Fleiri fréttir

Bandaríkjastjórn hefur áhyggjur af fleiri félögum

Bandaríkjastjórn hefur áhyggjur af því að fleiri stór fyrirtæki í landinu lendi í erfiðleikum og því hefur fjármálaráðuneyti landsins hafið vinnu sem miðar að því að koma í veg fyrir það.

Örvænting á bandaríska peningamarkaðinum

Örvænting ríkir nú á bandaríska peningamarkaðinum eftir að vextir á þriggja mánaða ríkisskuldabréfum þar lækkuðu um 45 púnkta niður í 0,23%. Að sögn Bloomberg fréttaveitunnar hafa vextirnir ekki verið lægri síðan 1954.

Alþjóðagjaldeyrissjóðurinn sér engan enda á kreppunni

Dominique Strauss-Khan forstjóri Alþjóðagjaldeyrissjóðsins segir að hann sjái engan enda á þeirri fjármálakreppu sem nú ríkir í heiminum. Og bætir því við að fleiri fjármálarisar á heimsvísu muni glíma við vandamál á næstu mánuðum.

Krónan aldrei veikari

Gengi krónunnar hefur fallið um tæp tvö prósent í dag og hefur hún aldrei nokkru sinni verið veikari.

Fjárfestar meta hræringar í fjármálaheiminum

Nokkur óvissa ríkir á alþjóðlegum fjármálamörkuðum í dag eftir mikið rót víða um heim. Breska ríkisútvarpið segir fjárfesta vera nú um stundir að meta áhrifin af mikilli uppstokkun í bandarískum fjármálageira í vikunni og innspýtingar seðlabanka beggja vegna Atlantsála í fjármálakerfið.

Baugur selur Julian Graves

Baugur hefur selt bresku heilsuvöruverslanakeðjuna Julian Graves. Kaupandinn er NBTY Europe Limited, móðurfyrirtæki heilsukeðjunnar Holland & Barret. Framkvæmdastjóri Holland & Barret segir í viðtali við breska blaðið The Birmingham Post að spennandi áfanga hafi verið náð en fram að þessu hafi Julian Graves verið aðal keppinauturinn á markaði fyrir heilsuvörur í Bretlandi.

Geir töluvert bjartsýnni á verðbólguþróun en greiningardeildir

Geir Haarde forsætisráðherra er töluvert bjartsýnni á verðbólguþróunina á næsta ári en greiningardeildir Landsbankans og Glitnis. Geir segir í samtali við Reuters í London í gær að hann telji að verðbólgan verði komin nálægt 2,5% um mitt næsta ár.

Enn sekkur Eimskip

Gengi hlutabréfa í Eimskipafélaginu hefur fallið um 6,7 prósent í dag og hljóðar nú verðmiðinn á bréf félagsins upp á 5,66 krónur á hlut. Bréfin hafa fallið um 35 prósent í vikunni.

Woolworths skilar mettapi

Rekstrartap bresku verslanakeðjunnar Woolworths nam rétt tæpum 100 milljónum punda, jafnvirði 16,4 milljarða íslenskra króna á fyrstu sex mánuðum ársins. Þetta er mesta tap í sögu verslunarinnar. Á sama tíma í fyrra hljóðaði tapið upp á tæpar 64 milljónir punda.

Century Aluminum hækkar mest í byrjun dags

Gengi hlutabréfa í Century Aluminum, móðurfélagi álversins á Grundartanga, rauk upp um 8,5 prósent í fyrstu viðskiptum dagsins í Kauphöllinni. Á eftir fylgir gengi bréfa í færeyska olíuleitarfélaginu Atlantic Petroleum, sem fór upp um 5,95 prósent, og Spron, sem stökk upp um 3,33 prósent.

Krónan næsta óbreytt

Gengi íslensku krónunnar hefur veikst um 0,09 prósent í morgun og stendur gengisvísitalan í 171,5 stigum. Vísitalan endaði í 171,7 stigum í gær og hafði krónan aldrei verið veikari.

Rússneski seðlabankinn í umfangsmikilli björgunaraðgerð

Rússneski seðlabankinn pumpaði rúmlega 4.000 milljörðum króna inn á fjármálamarkaði landsins í morgun til að reyna að bjarga honum frá hruni. Ítrekað hefur þurft að stöðva viðskipti í kauphöllum landsins vegna þess að vísitölur þeirra hafa hrunið í gær og í morgun.

Ár sameininga í íslensku fjármálalífi

„Það er runnið upp ár samvinnu og sameininga í íslensku fármálalífi,“ sagði Ingólfur Bender forstöðumaður Greiningar Glitnis á opnum fundi um efnahagsmál í morgun. Ingólfur sagði að slík þróun væri hvoru tveggja eitthvað sem þörf væri á að ganga í gengnum og eitthvað sem væri að gerast í öllum umheiminum. Ingólfur sagði ólíklegt að stóru bankarnir þrír myndu sameinast. Það kallaði á fjármögnun sem væri ekki í boði. Hins vegar mætti vænta sameininga smærri fjármálafyrirtækja.

Eina mesta bensínlækkun í manna minnum í Danmörku

Bensínstöðvar um alla Danmörku hafa lækkað bensínverð hjá sér um tæplega 9 kr. á líterinn í morgun. Samkvæmt fréttum danskra fjölmiðla er hér um eina mestu bensínlækkun að ræða í manna minnum.

Bandaríski seðlabankinn til bjargar AIG

Bandaríski seðlabankinn kom tryggingafélaginu AIG til bjargar á elleftu stundu með lánveitingu sem ákvörðun var tekin um í gærkvöldi. Lánið nemur tæplega 8.000 milljörðum íslenskra króna

Sagan á bakvið Lehman Brothers

Með gjaldþroti Lehman Brothers hverfur eitt sögufrægasta fyrirtæki Wall Street af sjónar­sviðinu. Það var stofnað 1850 í Montgomery í Alabama og fékkst í fyrstu aðal­lega við bómullar­viðskipti.

XL Leisure hafnaði endurfjármögnun

„XL fékk tilboð í endurfjármögnun um mitt síðasta sumar, en því var ekki tekið af því að menn töldu að betri kjör gætu fengist annars staðar. Skömmu síðar lokuðust allir lánsfjármagnsmarkaðir,“ segir Magnús Þorsteinsson, stjórnarformaður XL Leisure Group og fyrrverandi stjórnarformaður Eimskips.

„Persónulegar ástæður“

„Björgólfur Guðmundsson hefur aldrei komið nálægt flugrekstri,“ segir Ásgeir Friðgeirsson, talsmaður Björgólfsfeðga, í samtali við Markaðinn. Ásgeir bendir á að Björgólfur Guðmundsson hafi verið stór hluthafi í Eimskip frá árinu 2003 og til þess dags að félagið var selt Avion Group.

Fjárfestar jákvæðir eftir stýrivaxtákvörðun

Bandarískir fjárfestar eru almennt ánægðir með ákvörðun bandaríska seðlabankans í dag að halda stýrivöxtum óbreyttum í tveimur prósentustigum. Eftir að niðurstaðan lá fyrir tók gengi banka og fjármálafyrirtækja að jafna sig eftir mikinn skell í gær og enduðu vísitölur á grænu.

Óbreyttir stýrivextir í Bandaríkjunum

Bandaríski seðlabankinn ákvað í dag að halda stýrivöxtum óbreyttum í tveimur prósentum. Þetta er nokkuð í takt við væntingar þótt talið hafi verið undir það síðasta að gjaldþrotabeiðni bandaríska fjárfestingabankans og erfiðari aðstæður á lausafjármörkuðum myndu leiða til þess að bankinn lækkaði vextina lítillega.

Sjö hundruð manns sækja fund Glitnis um efnahagsmál

Um 700 manns hafa skráð sig á fund Greiningar Glitnis um efnahagsmál, sem fer fram á Hilton Reykjavík Nordica í fyrramálið. Á fundinum mun Jón Bjarki Bentsson, hagfræðingur hjá Glitni, kynna nýja þjóðhagsspá bankans fyrir árin 2008-2011.

Krónan veiktist minna en aðrar hávaxtamyntir

„Mjög mikið rót hefur verið á fjármálamörkuðum. Gengi annarra hávaxtamynta hefur sömuleiðis lækkað mikið í gær og í dag, jafnvel ívið meira en krónan,“ segir Hjördís Vilhjálmsdóttir, hagfræðingur hjá Greiningu Glitnis.

Atlantic Petroleum féll um rúm átta prósent

Gengi hlutabréfa í Atlantic Petroleum féll um 8,5 prósent í Kauphöllinni í dag. Á eftir fylgdu Exista, sem fór niður um 7,1 prósent og Century Aluminum, móðurfélag álversins á Grundartanga, sem féll um 6,78 prósent.

Segir Kaupþing ekki gera ráð fyrir að tapa á sænsku lánunum

Jónas Sigurgeirsson, framkvæmdastjóri samskiptasviðs Kaupþings segir að Kaupþing gerir ekki ráð fyrir að tapa á útlánum sínum til sænskra sparifjáreigenda sem fjárfestu í skuldabréfum Lehman Brothers gegnum norska fjárfestingarfélagið Acta Kapitalförvalting.

Gjaldþrot Lehman óþægilegt fyrir Milestone en breytir engu

Gjaldþrot Lehman Brothers mun ekki hafa áhrif á skráningu Moderna á markað í Svíþjóð. Guðmundur Ólason forstjóri Milestone sem á Moderna segir að þótt málið sé óþægilegt fyrir þá, enda Lehman ráðgjafi við skráningu Moderna, standist allar áætlanir að öllu óbreyttu.

Kaupþing lánaði fyrir Lehman-bréfum í Svíþjóð

Kaupþing í Svíþjóð lánaði sparifjáreigendum þar í landi fyrir kaupum á skuldabréfum í Lehman Brothers. Að sögn sænskra fjölmiðla gætu sænskir sparifjáreigendur tapað einum milljarði skr. á bréfunum eða sem nemur tæpum 14 milljörðum kr.

Stoðir draga sig að fullu út úr flugrekstri

Stoðir, sem áður hét FL Group, hafa gengið frá sölu á nærri 35 prósenta eignarhlut sínum í Northern Travel Holding til Fons, eignarhaldsfélags Pálma Haraldssonar og Jóhannesar Kristinssonar

Verð sjávarafurða er í sögulegu hámarki

Verð sjávarafurða hefur haldist hátt það sem af er ári og er nú í sögulegu hámarki, mælt í erlendri mynt . Hækkun síðustu tólf mánaða nemur 4,2% samkvæmt tölum Hagstofunnar.

Verulega hefur dregið úr neyslu íslenskra heimila

Verulega hefur dregið úr neyslu íslenskra heimila að undanförnu. Velta debetkorta í innlendri verslun að viðbættri kreditkortaveltu dróst saman um 14% í ágúst frá sama mánuði í fyrra, ef veltan er raunvirt með vísitölu neysluverðs án húsnæðis og gengisvísitölu, og fyrirtækjakort frátalin.

Debenhams hækkar eftir góðar afkomutölur

Hlutir í verslanakeðjunni Debenhams hafa hækkað um tæp 3% á markaðinum í London í morgun eftir góðar afkomutölur eftir fjárhagsárið sem lauk um síðustu mánaðarmót.

Sjá næstu 50 fréttir

Mest lesið