Fleiri fréttir

Evran besti kosturinn af ólíkum myntsvæðum

Bandaríkin og evrusvæðið bera höfuð og herðar yfir önnur myntsvæði sem valkostur fyrir Ísland í myntsamstarfi og evran er sá kostur sem best fellur að þörfum íslensks efnahagslífs. Þetta kemur fram í ítarlegri skýrslu Seðlabankans um valkosti Íslands í gjaldmiðilsmálum. Aðalhagfræðingur Seðlabankans telur þó vandann á evrusvæðinu mæla gegn því að fara þar inn.

Evran er álitlegasti kosturinn

Evran er álitlegasti kosturinn sem Ísland hefur ef til stendur að taka upp erlendan gjaldmiðil hér á landi eða festa íslensku krónuna við hann á annað borð. Ef Evran yrði ekki fyrir valinu væri danska krónan næstbesti kosturinn.

Hreyfingin vill almenna niðurfærslu fasteignalána

Þingmenn Hreyfingarinnar hafa lagt fram tillögu til þingsályktunar um almenna niðurfærslu á verðtryggðum fasteignaveðlánum heimila og afnám verðtryggingar. Tillagan felur í sér að fjármála- og efnahagsráðherra skipi þriggja manna starfshóp, óháðan hagsmunaaðilum, sem útfæri áætlun um almenna niðurfærslu á verðtryggðum fasteignaveðlánum heimila. Áætlunin skuli byggð á að þær skuldir sem til eru komnar vegna hækkunar vísitölu neysluverðs frá árslokum 2007 og eru umfram verðbólgumarkmið Seðlabanka Íslands verði fluttar frá heimilunum í sérstakan afskriftasjóð fasteignaveðlána auk breytinga á verðtryggingarákvæðum slíkra lána.

Yfir 2 milljónir pöntuðu sér iPhone á einum sólarhring

Yfir tvær milljónir manna pöntuðu sér iPhone 5 í forsölu á fyrsta sólarhringnum, sem eru tvöfalt fleiri en pöntuðu sér 4S símann í fyrra. Eftirspurnin eftir símanum er langt umfram væntingar tæknirisans Apple, sem framleiðir símann. Gert er ráð fyrir því að ekki verði hægt að afgreiða allar pantanirnar strax og því mega notendur búast við að fá ekki símann fyrr en í október. iPhone 5 var kynntur til leiks fyrir helgi en hann er bæði lengri, hraðari og með betri upplausn en sá á undan.

Baldur Guðlaugsson í vinnu hjá Lex lögmannsstofu

Baldur Guðlaugsson, fyrrverandi ráðuneytisstjóri fjármálaráðuneytisins, sinnir nú verkefnum fyrir Lex lögmannsstofu, að því er fram kemur í frétt á vef Viðskiptablaðsins. Starf Baldurs er hluti af afplánun hans, sem hann situr nú af sér, eftir að hafa verið dæmdur í tveggja ára fangelsi, fyrr á þessu ári, vegna innherjasvika og brots í opinberu starfi. Brotin framdi Baldur þegar hann seldi hlutabréf í Landsbankanum fyrir ríflega 190 milljónir króna, í september 2008, er hann var ráðuneytisstjóri í fjármálaráðuneytinu og átti sæti í samráðshópi stjórnvalda um fjármálastöðugleika.

Merkel styður áætlun Seðlabanka Evrópu

Angela Merkel, kanslari Þýskalands, er ánægð með áætlun Seðlabanka Evrópu (SE) sem snýr að kaupum á ríkisskuldabréfum Evrópuþjóðum sem eiga í vandræðum vegna mikilla skulda og hás vaxtaálags. Merkel sagði á blaðamannafundi í dag að hún efaðist ekki um að áætlun bankans væri vel undirbyggð og að lánafyrirgreiðsla bankans, með skuldabréfakaupunum, yrði ekki tapað fé að lokum, eins og margir hafa gagnrýnt bankann fyrir.

Kröfu um frávísun Vafningsmálsins hafnað

Kröfu sakborninga í Vafningsmálinu svokallaða var hafnað í Héraðsdómi Reykjavíkur núna klukkan tvö. Úrskurðurinn, sem Símon Sigvaldason héraðsdómari kvað upp, er ekki kæranlegur til Hæstaréttar. Það voru sakborningar í málinu, þeir Lárus Welding og Guðmundur Hjaltason, sem fóru fram á að málinu yrði vísað frá dómi vegna ágalla á málsmeðferð þegar í ljós kom að tveir lögreglumenn sem störfuðu hjá sérstökum saksóknara höfðu unnið skýrslu fyrir þrotabú Milestone sem byggðu á gögnum frá embætti sérstaks saksóknara.

Markaðir í Evrópu sýna rauðar tölur lækkunar

Vísitölur hlutabréfamarkaða í Evrópu hafa víðast hvar lækkað í morgun eftir að viðskipti hófust. Lækkanirnar eru öðru fremur raktar til þess að erfiðir tímar séu framundan í efnahagslífi margra ríkja Evrópu, ekki síst Spánar, að því er fram kemur á vef Wall Street Journal (WSJ). Í fréttaskýringu WSJ segir að búist sé við því að haustið og vetrarmánuðir á Spáni muni einkennast af fjöldamótmælum vegna niðurskurðar, og atvinnuleysis, en það mælist nú tæplega 25 prósent á Spáni.

Þjóðin njóti arðsins í sjávariðnaði

Auðlindastefnunefnd forsætisráðherra telur æskilegt að þjóðin fái að njóta hluta þess arðs sem fæst í sjávariðnaði. Það sé m.a. rétt að tryggja með álagningu veiðigjalds sem byggir á mati á umfangi auðlindarentu í greininni.

Gjaldmiðlaskýrsla kynnt í dag

Klukkan fjögur í dag kynnir Seðlabanki Íslands nýja skýrslu um valkosti Íslands í gjaldmiðilsmálum. Í skýrslunni verður ítarlega farið yfir ólíkar myntir og kosti og galla þess að vera með eigin gjaldmiðil og í myntsamstarfi.

Ævintýralegt ár hjá minkabændum, seldu fyrir 1,5 milljarð

Íslenskir minkabændur hafa selt skinn hjá uppboðsfyrirtækinu Kopenhagen Fur í Kaupmannahöfn fyrir um 1,5 milljarða króna á söluárinu sem lauk nú í september. Þetta þýðir að hver minkabóndi hefur haft að jafnaði yfir 23 milljónir króna í hreinn hagnað af búi sínu.

Samið við Grænlendinga um stjórn grálúðuveiða

Steingrímur J. Sigfússon, atvinnuvega- og nýsköpunarráðherra og Ane Hansen sjávarútvegsráðherra Grænlands undirrituðu í Narssarsuaq í gær samning um stjórn grálúðuveiða á hafinu milli landanna. Samningaviðræður hafa staðið um nokkurt skeið og er kvóti næstu tveggja ára fastsettur og eiga Íslendingar tilkall til 60% kvótans en Grænlendingar 40%, eftir því sem fram kemur í frétt á vef atvinnuvegaráðuneytisins.

Græðgi er góð sagði Gekko - eldast ummælin vel?

Fjárfestirinn Gordon Gekko, leikinn af Michael Douglas í kvikmyndinni Wall Street frá 1987 (og Wall Street - Money Never Sleeps frá 2010), sagði margt minnisstætt þegar hann lýsti viðskiptunum á Wall Street í New York. Líklega eru ummælin; Græðgi er góð (Greed is good), frægust en mörg önnur ummæli Gekko eru einnig eftirminnileg. Douglas fékk Óskarsverðlaun fyrir leik sinn í Wall Street.

Heimsmarkaðsverð á áli hækkar verulega

Heimsmarkaðsverð á áli hefur hækkað verulega á undanförnum dögum. Verðið stendur nú í 2.175 dollurum á tonnið miðað við þriggja mánaða framvirka samninga.

Borgin kaupir land við Mýrargötu fyrir hálfan milljarð

Stjórn Faxaflóahafna hefur samþykkt drög að samningi fyrirtækisins og Reykjavíkurborgar um að borgina kaupi alls 18.432 fm lands norðan Mýrargötu. Fyrir þetta land mun borgin greiða rúmlega hálfan milljarð kr.

Dreifing til áttatíu þúsund heimila

Dreifikerfi Póstdreifingar nær inn á 80.000 heimili sex daga vikunnar á stórhöfuðborgarsvæðinu og á Akureyri. Jafnframt sinnir fyrirtækið dreifingu á önnur svæði víðs vegar um landið. Dreifikerfi Póstdreifingar eru gæðavottuð.

Fyrirtækjaþjónusta fyrir alla

Í Pennanum má finna úrval ritfanga, rekstrarvara, húsgagna og kaffilausna sem henta fyrirtækjum af öllum stærðum og gerðum. Starfsfólk Fyrirtækjaþjónustu Pennans kappkostar að veita faglega og persónulega þjónustu um land allt.

Selecta býður fjölbreyttar lausnir

Selecta er leiðandi á sviði fyrirtækjaþjónustu í Evrópu, stofnað í Sviss árið 1953. Í dag nota yfir sex milljónir manna þjónustu Selecta daglega í 24 löndum. Boðið er upp á fjölbreytt úrval drykkjar- og matvara fyrir vinnustaði, veitingastaði og stofnanir.

Allt á einum stað

Kerfi ehf. selur rekstrarvörur og sérhæfir sig í þjónustu við önnur fyrirtæki. "Markmiðið er að veita skjóta og góða þjónustu," segir Guðmundur Sigurðsson.

HB Grandi fær stóra lóð á Norðurgarði

Stjórn Faxaflóahafna hefur samþykkt að úthluta HB Granda hf. alls um 13.700 fm lóð á Norðurgarði til að byggja á frystigeymslu og móttökuhús fyrir frystan fisk. Geymslan verður um 2.500 fm að stærð og mun taka um 2000 tonn af sjávarafurðum.

Friðrik Már: Helstu áhyggjurnar hjá ríkissjóði snúa að útgjöldum

Gert er ráð fyrir því í áætlunum stjórnvalda að heildartekjur ríkissjóðs muni vaxa um ríflega 100 milljarða króna á fjórum árum. Á sama tíma eiga útgjöld að vaxa um ríflega 50 milljarða. Friðrik Már Baldursson prófessor, segir að vel þurfi að halda spöðunum í rekstri ríkisins á næstu árum, þar sem aðstæður gætu orðið erfiðar.

Eignarhlutir ríkisins tæplega 200 milljarða virði

Eignarhlutir ríkisins í endurreistu bönkunum eru nú tæplega 200 milljarða króna virði, sé mið tekið af eiginfjárstöðu bankanna (innra virði). Ríkið hyggst selja eignarhluti í bönkunum á næstu árum, en halda þó enn eftir kjölfestuhlut í Landsbankanum.

Bjóða 370 ára gamla bók til sölu

Tæplega 370 ára gömul bók eftir Arngrím lærða er núna föl þeim sem er reiðubúinn til að greiða rétt verð fyrir hana. Bókin verður seld á vefnum Uppboð.is, sem stendur til 30. september, en það er fornbókaverslunin Bókin og Gallerí fold sem standa að uppboðinu.

Indverjar opna smásölumarkaðinn fyrir risakeðjum

Stjórnvöld í Indlandi hafa ákveðið að opna smálsölumarkaðinn í landinu fyrir stórum alþjóðlegum fyrirtækjum, en til þessa hefur markaðurinn verið bundinn við innlend fyrirtæki, sem mörg hver eru risavaxin. Nýtt regluverk gerir ráð fyrir að alþjóðleg fyrirtæki megi eiga allt að 51 prósent eignarhlut í fyrirtækjum sem starfa á smásölumarkaði í Indlandi. Talið er nær öruggt að bandarísku keðjurnar Walmart og Tesco muni ráðandi hluti í indverskum fyrirtækjum, en þær hafa sótt það fast undanfarin ár, án þess að stjórnvöld hafi heimilað það.

Ríkiskaup semja við Nýherja um prentlausnir

Ríkiskaup hafa gert rammasamning við Nýherja sem felur í sér kaup á prentlausnum, prenturum og rekstrarvöru fyrir ríkisfyrirtæki og sveitarfélög, sem eru aðilar að rammasamningnum.

Almenn lán hjá Íbúðalánasjóði helmingi færri

Almenn lán hjá Íbúðalánasjóði eru helmingi færri það sem af er ári en miðað við sama tímabil í fyrra. Forstjóri sjóðsins segir ástæðuna vera vinsældir óverðtryggðra íbúðalána sem bankarnir veita.

Jónas Fr: Skynsamlegt að viðhalda forgangi sparifjár

Stefna atvinnuvegaráðuneytisins, ráðuneytis bankamála, er að vinna að löggjöf um allsherjarvernd innistæðna í bönkum og sparisjóðum þegar yfirlýsing um ríkisábyrgð fellur úr gildi. Fyrrverandi forstjóri FME telur rétt að halda forgangi innistæðna en segir það hafa mikil áhrif á möguleika banka við öflun lánsfjár.

Regluverk stöðvar ekki áhættusækni bankanna

Dr. Jakob Ásmundsson, framkvæmdastjóri fjármála og rekstrar hjá fjárfestingabankanum Straumi, mælir eindregið með því að skilið verði á milli viðskiptaarms og fjárfestingaarms íslensku bankanna. Í aðsendri grein í Fréttablaðinu og Vísi í dag lýsir hann ókostum þess að íslensku viðskiptabankarnir stundi fjárfestingabankastarfsemi samhliða.

Erlent lán talið lögmætt

Gengislánadómur féll í Héraðsdómi Norðurlands vestra í dag. Þar var komist að þeirri niðurstöðu að lán sem greitt var út í íslenskum krónum og endurgreitt með íslenskum krónum væri í raun lán í erlendum gjaldmiðli. Lánið taldist því ekki gengistryggt lán í íslenskum krónum og var dæmt lögmætt.

Framsýn vill sérmerkja lopapeysurnar

Stéttarfélagið Framsýn skorar á Steingrím J. Sigfússon ráðherra atvinnuvega- og nýsköpunarmála að setja skýrar reglur um upprunamerkingar á vörum svo sem. lopapeysum sem prjónaðar eru erlendis úr íslenskri ull og fluttar inn til landsins. Þá hefur verið óskað eftir fundi með honum um málið í bréfi sem sent var í dag. Framsýn telur neytendur eiga fullan rétt á því að vera vel upplýsta um þá vöru sem þeir kaupa, ekki síst minjagripi sem keyptir eru í þeirri trú að um íslenska vöru og handverk sé um að ræða. Bréfið er á heimasíðu stéttarfélaganna framsyn.is. Þar eru einnig myndir sem tengjast fréttinni.

Tæplega 5% atvinnuleysi í ágúst

Skráð atvinnuleysi í ágúst var 4,8% en að meðaltali voru 8.200 atvinnulausir og fækkaði þeim um 172 að meðaltali frá júlí. Meðalatvinnuleysi á tímabilinu janúar til ágúst á þessu ári var 6%, en 7,7% á sama tímabili í fyrra. Körlum á atvinnuleysisskrá fækkaði um 60 að meðaltali og konum um 112. Atvinnulausum fækkaði um 108 á höfuðborgarsvæðinu en um 64 á landsbyggðinni. Alls hafa nú um 5300 verið atvinnulausir lengur en í sex mánuði samfellt og hefur þeim fækkað um 138 frá lokum júlí. Þeir er nú um 64% þeirra sem eru á atvinnuleysisskrá.

Borgin kaupir lóðir á Mýrargötu og slippsvæði fyrir 528 milljónir

Borgarráð samþykkti á borgarráðsfundi í morgun að kaupa lóðir á Mýrargötu og slippsvæði af Faxaflóahöfnum fyrir 528 milljónir króna. Mögulegt er að byggja allt að 250 íbúðir á svæðinu á milli Sjóminjasafnsins og Slippsins en reiknað er með að framkvæmdir hefjist fyrst þar. Á sama fundi var samþykkt að vísa rammaskipulagi gömlu hafnarinnar í Reykjavík til meðferðar í skipulagsráði.

Meira keypt af dagvöru og áfengi en minna af fatnaði

Verð á dagvöru, þ.e. vörum sem eru alla jafna keyptar í matvöruverslun, hefur hækkað um 4,4% á síðastliðnum 12 mánuðum. Velta í dagvöruverslun jókst um 4,3% í ágúst síðastliðnum miðað við sama mánuð í fyrra. Sala áfengis jókst um 23,1% í ágúst miðað við sama mánuð í fyrra. Verð á áfengi var 4,4% hærra í ágúst síðastliðnum en í sama mánuði í fyrra.

Dæmdir menn krefjast aðgerða gegn Íslendingum

Friðrik Arngrímsson framkvæmdastjóri LÍÚ segir að það séu dæmdir menn sem helst krefjist aðgerða gegn Íslendingum vegna makrílveiðanna. Hér á hann við Skota og Íra sem hafa verið einn stórtækastir í ólöglegum veiðum á makríl og hlotið háar sektir fyrir. Þetta kemur fram á vefsíðu LÍÚ þar sem fjallað er um málið.

Skoða afnám ríkisábyrgðar

Stjórnvöld eru farin að huga að því að afnema allsherjarábyrgð á bankainnstæðum. Hún hefur verið í gildi í fjögur ár. Ábyrgðin kostaði ríkissjóð 26 milljarða króna þegar innstæður Sparisjóðs Keflavíkur voru fluttar.

Sveitarfélögin á batavegi en fjárfestingar þeirra í lágmarki

Rekstur sveitarfélaga á Íslandi fer batnandi og gefa tölur Hagstofunnar um fjármál hins opinbera á öðrum ársfjórðungi þetta til kynna. Samkvæmt þeim jukust tekjur sveitarfélaganna um tæp 9% frá sama tíma í fyrra á meðan heildarútgjöld, fjárfestingar og vaxtagjöld meðtalin, jukust um rúm 5%. Á meðan hækkaði verðlag um tæp 6%.

Heildaraflinn minnkaði milli ára í ágúst

Heildarafli íslenskra skipa í nýliðnum ágústmánuði, metinn á föstu verði, var 1,6% minni en í ágúst 2011. Það sem af er árinu hefur aflinn aukist um 15,8% miðað við sama tímabil 2011, sé hann metinn á föstu verði.

Ríkisábyrgð tímabundin og rennur út 2014

Stjórnvöld verða að afnema allsherjarábyrgð á innstæðum í síðasta lagi fyrir árslok 2014, samkvæmt ákvörðun Eftirlitsstofnunar EFTA. Fjármálaráðuneytið telur tímabært að huga að því með hvaða hætti hún verður dregin til baka.

Mikil uppsveifla á öllum mörkuðum

Mikil uppsveifla hefur verið á mörkuðum í Bandaríkjunum í gærkvöldi og Asíumörkuðum í nótt. Sú uppsveifla heldur síðan áfram á helstu mörkuðum Evrópu í morgun.

Sjá næstu 50 fréttir

Mest lesið