Áfram dregur úr veltunni á fasteignamarkaðinum

Áfram dregur úr veltunni á fasteignamarkaðinum í borginni. Fjöldi þinglýstra kaupsamninga á höfuðborgarsvæðinu í síðustu viku var 74 talsins. Þetta er töluvert undir meðaltalinu undanfarnar 12 vikur sem eru 98 samningar á viku.

Þetta kemur fram á vefsíðu Þjóðskrár Íslands. Þar segir að af þessum 74 samningum voru 55 samningar um eignir í fjölbýli, 15 samningar um sérbýli og 4 samningar um annars konar eignir en íbúðarhúsnæði. Heildarveltan var 2.377 milljónir króna og meðalupphæð á samning 32,1 milljón króna.  Á síðustu 12 vikum hefur veltan verið 2.745 milljónir kr. að meðaltali á viku og meðalupphæð á samning hefur numið rúmlega 28 milljónum króna.

 

Í síðustu viku var 3 kaupsamningum þinglýst á Suðurnesjum. Þar af var 1 samningur um eignir í fjölbýli og 2 samningar um sérbýli. Heildarveltan var 70 milljónir króna og meðalupphæð á samning 23,2 milljónir króna.

Á sama tíma var 14 kaupsamningum þinglýst á Akureyri. Þar af voru 9 samningar um eignir í fjölbýli, 3 samningar um sérbýli og 2 samningar um annars konar eignir en íbúðarhúsnæði. Heildarveltan var 234 milljónir króna og meðalupphæð á samning 16,7 milljónir króna.

Á sama tíma var 2 kaupsamningum þinglýst á Árborgarsvæðinu. Þeir voru báðir um sérbýli. Heildarveltan var 51 milljón króna og meðalupphæð á samning 25,5 milljónir króna.