Glitnir féll um 70 prósent - Úrvalsvísitalan hrynur

Gengi hlutabréfa í Glitni féll um 69,43 prósent við upphaf viðskiptadagsins í Kauphöllinni í dag og dró Úrvalsvísitöluna niður um 12,6 prósent.

Glitnir á tæpar fjórar krónur?

Kauptilboð er í hlutabréf Glitnis upp á 3,2 krónur á hlut í kerfi Kauphallarinnar fyrir upphaf viðskiptadagsins. Sölutilboð hljóðar upp á 4,8 krónur á hlut. Til samanburðar stóð lokagengi bréfa í Glitni í 15,7 krónum á hlut í enda viðskiptadagsins á föstudag.

FME opnar fyrir viðskipti með Glitni að nýju

Fjármálaeftirlitið hefur opnað fyrir viðskipti með fjármálagerninga Glitnis að nýju.

Gengisvísitalan komin yfir 190 stigin - aldrei hærri

Krónan hefur fallið um rétt rúm tvö prósent í dag og stendur gengisvísitalan í 190,7 stigum. Þetta merkir að gengi krónu hefur aldrei verið veikara.

Hluthafafundi í Stoðum frestað

Hluthafafundi í Stoðum, sem halda átti í dag, hefur verið slegið á frest eftir að fyrirtækið óskaði eftir greiðslustöðvun í gær.

Standard & Poor's breytir lánshæfiseinkunn Glitnis

Matsfyrirtækið Standard & Poor's tilkynnti í dag að það hefði lækkað einkunn sína á Glitni sem mótaðila úr BBB+/A2 í BBB/A-3. Ennfremur lækkar fyrirtækið einkunn sína á víkjandi skuldabréfum Glitnis í BB. Þetta kemur fram í tilkynningu frá Glitni.

Saka Seðlabankann um eignaupptöku

Stjórn Stoða, stærsta hluthafa Glitnis, sakar Seðlabankann um eignaupptöku og segir hluthafa Glitnis hafa tapað á annað hundrað milljörðum á aðgerðum stjórnvalda í dag.

FME getur veitt undanþágu frá yfirtökuskyldu í Glitni

Fjármálaeftirlitið (FME) segir að við sérstakar aðstæður geti FME veitt undanþágu frá yfirtökuskyldu í hlutafélögum. Kaup ríkissjóðs á 75% hlut í Glitni mynduðu klárt yfirtökuskyldu á afganginum af hlutaféinu samkvæmt verðbréfaviðskiptalögunum.

Krónan féll um 3,8 prósent

Gengi krónunnar féll um 3,8 prósent í dag og stendur gengisvísitalan í 186,8 stigum. Enginn erlendu gjaldmiðlanna hefur verið dýrari en í dag að undanskildum Bandaríkjadal sem hefur ekki verið dýrari síðan seint í mars fyrir rúmum sex árum.

Stoðir fá greiðslustöðvun

Héraðsdómur Reykjavíkur veitti í dag Stoðum hf. heimild til greiðslustöðvunar til 20. október 2008. Jakob R. Möller hrl., Logos lögmannsþjónustu, hefur verið skipaður aðstoðarmaður félagsins á greiðslustöðvunartímanum.

Exista féll mest í dag

Gengi hlutabréfa í Exista féll um 14,17 prósent í Kauphöllinni í dag. Þetta er mesta fall dagsins á afar rauðum degi á íslenskum hlutabréfamarkaði.

Áhrif hlutafjáraukningarinnar óljós

Áhrif hlutafjáraukningarinnar í Glitni eru óljós vegna þess að það er svo margt að gerast í umheiminum, að sögn Eddu Rósar Karlsdóttur, forstöðumanns Greiningadeildar Landsbankans.

Greiðslustöðvun Stoða hf hefur engin áhrif á TM

Greiðslustöðvun Stoða hf hefur engin áhrif á starfsemi Tryggingamiðstöðvarinnar, að sögn Sigurðar Viðarssonar, forstjóra TM. Stoðir eru einn helsti eigandi Tryggingamiðstöðvarinnar en Stoðir óskuðu eftir því við Héraðsdóm Reykjavíkur í morgun að félaginu yrði veitt heimild til greiðslustöðvunar.

MS sagt á leið í miklar hagræðingaraðgerðir

Mikilla hagræðingaaðgerða er að vænta hjá Mjólkursamsölunni á næstunni að því fram kemur í frétt á skagfirska fréttamiðlunum Feyki. Þar segir að Þórólfur Gíslason, kaupfélagsstjóri KS, setjist tímabundið í forstjórastól MS ásamt núverandi forstjóra, Magnúsi Ólafssyni.

Skuldatryggingarálag á ríkissjóð slær nýtt met

Skuldatryggingarálag ríkissjóðs hækkaði um rúma 177 punkta í morgun og fór í rúma 572 púnkta. Hefur álagið aldrei verið hærra í sögunni.

Landsbankinn fagnar aðgerðum ríkisstjórnarinnar

„Skjótar og ákveðnar aðgerðir yfirvalda í dag bera vott um skýran vilja til þess að styrkja stoðir íslensks efnahagslífs og fjármálakerfis.“ Þetta segir í yfirlýsingu frá Landsbankanum.

Vel hægt að bjarga Glitni án aðstoðar ríkisvaldsins

Stjórnarformaður Glitnis er hundfull út í ríkisvaldið og segir að vel hefði verið hægt að fara aðra leið til að bjarga bankanum.

Hlutabréf og króna falla jafnhátt

Úrvalsvísitalan hefur fallið um 4,8 prósent í dag. Krónan hefur á sama tíma farið niður um 4,3 prósent.

Stoðir óska eftir greiðslustöðvun

Stjórn Stoða hf. (áður FL Group hf.) hefur óskað eftir því við Héraðsdóm Reykjavíkur að félaginu verði veitt heimild til greiðslustöðvunar.

Skoða þarf hvort yfirtökuskylda hafi myndast hjá Glitni

Kaup ríkisins á 75% hlut í Glitni hafa vakið upp þá spurningu hvort yfirtökuskylda hafi ekki myndast hvað varðar hin 25% sem eftir eru. Þórður Friðjónsson forstjóri kauphallarinnar segir að það sé mál sem þurfi að skoða.

Byr þurfti ekki á samruna við Glitni að halda

Ragnar Zophanías Guðjónsson, annar sparisjóðsstjóra Byrs, segir að viðræður um hugsanlega sameiningu við Glitni hafi verið örstutt á veg komnar þegar ákveðið var að hætta þeim í morgun. Hann segir bullandi óvissu vera í gangi en Byr muni halda sínu striki enda í fínum málum.

Bankarnir fá skell í kauphöllinni

Hlutabréf í bönkunum hafa fengið mikinn skell í kauphöllini í morgun. Straumur hefur lækkað um rúm 10%, Landsbankinn um 5,4% og Kaupþing um 3,8%.

Evrur frá ríkinu auðvelda Glitni að afla fjár annars staðar

Gylfi Magnússon, dósent við Háskóla Íslands segir að ljóst að Glitnir hefur lent í verulegum vandræðum. Hann segir inngrip ríkisins útvega bankanum talsvert af erlendum gjaldeyri annars vegar og auðvelda bankanum að afla fjár annars staðar hins vegar.

Byr hættir að tala við Glitni

Stjórn Byrs sparisjóðs hefur í dag hætt sameiningarviðræðum við Glitni banka hf.

Norðmenn hafa miklar áhyggjur af örlögum Glitnis

Norskir viðskiptamiðlar hafa flutt ítarlegar fréttir af örlögum Glitnis og greinilegt er að Norðmenn hafa miklar áhyggjur af málinu. Um leið og fréttist af kaupum ríkissjóðs fékk DnB Nor bankinn mikinn skell í kauphöllinni í Osló en hlutir í honum féllu um rúmlega 7% við tíðindin.

Blóðrauð opnun í Kauphöllinni

Úrvalsvísitalan hefur tekið dýfu við opnun markaða í morgun. Hefur vísitalan lækkað um fjögur prósent og stendur núna í 4.107 stigum.

Stoðir senda tilkynningu um stöðu sína síðar í dag

Von er á tilkynningu frá Stoðum, sem áður hét FL Group, síðar í dag vegna stöðu fyrirtækisins í tengslum við þjóðnýtingu Glitnis.

Höfum séð sömu hluti gerast erlendis segir Lárus Welding

Lárus Welding bankastjóri Glitnis segir í tilkynningu frá bankanum að menn hafí séð sömu hluti gerast erlendis og nú eru að gerast með kaup ríkisins á 75% hlut í bankanum.

Dollarinn er kominn í 100 krónur

Gengisvístalan hefur hækkað í 187 stig í morgun og þýðir það að dollarinn kostar núna 99.9 krónur.

FME stöðvar öll viðskipti með Glitni - Blaðamannafundur í Seðlabankanum

Fjármálaeftirlitið hefur ákveðið að stöðva tímabundið viðskipti með alla fjármálagerninga sem gefnir eru út af Glitni banka hf., sem teknir hafa verið til viðskipta á skipulegum verðbréfamarkaði.

JJB í vandræðum

Breska sportvöruverslunarkeðjan JJB Sports, sem er að nær þriðjungshluta í eigu Exista og viðskiptafélaga þeirra, er í vandræðum.

Skýrist á næstum dögum hvort Straumur og Landsbankinn sameinist

Á næstu dögum mun skýrast hvort Landsbankinn og Straumur sameinist. Allt veltur á því hvort skýrslur matsfyrirtækja á borð við Fitch og Moodys verði jákvæðar eða neikvæðar í garð samrunans. Skýrslurnar eiga að liggja fyrir í vikunni.

Segir krónuna hafa lækkað miklu meira en efni standa til

Krónan hefur lækkað miklu meira en efni standa til að mati Geirs H. Haarde forsætisráðherra. Hann segir ástandið á alþjóðlegum fjármálamörkuðum vera ótryggt en telur að krónan eigi eftir að styrkjast.

Kaupþing lækkar vexti

Kaupþing hefur ákveðið að lækka vexti á íbúðalánum sínum um 0.15%. Lægstu vextir bankans voru 6.05% en verða nú 5.9%

Ólafur Ísleifsson: Geri ráð fyrir að Geir taki málið upp vestanhafs

Ólafur Ísleifsson, lektor við Háskólann í Reykjavík, segir að svör Seðlabanka Íslands í dag varðandi viðræður við Bandaríska Seðlabankann hafi valdið vonbrigðum. Hann segist gera ráð fyrir að Geir Haarde forsætisráðherra, sem nú er staddur á allsherjarþingi Sameinuðu Þjóðanna í New York, noti tækifærið og taki málið upp á pólitískum vettvangi við Bandaríkjamenn.

Fjárhagserfiðleikar SPRON ekki ástæða sameiningar

Samkeppniseftirlitið samþykkti í dag samruna Kaupþings og SPRON á þeim forsendum að SPRON muni að öðrum kosti hverfa af markaði sem sjálfstæður keppinautur. Aðeins vantar nú samþykki fjármálaeftirlitsins til þess að bankarnir tveir geti sameinast. Forstjóri SPRON þvertekur fyrir að fjárhagserfiðleikar sparisjóðsins séu ástæða sameiningarinnar.

Greiningardeildir benda á loðið orðalag hjá Seðlabankanum

Greiningardeildir bæði Kaupþings og Landsbankans telja ástæðu til að benda á loðið orðalag í fréttatilkynningu Seðlabanka Íslands um viðræðurnar við Seðlabanka Bandaríkjanna.

Krónan rétti aðeins úr kútnum undir lokin

Gengi krónunnar rétti aðeins úr kútnum undir lok markaðarins í dag. Gengisvísitalan endaði í tæpum 180 stigum og veiktist gengið því um tæpt prósent. Um tíma hafði gengið veikst um rúm 3%.

Samkeppniseftirlitið samþykkir samruna Kaupþings og SPRON

Samkeppniseftirlitið hefur samþykkt samruna Kaupþings og SPRON eftir því sem fram kemur á heimasíðu eftirlitsins. Þar segir að eftirlitið hafi metið fjárhagsstöðu SPRON, möguleikann á að einhver annar kaupi sparisjóðinn og samkeppnisleg áhrif þessa alls.

Bandaríkjamenn töldu ekki ástæðu til að semja við SÍ

Seðlabanki Bandaríkjanna taldi ekki ástæðu til að gera gjaldmiðlaskiptasamning við Seðlabanka Íslands. Þetta kemur fram í svari við fyrirspurn Vísis til bankastjórnar seðlabankans.

Kaupþingi heimilt að fara með 70% af stofné SPM

Í dag barst tilkynning um að Samkeppniseftirlitið hafi veitt Kaupþingi heimild til að fara með 70,2% stofnfjár í Sparisjóði Mýrasýslu.

Markaðurinn lokaði í mínus í dag

Úrvalsvísitalan lækkaði um 0,8% í dag og stendur nú í 4.277 stigum.

Athugasemd vegna túlkunar á orðum Tryggva Þórs Herbertssonar

Tryggvi Þór Herbertsson, efnahagsráðgjafi forsætisráðherra tekur fram að orð sín hafi ekki verið rétt túlkuð í inngangi fréttar sem birtist í Fréttablaðinu í morgun.

Sjávarútvegsráðherra hefur áhyggjur af veiku gengi krónunnar

Einar Kr. Guðfinnsson sjávarútvegsráðherra segir að sú mikla veiking íslensku krónunnar sem orðið hefur upp á síðkastið sé auðvitað alvarlegt mál. Þetta kom fram í máli ráðherrans á aðalfundi Samtaka fiskvinnslustöðva sem haldinn var á Grand Hóteli í dag.

Vodafone segir upp 20 manns

Fjarskiptafyrirtækið Vodafone sagði í dag upp 20 starfsmönnum og hafa þeir þegar látið af störfum en fá greidd laun sinn uppsagnarfrest.