Hluthafafundur Teymis fellst á nauðasamninga

Á hluthafafundi í Teymi í morgun var fallist á að leita nauðasamnings við kröfuhafa félagsins til þess að ráða bót á fjárhagslegri stöðu þess og forða félaginu frá gjaldþroti.

Fékk 270 milljónir í starfslok hjá Glitni/BN Bank í Noregi

Morten Björnsson sem lét af störfum hjá BN Bank, áður Glitni, í Noregi eftir áramótin fékk starfslokasamning upp á 14 milljónir norskra kr. eða um 270 milljónir kr.

Gengi bréfa Marel Food Systems falla í byrjun dags

Gengi hlutabréfa í Marel Food Systems hefur fallið um 2,94 prósent frá því viðskipti hófust í Kauphöllinni í dag. Viðskiptin á bak við gengisþróunina eru sjö talsins upp á 37,4 milljónir króna. Þá hafa ein viðskipti verið með bréf Bakkavarar upp á 270 þúsund krónur.

Sveitarstjórnir fá innistæður til baka úr íslensku bönkunum

Breskar sveitarstjórnir og aðrir opinberir aðilar í Bretlandi sem áttu innistæður inn í íslensku bönkunum þegar þeir hrundu s.l. haust muni fá megnið af innistæðunum endurgreiddar. Í BBC segir að hugsanlega náist að endurgreiða allt að 90% af þessum innistæðum.

Brytinn Jeeves snýr aftur í netheima

Leitarvélin Ask.com hefur verið uppfærð og er brytinn Jeeves aftur snúinn til netheima. Jeeves, þekkt persóna úr sjónvarpsþáttunum Woster & Jeeves, var/er eitt af opinberum andlitum leitarvélarinnar.

Kreppan veldur uppsveiflu í reiðhjólasölu í Bretlandi

Ein af afleiðingum fjármálakreppunnar í Bretlandi er stóraukin sala á reiðhjólum þar í landi. Meðal þeirra sem njóta góðs af uppsveiflunni er Pashley Cycles sem fyrirtækið hefur framleitt reiðhjól í yfir 80 ár.

Exxon stærst bandarískra fyrirtækja á ný

Olíu- og gasframleiðandinn Exxon Mobil hefur endurheimt toppsætið á lista Fortune yfir 500 stærstu fyrirtæki Bandaríkjanna. Verslunarkeðjunni Wal-Mart, sem vermt hefur fyrsta sætið síðasta árið, var velt úr sessi og skipar hún nú annað sætið.

Fjármálaráðherra: Gott að það séu til verðmæti fyrir Icesave

„Það er gott að þarna séu verðmæti il staðar en það skiptir miklu hvernig þeim er ráðstaðaf í þágu þjóðarinnar,“ segir Steingrímur J. Sigfússon, fjármálaráðherra og formaður Vinstri grænna, um óvænta stöðu sem er kominn upp í Icesave-málinu. Hann segir samningaferlið mjög viðkvæmt í málinu.

Icesave skilar allt að 80 prósentum

Breska vefritið TimesOnline segir að tugir breskra sveitarfélaga muni skipta með sér allt að 200 milljónum sterlingspunda af fé sem þau áttu inni á Icesave reikningum Landsbankans.

Dögg Pálsdóttir: Virðingaverð afsökunarbeiðni, hvað svo?

Varaþingmaðurinn og hæstaréttalögmaðurinnm, Dögg Pálsdóttir, segir það virðingavert af nýjum bankastjóra Nýja Landsbankans, Ásmundi Stefánssyni, að hafa beðið þjóðina afsökunar á starfsháttum bankans fyrir hrun.

Finnur Sveinbjörnsson: Ekkert hugsað um afsökunarbeiðni

Bankastjóri Nýja Kaupþings, Finnur Sveinbjörnsson, hefur ekki velt því fyrir sér hvort hann ætli að biðja þjóðina afsökunar á gjörðum bankans fyrir bankahrun.

Bankastjóri biður þjóðina afsökunar

Bankastjóri Nýja Landsbankans, Ásmundur Stefánasson, baðst afsökunar á þeim mistökum sem bankinn gerði fyrir hrun í ræðu sem hann flutti á starfsdegi bankans í morgun. Þetta kom fram á fréttavef RÚV.

Íbúðaverð lækkar meira en áður

Íbúðaverð á höfuðborgarsvæðinu hefur ekki áður lækkað jafnmikið milli mánaða og gerðist nú í mars frá því byrjað var að reikna vísitölu húsnæðisverðs árið 1994, að því er fram kemur í umfjöllun Greiningar Íslandsbanka.

Þriggja mánaða verðbólga í núllið

Gangi eftir verðbólguspá IFS greiningar fyrir aprílmánuð lækkar 12 mánaða verðbólga í 11,5 prósent og hefur þá ekki verið lægri frá í mars í fyrra. Spáin hljóðar upp á 0,1 prósents hækkun vísitölu neysluverðs milli mánaða.

Olígarkar tapa gríðarlegum fjárhæðum

Rússnenskir olígarkar hafa tapað gríðarlegum fjármunum frá því heimskreppan hófst, þó fáir eins miklu og Oleg Deripaska sem er búinn að tapa 17 milljörðum punda.

Hættir við kaup á útibúaneti SPRON

MP banki hefur hætt við kaup sín á útibúaneti SPRON og ríkið verður því af átta hundruð milljónum króna. Margeir Pétursson stjórnarformaður fyrirtækisins segir Nýja Kaupþing hafa unnið orrustuna um SPRON.

Nýi Landsbankinn tekur yfir 60% hlutafjár í Teymi

Nýi Landsbankinn tekur yfir hátt í sextíu prósent hlutafjár í Teymi, aðrir bankar taka rest. Skuldir félagsins eru vel á fimmta tug milljarða króna. Þar af eru um þrjátíu milljarðar án veðs.

Kaupþing greiðir allar innistæður Edge í Þýskalandi

Skilanefnd Kaupþings hefur tryggt fjármagn til að greiða út innistæður Kaupthing Edge í Þýskalandi að fullu. Um 30.000 sparifjáreigendur munu því fá innistæðar sínar í netbankanum Edge greiddar. Þetta kemur fram í tilkynningu frá skilanefndinni.

MP Banki opnaði netbanka sinn í dag

MP Banki opnaði í dag Netbanka MP þar sem viðskiptavinir bankans geta sinnt fjölbreyttum bankaviðskiptum auk þess að fylgjast með stöðu verðbréfasafna.

Brýnt fyrir þjóðarbúskapinn að lækka stýrivexti

Brýnt er fyrir þjóðarbúskapinn að stýrivextir verði lækkaðir verulega og peningastefnunefnd hefur þegar stigið fyrstu skrefin í þá átt með stýrivaxtaákvörðunum sínum 19. mars og 8. apríl. Engu að síður eru háir stýrivextir ennþá álitnir nauðsynlegir – þar til gerðar hafa verið ráðstafanir til að tryggja traustari efnahagsgrundvöll.

Tap Seðlabankans 8,6 milljarðar í fyrra

Samkvæmt nýbirtum ársreikningi Seðlabanka Íslands nam tap hans á síðasta ári 8,6 milljörðum kr. Ef tapið er skoðað án framlags ríkisins nemur það 52,6 milljörðum kr.

Fréttaskýring: Ríkið beitir bolabrögðum gegn MP Banka

Enn liggur ekkert fyrir um samþykki Fjármálaeftirlitsins á kaupum MP Banka á netbanka SPRON og útibúaneti sparisjóðsins. Þetta mál allt er að verða hið einkennilegasta í ljósi þess að Nýja Kaupþing hefur hingað til getað beitt bolabrögðum gegn MP Banka í málinu með fulltingi Seðlabankans og slegið því þannig á frest.

Marel hækkar áfram

Verð á hlutabréfum Marel héldu áfram að hækka í dag og enduðu 6,2% í plús. Úrvalsvísitalan hækkaði um 0,6% og stendur í rúmum 224 stigum.

Söguleg ofurvika í kauphöll Kaupmannahafnar

Þessi vika er ein sú besta í kauphöll Kaupmannahafnar frá árinu 1996 þegar núverandi úrvalsvísitala þar, C20, var tekin í notkun. C20 hækkaði um 12,6% í vikunni. þar af 4,7% í dag, en tekið skal fram að aðeins var um fjóra virka daga að ræða þar sem kauphöllin var lokuð s.l. mánudag.

Bankaleynd hérlendis svipuð og í öðrum löndum

Það er niðurstaða nýrrar skýrslu að ákvæði íslenskra laga um trúnaðar- og þagnarskyldu fjármála- og eftirlitsstofnana séu í aðalatriðum sambærileg reglum samanburðarríkjanna. Af niðurstöðu skýrslunnar má ráða að nokkur munur sé á reglum um þagnarskyldu eftirlitsaðila, að því er varðar þá sem miðla má upplýsingum til.

Bermúda semur við Norðurlönd um upplýsingamiðlun

Norðurlöndin hafa nú gengið frá samningi við Bermúda um upplýsingamiðlun sem koma á í veg fyrir skattaundanskot þegna Norðurlandanna á Bermúda.

Reykjanesbær skapar störf fyrir 200 ungmenni

Bæjarráð Reykjanesbæjar tók þá ákvörðun á fundi sínum í gær að fela starfshópi um sumarvinnu ungs fólks frekari útfærslu á verkefnum fyrir samtals 26 milljónir króna til að skapa sumarstörf fyrir allt að 200 einstaklinga í 4 vikur.

Mesta lækkun íbúðaverðs milli mánaða síðan 1994

Íbúðaverð á höfuðborgarsvæðinu lækkaði um 3,8% milli febrúar og mars samkvæmt upplýsingum sem Fasteignaskrá Íslands hefur birt. Þetta er mesta lækkun á milli mánaða sem orðið hefur á vísitölu húsnæðisverðs á höfuðborgarsvæðinu síðan byrjað var að reikna vísitöluna árið 1994.

Sólarkísilvinnslan í Grindavík skapar 250 ný störf

Viðræður um uppsetningu og rekstur á sólarkísilvinnslu í Grindavík eru komnar á skrið eftir að fulltrúar verkefnisins funduðu með bæjarstjórn Grindavíkur og skoðuðu aðstæður í Grindavík á dögunum. Talið er að verksmiðjan skapi 250 ný störf.

Yfirlýsing um yfirtökutilboðið í Exista

Vegna fréttaflutnings á Stöð 2/Bylgjunni og á vísir.is í gær, fimmtudaginn 16. apríl, um tilboð BBR ehf. í hluti í Exista hf. óskar BBR eftir að eftirfarandi komi fram á Stöð 2/Bylgjunni og á vísir.is:

Aðeins Marel á hreyfingu í kauphöllinni

Aðeins hefur verið verslað með hluti í einu félagi í kauphöllnni í morgun. það er Marel hefur hefur hækkað um 5,8%.

VR tapaði 415 milljónum á síðasta ári

Verkalýðsfélagið VR tapaði 415 milljónum kr. á hefðbundinni starfsemi sinni á síðasta ári. Þetta kemur fram í rekstrareikningi félagsins sem birtur er í árskýrslu þess.

Kaupfélag Skagfirðinga skilar ágætu uppgjöri

Aðalfundur Kaupfélags Skagfirðinga (KS) verður haldin á morgun en í fréttatilkynningu frá félaginu kemur fram að heildartekjur félagsins á árinu 2008 voru tæplega 19 milljarðar króna. Þá var hagnaður fyrir afskriftir og fjármagnsliði rúmlega 3,1 milljarður króna.

Máli FME og Össur hf. lokið með sátt

Þann 15. janúar 2009 gerðu Fjármálaeftirlitið (FME) og Össur hf. með sér sátt vegna brots á lögum um verðbréfaviðskipti.

AGS segir kreppuna alvarlegri en áður var talið

Í nýrri skýrslu frá Alþjóðagjaldeyrissjóðnum (AGS) segir að núverandi kreppa muni verða meira langvarandi og dýpri en áður var talið. Ástæða sé til að hafa áhyggjur af því hve kreppan nú sé samstíga Kreppunni miklu á þriðja áratuginum.

Icelandair veitir viðurkenningu fyrir met í stundvísi

Birkir Hólm Guðnason, framkvæmdastjóri Icelandair, hefur afhent starfsfólki stjórnstöðvar Icelandair á Keflavíkurflugvelli viðurkenningu fyrir nýtt met í stundvísi félagsins. Á fyrstu þremur mánuðum ársins komu og fóru farþegaþotur Icelandair á réttum tíma í 92,6% tilvika.

Aflaverðmætið í janúar jókst um 40% milli ára

Aflaverðmæti íslenskra skipa nam 6,8 milljörðum króna í janúar 2009 samanborið við 4,8 milljarða kr. í janúar 2008. Aflaverðmæti hefur því aukist um 1,9 milljarða kr. eða 40,3% á milli ára.

Fengu 80% af Landic Property fyrir tæpar 170 krónur

Vefsíðan business.dk greinir frá því að fjárfestingafélagið Trackside frá Berlín hafi fengið 80% eignarhlut í Landic Property á Norðurlöndunum svo gott sem gefins eða á eina evrum sem samsvarar tæpum 170 kr.

Glitnir selur Moderna Life fyrir tæpa 4 milljarða

Glitnir hefur selt sænska tryggingarfélagið Moderna Life til breska tryggingarfélagsins Chesnara. Söluverðið er rétt rúmlega 30 milljónir dollara eða tæplega 4 milljarða kr.

Hagnaður Google fram úr væntingum

Hagnaður leitarvélarisans Google fór fram úr því sem spáð var á fyrsta ársfjórðungi og var sex prósentum meiri en á fyrsta fjórðungi síðasta árs. Í samanburði við önnur net- og hugbúnaðarfyrirtæki hefur Google staðið kreppuna merkilega vel af sér þótt nokkuð hafi dregið úr hagnaði fyrirtækisins síðan harðna tók á dalnum.

Álbirgðir heimsins í sögulegu hámarki

Dræm eftirspurn eftir áli hefur orðið til þess að birgðir hlaðast upp í heiminum. Álfyrirtæki bregðast við með því að draga úr framleiðslu. Flest álver eru rekin með tapi.

Lokið við bráðabirgðaverðmat eigna

Fullnaðarútgáfa úttektar á verðmati eigna sem fluttar voru úr gömlu bönkunum í þá nýju og úttekt á framkvæmd á vinnslu verðmats eigna bankanna liggur væntanlega fyrir í næstu viku, samkvæmt upplýsingum frá Fjármálaeftirlitinu (FME).

West Ham úr greipum Björgólfs

Knattspyrnufélagið West Ham, sem er í eigu Björgólfs Guðmundssonar, verður á næstu vikum tekið yfir af erlendum kröfuhöfum. Það er breska blaðið The Guardian sem greinir frá þessu í kvöld. Þar segir enn fremur að skilanefnd Straums muni taka við félaginu af Björgólfi í aðgerðum sínum til þess að endurheimta þá fjármuni sem töpuðust í bankahruninu.

Yfirtaka á Exista í uppnámi

Stjórn Kaupþings mun á næstu dögum ákveða hvort að yfirtökutilboði Bakkabræðra á Exista verði tekið. Tilboðið gerir ráð fyrir að hluthafar fái 0,02 krónur fyrir hvern hlut. Rán segir hluthafi.

Grunur um að milljarða millifærsla Kaupþings tengist Tchenguiz

Fjármálaeftirlitið hefur enn 100 milljarða króna millifærslur Kaupþings inn á erlenda reikninga rétt fyrir hrun bankans til rannsóknar. Grunur leikur á að millifærslurnar tengist eignarhaldsfélagi Robert Tchenguiz, Oscatello.