Heimsaflinn var tæpar 90 milljónir tonna

Heimsafli var 89,5 milljónir tonna árið 2010 og dróst saman um eina milljón tonna frá árinu á undan, samkvæmt tölum Matvæla- og landbúnaðarstofnunar Sameinuðu þjóðanna (FAO). Kyrrahafið gaf mestan afla og stærsta einstaka fisktegundin var Perúansjósa.

Gjaldþrotum fyrirtækja fækkar verulega

Alls voru 66 fyrirtæki tekin til gjaldþrotaskipta í nóvembermánuði s.l., flest í heild- og smásöluverslun og viðgerðir á vélknúnum ökutækjum. Þetta er næstum helmingi færri gjaldþrot en í sama mánuði árið áður þegar þau urðu 115 talsins.

Unnið að afnámi hafta á heimili og rekstrarfyrirtæki

Þverpólitísk nefnd vinnur að leiðum til að afmarka gjaldeyrishöft. Vilji til að koma á frjálsum fjármagnsflutningum fyrir heimili og fyrirtæki sem fyrst. FrumUnnið er að leiðum til að losa heimili og rekstrarfyrirtæki undan gjaldeyrishöftum og láta þau fyrst og fremst hvíla á fjármálaviðskiptum, samkvæmt heimildum Fréttablaðsins. varp sem gerir höftin ótímabundin lagt fram á næstunni.

Áhyggjur af skuldastöðu ríkisins minnka

Skuldatryggingarálag ríkissjóðs hefur lækkað um 20% á síðustu þremur mánuðum. Raunar hefur álagið lækkað jafnt og þétt frá miðju síðasta ári, mælist nú 182 punktar en var 312 punktar í byrjun júní.

Segjast vissir um viðsnúning á árinu 2013

Írland mun leggja höfuðáherslu á að vinna að efnahagslegum stöðugleika og gegn atvinnuleysi ungs fólks á meðan ríkið fer með formennsku í ráðherraráði ESB. Írar tóku við um áramót og leiða starfið út júnímánuð.

Reikna með hóflegum hækkunum á íbúðaverði í ár

Íbúðamarkaðurinn hélt áfram að braggast á síðasta ári en heldur hefur hægt á aukningu í veltu og verðhækkunum miðað við árið á undan.

Warren Buffett fjárfestir í sólarorku

Warren Buffett einn af auðugustu mönnum heimsins hefur ákveðið að byggja stærsta sólarsellugarð heimsins.

Dagar elsta banka Sviss eru taldir

Dagar Wegelin bankans, elsta banka Sviss, eru taldir en bankinn hættir starfsemi sinni um leið og hann hefur gengið frá greiðslu sektar upp á tæplega 60 milljónir dollara í Bandaríkjunum.

Allar kortagreiðslur í Páfagarði stöðvaðar

Seðlabanki Ítalíu hefur stöðvað allar greiðslur með kortum í Páfagarði. Því verða allir sem þar búa eða koma sem ferðamenn að greiða með reiðufé.

Augljóst að fólk á erfitt með að ná endum saman

Íbúar á landsbyggðinni eyða umtalsvert meira fé í matarinnkaup í búðum, heldur en íbúar á höfuðborgarsvæðinu, og stór hluti almennings á í erfiðleikum með að láta enda saman um hver mánaðarmót. Þetta er eitt af því sem á lesa út úr gögnum, sem fréttastofa fékk hugbúnaðarfyrirtækið Meniga til þess að taka saman.

Hátt í 300 sagt upp í hópuppsögnum í fyrra

Níu tilkynningar um hópuppsagnir bárust Vinnumálastofnun á nýliðnu ári. Í þessum hópuppsögnum var 293 manns sagt upp. Flestir, eða 107, misstu vinnuna í samgöngum og flutningum. Um 84% hópuppsagna á nýliðnu ári voru á höfuðborgarsvæðinu, 4% á Norðurlandi vestra og 12% á Norðurlandi eystra.

iPhone 6 í búðir í maí - verður fáanlegur í öllum litum

Það er löngu orðið þekkt að Apple gefur reglulega út nýjar útgáfur af iPhone-símanum vinsæla, sem hefur selst eins og heitar lummur síðustu ár.

Skuldatryggingaálagið ekki lægra frá hruni - ánægjulegt segir ráðherra

Skuldatryggingaálag á Ísland hefur farið lækkandi undanfarin misseri og hefur ekki verið lægra frá hruni. Álagið er nú ríflega 1,8 prósentustig, en það ræður miklu um á hvaða vaxtakjörum íslenska ríkið og íslensk fyrirtæki geta nálgast lánsfé í útlöndum.

Nýja Solla stirða frumsýnd - Framleiðslu á þriðju þáttaröð að ljúka

Verið er að ljúka við framleiðslu á þriðju seríu Latabæjar. Að sögn Einars Karls Birgissonar, svæðisstjóra Latabæjar á Íslandi, er eftirvinnsla í fullum gangi og fyrstu þættirnir hafa nú þegar verið sendir í talsetningu erlendis en samtals eru þættirnir talsettir á 30 tungumálum. Búist er við að síðustu þættirnir í þriðju seríu verði kláraðir í lok janúar og verða sýndir á sjónvarpsstöðvum um allan heim næsta vor. Hér á Íslandi verður þátturinn sýndur á Stöð 2.

Nesfrakt semur við Blue Water Shipping

Blue Water Shipping hefur gert 5 ára samning við Nesfrakt um allan innanlandsflutning.

Erlendar eignir Dana tæplega 14.000 milljarðar

Nýjar tölur frá seðlabanka Danmerkur sýna að erlendar eignir Dana nema nú 610 milljörðum danskra kr. eða tæpum 14.000 milljörðum kr. Til samanburðar má nefna að hrunárið 2008 skulduðu Danir 170 milljarða danskra kr. í útlöndum.

Eitt besta og verðmætasta listasafn í heimi bakvið lás og slá

Í rammgerðri hvelfingu í borginni Genf í Sviss er að finna eitt besta og verðmætasta listasafn í heimi en verkin í því munu aldrei koma fyrir augu almennings.

Mesta aðsókn í Tívolí í fimm ár

Árið í fyrra var gott fyrir hinn þekkta skemmtigarð Tívolí í Kaupmannahöfn. Rétt rúmlega fjórar milljónir gesta heimsóttu skemmtigarðinn á árinu og er þetta mesta aðsóknin undanfarin fimm ár.

Al Jazeera kaupir bandaríska sjónvarpsstöð

Arabíska sjónvarpsstöðin Al Jazeera hefur fest kaup á sjónvarpsstöðinni Current TV í Bandaríkjunum en þá stöð stofnaði Al Gore fyrrum varaforseti landsins og var einn af eigendum hennar.

AGS segir að meira þurfi til í Bandaríkjunum

Alþjóðagjaldeyrissjóðurinn (AGS) telur að samkomulagið sem kom í veg fyrir svokallað fjárlagaþverhnípi í Bandaríkjunum nú um áramótin sé ekki nægileg aðgerð til þess að takast á við efnahagsörðugleika landsins og fjárlagahalla þess til lengri tíma. Mun meira þurfi að koma til.

Downton Abbey hefur áhrif á nýríkt fólk

Verðlaunaþættir Downton Abbey hefur fengið metáhorf víða um heim. Þættirnir hafa orðið til þess að margir óska nú eftir ekta breskum "butler".

Bankarnir björguðu of mörgum fyrirtækjum

Forstjóri Samkeppniseftirlitsins segir að eftir hrunið hafi bankarnir haldið of mörgum fyrirtækjum í rekstri sem ekki voru lífvænleg og hefðu frekar átt að fara í gjaldþrot.

Aðeins fjórar evrópuþjóðir hafa verri skuldastöðu

Á tæpum þremur árum hafa skuldir ríkissjóðs hækkað um fjögur hundruð milljarða króna og eru núna 1.900 milljarðar.

Seðlabankinn greip inn í viðskipti á Gamlársdag

Krónan hefur ekki verið veikari í tæplega tvö ár, en Seðlabanki Íslands átti viðskipti fyrir um sex milljónir evra, ríflega milljarð króna, til þess að vinna gegn hraðri veikingu krónunnar milli jóla og nýárs. Samkvæmt opinberu gengi Seðlabankans er nú hægt að fá 208 krónur fyrir pundið, og tæplega 23 krónur fyrir hverja danska krónu.

Lágmarkslaun hafa tvöfaldast

Lágmarkslaun hafa rúmlega tvöfaldast frá árinu 2004 og kaupmáttur þeirra hefur aukist um 19%.

Sextíu milljarðar og þúsundir starfa í húfi

Það felast ónýtt tækifæri í áliðnaði hér á landi.

Kortið straujað 7% meira en síðustu jól

Í desember varð heildarveltuaukning á Visa kreditkortaviðskiptum um 7 % ef miðað er við sama tímabil í fyrra samkvæmt Valitor sem birtir mánaðarlega samanburð á veltutölum milli ára sem sýna breytingar á tilteknu tímabili á notkun íslenskra Visa kreditkorta.

Markaðir bregðast vel við samkomulagi í Bandaríkjunum

Verðbréfamarkaðir víða um heim hafa brugðist vel við samkomulagi í bandaríska þinginu sem kemur í veg fyrir að svonefnt fjárlagaþverhnípi hafi myndast, en ef samkomulagið hefði ekki náðst hefðu opinber fjármál bandaríska ríkisins komist í uppnám. FTSE vísitalan breska hækkaði um 1,5 prósent, DAX vísitalan þýska um 1,6 prósent og CAC 40 vísitalan franska um 1,4 prósent. Nær allsstaðar hækkuðu vísitölur og má rekja þær til samkomulagsins í Bandaríkjunum, að því er segir í frétt breska ríkisútvarpsins BBC.

Arion banki orðinn stór hluthafi í Högum

Arion banki hefur yfirtekið allan eignarhlut dótturfélags síns Eignabjargs ehf. í Högum eða sem samsvarar 4,33% eignarhaldi. Fyrir yfirtökuna fór bankinn beint með 1,27% atkvæðisréttar í Högum en eftir yfirtökuna fer bankinn beint með 5,60% atkvæðisréttar.

Skuldir aukast um ellefu milljarða í ár

Stjórnvöld munu auka skuldir ríkissjóðs um ellefu milljarða króna á þessu ári. Þetta kemur fram í yfirliti um lántökur ríkissjóðs á næsta ári sem birt hefur verið á vefsíðu Kauphallarinnar og ábendingum frá fjármálaráðuneytinu.

Gengi krónunnar ekki verið veikara í tæp tvö ár

Gengi íslensku krónunnar tók dýfu rétt fyrir áramótin þvert á spár sérfræðinga. Hefur gengið ekki verið veikara í tæp tvö ár.

Kínverjar framleiða fleiri bíla en Evrópubúar

Í ár mun það gerast í fyrsta sinn í sögunni að Kínverjar munu framleiða fleiri bíla en Evrópubúar.

Eignir innlánsstofnana orðnar 2.932 milljarðar

Heildareignir innlánsstofnana námu 2.932 milljörðum kr. í lok nóvember og höfðu þar með hækkað um 21 milljarða kr. frá því í október.

Heimsmarkaðsverð á olíu hækkar

Heimsmarkaðsverð á olíu hefur snarhækkað frá því í gærkvöldi en ástæðan fyrir þessum hækkunum eru að báðar deildir Bandaríkjaþings hafa samþykkt frumvarp sem forðaði landinu frá svokölluðu fjárlagaþverhnípi.

Fjárlagaþverhnípið blásið af í nótt

Fulltrúadeild Bandaríkjaþings samþykkti í nótt frumvarpið sem kemur í veg fyrir svokallað fjárlagaþverhnípi í Bandaríkjunum. Öldungadeild þingsins samþykkti þetta frumvarp með miklum meirihluta í gærmorgun. Í fulltrúadeildinni voru 257 meðmæltir frumvarpinu en 167 voru á móti.

Milljónir gamalla farsíma safna ryki á dönskum heimilum

Mikill meirihluti Dana hendir ekki gamla farsímanum sínum þegar nýr er keyptur. Milljónir gamalla farsíma safna því ryki í geymslum á dönskum heimilum.

Verslun að stóreflast í Rússlandi

Verslun í Rússlandi hefur stóreflst á skömmum tíma og hafa verslanir sprottið upp, einkum í nágrenni höfuðborgarinnar Moskvu. Stórar verslunarmiðstöðvar hafa verið byggðar á undanförnum árum og sér ekki fyrir endanum á uppbyggingartímabilinu, að því er fram kemur í grein New York Times um verslun í Rússlandi.

Skuldabréfamarkaðurinn margfalt stærri en hlutabréfamarkaðurinn

Heildarviðskipti með skuldabréf í Kauphöll Íslands á nýliðnu ári námu 2.324 milljörðum sem samsvarar 9,3 milljarða veltu á dag, samanborið við 10,3 milljarða veltu á dag árið á undan. Alls námu viðskipti með ríkisbréf 1.641 milljarði en viðskipti með íbúðarbréf námu 627 milljörðum.