MS sagt á leið í miklar hagræðingaraðgerðir

Mikilla hagræðingaaðgerða er að vænta hjá Mjólkursamsölunni á næstunni að því fram kemur í frétt á skagfirska fréttamiðlunum Feyki. Þar segir að Þórólfur Gíslason, kaupfélagsstjóri KS, setjist tímabundið í forstjórastól MS ásamt núverandi forstjóra, Magnúsi Ólafssyni.

Ennfremur er sagt að tap hafi verið á reksti fyrirtækisins allar götur síðan núverandi rekstrarform var tekið upp og því sé ljóst að verulegra aðgerða sé þörf, ef takast eigi að snúa rekstri félagsins við.

Feykir hefur einnig heimildir fyrir því að Þórólfur muni ekki fá greidd laun sem forstjóri þrátt fyrir þessa ákvörðun. Mjólkursamsalan er í eigu Auðhumlu og Kaupfélags Skagfirðinga, og mun Þórólfur áfram gegna kaupfélagsstjórastarfinu þar á bæ.

Fréttina á Feyki má sjá hér.