Fleiri fréttir

Eik Bank í Danmörku seldur innan mánaðar

Eik Bank í Danmörku, dótturfélag Eik Banki í Færeyjum, verður seldur innan mánaðar. Kaupendur skortir ekki því 20 slíkir hafa sýnt því áhuga að kaupa Eik Bank.

Fékk 18 milljarða í laun fyrir að tapa 257 milljörðum

Fjárfestingabankinn Merrill Lynch sagði bless og takk fyrir við Stanley O´Neal forstjóra sinn eftir mesta ársfjórðungtap bankans í tæplega aldarlangri sögu hans árið 2007. O´Neal fékk 160 milljónir dollara eða 18 milljarða kr, að launum fyrir að tapa 2,3 milljörðum dollara eða um 257 milljörðum kr.

Efast um að heimilt sé að reikna vexti á ósendar kröfur

Talsmaður neytenda efast um að bílalánafyrirtækjum sé heimilt að reikna vexti ofan á kröfur sem aldrei voru sendar til fólks. Þetta er eitt af tuttugu álitamálum sem hann telur vera við endurútreikning bílalána og segir að frumvarp viðskiptaráðherra eyði ekki óvissu fólks með bílalán.

Kostnaður við nýbyggingu íbúða að ná jafnvægi

Ef marka má vísitölu byggingarkostnaðar virðist kostnaður við nýbyggingar íbúðarhúsnæðis vera að ná jafnvægi eftir mikla hækkun í kjölfar falls krónu fyrir liðlega tveimur árum síðan.

Ísland og Japan þróa samstarf í orkumálum og hátækni

Á fundum Össurar Skarphéðinssonar utanríkisráðherra með ráðherrum utanríkis-, efnahags- og iðnaðarráðherra Japans og forstjórum Mitsubishi Heavy Industries og japanskra fjárfestingasjóða, var ákveðið að þróa samstarf milli íslenskra og japanskra aðila í orkumálum og grænni hátækni.

Ísland í betri stöðu en Írland og Grikkland á margan hátt

„Á margan hátt er Ísland í betra ásigkomulagi en Írland eða Grikkland en þau lönd gæti bæði orðið föst í kreppu næsta áratuginn. Ísland gæti jafnvel verið í betra ásigkomulagi en Bretland, við vitum ekki enn hvað RBS (Royal Bank of Scotland) eða Lloyds-HBOS muni kosta okkur, né hvenær við getum losað okkur við þá.“

Hagstofan: Rúm 10% heimila í vanskilum með húsnæðislán

Lífskjararannsókn Hagstofu Íslands 2010 sýnir að 10,1% heimila voru í vanskilum með húsnæðislán eða leigu einhvern tíma síðastliðnu 12 mánuði og 13,3% voru í vanskilum með önnur lán. Nálega helmingur heimila átti erfitt með að ná endum saman á árinu.

Samtök álfyrirtækja á Íslandi tekin til starfa

Samtök álfyrirtækja á Íslandi tóku formlega til starfa í gær en markmið samtakanna er að vinna að hagsmunum og framþróun íslensks áliðnaðar og að auka upplýsingagjöf um áliðnaðinn.

Landsvirkjun telur sæstreng mögulegan

Nýjustu athuganir Landsvirkjunar og fleiri aðila sýna fram á að sæstrengur til meginlands Evrópu muni líklega skila sér í gróða. Heildarkostnaður við virkjanir, flutningskerfi frá Íslandi, landsstöðvar og streng er áætlaður um 2,5 milljarðar evra, eða um 380 milljarðar íslenskra króna.

Tryggja rekstur í Borgarnesi

Hömlur, dótturfélag Landsbankans, hefur selt iðn­fyrirtækið Límtré Vírnet til félagsins Uxahryggja fyrir 720 milljónir króna. Þar af nema skuldir sex hundruð milljónum króna. Límtré Vírnet var áður hluti af BM Vallá sem varð gjaldþrota í maí.

Eins árs loðnan lofar góðu

Hafrannsóknastofnunin leggur til að heildaraflamark loðnu á yfirstandandi vertíð verði samtals tvö hundruð þúsund tonn. Stofnunin mun kanna hvort tilefni sé til að endurskoða tillögurnar eftir mælingu á loðnustofninum eftir áramót.

Ríkið gæti komið út á sléttu

Gengi hlutabréfa bandaríska bílaframleiðandans General Motors, GM, hækkaði um tæp átta prósent frá útboði í fyrstu viðskiptum með bréfin á hlutabréfamarkað í New York í í gær.

Bætur skertar og álögur auknar

Bætur ýmis konar verða skertar og álögur á bifreiðar, áfengi og tóbak og fleira verða auknar í fjárlögum næsta árs. Kaupmáttur ráðstöfunartekna heimilanna mun lækka um hálft prósent vegna þessa

Hæstiréttur staðfestir risasekt Haga

Hæstiréttur hefur úrskurðað að 315 milljón króna stjórnvaldssekt á hendur Haga hafi verið hæfileg viðurlög. Þetta er hæsta sekt sem lögð hefur verið á hér landi vegna misnotkunar á markaðsráðandi stöðu.

Keyptu Límtré Vírnet á 720 milljónir

Hömlur ehf., dótturfélag Landsbankans hefur selt iðnfyrirtækið Límtré Vírnet ehf. til Uxahryggja ehf. Söluverð hlutafjár Límtrés Vírnets er 120 milljónir króna en þar að auki nema vaxtaberandi skuldir um 600 milljónum króna.Samtals nemur kaupverðið því 720 milljónum kr.

Iceland Express til Skotlands og Írlands

Iceland Express ætlar að fljúga til Edinborgar í Skotlandi og Belfast og Dublin á Írlandi næsta sumar. Flogið verður tvisvar til þrisvar viku til Belfast, Edinborgar og Dublin.

Tónlist.is tilbúinn fyrir Android-símaflóðið

Baráttan um snjallsímamarkaðinn er í algleymi þessi misserin. Þvert á allar spár hefur Google náð mjög styrkri stöðu á markaðnum á skömmum tíma með Android-stýrikerfinu. Tónlistarvefurinn Tónlist.is hefur ekki farið varhluta af því og eru menn þar á bæ nú búnir að uppfæra þjónustuna þannig að hún henti fyrir þá síma sem eru með Android.

Omnis semur við Hewlett-Packard

Omnis ehf náði á dögunum samningi við Hewlett-Packard (HP) sem veitir fyrirtækinu stöðu sem svokallað HP Preferred Partner í sölu og þjónustu á tölvubúnaði frá fyrirtækinu.

Vonir um írska björgun sefar óttann á mörkuðum

Auknar vonir um að Írar muni þiggja neyðaraðstoð frá ESB og Alþjóðagjaldeyrissjóðnum (AGS) hafa sefað ótta fjárfesta á mörkuðum í Evrópu. Hlutabréfavísitölur í Bretlandi og Þýskalandi eru á uppleið og skuldatryggingaálagið á Írland er á niðurleið, raunar komið undir 500 punkta samkvæmt mælingu CMA gagnaveitunnar.

Kampavín upp á 7,5 milljónir flaskan fannst í skipsflaki

Kafarar sem sérhæfa sig í leit að skipsflökum duttu nýlega í lukkupottinn í Eystrasalti nálægt Álandseyjum. Þar fundu þeir hátt í 200 ára gamalt skipsflak sem fulllestað var með eðalkampavíni. Talið er að flaskan af því seljist á 50.000 evrur eða 7,5 milljónir kr.

OECD: Dekkri efnahagshorfur fyrir Ísland

Í nýrri skýrslu frá OECD um efnahagshorfur á Íslandi kemur fram að stofnunin telur horfurnar nú dekkri en fram kom í samskonar skýrslu s.l. vor. Nú telur OECD að hagvöxtur á næsta ári verði 1,5% en í vor taldi stofnunin að hann yrði 2,2%.

Fyrirtækjaáhlaup hafið á írska banka

Fyrirtæki sem eiga í viðskiptum við írska banka hafa tekið út innistæður sínar svo milljörðum evra skiptir á undanförnum vikum og mánuðum. Einstaklingar eru hinsvegar rólegri enda eru innistæður þeirra með ríkisábyrgð. Þetta kemur fram í Financial Times.

GM lýkur stærsta hlutafjárútboði sögunnar

Bandaríski bílarisinn General Motors (GM) hefur lokið stærsta hlutafjárútboði sögunnar og er mættur aftur til leiks í kauphöllinni á Wall Street. Alls seldust hlutir fyrir 23,1 milljarða dollara eða um 2.600 milljarða kr.

Peningastefnunefnd telur áfram svigrúm til vaxtalækkanna

Peningastefnunefnd telur að eitthvert svigrúm sé enn til staðar til áframhaldandi slökunar peningalegs aðhalds, það er frekari vaxtalækkanna, haldist gengi krónunnar stöðugt eða styrkist og hjaðni verðbólga eins og spáð er.

Greining Arion banka spáir hjöðnun verðbólgu niður í 3%

Greiningardeild Arion banka spáir 0,4% hækkun vísitölu neysluverðs (VNV) í nóvember. Gangi spáin eftir mun tólf mánaða verðbólga mælast 3% samanborið við 3,3% í október. Þessi spá er í takt við aðrar sem birst hafa í vikunni.

Orkuvaktin: Raforkukaup fyrir milljarð skoðuð

Á því fimm mánaða tímabili sem Orkuvaktin hefur að boðið fyrirtækjum að skoða hagræðingarmöguleika í innkaupum á raforku að kostnaðarlausu hafa kaup fyrir ríflega milljarð á ári verið skoðuð þ.e. heildarkostnaður án vsk.

Delta flýgur fimm sinnum í viku til New York

Bandaríska flugfélagði Delta Airlines ætlar að hefja áætlunarflug á milli Keflavíkur og New York í byrjun júní og fljúga fimm ferðir í viku. Í tilkynningu frá Delta segir að farÞegum frá Íslandi gefist kostur á hagstæðu tengiflugi til 35 áfangastaða í Bandaríkjunum, Kanada, Rómönsku Ameríku og í Karabíska hafinu, með Delta og samstarfsflugfélögum þess vestra.

Kaup á skuldabréfi aldrei færð til bókar

Samnings um kaup gjaldeyrissjóðs Glitnis, GLB FX, á skuldabréfi af Saga Capital í ágúst 2008 er í engu getið í bókum eða fundargerðum sjóðsins frá þeim tíma. Reglum samkvæmt átti að færa alla gerninga sjóðsins í bækur hans í enda hvers dags, enda höfðu þeir alla jafna áhrif á afkomu sjóðsins, sem er uppreiknuð daglega. Í þessu tilviki var það ekki gert.

Stjórn Icelandair vill auka virði hlutafjár um 2,5 milljarða

Stjórn Icelandair Group hf. ákvað í dag að fara í opið hlutafjárútboð til þess að hækka hlutafé félagsins um 500 - 1.059 milljónir hluti. Gangi þetta eftir gæti verðmæti hlutafjár í félaginu aukist um allt að 2,5 milljarða kr.

Um 9,5 milljarða viðskipti með skuldabréf

Skuldabréfavísitalan GAMMA: GBI hækkaði um 0,1% í dag í 9,5 ma. viðskiptum. GAMMAi: Verðtryggt hækkaði lítillega í 1,3 ma. viðskiptum og GAMMAxi: Óverðtryggt hækkaði um 0,1% í 5 ma. viðskiptum.

Einhugur um vaxtalækkun

Allir nefndarmenn í peningastefnunefnd Seðlabanka Íslands voru sammála um að lækka skyldi stýrivexti um 0,75 prósentustig þegar að ákvörðun um það var tekin síðast. Nefndarmenn ræddu lækkun vaxta um 0,75-1% og lagði seðlabankastjóri fram tillögum um 0,75 prósentustiga lækkun.

Telur Spkef geta myndað kjölfestu í sparisjóðakerfinu

Steingrímur J. Sigfússon fjármálaráðherra telur að Spkef sparisjóður geti orðið nægilega stór eining til að mynda kjölfestu í sparisjóðakerfinu. Slík kjölfesta sé nauðsyn til að viðhalda kerfinu.

Allt klárt fyrir gulldepluna hjá HB Granda á Akranesi

Þess er nú beðið að gulldepluveiðar glæðist en tvö skip HB Granda hafa undanfarna daga leitað að þessum smáa fiski frá Skerjadjúpi í vestri og austur fyrir Vestmannaeyjar. Á Akranesi eru starfsmenn fiskmjölsverksmiðju félagsins tilbúnir til þess að taka á móti afla og vinna hann en ekkert hefur verið unnið í verksmiðjunni frá því í júlí í sumar.

IFS: Ársverðbólgan lækkar úr 3,3% í 3,0%

Verðbólguspá IFS greiningar fyrir nóvember hljóðar upp á hækkun vísitölu neysluverðs um 0,4%. Ef spáin gengur eftir, mun 12 mánaða verðbólga mælast 3,0%. Verðbólga undanfarinna þriggja mánaða á ársgrundvelli hækkar úr 4,0% í 4,6%. Hagstofan mælir vísitölu neysluverðs í þessari viku, mánudag til föstudags, en niðurstöðurnar verða birtar fimmtudaginn 25. nóvember nk.

Sjá næstu 50 fréttir

Mest lesið