Ráðningin á sér skamman aðdraganda

„Ég ætla nú að áskilja mér rétt til að fá nokkra daga í starfið áður en ég fer að ákveða tillögurnar," segir Tryggvi Þór Herbertsson, nýráðinn ráðgjafi Geirs Haarde í efnahagsmálum.

Nýherji tapaði 432 milljónum

Nýherji tapaði 432 milljónum króna á fyrri hluta árs. Fyrirtækið skilaði 209 milljóna króna hagnaði á fyrri hluta ársins 2007. Samkvæmt tilkynningu frá félaginu var ágæt afkoma af kjarnastarfsemi Nýherja og starfsemi Applicon erlendis en afkoma af fjárfestingum í nýrri starfsemi var undir væntingum.

Forstjóri Askar Capital ráðinn til forsætisráðuneytisins

Tryggvi Þór Herbertsson, hagfræðingur, hefur verið ráðinn tímabundið til forsætisráðuneytisins til að sinna ráðgjöf í efnahagsmálum, einkum á sviði peninga- og fjármálamarkaðar. Þetta kemur fram í tilkynningu frá ráðuneytinu.

ÍSÍ og Nýherji saman á Ólympíuleikum

Íþrótta- og Ólympíusamband Íslands (ÍSÍ) opnaði í dag vef þar sem upplýsingar um Ólympíuþátttakendur ÍSÍ eru aðgengilegar. Í tengslum við vefinn afhenti Nýherji, sem selur Lenovo á Íslandi, ÍSÍ fartölvur og Canon myndavél til notkunar á leikunum í Peking.

Færeysku fyrirtækin hækkuðu mest

Íslenska úrvalsvísitalan hækkaði um 0,13% í dag. Føroya Banki hækkaði mest, eða um 4,26%, og Eik Banki hækkaði um 2,50%. Bakkavör Group hækkaði um 1,01%.

Lítið í baksýnisspegilinn

Áhugavert er að líta í baksýnisspegilinn á þessum tímamótum. Athygli vekur hversu seint umfang og alvarleiki lausafjárkrísunnar kom raunverulega fram í dagsljósið. Í júlí og ágúst í fyrra var til að mynda mikið skrifað um það í erlendum fjölmiðlum að sennilega væri það versta afstaðið og að allar afskriftir tengdar undirmálslánum væru komnar fram.

Íbúðalánasjóður með nýjan lánaflokk

Samþykkt hefur verið reglugerð um nýjan lánaflokk sem heimilar Íbúðalánasjóði lánveitingar til fjármálafyrirtækja í þeim tilgangi að endurfjármagna tímabundið íbúðalán sem þessi fyrirtæki hafa veitt gegn veði í íbúðarhúsnæði

Neikvæð opnun á markaðinum

Markaðurinn í kauphöllinni opnaði á neikvæðum nótum í morgun. Úrvalsvísitalan hefur lækkað um 0,46% og stendur í 4.138 stigum.

ÍLS má endurfjármagna húsnæðislán fjármálafyrirtækja

Stofnaður hefur verið nýr lánaflokkur hjá Íbúðalánasjóði sem heimilar lánveitingar til banka, sparisjóða og lánafyrirtækja með afhendingu íbúðabréfa til tímabundinnar endurfjármögnunar á íbúðalánum sem þessi fjármálafyrirtæki hafa veitt gegn veði í íbúðarhúsnæði hér á landi.

Krónan veikist um 1,3%

Gengi krónunnar hefur veikst um 1,3% í fyrstu viðskiptum dagsins á gjaldeyrismarkaðinum. Stendur gengisvísitalan nú í tæpu 161 stigi.

Gengi færeysku félaganna sveiflast

Færeysku félögin fjögur sem skráð eru í Kauphöll Íslands hafa ekki farið varhluta af erfiðum markaðsaðstæðum fremur en þau íslensku. Þótt ekkert félaganna sé í Úrvalsvísitölunni hafa þau þýðingu fyrir íslenska fjárfesta. Þetta kemur fram Þetta kom fram í Hálffimm fréttum greiningardeildar Kaupþings í dag.

„Heitur reitur“ hjá Jóni Sig

Reykjavíkurborg hefur í samstarfi við Vodafone opnað „Heitan reit”, þ.e. ókeypis þráðlausa háhraða nettengingu á Austurvelli. Þar geta gestir og gangandi nýtt sér netið og notið góða veðursins um leið.

Exista toppaði daginn

Gengi hlutabréfa í Existu hækkaði um 4,8 prósent í Kauphöllinni í dag og er það mesta hækkun dagsins. Hæst fór gengið upp um tæp sex prósent. Á hæla Existu fylgdi Spron, sem fór upp um 3,33 prósent. Þá hækkaði gengi bréfa hins færeyska Eik banka um 3,09 prósent.

Erlend fjárfesting hérlendis bundin við stóriðju?

Helmingur beinnar fjármunaeignar erlendra aðila á Íslandi um áramótin var í fyrirtækjum í fjármálaþjónustu. Er líklegt að ofangreind eignarhaldsfélög vigti þar þungt. Utan fjármálageirans er stærstur hluti erlendrar fjármunaeignar í stóriðju, alls tæpir 187 ma.kr. í árslok 2007.

Exista hækkar í byrjun dags

Gengi bréfa í Existu hækkaði um 2,32 prósent í fyrstu viðskiptum dagsins í Kauphöllinni í dag. Gengi annarra banka hefur hækkað sömuleiðis líkt og í Evrópu og Bandaríkjunum.

Gengið styrkist um 0,6%

Gengi íslensku krónunnar hefur styrkst um tæplega 0,6% í fyrstu viðskiptum dagsins á gjaldeyrismarkaðinum. Stendur gengisvísitalan núna í 156,3 stigum.

Ætla að afnema skattaflótta með samkomulagi

Fjármálaráðherrar á Norðurlöndunum munu undirrita samkomulag í haust sem koma á í veg fyrri skattaflótta einstaklinga og fyrirtækja.

Nýir eigendur Ræsis

"Þetta er frágengið með ákveðnum fyrirvörum,“ segir Hjálmar Helgason spurður um hvort eigendaskipti hafi átt sér stað á Ræsi. Hjálmar verður framkvæmdastjóri Ræsis, en kaupandi er fyrirtækið Íshlutir í Mosfellsbæ.

Atvinnuleysi eykst

Atvinnuleysi á öðrum ársfjórðungi var 3,1% að meðaltali samkvæmt mælikvarða Hagstofunnar. Atvinnuþátttaka dróst saman um eitt prósentustig miðað við seinasta ár. Þetta kom fram í Hálffimm fréttum greiningardeildar Kaupþings í dag.

Teymi lækkaði mest í dag

Gengi bréfa í Teymi lækkaði um 7,14 prósent á markaði í dag og er það mesta fallið í Kauphöll Íslands. Gengið seig um 10 prósent þegar verst lét. Af öllum þeim fyrirtækjum sem skráð eru í Kauphöllina hækkaði gengi Glitnis mest, eða um 1,55 prósen, og í Landsbankanum, sem skreið upp um 0,22 prósent.

Enn lækkar Teymi

Gengi hlutabréfa í Teymi féll um tíu prósent í Kauphölllinni á fremur rauðum degi í morgun. Það jafnaði sig lítillega en lækkun bréfa í félaginu nemur nú 8,3 prósentum. Gengi bréfa í því féll um 13 prósent í gær og nemur heildarlækkunin því rúmu 21 prósenti á tveimur dögum.

Breytingar hjá Skiptum

Hjá Skiptum hafa verið stofnuð tvö ný svið, Mannauðssvið og Viðskiptaþjónusta, sem leysa munu af hólmi Starfsmannasvið félagsins.

Íbúðalánum bankana fækkar um 93% milli ára

Íbúðalán innlánastofnana í júnímánuði voru 46 talsins og fækkaði um 30 frá fyrri mánuði. Í júní fyrir ári síðan voru íbúðalán innlánastofnanna hinsvegar 660 talsins og hefur þeim því fækkað um 93% á milli ára.

Exista lækkar í litlum viðskiptum

Gengi hlutabréfa í Existu lækkaði um 2,24 prósent í fyrstu viðskiptunum í Kauphöll Íslands í dag. Gengið stendur í 6,11 krónum og hefur aldrei verið lægra. Viðskipti með bréf í félaginu eru ekki mikil, eða rúmar 24 milljónir króna.

Gengið fellur um 0,57%

Gengi krónunnar hefur fallið um 0,57% á gjaldeyrismarkaðinum eftir rólega byrjun í morgun. Gengisvísitalan hefur hækkað um 0,57% og stendur í 158,4 stigum.

Sparisjóðirnir eru kaupfélög nútímans

Rekstarfyrirkomulag sparisjóðanna er barn síns tíma. Markaðsaðstæður knýja á um hagræðingu hjá fjármálastofnunum. Sparisjóðirnir hafa ekki varið eigið fé sitt með sama hætti og viðskiptabankarnir. Hagræðingarmöguleikar til staðar segir prófessor við HÍ.

RÚV ekki einsdæmi

Andsvör Þorsteins Þorsteinssonar, markaðsstjóra RÚV, vegna ásakana Sigríðar Margrétar og Péturs um ósanngjarna samkeppnisstöðu:

Fersk blóm nauðsynleg

Fastakúnni Dans á rósum kaupir mikið af blómum fyrir sjálfa sig. Framkvæmdastjóri Flugleiðahótela segir ekkert alvöru hótel geta verið án ferskra blóma.

Alltaf á tánum í hlutabréfaviðskiptum

Hans-Ole Jochumsen, forstjóri OMX-kauphallasamstæðunnar á Norðurlöndunum, segir að sífellt sé leitað leiða til að bæta hlutabréfamarkaðinn. Hraði og nýsköpun er lykillinn í harðri samkeppni. Forstjórinn spjallaði við Jón Aðalstein Bergsveinsson.

Framtíð á bláþræði

Mikil ólga hefur umleikið danska fríblaðið Nyhedsavisen að undanförnu. Áður óþekkt skuldabréf í eigu Stoða Invest upp á 4 milljarða íslenskra króna setti strik í reikninginn við endurfjármögnun blaðsins sem nú stendur yfir. Skuldabréfið fékk Stoðir Invest fyrir að færa meirihlutaeign í félaginu bak við Ny­heds­avisen til Morten Lund.

Ósanngjörn staða á auglýsingamarkaði

Harðnandi samkeppni fjölmiðla virðist yfirvofandi á auglýsingamarkaði. Fækkun útgáfudaga og samrunar fjölmiðlafyrirtækja eru talin líkleg á næstu mánuðum. Forsvarsmenn Skjás eins og 365 miðla segja stöðu RÚV á auglýsingamarkaði ósanngjarna.

Dregur úr einkaneyslu

Kaldir vindar hafi blásið um íslenskt efnahagslíf á öðrum fjórðungi þessa árs og vísbendingar benda því til þess að verulega hafi hallað undan fæti í einkaneyslu á ársfjórðungnum. Þetta kom fram í Hálffimm fréttum greiningardeildar Kaupþings í dag.

Greiningadeild Kaupþings spáir 13,2% verðbólgu

Greiningardeild Kaupþings gerir ráð fyrir að vísitala neysluverðs í júlí hækki um u.þ.b. 0,6%. Mun þá 12 mánaða verðbólga standa í 13,2% og er útlit fyrir að hámarkinu verði náð í ágúst í kringum 14%. Útsöluáhrif til lækkunar vísitölu neysluverð verða töluverð að þessu sinni. Til hækkunar munuvega þyngst ferðir og flutningar, húsnæðisliður og matur og drykkur

Teymi féll um 13,3 prósent

Gengi hlutabréfa í Teymi féll um 13,3 prósent í Kauphöllinni í dag og er það mesta fall dagsins á annars mjög rauðum degi. Einungis gengi bréfa í Eimskipafélaginu hækkaði á sama tíma, eða um 0,.35 prósent.

Geir Haarde í lok dags: Aðgerða er að vænta

Geir H. Haarde forsætisráðherra var gestur Sindra Sindrasonar í lok dags hér á Vísi. Fór Sindri yfir víðan völl með ráðherranum sem hefur setið undir nokkurri gagnrýni undanfarið. Geir sagði meðal annars að aðgerða í efnahagsmálum væri að vænta og erlendu lánin sem búið er að boða yrðu tekin í nokkrum skrefum. Hann gat hinsvegar ekki sagt hvenær það yrði.

Euromoney valdi Kaupþing besta banka á Íslandi

Kaupþing hefur verið valinn besti bankinn á Íslandi af alþjóðlega viðskiptatímaritinu Euromoney. Viðurkenningin var afhent fulltrúum bankans nýverið við hátíðlega athöfn í Lundúnum.

Um 4-5% samdráttur í einkaneyslu

Um 4-5% samdráttur hefur orðið í einkaneyslu á öðrum ársfjórðungi 2008 miðað við sama tímabil í fyrra. Þetta segir í Morgunkorni Glitnis og miðar greiningadeildin tölur sínar við þróun kortaveltu á tímabilinu.

Þriðjungur fyrirtækja í lánsfjárvanda

Nærri þrjú af hverjum fjórum aðildarfyrirtækja Samtaka atvinnulífsins hafa ráðist í hagræðingaraðgerðir á árinu eða hyggjast gera það. Þetta kemur fram í nýrri könnun á rekstrarhorfum fyrirtækjanna.

Exista leiðir lækkanalestina

Gengi bréfa í Existu féll um 3,33 prósent við upphaf viðskipta í Kauphöll Íslands í dag. Það jafnaði sig lítillega skömmu síðar. Gengið stendur nú í 6,44 krónum á hlut og hefur aldrei verið lægra. Bankar og fjárfestingafélög fylgja fast á hæla Existu á rauðum degi.

Deilt um íslenskan efnahag á lesendasíðu FT

Deilur um íslenskan efnahag og nánustu framtíðarhorfur hérlendis eru nú sprottnar upp á lesendasíðu viðskiptablaðsins Financial Times. Eigast þar við Íslandsvinurinn prófessor Robert Wade annarsvegar og prófessorarnir Friðrik Már Baldursson og Richard Portes hinsvegar.

Um 650 fjárfestar hluthafar í 365

Eigendur um 7% hlutafjár í fjölmiðla- og afþreyingarfélaginu 365 hf. um 165 aðilar tóku kauptilboði félagsins í tengslum við fyrirhugaða afskráningu 365 úr Kauphöll Íslands.

Íslendingar fjárfesta í dönsku framleiðslufyrirtæki

Íslenskir fjárfestar hafa fest kaup á Toraco Finmekanik, dönsku fyrirtæki sem sérhæfir sig í framleiðslu á málmhlutum. VBS fjárfestingarbanki hf. hafði milligöngu um kaupin á fyrirtækinu og sá um samninga við Danske Bank sem fjármagnaði kaupin. Kaupverð er trúnaðarmál. Þetta kemur fram í tilkynnin

Færeyingarnir neðstir í Kauphöllinni

Gengi hlutabréfa í færeyska bankanum Eik banka féll um 3,97 prósent á fremur rauðum degi í Kauphöllinni í dag. Landar Færeyinganna hjá olíuleitarfélaginu Atlantic Petroleum fylgdi fast á eftir með lækkun upp á 2,94 prósent.

Milljarðatilboð í Landsbankabréf felld niður

Tvenn utanþingsviðskipti með bréf í Landsbankanum upp á samtals 8,9 milljarða króna var skráð í Kauphöll Íslands í morgun og hífði það meðalveltuna verulega upp á milli daga.

Úrvalsvísitalan ekki lægri í þrjú ár

Úrvalsvísitalan hefur lækkað um 0,61 prósent frá því viðskipti með hlutabréf hófst í morgun og er hún nú komin undir 4.200 stigin. Það hefur ekki gerst síðan 18. júlí fyrir sléttum þremur árum.