Nýsir tapaði 6 milljörðum kr. á fyrri helming ársins

Nýsir tapaði rúmlega 6 milljörðum kr. á fyrri helming ársins. Rekstrarhagnaður fyrir fjármagnsgjöld var 373 milljónir kr.. Eftir fjármagnsgjöld og reiknaða skatta var tap af starfseminni sem nam samtals 6.137 milljónum kr.

Þetta kemur fram í árshlutareikning félagsins fyrir fyrri helming ársins. Eigið fé Nýsis í lok tímabilsins er neikvætt um tæplega 1.6 milljarð kr. að meðtaldri hlutdeild minnihluta. Velta samstæðunnar á tímabilinu var 5.2 milljarðar kr.

Í tilkynningu um reikninginn segir að helsta ástæða tapsins er að fjármagnsgjöld hafa hækkað verulega á milli ára, aðalega vegna mikillar gengislækkunar íslensku krónunnar ásamt því að ekki hefur verið lokið við endurfjármögnun á óveðtryggðum skuldum félagsins.

Félagið hefur unnið hörðum höndum að endurfjármögnun á árinu og var gerður samningur við fjármálastofnun um ráðgjöf á því sviði. Unnið var með með kröfuhöfum, fjármálastofnunum og fjárfestum að leysa úr þeirri erfiðu stöðu sem uppi er sökum lánsfjárkreppunar.

Í september s.l. komu kauptilboð frá Landbanka Íslands hf og Kaupþing Banka hf um kaup á öllum eignum félagsins. Í ljósi nýrrar og gjörbreyttrar stöðu eru brosnar forsendur fyrir kauptilboðunum. Kauptilboðin eru því ekki lengur í gildi. Unnið er áfram með kröfuhöfum um mögulegar skuldbreytingu og hugsanlega aðkomu að félaginu. Niðurstöðu er að vænta fljótlega.