Lítilleg hækkun á mörkuðum í Bandaríkjunum

Helstu vísitölur hlutabréfamarkaða í Bandaríkjunum hækkuðu lítillega í dag eftir að hafa sýnt lækkanir fyrri part dags. Nasdaq vísitalan hækkaði um 0,34% á meðan S&P hækkaði um 0,6%. Markaðir í Evrópu lækkuðu hins vegar flestir, á bilinu 0 til 2%. Óvissa um stöðu efnahagsmála í Evrópu heldur áfram að vera drifkraftur sveiflna á markaði, að því er segir á vef Wall Street Journal.

Fimm milljarða króna aukakvóti

Jón Bjarnason sjávarútvegs- og landbúnaðarráðherra hefur ákveðið í framhaldi af ráðgjöf Hafrannsóknarstofnunarinnar 3. nóvember síðastliðinn að hækka heildaraflamark í íslenskri sumargotssíld um 40 þúsund tonn. Fyrr á þessu hausti úthlutaði ráðherra 5 þúsund tonnum í sama aflamarki.

Arion vann milljarðamál í héraðsdómi

Ice Capital ehf, sem áður hét Sund ehf, hefur verið dæmt til að greiða Arion banka því sem nemur 3,7 milljörðum króna vegna láns sem félagið tók hjá Kaupþingi. Málið er rakið til þess að árið 2004 gerði Sund samning við Kaupþing Búnaðarbanka um eignastýringu.

Lánamarkaðir svo gott sem lokaðir fyrir Ítalíu

Álag á tíu ára ríkisskuldabréf Ítalíu náði nú skömmu fyrir hádegi hæsta gildi sem það hefur mælst í á þessu ári. Álagið er nú 6,64%. Þetta þýðir að fjármagnskostnaður landsins er það hár að nær ómögulegt er fyrir landið að endurfjármagna skuldir sínar en áhyggjur af fjárhagsvanda Ítalíu hafa farið vaxandi undanfarna daga.

Úr 3,6 milljörðum í 8,1 milljarð

Miðað við markaðsgengi Icelandair Group í dag er hlutur Framtakssjóðsins í félaginu ríflega 8,1 milljarða virði. Framtakssjóðurinn keypti 30% hlutinn á 3,6 milljarða. Hagnaðurinn er því umtalsverður. Tíu prósent hlutur, sem Icelandair tilkynnti um í morgun að yrði seldur, er virði um 2,7 milljarða króna miðað við núverandi gengi.

Vill ljúka fjármögnunarsamningi um Vaðlaheiðagöng

Steingrímur J. Sigfússon fjármálaráðherra segist telja að ekkert sé því til fyrirstöðu að ljúka fjármögnunarsamningi við fyrirtækið Vaðlaheiðagöng hf um fjármögnun fyrir gerð ganganna. Samkvæmt samningnum mun fyrirtækið hafa umsjón með gerð ganganna með láni frá ríkissjóði. Verktakafyrirtækin ÍAV og Marti munu sjá um verklegan þátt framkvæmdanna.

Vill nýtt mat á kostnaði við Vaðlaheiðargöng

Runólfur Ólafsson, framkvæmdastjóri Félags íslenskra bifreiðaeigenda, vill að gert verði nýtt mat á kostnaðinum við gerð Vaðlaheiðarganga. Hann segir það vægast sagt varlega áætlað að ætla að gera ráð fyrir 7% frávikum frá kostnaðaráætlun miðað við það hve mikið gangagerð hefur farið fram úr kostnaðaráætlunum síðustu ára. Áætlaður kostnaður við gerð ganganna nemur um 10 milljörðum króna. Runólfur benti á að kostnaðaráætlun hefði verið gerð af Saga Capital og síðar MP banka. Þessir aðilar hefðu hag af því að framkvæmdin yrði að veruleika vegna þess að bankinn myndi sjá um skuldabréfaútboð í tengslum við fjármögnun ganganna. Kristín H. Sigurbjörnsdóttir, formaður stjórnar Vaðlaheiðarganga, sagðist ekkert hafa á móti því að óháður aðili gerði kostnaðarmat á framkvæmdinni.

Áfram dregur úr veltunni á fasteignamarkaðinum

Áfram dregur úr veltunni á fasteignamarkaðinum í borginni. Fjöldi þinglýstra kaupsamninga á höfuðborgarsvæðinu í síðustu viku var 74 talsins. Þetta er töluvert undir meðaltalinu undanfarnar 12 vikur sem eru 98 samningar á viku.

Framtakssjóðurinn hagnast vel

Framtakssjóður Íslands hefur hagnast vel á fjárfestingu sinni í Icelandair Group, sem tilkynnt var um í morgun að hann væri að selja 10% hlut í.

Markaðir ekki bjartsýnir á nýja þjóðstjórn Grikklands

Fjárfestar virðast ekki ýkja bjartsýnir á að ný þjóðstjórn sem tilkynnt verður í Grikklandi síðar í dag muni ráða við skuldavanda landsins.

Selja 10% í Icelandair

Framtakssjóður Íslands hefur falið Verðbréfamiðlun Íslandsbanka hf. að hafa umsjón með sölu á 10% hlutafjár í Icelandair Group. Hlutaféð er boðið til sölu til fagfjárfesta með áskriftarfyrirkomulagi. Lágmarksverð er kr. 5,42 á hlut sem er dagslokagengi á síðasta viðskiptadegi, föstudaginn 4. nóvember. Frestur til að skila inn tilboðum er til kl. 18.00 mánudaginn 7. nóvember, 2011.

Asda og Farmfoods með sameiginlegt tilboð í Iceland

Breska verslunarkeðjan Asda og skoska stórmarkaðakeðjan Farmfoods hafa lagt fram sameignlegt tilboð í Iceland Foods verslunarkeðjuna. Tilboðið hljóðar upp á 1,4 milljarða punda eða tæplega 260 milljarða króna.

Áhyggjur vegna Ítalíu magnast

Fulltrúar Seðlabanka Evrópu (ECB) og Alþjóðagjaldeyrissjóðsins hafa varað stjórnvöld á Ítalíu við því að ef ekki verður gripið til róttækra aðgerða í ríkisfjármálum þá gæti landið "endanlega misst trúverðugleika“.

Met sett í útflutningi sjávarafurða

Met var sett í útflutningi sjávarafurða frá landinu í september en útflutningurinn nam 28,6 milljörðum króna og hefur aldrei verið meiri í krónum talið. Það er þessum útflutningi að þakka hve myndarlegur afgangur varð á vöruskiptajöfnuðinum í september en hann nam 15.5 milljörðum króna.

Endurfjármagna Hörpuna

Til stendur að ráðast í skuldabréfaútgáfu upp á 18 milljarða króna til að endurfjármagna sambankalán sem Austurhöfn-TR, eigandi tónlistar- og ráðstefnuhússins Hörpu, tók í janúar í fyrra. Austurhöfn er í 54% eigu íslenska ríkisins og 46% eigu Reykjavíkurborgar. Skuldabréfaútboðið á að fara fram á fyrsta ársfjórðungi ársins 2012 og verður innlent. Þetta staðfestir Pétur J. Eiríksson, stjórnarformaður Portusar, dótturfélags Austurhafnar, sem heldur utan um eignarhald á Hörpunni.

Matvörufélag Ólafs græðir milljarða

Hollenska matvælafyrirtækið Alfesca, sem Ólafur Ólafsson á tæplega 40 prósenta hlut í, hagnaðist um 35 milljónir evra á síðasta ári, sem jafngildir rúmlega 5,5 milljörðum íslenskra króna. Þetta kom fram í fréttum Stöðvar 2 í gær.

Papandreoú dregur sig í hlé

Stjórnmálamenn í Grikklandi hafa náð samkomulagi um myndum nýrrar samsteypustjórnar, sem ekki verður leidd af núverandi forsætisráðherra George Papandreú. Þetta kom fram í tilkynningu sem barst frá forseta Grikklands nú seint í kvöld. Samkomulagið tókst milli Papandreoú og Antonis Samaras, leiðtoga stjórnarandstöðunnar, eftir löng fundarhöld með forseta landsins Carolos Papoulias í dag. Samaras hafði margsinnis lýst því yfir að hann tæki ekki þátt í myndun samsteypustjórnar nema Papandreú myndi víkja. Í tilkynningu forsetans sagði að leiðtogarnir myndu hittast aftur á mánudaginn og ræða hver myndi leiða hina nýju ríkisstjórn. Ekki hefur komið fram hve lengi þessi stjórn eigi að starfa.

Buffett: Verðbólgan er "ósýnilegur skattur"

Warren Buffett, einn virtasti fjárfestir heims, sagði á ráðstefnu á Indlandi ekki alls fyrir löngu að verðbólgan væri "ósýnilegur skattur" sem einn af milljón botnaði eitthvað í.

Slitastjórnir mala gull eftir hrunið

Slitastjórnir föllnu bankanna þriggja mala gull eftir bankahrunið, en sumar lögmannsstofur í eigu nefndarmanna í slitastjórnum skiluðu tugmilljóna króna hagnaði á síðasta ári. Í slitastjórn Kaupþings sitja nú þau Feldís Lilja Óskarsdóttir og Davíð Benedikt Gíslason, eftir að Ólafur Garðarsson, lét af störfum. Lögmannstofa Feldísar Lilju hagnaðist um 6,8 milljónir króna í fyrra samkvæmt ársreikningi. Félag Davíðs hefur ekki skilað ársreikningi fyrir árið 2010. Fyrirtæki utan um rekstur Steinars Þórs Guðgeirssonar, sem er formaður skilanefndar Kaupþings, skilaði rúmlega fimmtíu milljóna króna hagnaði á síðasta ári og er félagið skráð með eignir upp á tæplega hundrað milljónir króna, en hann þess skal getið að hann rekur félagið ásamt eiginkonu sinni sem einnig er lögmaður og inni í fjárhæðinni eru því einnig hagnaður vegna tekna hennar.

Hótar því að kaupa ekki ítölsk skuldabréf

Evrópski seðlabankinn varaði í dag við því að ef Ítalía mun ekki standa við gefin fyrirheit um umbætur í efnahagsmálum muni bankinn hætta að kaupa ítölsk skuldabréf. Christine Lagarde, framkvæmdastjóri Alþjóðagjaldeyrissjóðsins (AGS), sagði að áætlun ítalskra stjórnvalda um umbætur sé ekki trúverðug. Hún lofaði því að AGS myndi fylgjast sérstaklega með landinu í framtíðinni.

Telur líkur á að evrusamstarfið liðist í sundur

Framkvæmdastjóri eignastýringar bandaríska fjárfestingabankans Goldman Sachs telur líkur á því að evrusamstarfið muni liðast í sundur. Jim O'Neill er framkvæmdastjóri eignastýringar Goldman Sachs. Hann sagði í viðtali við The Sunday Telegraph að þörf evrusvæðisins á auknum fjárhagslegum samruna ríkjanna sem að öllum líkindum verði leiddur af Þýskalandi og framkvæmdur af landlægum járnaga geri samstarfið minna spennandi fyrir önnur lönd.

Epli.is sektað fyrir loforð um „enga vírusa“

Neytendastofa hefur sektað Epli.is um eina og hálfa milljón króna sökum þess að fyrirtækið notaði fullyrðinguna „engir vírusar" í auglýsingum sínum, en gat ekki fært sönnur á hana. Þetta kom fram í hádegisfréttum RÚV. Sektin er lögð á rekstraraðila Epli.is vegna þess að fyrirtækið fór ekki eftir banni Neytendastofunnar við að nota fullyrðinguna í markaðsherferðum. Í desember á síðasta ári gerði Neytendastofa fyrst athugasemdir við auglýsingarnar. Í október á þessu ári bárust hins vegar ábendingar um að auglýsingarnar væru aftur farnar að birtast. Í kjölfarið komst Neytendastofa að þeirri niðurstöðu að um ítrekuð brot væri að ræða og fyrirtækið sýndi einbeittan vilja til að blekkja neytendur. Því þótti hæfilegt að sekta fyrirtækið um eina og hálfa milljón króna.

Hættan á dómínó-áhrifum í Evrópu er raunveruleg

Hættan á því að skuldavandinn í Evrópu, einkum sunnanverðri álfunni, breytist í mun meiri vanda vegna dómó-áhrifa þvert á landamæri eru raunveruleg. Sérstaklega er staðan slæm á Ítalíu og það er ekki útlit fyrir að hún batni á skömmum tíma.

Milljarða hagnaður fyrirtækja Ólafs

Matvælafyrirtækið Alfesca, sem Ólafur Ólafsson á tæplega 40% hlut í, hagnaðist um 35 milljónir evra á síðasta ári, samkvæmt ársreikningi fyrir árið 2010. En það jafngildir rúmlega 5,5 milljörðum króna. Ólafur á fjörutíu prósenta hlut í gegnum hollenska fyrirtækið Kjalar Invest á móti franska fyrirtækinu Lur Berri. Tæplega hálfur milljarður króna var greiddur út í arð til hluthafa í fyrra en eignir Alfesca umfram skuldir nema 375 milljónum evra, jafnvirði rúmlega 59 milljarða króna.

Er ég ekki örugglega í fókus?

Lytro er líklega með skrýtnustu myndavélum sem þú hefur séð. Hún er ferstrendingslaga, á öðrum endanum er lítill snertiskjár og á hinum endanum er óvenjulega stór linsa fyrir svona litla vél. En þótt að Lytro sé smá þá býr í henni tækni sem er áður óþekkt, í það minnsta á neytendamarkaði. Þú þarft nefnilega aldrei að fókusa neitt.

Stjórnarandstaðan vill ekki samsteypustjórn

Leiðtogi stærsta stjórnarandstöðuflokksins í Grikklandi, Antonis Samaras, lýsti því yfir í dag að flokkur hans myndi ekki styðja eða taka þátt í myndun samsteypustjórnar með núverandi forsætisráðherra, Papandreu.

Segir ráðherra hafa misst af tekjum upp á milljarða

Magnús Orri Schram sakar sjávarútvegsráðherra um að hafa "misst af dauðafæri" þegar hann úthlutaði kvóta í makríl án endurgjalds til útgerðarmanna fyrr í haust. Með því að leigja kvótann frá ríkinu hefði ráðuneytið geta aflað 6 milljarða króna að mati Magnúsar. Þeir hefðu komið sér vel á niðurskurðartímum.

Þarf þrjúþúsund notendur á mánuði

Í Holtagörðum er nú verið að undirbúa opnun nýrrar líkamsræktarstöðvar en eigendur hennar ætla sér að tröllríða markaðnum hér á landi með því að bjóða ódýr líkamsræktarkort án bindingar. Stöðin þarf þrjúþúsund korthafa til að reksturinn gangi upp. Það er nóg um að vera í Holtagörðum þessa dagana en þar er líkamsræktarfrumkvöðullinn Ágúst Ágústsson ásamt foreldrum sínum í óða önn að innrétta glænýja líkamsræktarstöð.

Árni Hauksson: "Munum ekki kaupa meira“

Beinn eignarhlutur viðskiptafélaganna Árna Haukssonar og Hallbjörns Karlssonar í smásölurisanum Högum er aðeins átta prósent þegar eignarhald á samlagshlutafélaginu Búvöllum hefur verið sundurgreint. Árni segir að þeir hafi engin áform um að auka við hlut sinn.

AGS með Ítalíu undir smásjánni

Stærsta ákvörðunin sem tekin var á leiðtogafundi 20 stærstu iðnríkja heims, G20, var að fela Alþjóðagjaldeyrissjóðnum eins konar yfirumsjón með efnahagsvanda Ítalíu. Þetta kemur fram í fréttaskýringu breska ríkisútvarpsins BBC.

Allar 68 umsóknirnar um frest samþykktar

Allar 68 umsóknir banka um að fá að eiga fyrirtæki í óskyldum rekstri lengur en í 12 mánuði voru samþykktar. Þetta staðfestir Fjármálaeftirlitið (FME). Afar mismunandi er þó hversu langir veittir frestir eru.

Sarkozy: Ellefu skattaskjól sem verður að sniðganga

Nicolas Sarkozy, forseti Frakklands, sagði í ræðu sinni að loknum G20 fundinum í Frakklandi, að alþjóðasamfélagið þyrfti að grípa til samstilltra ráða gegn svonefndum skattaskjólum.

Hreiðar Már yfirheyrður í Al-Thani málinu

Hreiðar Már Sigurðsson, fyrrverandi forstjóri Kaupþings, var yfirheyrður fyrr í vikunni í tengslum við rannsókn á hinu svokallaða Al-Thani máli. Þetta staðfesti Hörður Felix Harðarson hrl., lögmaður Hreiðars Más, í samtali við fréttastofu.

Sarkozy: Við munum berjast fyrir Evrópu

Nicolas Sarkozy, forseti Frakklands, sagði að loknum G20 fundinum í Frakklandi, þar sem þjóðhöfðingjar 20 stærstu iðnríkja heims voru saman komnir, að þjóðir Evrópu myndu berjast fyrir álfunni og evrunni.

Már: Færir traustara gólf undir vextina

Már Guðmundsson seðlabankastjóri sagði í ræðu á þingi Viðskiptaráðs í morgun að það væri algengt að seðlabankar "færi taumhald í hlutlausa stöðu" með hækkun nafnvaxta áður en slaki er horfinn úr hagkerfinu. Elli þyrfti mun snarpari vaxtahækkanir á skilum "slaka og spennu." Hækkun stýrivaxta um 0,25% prósentustig í 4,75% skýrðist ekki síst af þessu.

Dorrit tapaði tuttugu þúsund kalli

Eignarhaldsfélagið Dorrit, sem er alfarið í eigu Dorritar Moussaieff forsetafrúar, tapaði alls 21 þúsund krónum árið 2010, samkvæmt ársreikningi félagsins.

Vilborg í Mentor: Fésbókin getur nýst við nám

"Við getum ekkert lokað á þessar breytingar sem eru að verða í heiminum," segir Vilborg Einarsdóttir, framkvæmdastjóri Mentors í nýjasta þætti Klinksins, um þá tilhneigingu sem gætir í menntakerfinu að amast við vefsíðum eins og Fésbókinni og öðrum slíkum.

Ferðamönnum fjölgar um 17% milli ára

Samtals komu 762 þúsund farþegar til landsins um Keflavíkurflugvöll í janúar-október í ár samanborið við 651 þúsund farþega í janúar-október í fyrra. Þetta er aukning um 17,1% milli ára.

Nýskráningar bíla aukast um 62,4% milli ára

Nýskráningar bíla í janúar-október í ár voru 5.110 talsins miðað við 3.147 í janúar-október í fyrra Þetta e. 62,4% aukning milli ára.

Kreditkortavelta heimilanna jókst um 9,7% milli ára

Kreditkortavelta heimila jókst um 9,7% í janúar–september í ár miðað við janúar–september í fyrra. Debetkortavelta jókst um 6,4% á sama tíma. Samtals jókst greiðslukortavelta heimila í janúar–september í ár um 8,1% miðað við janúar–september í fyrra.

Vöruskiptin hagstæð um 15,5 milljarða í september

Í septembermánuði voru fluttar út vörur fyrir 62,5 milljarða króna og inn fyrir 46,9 milljarða króna. Þetta kemur fram á vefsíðu Hagstofu Íslands en hún birti í morgun tölur um vöruskiptajöfnuðinn.

Áfangastöðum fækkar um átta næsta sumar

Iceland Express mun fækka áfangastöðum sínum úr 24 í 16 á næsta ári. Sætaframboð fer úr tæplega 600 þúsund í ár og niður fyrir 500 þúsund á því næsta. Stefna félagsins hafði verið að vaxa enn meira, upp í 750-800 þúsund manns á næsta ári.

Forstjóri Bakkavarar fékk 112 milljónir í laun í fyrra

Ágúst Guðmundsson, forstjóri Bakkavarar Group, fékk um 9,3 milljónir króna á mánuði í laun í fyrra. Félagið gerði nauðasamning við kröfuhafa vorið 2010. Ekki er búist við því að það geti greitt skuld sína.

Veltan á gjaldeyrismarkaðinum yfir 10 milljarðar í október

Veltan á millibankamarkaði með gjaldeyri í október síðastliðnum nam 10,6 milljörðum króna sem er 10,8% aukning frá fyrra mánuði. Raunar hefur veltan ekki verið meiri í einstökum mánuði það sem af er árinu.

Kristjaníubúar kynna þjóðarhlutabréf á Wall Street

Þrír af íbúum Kristjaníu í Kaupmannahöfn eru nú staddir í New York og ætla þar að kynna fjárfestum á Wall Street hin nýju þjóðarhlutabréf í Kristjáníu sem álitlega fjárfestingu.