann skulda sér í málskostnað vegna kyrrsetningarmáls í Bretlandi.

CCP braut persónuverndarlög

persónuvernd Íslenski tölvuleikjaframleiðandinn CCP braut lög um persónuvernd með því að senda upplýsingar um notendur tölvuleiksins Eve Online til Kína og Bandaríkjanna samkvæmt úrskurði Persónuverndar.

Ógilding yfirtöku á svínabúum staðfest

Áfrýjunarnefnd samkeppnismála hefur staðfest niðurstöðu Samkeppniseftirlitsins um að ógilda yfirtöku Stjörnugríss á svínabúunum Brautarholti og Grísagarði.

Fréttaskýring: Krónan enn sveiflugjörn þrátt fyrir gjaldeyrishöft

Rannsókn fréttastofu leiðir í ljós að þrátt fyrir að vera studd gjaldeyrishöftum er íslenska krónan aðeins í meðallagi stöðugur gjaldmiðill á við aðrar fljótandi myntir í Evrópu síðustu misserin.

Slitameðferð Kaupþings vísað til EFTA dómstólsins

Leitað verður ráðgefandi álits EFTA-dómstólsins á því hvort tilteknir þættir í slitameðferðinni hafi samræmst reglur um EES, samkvæmt úrskurði Héraðsdóms Reykjavíkur í dag. Málið tengist kröfu sem Anglo Irish Bank á Írlandi gerir á hendur Kaupþingi upp á samtals 15 milljónir evra.

Ógilding yfirtöku Stjörnugríss á svínabúum staðfest

Áfrýjunarnefnd samkeppnismála hefur staðfest niðurstöðu Samkeppniseftirlitsins um að ógilda yfirtöku fyrirtækisins Stjörnugríss á svínabúum. Þetta kemur fram á vefsíðu Samkeppniseftirlitsins.

Karl Wernersson heldur hundruðum milljóna

Héraðsdómur Reykjavíkur vísaði í dag frá máli þrotabús Milestone á hendur Karli Wernerssyni um greiðslur á verðmætum sem Karl fékk í aðdraganda gjaldþrots Milestone. Þrotabúið krafðist að um 500 milljóna króna greiðslum til Karls yrði rift og að Karl myndi greiða þrotabúinu 418 milljónir króna. Karli var stefnt þann 9. nóvember í fyrra. Ástæða frávísunarinnar er sú að málið var höfðað eftir að málshöfðunarfrestur rann út.

Alls óljóst hvenær Nubo verður svarað

Ögmundur Jónasson innanríkisráðherra segir ekkert til um það hvenær hann mun svara erindi Huangs Nubo vegna fyrirhugaðra kaupa hans á jörð á Grímsstöðum á Fjöllum. Kristján Möller, þingmaður Samfylkingarinnar, spurði Ögmund út í málið á Alþingi í dag. Kristján sagði að hér væri um miklar tekjur að ræða sem myndu skila sér sem tekjur við nýsköpun.

Johnson: Millistéttin borgar fyrir glannaskap banka

Simon Johnson, prófessor í hagfræði við MIT háskólann í Boston, segir að "millistéttin“ sé að borga brúasann fyrir glannaskap bankanna. Þetta sjáist víða og sé í reynd alþjóðlegt einkenni á vandamálum sem hagkerfi heimsins glími nú við.

Glitnir krefst þess að Jón Ásgeir greiði allan málskostnað

Þrotabú Glitnis banka krefst þess að Jón Ásgeir Jóhannesson greiði allan þann málskostnað sem honum ber að greiða í tengslum við frystingu á eignum hans í London. Heildarkrafa Glitnis gagnvart Jóni Ásgeiri Jóhannessyni er 604 þúsund pund, liðlega 110 milljónir króna, en hann hefur nú þegar greitt um 150 þúsund pund, liðlega 27 milljónir króna.

Gæti hagnast um tæpa 5 milljarða á Icelandair

Hagnaður Framtakssjóðs Íslands af kaupunum á tæplega 30% hlut í Icelandair í fyrra nemur milljörðum króna.

Sigríður hefur störf um áramót

Sigríður Benediktsdóttir, sem nýlega var ráðin yfirmaður fjármálastöðugleikasviðs Seðlabanka Íslands, tekur ekki formlega til starfa fyrr en um áramót og gegnir Harpa Jónsdóttir, hennar næstráðandi, starfi hennar fram að því.

SP-toppar fara frá Landsbankanum

Kjartan G. Gunnarsson, framkvæmdastjóri Bíla og tækjafjármögnunar hjá Landsbankanum, hefur ákveðið að láta af störfum. Hið sama á við um forstöðumennina Pétur Gunnarsson og Herbert Arnarson.

Breiður hópur fjárfesta keypti í Icelandair

Framtakssjóður Íslands hefur selt 10% hlutafjár í Icelandair Group, alls 500 milljón hluti til breiðs hóps fagfjárfesta. Meðalverð á hlut var 5,423 krónur og nemur heildarsöluvirði hlutafjár því 2.711 milljónum króna. Eftir viðskiptin á Framtakssjóður Íslands um 950 milljón hluti í Icelandair Group, eða um 19% hlutafjár.

Vöruskiptin hagstæð um 8 milljarða í október

Samkvæmt bráðabirgðatölum fyrir október var útflutningur 52,7 milljarðar króna og innflutningur tæpir 44,7 milljarðar króna. Vöruskiptin í október voru því hagstæð um 8,1 milljarð króna samkvæmt bráðabirgðatölum. Þetta kemur fram á vefsíðu Hagstofunnar.

Almenningur nýtur ekki góðs af hækkun á raungengi krónunnar

Raungengi krónunnar heldur áfram að styrkjast en almenningur virðist ekki njóta þess sem skyldi.

Gjaldeyrisforði Seðlabankans kominn í 983 milljarða

Gjaldeyrisforði Seðlabankans er kominn í tæplega 983 milljarða króna og jókst hann um rúmlega 71 milljarð króna í október.

Milestone í mál við Makedóna

Þrotabú Milestone reynir nú að innheimta skuld upp á eina milljón evra, jafnvirði um 160 milljóna króna, af makedónskum kaupsýslumanni, sem var viðskiptafélagi Wernersbræðranna Karls og Steingríms fyrir bankahrun. Málflutningur um skuldina fór fram fyrir Héraðsdómi Reykjavíkur í gær.

Verkfræðistofur leita að verkefnum erlendis

Tæplega tvö hundruð verk- og tæknifræðingar eru án vinnu samkvæmt tölum Vinnumálastofnunar. Framkvæmdastjóri Verkfræðingafélags Íslands segir það áhyggjuefni hversu litlar upplýsingar liggja fyrir um landflótta í stéttunum.

Dregið verði úr verðtryggingaráhættu

Ákveðið hefur verið að ríkissjóður kaupi til baka óverðtryggð bréf af Íbúðalánasjóði að andvirði 32,5 milljarðar króna að nafnverði. Á móti afhendir ríkissjóður verðtryggð bréf fyrir 31,62 milljarða króna, að því er segir í tilkynningu.

Áttatíu milljóna króna sekt vegna verðsamráðs

Samkeppniseftirlitið hefur ákveðið að leggja 80 milljóna króna sekt á Langasjó, móðurfélag Síldar og fisks og Matfugls vegna verðsamráðs. Málið tengist smásöluverðlagningu á kjöti og unnum kjötvörum sem voru verðmerktar fyrir Bónus.

Icelandair hækkaði í kjölfar tilkynningar um sölu

Icelandair hækkaði um rúmlega 1,1 % í dag og stendur gengi bréfa féalgsins nú í 5,48. Eins og áður hefur komið fram tilkynnti Framtakssjóður Íslands um það í morgun að hann hygðist selja 10% hlut í félaginu á genginu 5,42. Íslandsbanki hefur umsjón með söluferlinu.

Fimm milljarða króna aukakvóti

Jón Bjarnason sjávarútvegs- og landbúnaðarráðherra hefur ákveðið í framhaldi af ráðgjöf Hafrannsóknarstofnunarinnar 3. nóvember síðastliðinn að hækka heildaraflamark í íslenskri sumargotssíld um 40 þúsund tonn. Fyrr á þessu hausti úthlutaði ráðherra 5 þúsund tonnum í sama aflamarki.

Arion vann milljarðamál í héraðsdómi

Ice Capital ehf, sem áður hét Sund ehf, hefur verið dæmt til að greiða Arion banka því sem nemur 3,7 milljörðum króna vegna láns sem félagið tók hjá Kaupþingi. Málið er rakið til þess að árið 2004 gerði Sund samning við Kaupþing Búnaðarbanka um eignastýringu.

Úr 3,6 milljörðum í 8,1 milljarð

Miðað við markaðsgengi Icelandair Group í dag er hlutur Framtakssjóðsins í félaginu ríflega 8,1 milljarða virði. Framtakssjóðurinn keypti 30% hlutinn á 3,6 milljarða. Hagnaðurinn er því umtalsverður. Tíu prósent hlutur, sem Icelandair tilkynnti um í morgun að yrði seldur, er virði um 2,7 milljarða króna miðað við núverandi gengi.

Vill ljúka fjármögnunarsamningi um Vaðlaheiðagöng

Steingrímur J. Sigfússon fjármálaráðherra segist telja að ekkert sé því til fyrirstöðu að ljúka fjármögnunarsamningi við fyrirtækið Vaðlaheiðagöng hf um fjármögnun fyrir gerð ganganna. Samkvæmt samningnum mun fyrirtækið hafa umsjón með gerð ganganna með láni frá ríkissjóði. Verktakafyrirtækin ÍAV og Marti munu sjá um verklegan þátt framkvæmdanna.

Vill nýtt mat á kostnaði við Vaðlaheiðargöng

Runólfur Ólafsson, framkvæmdastjóri Félags íslenskra bifreiðaeigenda, vill að gert verði nýtt mat á kostnaðinum við gerð Vaðlaheiðarganga. Hann segir það vægast sagt varlega áætlað að ætla að gera ráð fyrir 7% frávikum frá kostnaðaráætlun miðað við það hve mikið gangagerð hefur farið fram úr kostnaðaráætlunum síðustu ára. Áætlaður kostnaður við gerð ganganna nemur um 10 milljörðum króna. Runólfur benti á að kostnaðaráætlun hefði verið gerð af Saga Capital og síðar MP banka. Þessir aðilar hefðu hag af því að framkvæmdin yrði að veruleika vegna þess að bankinn myndi sjá um skuldabréfaútboð í tengslum við fjármögnun ganganna. Kristín H. Sigurbjörnsdóttir, formaður stjórnar Vaðlaheiðarganga, sagðist ekkert hafa á móti því að óháður aðili gerði kostnaðarmat á framkvæmdinni.

Áfram dregur úr veltunni á fasteignamarkaðinum

Áfram dregur úr veltunni á fasteignamarkaðinum í borginni. Fjöldi þinglýstra kaupsamninga á höfuðborgarsvæðinu í síðustu viku var 74 talsins. Þetta er töluvert undir meðaltalinu undanfarnar 12 vikur sem eru 98 samningar á viku.

Framtakssjóðurinn hagnast vel

Framtakssjóður Íslands hefur hagnast vel á fjárfestingu sinni í Icelandair Group, sem tilkynnt var um í morgun að hann væri að selja 10% hlut í.

Selja 10% í Icelandair

Framtakssjóður Íslands hefur falið Verðbréfamiðlun Íslandsbanka hf. að hafa umsjón með sölu á 10% hlutafjár í Icelandair Group. Hlutaféð er boðið til sölu til fagfjárfesta með áskriftarfyrirkomulagi. Lágmarksverð er kr. 5,42 á hlut sem er dagslokagengi á síðasta viðskiptadegi, föstudaginn 4. nóvember. Frestur til að skila inn tilboðum er til kl. 18.00 mánudaginn 7. nóvember, 2011.

Met sett í útflutningi sjávarafurða

Met var sett í útflutningi sjávarafurða frá landinu í september en útflutningurinn nam 28,6 milljörðum króna og hefur aldrei verið meiri í krónum talið. Það er þessum útflutningi að þakka hve myndarlegur afgangur varð á vöruskiptajöfnuðinum í september en hann nam 15.5 milljörðum króna.

Endurfjármagna Hörpuna

Til stendur að ráðast í skuldabréfaútgáfu upp á 18 milljarða króna til að endurfjármagna sambankalán sem Austurhöfn-TR, eigandi tónlistar- og ráðstefnuhússins Hörpu, tók í janúar í fyrra. Austurhöfn er í 54% eigu íslenska ríkisins og 46% eigu Reykjavíkurborgar. Skuldabréfaútboðið á að fara fram á fyrsta ársfjórðungi ársins 2012 og verður innlent. Þetta staðfestir Pétur J. Eiríksson, stjórnarformaður Portusar, dótturfélags Austurhafnar, sem heldur utan um eignarhald á Hörpunni.

Matvörufélag Ólafs græðir milljarða

Hollenska matvælafyrirtækið Alfesca, sem Ólafur Ólafsson á tæplega 40 prósenta hlut í, hagnaðist um 35 milljónir evra á síðasta ári, sem jafngildir rúmlega 5,5 milljörðum íslenskra króna. Þetta kom fram í fréttum Stöðvar 2 í gær.

Slitastjórnir mala gull eftir hrunið

Slitastjórnir föllnu bankanna þriggja mala gull eftir bankahrunið, en sumar lögmannsstofur í eigu nefndarmanna í slitastjórnum skiluðu tugmilljóna króna hagnaði á síðasta ári. Í slitastjórn Kaupþings sitja nú þau Feldís Lilja Óskarsdóttir og Davíð Benedikt Gíslason, eftir að Ólafur Garðarsson, lét af störfum. Lögmannstofa Feldísar Lilju hagnaðist um 6,8 milljónir króna í fyrra samkvæmt ársreikningi. Félag Davíðs hefur ekki skilað ársreikningi fyrir árið 2010. Fyrirtæki utan um rekstur Steinars Þórs Guðgeirssonar, sem er formaður skilanefndar Kaupþings, skilaði rúmlega fimmtíu milljóna króna hagnaði á síðasta ári og er félagið skráð með eignir upp á tæplega hundrað milljónir króna, en hann þess skal getið að hann rekur félagið ásamt eiginkonu sinni sem einnig er lögmaður og inni í fjárhæðinni eru því einnig hagnaður vegna tekna hennar.

Epli.is sektað fyrir loforð um „enga vírusa“

Neytendastofa hefur sektað Epli.is um eina og hálfa milljón króna sökum þess að fyrirtækið notaði fullyrðinguna „engir vírusar" í auglýsingum sínum, en gat ekki fært sönnur á hana. Þetta kom fram í hádegisfréttum RÚV. Sektin er lögð á rekstraraðila Epli.is vegna þess að fyrirtækið fór ekki eftir banni Neytendastofunnar við að nota fullyrðinguna í markaðsherferðum. Í desember á síðasta ári gerði Neytendastofa fyrst athugasemdir við auglýsingarnar. Í október á þessu ári bárust hins vegar ábendingar um að auglýsingarnar væru aftur farnar að birtast. Í kjölfarið komst Neytendastofa að þeirri niðurstöðu að um ítrekuð brot væri að ræða og fyrirtækið sýndi einbeittan vilja til að blekkja neytendur. Því þótti hæfilegt að sekta fyrirtækið um eina og hálfa milljón króna.

Milljarða hagnaður fyrirtækja Ólafs

Matvælafyrirtækið Alfesca, sem Ólafur Ólafsson á tæplega 40% hlut í, hagnaðist um 35 milljónir evra á síðasta ári, samkvæmt ársreikningi fyrir árið 2010. En það jafngildir rúmlega 5,5 milljörðum króna. Ólafur á fjörutíu prósenta hlut í gegnum hollenska fyrirtækið Kjalar Invest á móti franska fyrirtækinu Lur Berri. Tæplega hálfur milljarður króna var greiddur út í arð til hluthafa í fyrra en eignir Alfesca umfram skuldir nema 375 milljónum evra, jafnvirði rúmlega 59 milljarða króna.

Er ég ekki örugglega í fókus?

Lytro er líklega með skrýtnustu myndavélum sem þú hefur séð. Hún er ferstrendingslaga, á öðrum endanum er lítill snertiskjár og á hinum endanum er óvenjulega stór linsa fyrir svona litla vél. En þótt að Lytro sé smá þá býr í henni tækni sem er áður óþekkt, í það minnsta á neytendamarkaði. Þú þarft nefnilega aldrei að fókusa neitt.

Segir ráðherra hafa misst af tekjum upp á milljarða

Magnús Orri Schram sakar sjávarútvegsráðherra um að hafa "misst af dauðafæri" þegar hann úthlutaði kvóta í makríl án endurgjalds til útgerðarmanna fyrr í haust. Með því að leigja kvótann frá ríkinu hefði ráðuneytið geta aflað 6 milljarða króna að mati Magnúsar. Þeir hefðu komið sér vel á niðurskurðartímum.

Þarf þrjúþúsund notendur á mánuði

Í Holtagörðum er nú verið að undirbúa opnun nýrrar líkamsræktarstöðvar en eigendur hennar ætla sér að tröllríða markaðnum hér á landi með því að bjóða ódýr líkamsræktarkort án bindingar. Stöðin þarf þrjúþúsund korthafa til að reksturinn gangi upp. Það er nóg um að vera í Holtagörðum þessa dagana en þar er líkamsræktarfrumkvöðullinn Ágúst Ágústsson ásamt foreldrum sínum í óða önn að innrétta glænýja líkamsræktarstöð.