Seðlabankinn tekur upp hjáleið - Kallar eftir niðurstöðu um Kaupþing

Í ljósi erfiðleika sem glímt hefur verið við í greiðslumiðlun á milli Íslands og annara landa hefur Seðlabankinn tekið upp „tímabundna hjáleið“ með því að beina greiðslum um eigin reikninga og um reikninga erlendra samstarfsaðila Seðlabankans. Þetta fyrirkomulag hefur tekist vel í Danmörku og bindur bankinn vonir um að það eigi einnig við um önnur lönd innan tíðar. Seðlabankinn segir einnig brýnt að sem fyrst verði ljóst hvernig starfsemi Kaupþings verði háttað því gangsetning nýrra banka flýtir fyrir því að leysa þennan vanda.

FME segir engin hlutabréf í peningamarkaðssjóðum

Af gefnu tilefni vill Fjármálaeftirlitið (FME) koma því á framfæri að peningamarkaðssjóðir rekstrarfélaga verðbréfasjóða hafa ekki heimild til að fjárfesta í hlutabréfum, hvorki innlendra né erlendra.

Um 75% af umsvifum Iceland Express er nú erlendis

Fjármálaörðugleikarnir á Íslandi hafa gert það að verkum að um 75% af umsvifum Iceland Express kemur nú erlendis frá. Fyrir ekki svo ýkja löngu voru umsvifin í öfugu hlutfalli, það er 75% voru hér innanlands.

SPRON lækkar vexti um 3,5%

SPRON hefur ákveðið að lækka vexti um allt að 3,5%. Óverðtryggðir útlánsvextir munu lækka um 3,5% og óverðtryggðir innlánsvextir um 2,5-3,5%.

Skuldatryggingarálagið á ríkissjóð komið í tæpa 1.000 punkta

Skuldatryggingarálagið á lán til íslenska ríkisins er komið í 948 punkta samkvæmt CMA Datavision. Þetta þýðir t.d. að ef Rússar ætla að tryggja sitt lán til íslenska ríkisins mun það kosta þá 948.000 evrur á ári fyrir hverjar 10 milljónir evra sem tryggðar eru.

Áréttar að að Fons eigi enn 29% í Ticket

Ticket Travel Group áréttar að engar breytingar hafi orðið á eignarhaldi Fons í Ticket og að Fons eigi en rúmlega 29% hlut í félaginu sem keyptur var af Northern Travel Holding í ágúst s.l.

Enn fellur Bakkavör

Gengi hlutabréfa í Bakkavör féll um 10.9 prósent í fyrstu viðskiptum dagsins í Kauphöllinni í dag. Ein viðskipti upp á 2.338 krónur skýra fallið. Viðskipti eru afar fá í Kauphöllinni nú í morgunsárið, eða upp á rúmar 1,2 milljónir króna.

Hugsanlegt að Hollendingar hafi fengið rangar upplýsingar frá íslenskum eftirlitsstofnunum

Hugsanlegt er að hollenski Seðlabankinn hafi fengið rangar upplýsingar frá íslenskum eftirlitsaðilum varðandi stöðu íslenskra banka. Þetta hefur hollenska fréttastofan ANP eftir Wouter Bos, hollenska fjármálaráðherranum.

Glitnislán gjaldféll í dag

Lán Glitnis banka að andvirði 83,3 milljarðar íslenskra króna eða 750 milljónir bandaríkjadala gjaldféll í dag. Reuters fréttastofan segir að þetta verði fyrsta lánið sem Glitnir greiðir ekki af frá því að skilanefnd tók rekstur bankans yfir, en Fjármálaeftirlitið neitaði að tjá sig um það við Reuters hvort lánið yrði greitt.

Ráðherra líst vel á sölu á Kaupþingi

Viðskiptaráðherra ánægður með hugmyndir lífeyrissjóða um að kaupa starfsemi og rekstur Kaupþings. Stífir fundir.

Stundaglasið tæmdist með Glitni

Líkur eru á að önnur afgreiðsla stjórnvalda á máli Glitnis en að leysa til sín 75 prósenta hlut hefðu veitt bönkunum svigrúm til að komast í skjól.

SPRON starfar óbreytt áfram

Starfsemi SPRON verður óbreytt og unnið að endurskipulagningu og eflingu rekstursins með tilliti til langtímahagsmuna félagsins og gjörbreyttu umhverfi fjármálafyrirtækja, að því er fram kemur í tilkynningu SPRON.

Færeyingarnir rjúka upp um fjörutíu prósent

Gengi hlutabréfa í færeysku félögunum Eik banka og olíuleitarfélaginu Atlantic Petroleum hækkaði mest í Kauphöllinni í dag. Bréf Eik banka hækkaði um 43,12 prósent en olíuleitarfélagsins um 40 prósent.

Fagna stýrivaxtalækkun

Stjórn Neytendasamtakanna fagnar ákvörðun Seðlabankans að lækka stýrivexti úr 15,5% í 12%. Neytendasamtökin hefðu viljað meiri lækkun stýrivaxta, en þetta er engu að síður mikilvægt fyrsta skref í vaxtalækkun sem er nauðsynleg fyrir bæði heimili og fyrirtæki.

Sparisjóðirnir ætla að lækka vexti í kjölfar stýrivaxtalækkunar

Vegna tilkynningar Seðlabankans um samþykki lækkun stýrivaxta um 3,5% hafa Sparisjóðirnir á Íslandi ákveðið að lækka vexti á óverðtryggðum innláns- og útlánsreikningum sparisjóðanna eins fljótt og auðið er.

Eimskip fellur um 67 prósent

Gengi hlutabréfa í Eimskipafélaginu hefur fallið um 66,67 prósent í dag og stendur gengi bréfa í félaginu í hálfri krónu á hlut.

Evran kostar 150 krónur samkvæmt gjaldeyrisuppboði SÍ

Gengi evrunnar er 150 krónur í dag samkvæmt gjaldeyrisuppboði sem Seðlabankinn stóð fyrir í dag til að fá vísbendingu um gengi krónunnar.

Westminster Bank tekur ekkert mark á Seðlabanka Íslands

Fiskútflutningsfyrirtækið Ögurvík hefur ekki fengið greiðslur fyrir afurðir sínar í Bretlandi þótt Ögurvík sé komið að aðgang að safnreikingi í Seðlabanka Íslands. Westminster Bank í Bretlandi tekur ekki mark á þessum reikningi.

Auður Capital vill ræða um kaup á Sparisjóði Kaupþings

Auður Capital hefur sent formlegt erindi til Fjármálaeftirlitsins og skilanefndar Kaupþings þar sem óskað er eftir viðræðum um kaup á Sparisjóði Kaupþings sem er dótturfélag Kaupþings banka.

Spáir 10 prósenta samdrætti í hagvexti og 75 prósenta verðbólgu

Lars Christensen, forstöðumaður greiningar Danske Bank, telur að gengisfall krónunnar og stöðvun gjaldeyrisviðskipta muni leiða til 10 prósenta samdráttar í hagvexti Íslands til loka fjármálakreppunnar.

Seðlabankinn grípur til gjaldeyrisuppboðs

Seðlabanki Íslands hefur ákveðið að grípa til daglegs uppboðs sem veita mun vísbendingu um gengi krónunnar gagnvart erlendum myntum. Um er að ræða bráðabirgðafyrirkomulag í gjaldeyrismálum.

Hvað eru stýrivextir?

Líkt og fram hefur komið á Vísi hefur Seðlabanki Íslands ákveðið að lækkka stýrivexti um 3,5% og verða þeir því 12%. Margir hafa talað um nauðsyn þess að lækka stýrivexti upp á síðkastið. En hvað þýðir þetta? Hvað eru stýrivextir og hvaða máli skiptir þessi lækkun?

Bakkavör hækkar í byrjun dags

Gengi hlutabréfa í Bakkavör sveiflaðist talsvert í fyrstu viðskiptum dagsins í Kauphöllinni. Það hóf daginn á 11,5 prósenta falli en hækkaði skömmu síðar um 0,117 prósent. Gengi bréfa í fyrirtækinu hafði fallið samfellt hvern einasta dag um 75 prósent á síðustu þremur vikum.

Nýsir tapaði 6 milljörðum kr. á fyrri helming ársins

Nýsir tapaði rúmlega 6 milljörðum kr. á fyrri helming ársins. Rekstrarhagnaður fyrir fjármagnsgjöld var 373 milljónir kr.. Eftir fjármagnsgjöld og reiknaða skatta var tap af starfseminni sem nam samtals 6.137 milljónum kr.

Seðlabankinn lækkar stýrivexti um 3,5 prósent

Seðlabankinn hefur ákveðið að lækka stýrivexti sína um 3,5 prósent og verða þeir því 12 prósent. Þetta kemur fram í tilkynningu frá bankanum. Þar segir enn fremur að mikill umskipti hafi orðið í íslenskum þjóðarbúskap undanfarnar vikur.

Hagfræðiprófessor vill taka upp norsku krónuna

Þórólfur Matthíasson hagfræðiprófessor hjá Háskóla Íslands vill að Íslendingar taki upp norsku krónuna. Þetta kemur fram í viðtali vefsíðunnar E24.no við Þórólf.

Íslenskar eignir til sölu í Hong Kong og á Macau

Íslensk fyrirtæki og félög er að selja eignir sínar um allan heim og í dag greinir Bloomberg-fréttaveitan frá tveimur íslenskum eignumsem eru til sölu í Hong Kong og á Macau.

Hafa ekki fengið gjaldeyri í 10 daga

Innan sjávarútvegsins hafa fyrirtæki fundað um þá stöðu sem upp er komin vegna þess að gjaldeyrir skilar sér ekki til landsins. Samkvæmt heimildum Markaðarins standa þó enn vonir til þess að úr rætist á næstu dögum og greiðslur taki að skila sér milli landa. Öðrum kosti sé líklegt að leitað verði annarra leiða, svo sem með stofnun reikninga í erlendum bönkum sem greiðslur geti farið í gegn um.

Gagnrýnir framgöngu breskra stjórnvalda

Gylfi Zoega, prófessor í þjóðhagfræði við Háskóla Íslands, gagnrýnir Breta fyrir framgöngu þeirra í deilunni við Íslendinga. Hann segir að Íslendingar eigi ekki að þjást af óþörfu vegna ákvarðana miljarðamæringa sem áttu Landsbankann eða vegna reiði Breta.

FT segir íslenskar konur hafa tekið völdin

Bankaútrásin íslenska er kolfallin en ekki eru allir erlendir fjölmiðlar á því að hér ríki bölmóðurinn einn. Financial Times bendir á að nú hafi íslenskar konur tekið völdin nú þegar nýir tíma í efnahagsmálum renna upp.

Yfirlýsing Landsbankans vegna alþjóðlegra innlána

Landsbanki Íslands fullyrðir að engar reglur hafi verið brotnar við alþjóðleg innlán bankans. Snemma árs 2006 hafi kastljós erlendra fjölmiðla og markaðsaðila beinst að íslenskum efnahagsmálum og íslenska bankakerfinu.

Afborganir á myntkörfulánum verði frystar

Í ljósi efnahagsástandsins beinir ríkisstjórn Íslands þeim tilmælum til Fjármálaeftirlitsins og til stjórna Nýja Landsbankans hf. og Nýja Glitnis hf., að frystar verði afborganir skuldara á myntkörfulánum, sérstaklega vegna húsnæðislána, þar til ró kemst á gjaldeyrismarkaðinn.

Dótturfélag Glitnis í Finnlandi selt stjórnendum

Dótturfélag Glitnis í Finnlandi hefur verið selt stjórnendum félagsins þar í landi. Þetta kemur fram í hálffimmfréttum Kaupþings.

Telja Ísland ekki verða lengi að ná sér úr kreppunni

Greingardeild Glitnis gerir ráð fyrir að Ísland verði ekki lengi að ná sér úr þeirri fjármálakreppu sem nú skekur landið. Höggið verði þó þungt fyrir heimilin og búast megi við miklu atvinnuleysi á næstu misserum.

Ticket-hlutur ekki kominn í eigu ríkisins

Pálmi Haraldsson, annar eigandi eignarhaldsfélagsins Fons, hafnar þeim fullyrðingum sem birtast í frétt á fréttavefnum standby,dk. að hlutur félagsins í sænsku ferðaskrifstofunni Ticket sé kominn í eigu stjórnvalda með hruni Landsbankans.

Tólf ár horfin úr Úrvalsvísitölunni

Gengi hlutabréfa í Bakkavör féll um rúm 38 prósent í Kauphöllinni í dag eftir að hún opnaði eftir þriggja daga viðskiptastopp. Þetta er mesta fall í Kauphöllinni. Engin viðskipti voru með bréf fjármálafyrirtækjanna íslensku.

Vill aðstoð IMF til að lágmarka skaðann

Inn- og útflutningur er í uppnámi segir Edda Rós Karlsdóttir, hagfræðingur. Hún vill hjálp frá Alþjóðagjaldeyrissjóðnum hið fyrsta til að koma í veg fyrir að skaðinn verði meiri en hann er orðinn.

Green á að hafa boðið ríkinu lán upp á 200 milljónir punda

Breski auðjöfurinn Philip Green á að hafa boðist til að lána íslenska ríkinu 200 milljónir punda. Í viðtali á Sky í gærkvöldi sagðist hann ætla að koma í veg fyrir að verslunum Baugs verði lokað, slíkt myndi hafa slæm áhrif á ímynd verslunar í Bretlandi.

Fimm manna sendinefnd ræðir við rússa

Eins og fram hefur komið á Vísi er sendinefnd frá Íslandi nú stödd í Moskvu þar sem hún á viðræðum við fulltrúa stjórnvalda um mögulega lánafyrirgreiðslu.

Stjórn Marel ákveður að fara í lokað hlutafjárútboð

Stórn Marels ákvað á stjórnarfundi í dag að bjóða 20-30 milljónir hluta í lokuðu hlutafjárútboði til hæfra fjárfesta til að styrkja enn frekar fjárhag félagsins og auka viðskipti með hlutabréf þess.

Sheikh Al-Thani hættir við kaup sín á hlut í Alfesca

Samkomulag hefur náðst á milli stjórnar Alfesca og Q Iceland Holding fjárfestingarfélags í eigu Sheikh Mohamed Bin Khalifa Al-Thani, bróður emírsins af Katar, um að falla frá fyrirhugaðri áskrift að 12,6 prósent hlutafjár í Alfesca.

Greining Landsbankans hætt, Vegvísirinn heyrir sögunni til

Greining Landsbankans hefur verið lögð niður, a.m.k. í bili og Vegísir hennar heyrir nú sögunni til.

Landsbankinn úr Kauphöllinni

Skilanefnd Landsbanka Íslands hf. óskaði eftir því í gær að hlutabréf bankans verði tekin af markaði.

Úrvalsvísitalan 716 stig

Gengi hlutabréfa í Marel féll um 4,3 prósent við upphaf viðskipta með hlutabréf í Kauphöllinni í dag. Viðskipti með hlutabréf hafa legið niðri síðan á fimmtudag í síðustu viku.

Unnið að því að endurskipuleggja rekstur SPRON

Unnið er að því að endurskipuleggja rekstur SPRON með tilliti til langtímahagsmuna og gjörbreyttu umhverfi fjármálafyrirtækja, segir í tilkynningu félagsins til Kauphallarinnar.