Stefna á útrás bókhaldsforrits

Fyrirtækið Regla hefur síðastliðin tvö ár prufukeyrt samnefnt bókhaldskerfi fyrir lítil og meðalstór fyrirtæki á netinu. Stefnt er að því að markaðssetja það erlendis á næstu mánuðum. Þetta er íslensk nýsmíði frá grunni, sem fór í gang af fullum krafti eftir bankahrunið 2008.

Gerir ráð fyrir að eiga 1.100 íbúðir í árslok

Íbúðalánasjóður yfirtók 537 íbúðir fyrstu átta mánuði ársins og átti samtals 822 íbúðir hinn 1. september síðastliðinn. Áætlanir sjóðsins gera ráð fyrir að hann muni eiga um 1.100 íbúðir í lok þessa árs.

Arðgreiðslur skila sér ekki inn í landið

Dótturfélög íslenskra fyrirtækja og félög í eigu innlendra aðila í útlöndum sendu ekki arð af rekstri þeirra heim til móðurfélaga hér á fyrri hluta árs. Arðgreiðslur voru sömuleiðis ekki fluttar heim á fyrstu sex mánuðum síðasta árs.

Gamma hækkaði lítillega

Skuldabréfavísitalan GAMMA: GBI hækkaði lítillega í dag í 4,7 ma. viðskiptum. GAMMAi: Verðtryggt hækkaði um 0,1% í 2,1 ma. viðskiptum og GAMMAxi: Óverðtryggt lækkaði um 0,1% í 2,6 ma. viðskiptum.

Rannsókn sérstaks á sömu slóðum og New York málið

Víðtækar aðgerðir og rannsókn sérstaks saksóknara í dag bendir til þess að hann sé að róa á sömu miðum og slitastjórn Glitnis í málaferlum sínum gegn svokölluðum sjömenningum í New York.

Nefnd skipuð til að kanna forsendur verðtryggingar

Efnahags- og viðskiptaráðherra hefur skipað nefnd sem mun kanna forsendur verðtryggingar á Íslandi. Nefndin er skipuð í kjölfar þingsályktunar frá 16. júní sl. og mun meðal annars meta kosti og galla þess að draga úr vægi verðtryggingar í íslensku fjármálakerfi, án þess að fjármálastöðugleika sé ógnað.

Sérstakur rannsakar lán til Baugs, FS-38 og Landic auk Stím

Í tengslum við rannsóknir embættis sérstaks saksóknara á lánveitingum Glitnis og viðskiptum með hlutabréf fóru fram húsleitir á ýmsum stöðum í dag á höfuðborgarsvæðinu og á Akureyri. Nánar tiltekið eru til rannsóknar eftirgreind mál:

Greining MP Banka spáir að verðbólga minnki í 3,1%

Greining MP Banka spáir því að árs verðbólga minnki úr 3,3% og í 3,1% í þessum mánuði. Þetta kemur fram í Markaðsvísi greiningarinnar.

Eurostat mælir 4,6% verðbólgu hér á landi

Verðbólgan hér á landi var 4,6% í október samkvæmt samræmdri vísitölu neysluverðs sem Hagstofa Evrópusambandsins (e. Eurostat) tekur saman og birti nú í morgun. Minnkar því verðbólgan um 0,5 prósentustig milli mánaða en hún var 5,1% hér á landi í september samkvæmt vísitölunni.

Lítil batamerki í verslun fyrir utan raftækjaverslun

Þrátt fyrir að vísbendingar um t.d. kortaveltu landsmanna bendi nú til þess að einkaneysla sé að hrökkva í gang á nýjan leik segja hagtölur um verslun aðra sögu. Enn sem komið er sjást ekki batamerki í veltu í verslunum að raftækjaverslun undanskilinni, en velta í raftækjaverslunum hefur nú aukist mikið undanfarna 5 mánuði.

Fengur hefur endurvinnslu á timbri hérlendis

Endurvinnslan Fengur ehf. framleiðir spón fyrir íslenskan landbúnað og vill með því leggja sitt af mörkum við að efla innlenda framleiðslu og nýsköpun til að flýta fyrir bata efnahagslífsins, að því er segir í tilkynningu. Áætlað er að framleiða um 3000-4000 tonn á ári fyrir innlendan markað.

ASÍ: Vörukarfan lækkar í Hagkaupum og Nóatúni

Verðið á vörukörfu ASÍ hefur lækkað umtalsvert í Hagkaupum og Nóatúni frá því í sumar en á sama tíma staðið óbreytt í lágvöruverslunarkeðjunum Bónus og Krónunni. Þetta er meðal þess sem fram kemur í nýjustu verðmælingu verðlagseftirlits ASÍ á almennri vörukörfu í helstu matvöruverslunarkeðjunum.

SFÚ: Frosinn kvótamarkaður og geysihá verð

Samtök fiskframleiðenda og útflytjenda (SFÚ) lýsa yfir áhyggjum af stöðunni á leigumarkaði aflaheimilda. Leigumarkaðurinn er frosinn og verðin gríðarlega há. SFÚ hvetur sjávarútvegs- og landbúnaðarráðherra til að leita úrræða sem allra fyrst til að leysa vandann og hvetur ráðherra til beita þeim úrræðum sem fyrir hendi eru í núverandi lögum um stjórn fiskveiða.

Íbúðalánasjóður heldur vöxtum sínum óbreyttum

Íbúðalánasjóður hefur í kjölfar útboðs á íbúðabréfum og í samræmi við breytingu á vaxtaálagi ákveðið að útlánavextir sjóðsins verði óbreyttir.

Hagnaður HS Orku nemur 1,2 milljörðum

Hagnaður HS Orku á fyrstu níu mánuðum þessa árs nemur ríflega 1,2 milljörðum kr. eftir skatta. Á sama tímabili í fyrra nam hagnaðurinn ríflega 2,2 milljörðum kr.

Eignir tryggingarfélaga lækkuðu um 1,2 milljarða milli mánaða

Heildareignir tryggingarfélaga námu 136 milljörðum kr. í lok september og lækkuðu um 1,2 milljarða kr. á milli mánaða.

Segir árangur en ekki niðurstöðu í Icesavedeilunni

Talsmaður hollenska fjármálaráðuneytisins segir að árangur hafi náðst í samningaviðræðum Íslendinga við Breta og Hollendinga um lausn á Icesavedeilunni. Hinsvegar liggi samningur ekki fyrir.

Saga og Arion banki hætta viðskiptavakt með bréf í Össuri hf.

Í kjölfar beiðni Össurar um afskráningu úr Kauphöllinni á Íslandi hafa Össur hf. og Saga Fjárfestingarbanki hf. samið um að leysa Sögu Fjárfestingabanka undan samningi um viðskiptavakt með hlutabréf Össurar.

Spákaupmenn vaknaðir til lífsins á skuldabréfamarkaði

Spákaupmenn eru vaknaðir til lífsins á skuldabréfamarkaðinum hér á landi eftir harða útreið í september. Þetta kemur fram í markaðsfréttum Íslenskra verðbréfa þar sem fjallað er um stöðuna á skuldabréfamarkaðinum.

Afkoma Icelandair batnar töluvert milli ára

Icelandair skilaði 5,2 milljarða kr. hagnaði á þriðja ársfjórðungi ársins. Þetta er töluvert betri afkoma en á sama tímabili í fyrra þegar hagnaðurinn nam 4 milljörðum kr.

Engin skýring að svo stöddu

"Dráttur á sölu Sjóvár á sér eðlilegar skýringar sem Seðlabankinn getur ekki tjáð sig um opinberlega að svo stöddu," segir í yfirlýsingu Seðlabanka Íslands.

Slæmt fyrir íslenskt efnahagslíf

Afskráning Össurar úr íslensku Kauphöllinni eru slæm tíðindifyrir íslenskan hlutabréfamarkað og efnahagslíf, segir Þórður Friðjónsson forstjóri Kuphallarinnar í viðtali við Fréttablaðið.

FME verði hluti af lausninni en ekki vandanum

Viðskipti Fjármálaeftirlitið (FME) hefur alls kært 43 mál til sérstaks saksóknara frá stofnun síðarnefnda embættisins. Þar af hafa sextán mál verið kærð undanfarið ár. Þetta er meðal þess sem fram kom á ársfundi FME í gær.

Stærsta félagið segir skilið við Kauphöllina

Stoðtækja- og gervilimaframleiðandinn Össur hefur farið fram á afskráningu úr Kauphöllinni. Jón Sigurðsson, forstjóri Össurar, býst við að afskráningin gangi í gegn á næstu vikum. Við hana missir Kauphöllin sitt langstærsta félag. Össur hyggst leggja áherslu á skráningu í Nasdaq OMX kauphöllina í Kaupmannahöfn. Félagið er nú skráð í báðar kauphallirnar.

Nýr Icesave samningur

Samninganefndir Íslands, og Breta og Hollendinga, hafa komið sér saman um grundvallaratriðin í nýju samkomulagi vegna Icesave reikninga Landsbankans. Drögin hafa verið kynnt hagsmunaaðilum. Samkvæmt þeim munu 40 til 60 milljarðar falla á íslenska ríkið.

World Class á spottprís

Björn Leifsson og Hafdís Jónsdóttir greiddu aðeins 25 milljónir króna fyrir rekstur World Class þegar þau keyptu hann af þrotabúi Þreks, sem var í eigu þeirra sjálfra. Eignin er metin á 500-700 milljónir króna.

Nærri 6 milljarða viðskipti með skuldabréf

Skuldabréfavísitalan GAMMA: GBI lækkaði um 0,3% í dag í 5,7 ma. viðskiptum. GAMMAi: Verðtryggt lækkaði um 0,4% í 2,6 ma. viðskiptum og GAMMAxi: Óverðtryggt lækkaði um 0,2% í 2,9 ma. viðskiptum.

Össur hf. sækir um afskráningu úr Kauphöllinni

Össur hf. hefur óskað eftir afskráningu úr Kauphöll á Íslandi. Áhersla verður lögð á skráninguna í Kaupmannahöfn.

Yfirveðsett íbúðalán í bönkum nema 85 milljörðum

Um mitt ár 2010 voru útlán með veði í íbúðarhúsnæði hjá viðskiptabönkunum 261 milljarðar kr. og 42 milljarðar kr. hjá sparisjóðunum, eða samtals 303 milljarðar kr. Um 28% þessara lána eru með veðhlutfall sem er yfir 100% eða samtals ríflega 85 milljarðar kr.

Aktu Taktu óheimilt að nota orðið Twister

Hérðsdómur Reykjavíkur hefur úrskurðað að Aktu Taktu sé óheimilt að nota orðið Twister á matseðlum sínum. Kentucky Fried Chicken (KFC) í Bandaríkjunum eigi réttinn á þessu vörumerki.

Vill rifta meintum gjafagjörningi upp á hálfan milljarð

Sigurbjörn Þorbergsson, skiptastjóri Þreks sem áður rak World Class, mun á næstu dögum höfða mál til að rifta meintum gjafagjörningi. Fyrri eigendur greiddu 25 milljónir fyrir eignir sem skiptastjórinn metur á 500- 700 milljónir.

Smálán: Bannað að lána tekjulágum

Starfsemi smálánafyrirtækja verður starfsleyfisskyld. Starfandi fyrirtæki fá þriggja mánaða frest til þess að afla sér starfsleyfis, samkvæmt nýju lagafrumvarpi sem efnahags- og viðskiptaráðherra hefur boðað um starfsemi slíkra fyrirtækja.

Árleg raunávöxtum lífeyrissjóða 3,1% frá árinu 1997

Íslenskir lífeyrissjóðir eru með um 3,1% árlega raunávöxtun frá árinu 1997 á meðan markaðsraunvextir hafa verið um 4,5%. Þetta kemur fram í áliti frá hinu óháða og sérhæfða fjármálafyrirtæki GAMMA þar sem fjallað er um ávöxtunnarmarkmið lífeyrissjóðanna.

ReMake í úrslit í alþjóðlegri keppni sprotafyrirtækja

Íslenska sprotafyrirtækið ReMake Electric er komið í úrslit í alþjóðlegri keppni sprotafyrirtækja um grænar hátæknilausnir, Cleantech Open Global Ideas Competition.

Heildaraflinn jókst um 4% milli ára í október

Heildarafli íslenskra skipa í nýliðnum októbermánuði, metinn á föstu verði, var 4,1% meiri en í október 2009. Það sem af er árinu hefur aflinn dregist saman um 8,6% miðað við sama tímabil 2009, sé hann metinn á föstu verði.

Rekstrarkostnaður íslenskra lífeyrissjóða lægstur innan OECD

Rekstrarkostnaður lífeyrissjóða á Íslandi og í Danmörku er lægri en í nokkrum öðrum aðildarríkjum Efnahags- og framfarastofnunarinnar OECD.

Yfirtöku á Exista lokið, 306 milljarða skuld breytt í hlutafé

Kröfuhafar Exista hafa yfirtekið félagið að fullu og er endurskipulagningu þess þar með lokið. Skuldum upp á 2 milljarða evra eða um 306 milljarða kr. var breytt í hlutafé í eigu kröfuhafanna. Þetta kemur fram í Financial Times í dag.

Útlán ÍLS hafa lækkað um rúma 3 milljarða milli ára

Samtals námu útlán Íbúðalánasjóðs (ÍLS) á fyrstu tíu mánuðum ársins 2010 tæpum 23 milljörðum króna samanborið við rúmlega 26 milljarða á sama tímabili ársins 2009.

Bankarnir hömluðu nýsköpun í landinu

Katrín Júlíusdóttir iðnaðarráðherra setur Alþjóðlega athafnaviku klukkan 17 í dag. Er þetta í annað sinn sem vikan er haldin hér á landi og segir Katrín ljóst að framtakið í fyrra hafi skapað nauðsynlegt og skemmtilegt umtal um þau tækifæri sem í boði eru.

Hókípókí-vinnubrögð við útboð á borun á Vaðlaheiði

Ræktunarsamband Flóa og Skeiða (RSFS) borar nú rannsóknarholur á Vaðlaheiði þrátt fyrir að hafa ekki mátt bjóða í verkið vegna þess að það er í greiðslustöðvun. Sambandið fór bakleið að verkinu, sem undirverktaki nátengds fyrirtækis. Vegamálastjóri segir þetta skrítið en þó löglegt.

Staða ríkissjóðs betri en spáð var

Staða ríkissjóðs fyrstu níu mánuði ársins var nítján milljörðum króna betri en áætlanir gerðu ráð fyrir, að því er fram kemur í nýjum tölum fjármálaráðuneytisins.

Vill eftirlit frá Vinnumálastofnun til verkalýðsfélaga

„Það fór allt í rugl þegar vinnumálastofnun fór að sjá um þetta,“ sagði Tryggvi Herbertsson, þingmaður Sjálfstæðisflokksins, um eftirlit með bótagreiðslum en honum finnst Vinnumálastofnun ekki vandanum vaxið til þess að hafa eftirlit með þeim fjölda bótaþega.

Gjaldeyrissakamál hugsanlega í uppnámi vegna lagaklúðurs

Gjaldeyrisreglur Seðlabankans voru ekki birtar með réttum hætti fyrr en í október síðast liðnum og voru því óskuldbindandi, að mati hæstaréttarlögmanns. Ef það verður niðurstaða dómstóla gæti það haft áhrif á fjölda mála þar sem menn eru grunaðir um að brjóta gegn höftunum.

Jónína: „Hótaði ekki - talaði bara götumál sem útrásarvíkingar skilja“

Jónína Benediktsdóttir beitti verulegum þrýstingi á forstjóra Kaupþings vegna fjármuna sem hún taldi sig eiga inni hjá bankanum. Hún þvertekur þó fyrir að hafa beitt fjárkúgun. Allt að sex ára fangelsi liggur við slíku broti.

AGS: Efnahagsbati hægari vegna seinkunar á fjárfestingum

Sendinefnd frá Alþjóðagjaldeyrissjóðnum, undir handleiðslu Julie Kozack, heimsótti Reykjavík í byrjun nóvember vegna fjórðu endurskoðun sjóðsins upp á 2,1 milljarð dollara. Þeir telja að efnahagsbatinn muni ganga hægar vegna seinkunnar á fjárfestingaverkefnum.