Bjart yfir Evrópu

Það bárust jákvæðar tölur frá hlutabréfamörkuðum í Evrópu í dag. FTSE vísitalan hækkaði um 0,19%, franska CAC 40 vísitalan hækkaði um 1,01% og þýska Dax hækkaði um 0,22%.

16,5 milljónir atvinnulausra á evrusvæðinu

Samtals eru um 16,5 milljónir manna án vinnu á evrusvæðinu samkvæmt tölum Hagstofu Evrópu (Eurostat) sem birtar voru í morgun. Atvinnulausum á svæðinu hefur fjölgað um 751 þúsund frá því árið á undan.

Utanríkisráðherra setur saman málflutningsteymi í Icesave-málinu

Össur Skarphéðinsson utanríkisráðherra hefur komið á fót málflutningsteymi til að starfa með Tim Ward QC að undirbúningi varnar í Icesave-málinu.

Íslendingar ekki bjartsýnni síðan fyrir hrun

Nýtt ár leggst greinilega vel í landsmenn, en samkvæmt væntingavísitölu Gallup sem birt var nú í morgun hafa væntingar íslenskra neytenda nú ekki verið hærri frá því fyrir hrun.

Japan að rétta úr kútnum

Efnahagur Japans heldur áfram að rétta úr kútnum eftir að hafa orðið fyrir miklu höggi er jarðskjálfti skók landið 11. mars í fyrra. Nýjar hagtölur um framleiðslu bílaframleiðenda í landinu þykja sýna að landið er á réttri leið, að því er fram kemur vef breska ríkiútvarpsins BBC

Landsbankinn setur Sólningu í sölu

Hömlur ehf., dótturfélag Landsbankans hf., hefur falið Fyrirtækjaráðgjöf Landsbankans að annast sölu á öllu hlutafé í Sólningu í Kópavogi sem rekur hjólbarðaverkstæði og annast innflutning á dekkjum.

Atvinnuleysi minnkar áfram í Þýskalandi

Atvinnuleysi heldur áfram að minnka í Þýskalandi og hefur ekki verið minna í tvo áratugi. Atvinnuleysið minnkaði í janúar niður í 6,7% en sérfræðingar höfðu vænst þess að það yrði óbreytt í 6,8%.

Vöruskiptin hagstæð um 104,5 milljarða í fyrra

Samkvæmt bráðabirgðatölum voru fyrir allt árið 2011 fluttar út vörur fyrir 626,4 milljarða króna en inn fyrir 521,9 milljarð króna. Afgangur var á vöruskiptunum við útlönd sem nam 104,5 milljörðum en árið áður voru þau hagstæð um 119,9 milljarða á sama gengi. Vöruskiptajöfnuðurinn var því 15,4 milljörðum króna óhagstæðari en árið áður.

Hækkanir á laxveiðileyfum framundan

Samtímis því að verð á laxveiðileyfum í Rússlandi og víðar fara lækkandi, stefnir í að verðið fari hækkandi hér á landi.

Fremur dauft yfir fasteignamarkaðinum

Enn er fremur dauft yfir fasteignamarkaðinum á höfuðborgarsvæðinu. Þannig var 86 kaupsamningum um fasteignir þinglýst í síðustu viku en að meðaltali hefur 94 samningum verið þinglýst á viku undanfarnar 12 vikur.

Ísland í 9. sæti yfir vinsamlegt viðskipaumhverfi þjóða

Ísland er í níunda sæti þjóða heimsins yfir vinsamlegt viðskiptaumhverfi, það er hve auðvelt er að stofna og reka fyrirtæki.

Gengi krónunnar heldur áfram að lækka

Gengi krónunnar hefur lækkað um tæp 2% frá áramótum. Gengið hefur veikst jafnt og þétt frá því í byrjun nóvember á síðasta ári að því er segir í Markaðspunktum Íslenskra verðbréfa.

Líklegt að olíufélögin hækki bensínverðið í dag

Búast má við að olíufélögin hækki almennt bensínverðið í dag eftir að N-1 hækkaði verðið um fjórar krónur í gær og er verð á lítra þar komið upp í tæpar 247 krónur.

Kallar enn eftir upplýsingum um uppgjör bankanna

"Ég hef núna fengið upplýsingar um það að það er búið að fjölga um níu þúsund á vanskilaskrá frá árinu 2008,“ segir Guðlaugur Þór Þórðarson, þingmaður Sjálfstæðisflokksins. Hann sagði í samtali við Reykjavík síðdegis í dag að vegna þessa mála vanti upplýsingar frá stjórnvöldum um staðreyndir mála sem tengjast lánum.

Helgi ætlar að færa landsmönnum Sinalco á ný

Helgi Vilhjálmsson, oftast kenndur við sælgætisgerðina Góu, er að hefja innflutning á Sinalco, gosdrykk sem naut feykilegra vinsælda fyrir einungis fáeinum árum. Hann er búinn að flytja fyrsta gáminn inn en stefnir að því að framleiða drykkinn sjálfur með tíð og tíma.

Allt að 90% taka óverðtryggð lán

Allt að níutíu prósent þeirra sem taka fasteignalán hjá bönkunum um þessar mundir kjósa að taka óverðtryggð lán. Lífeyrissjóðirnir eru ekki farnir að bjóða upp á óverðtryggð lán.

Rauður dagur á mörkuðum

Það var rauður dagur beggja megin Atlantsála í dag. Vestanhafs lækkaði Nasdaq vísitalan um 0,16%, S&P 500 lækkaði um 0,25% og Dow Jones lækkaði um 0,86%. FTSE vísitalan lækkaði um 1,09%, þýska Dax vísitalan lækkaði um 1,04% og franska Cac 40 lækkaði um 1,60%.

Þrotabú Samson krefst 518 milljóna vegna Árvakursviðskipta

Tekist var á um þá kröfu þrotabús Samson, fjárfestingafélags Björgólfs Guðmundssonar og Björgólfs Thors Björgólfssonar, að rifta kaupum á 16,7 prósenta hlut í Árvakri, útgáfufélagi Morgunblaðsins, á þeim grundvelli að um gjafagjörning hafi verið að ræða, í Héraðsdómi Reykjavíkur í dag.

Actavis gerir samning um insúlín

Actavis og pólska fyrirtækið Bioton tilkynntu í dag að þau hefðu stofnað til formlegs samstarfs um þróun og skráningu á insúlíni, einnig svo kölluðum insúlínvirkum lyfjum (e.analogue insulins). Í tilkynningu frá Actavis segir að samkvæmt samningnum beri Bioton ábyrgð á þróun og framleiðslu á insúlíni en Actavis fær einkarétt til að markaðssetja það undir eigin vörumerki í Bandaríkjunum, Japan og Evrópu, einnig á Íslandi. "Bæði fyrirtækin munu bjóða insúlín undir eigin nafni í Póllandi, sem er heimamarkaður Bioton,“ segir ennfremur.

Tilnefningar til Íslensku vefverðlaunanna kynntar

Samtök vefiðnaðarins tilkynntu í dag um hvaða vefir eru í úrslitum til Íslensku vefverðlaunanna 2011. Sjálf verðlaunaafhendingin fer fram í Tjarnarbíói klukkan 17 næstkomandi föstudag.

Osborne fagnar því að bankamaður þiggi ekki bónusinn

George Osborne, fjármálaráðherra Bretlands, segir þá ákvörðun Stephen Hester, forstjóra Royal Bank of Scotland, að þiggja ekki bónusgreiðslu upp á eina milljóna punda, jafnvirði ríflega 190 milljóna króna, vera skynsamlega og rökrétta. "Skattgreiðendur settu milljarða punda inn í rekstur bankans þegar hann var að falla, og það er eðlilegt að þeir njóti forgangs þegar vel gengur," sagði Osborne í viðtali við breska blaðið The Guardian í morgun.

Þrefalt fleiri fyrirtæki til sölu

Félögum í óskyldum rekstri í eigu viðskiptabanka, sparisjóða og lánafyrirtækja hefur fækkað um sjö frá 1. nóvember síðastliðnum. Þau voru þá 132 talsins en eru nú 125. Félögum sem eru komin í formlegt söluferli hefur þó fjölgað mikið á síðustu þremur mánuðum. Þau voru 14 í nóvember en eru nú 45. Þetta kemur fram í nýjum tölum Fjármálaeftirlitsins (FME) um tímabundna starfsemi lánastofnana sem Fréttablaðið hefur undir höndum.

Forstjóri RBS neitaði að taka við bónusinum

Forstjóri breska bankans Royal Bank of Scotland (RBS), Stephen Hester, hefur ákveðið að þiggja ekki bónusgreiðslur upp eina milljón punda, eða sem jafngildir ríflega 190 milljónum króna, vegna rekstrarársins í fyrra. Breska ríkisútvarpið BBC greindi frá þessu í morgun.

Vísitala framleiðsluverðs hækkaði lítillega

Vísitala framleiðsluverðs í desember síðastliðnum var 211,4 stig og hækkaði um 0,1% frá nóvember.

Ekkert varð af olíusölubanni Íran gegn ESB

Ekkert varð af boðuðu olíusölubanni Íraks til Evrópusambandsins (ESB) um helgina.

Reiknað með tveimur tilboðum í Iceland á morgun

Tilboð í verslunarkeðjuna Iceland Foods verða opnuð á morgun en skilanefndir Landsbankans og Glitnis vilja fá 1,5 milljarða punda fyrir hana.

Fjöldi ólöglegra fyrirtækja í Danmörku tvöfaldast

Vinnueftirlit Danmekur lokaði tvöfalt fleiri ólöglegum fyrirtækjum á seinni hluta ársins í fyrra en árið áður.

LVMH vill kaupa Aurum af skilanefnd Landsbankans

Fjárfestingafélag lúxusvörurisans LVMH hefur áhuga á því að gera tilboð í skartgripa- og úraverslanirnar Goldsmiths, Mappin & Webb og Watches of Switzerland.

Spáir yfir 6% verðbólgu fram á vor

Greining Arion banka segir að útlit sé fyrir umtalsverða verðbólgu, eða yfir 6%, á næstu mánuðum.

OR ver sig fyrir sveiflum í álverði og vöxtum

Stjórn Orkuveitu Reykjavíkur (OR) hefur samþykkt áhættustefnu fyrir rekstur fyrirtækisins. Þá hefur fyrirtækið lokið samningum við hollenska bankann ING um áhættuvarnir gagnvart sveiflum í álverði og vaxtabreytingum.

Facebook er að breyta heiminum hratt

Facebook er í ótrúlegri stöðu til þess að kortleggja hegðun mörg hundruð milljóna manna um heim allan og nýta sér upplýsingarnar til fjárhagslegs ávinnings. Hópur Facebook notenda fer hratt stækkandi. Fyrirtækið er sífellt að þróa nýja möguleika til þess að nýta sér gríðarlegt magn upplýsinga um þá sem skráðir eru á vefinn.

Sérstakur saksóknari: Höfum tvö ár til stefnu

Ólafur Þór Hauksson, sérstakur saksóknari, segir að þunginn í rannsóknum á stórum málum hafi verið á árinu 2010 og 2011. Embættið hafi enn tvö ár til stefnu til að ná markmiðum sínum. Þá hafi tafir á afhendingu gagna frá útlöndum seinkað rannsóknum embættisins.

Eignir bankans sem vill kaupa Íslandsbanka metnar á 46 þúsund milljarða

Bankinn sem sýnt hefur áhuga á að kaupa Íslandsbanka er almennt álitinn einn stöndugasti banki Norðurlanda. Heildareignir hans eru metnar á liðlega 46 þúsund milljarða íslenskra króna.

Sérstakur saksóknari ekki náð markmiðum sínum

Sérstakur saksóknari stefndi að því að ljúka 27 málum á ári samkvæmt áætlun sem send var stjórnvöldum. Þetta hefur ekki gengið eftir en á síðasta ári var ákært í 7 málum. Þá átti að ákæra í 10 málum í flokknum "stór mál" á árunum 2010-2013 en engin ákæra hefur verið gefin út sem fellur þar undir. Kostnaður embættisins er áætlaður rúmlega fimm milljarðar króna á fimm árum.

Grikkir ósáttir við Þjóðverja

Grískir embættismenn hafa brugðist ókvæða við áformum þýskra stjórnvalda, sem láku í fjölmiðla fyrir helgi, um að leggja til að Evrópusambandið fái synjunarvald yfir skattastefnu og útgjöldum gríska ríkisins.

Walker tryggir sér milljarð punda til að kaupa Iceland

Malcolm Walker forstjóri Iceland Foods verslunarkeðjunnar hefur tryggt sér einn milljarð punda, eða rúmlega 193 milljarða kr. í lánsfé til kaupanna á keðjunni.

Segja stjórnendur bankanna hafa veikt krónuna með óforsvaranlegum hætti

Tugir milljarða króna gætu verið í húfi fyrir Lífeyrissjóð verzlunarmanna, einn stærsta lífeyrissjóð landsins, vegna deilu um gjaldeyrissamninga við slitastjórn Glitnis og Kaupþings. Stjórn lífeyrissjóðsins telur að stjórnendur bankanna hafi skaðað hagsmuni lífeyrissjóðsins ólöglega og veikt krónuna með óforsvaranlegum hætti.

Endurgreiddu 2,5 milljarða til skilvísra viðskiptavina

Arion Banki endurgreiddi í gær samtals 2,5 milljarða króna til skilvísra viðskiptavina bankans. Landbankinn réðst í svipaðar aðgerðir í október en aðrar lánastofnanir hafa ekki tekið ákvörðun um að gera slíkt hið sama.

Niðurskurður ríkisfjármála getur kæft vaxtamöguleika hagkerfa

Framkvæmdastjóri Alþjóðagjaldeyrissjóðsins varar við að óviðeigandi niðurskurður ríkisfjármála geti kæft vaxtamöguleika hagkerfa. Aðlaga þurfi niðurskurðaráætlanir við hvert hagkerfi fyrir sig.

Eitt af stærstu flugfélögum Spánar rambar á barmi gjaldþrots

Spanair, eitt af stærstu flugfélögum Spánar, hefur aflýst öllum flugferðum vegna mikillar óvissu um fjárhagslega framtíð fyrirtækisins. Spanair hefur átt við mikla rekstrarerfiðleika að glíma frá því að vél þess fórst í flugslysi fyrir fjórum árum.

Tekjurnar af Contraband stefna í 7,5 milljarða

Heildartekjurnar af Contraband, mynd Baltasar Kormáks, stefna í 60,8 milljónir dollara eða um 7,5 milljarða króna. Vefsíðan boxoffice.com áætlar að tekjurnar, verði 7,2 milljónir dollara um helgina en áður hafa selst miðar á hana fyrir 53,6 milljónir dollara.

Verðbólgan aftur á skrið

Tólf mánaða verðbólga er nú 6,5 prósent og hefur ekki mælst hærri síðan í maí 2010. Vísitala neysluverðs miðuð við verðlag í þessum mánuði hækkaði um 0,28 prósentustig í mánuðinum sem er nokkuð umfram væntingar.

Millibankamarkaðir enn frostnir

Mario Draghi, bankastjóri evrópska seðlabankans, segir að enn sé langt þangað til fjármagnsmarkaðir komist í það sem talist geti eðlilegt ástand. Þetta kom fram í erindi sem Draghi hélt á ráðstefnu Alþjóðaefnahagsráðsins (World Economic Forum) í Davos í Sviss.

Ágreiningur blasir við vegna tillagna stjórnlagaráðs

Það blasir við ágreiningur fyrir dómstólum verði tillögur stjórnlagaráðs samþykktar óbreyttar. Þetta segir Hafsteinn Þór Hauksson, lektor við lagadeild HÍ.

Ferðaþjónustan malar gull og er ein af grunnstoðum hagkerfisins

Árið 2011 var besta ár í íslenskri ferðaþjónustu frá upphafi á flesta mælikvarða. Met var slegið í komu erlendra ferðamanna til landsins og fjölda gistinátta. Á fjórum dögum í október eyddu ferðamenn hálfum milljarði hér á landi.