Stýrivextir á evru-svæðinu verða óbreyttir

Seðlabanki Evrópu hefur ákveðið að halda stýrivöxtum sínum óbreyttum í 4.25%. Er þetta í takt við væntingar markaðarins.

Hagræðingahaustið mikla

Hagræðing felst í sameiningu fjármálafyrirtækja hér á landi. Þetta segir greiningardeild Glitnis í Morgunkorni sínu í dag. Þar er bent á að 34 fjármálafyrirtæki séu starfandi hér á landi sem hafa starfsleyfi. Verði það að teljast einstakt í ekki stærra hagkerfi.

Óbreyttir stýrivextir í Bretlandi

Englandsbanki hefur ákveðið að halda stýrivöxtum óbreyttum í fimm prósentum. Þetta er fimmti mánuðurinn í röð sem vaxtastigið stendur óbreytt og í samræmi við spár.

Makrílinn er 5,3 milljarða kr. búbót fyrir sjávarútveginn

Miðað við að útflutningsverðmæti af hverju tonni af makríl sé nálægt 50 þúsund kr. fyrir hvert tonn til vinnslu á mjöli og lýsi má gera ráð fyrir að útflutningsverðmæti makrílaflans í ár sé nú orðið um 5,3 milljarða kr.

Ný fartölva frá Dell á rúmar 30.000 kr.

Tölvurisinn Dell ætlar að blanda sér í baráttuna um litlar og ódýrar fartölvur. Dell setur fartölvuna Inspiron 910 á markað á næstunni og mun hún kosta rúmlega 30.000 kr. út úr búð í Bandaríkjunum.

Veltan á hlutabréfamarkaðinum sú minnsta í fjögur ár

Veltan á hlutabréfamarkaðinum í síðasta mánuði er sú minnsta í fjögur ár eða frá því í ágúst 2004. Samkvæmt tölum frá kauphöllinni nam veltan í ágúst nú aðeins 50 milljörðum kr. og er það ríflega 80% samdráttur milli ára.

Exista leiðir lækkun dagsins

Gengi hlutabréfa í Existu féll um 2,4 prósent við upphaf viðskiptadagsins í Kauphöllinni í dag. Þetta er mesta lækkun dagsins.

Enn veikist íslenska krónan

Gengi krónunnar hefur veikst um 0,33 prósent í morgun og stendur gengisvísitalan í 161,1 stigi. Bandaríkjadalur kostar nú rúmar 85 krónur og hefur ekki verið dýrari síðan í desember árið 2002, líkt og fram kom í Fréttablaðinu í dag.

Húsnæðisverð fellur í Bretlandi

Húsnæðisverð í Bretlandi hefur lækkaði um 12,7 prósent á milli ára í ágúst, samkvæmt tölum breska fasteignalánasjóðsins Halifax Þetta er talsvert meira en fasteignalánveitandinn Nationwide sagði fyrir nokkru en hann reiknaði svo til að verðið hafi fallið um 10,7 prósent á milli ára.

Nýr forstjóri Keops segir að kassinn sé ekki tómur

Christian Meldgaard nýr forstjóri Keops Development í Danmörku segir að kassinn hjá þeim sé ekki tómur. Orð þessi lætur hann falla í viðtali við Börsen eftir að ljóst er orðið að Keops þarf að fresta opnun risastórrar verslunarmiðstöðvar í Hróarskeldu um óákveðinn tíma.

Svíar hækka stýrivexti

Sænski seðlabankinn ákvað í dag að hækka stýrivexti um 25 punkta og verða þeir eftirleiðis 4,75 prósent. Bankastjórnin sagði í morgun að breytingar verði ekki gerðar á vöxtunum út árið vegna aðstæðna í efnahagslífinu.

Laun hafa hækkað um 8,5% frá fyrra ári

Frá fyrra ári hækkuðu laun um 8,5% eða 9,2% á almennum vinnumarkaði og um 6,7% hjá opinberum starfsmönnum.

Aka minna vegna hækkandi eldsneytisverðs

Bandaríkjamenn finna fyrir eldsneytishækkunum eins og aðrar þjóðir enda drógu þeir úr akstri sínum sem nemur 85 milljörðum kílómetra síðastliðna tíu mánuði, saman borið við tíu mánaða tímabil þar á undan.

Gift tapaði 11 milljörðum frá áramótum

Fjárfestingafélagið Gift, sem varð til við slit eignarhaldsfélags Samvinnutrygginga gt fyrir um það bil ári, hefur tapað ellefu milljörðum króna frá áramótum.

Sparisjóður Suður-Þingeyinga nær einn um að hagnast

Á sama tímabili og helstu sparisjóðir landsins hafa tapað stórfé á rekstri sínum, skilar Sparisjóður Suður-Þingeyinga hagnaði upp á tæplega 53 milljónir, eftir fyrstu sex mánuði ársins.

Búinn að fá nóg

„Ég er búinn að fá nóg. Það hafa verið miklir erfiðleikar í sumar,“ segir Gísli Kjartansson, fyrrverandi sparisjóðsstjóri Sparisjóðs Mýrasýslu. Aðspurður hvað taki við segist Gísli ætla á eftirlaun, enda verði hann brátt 65 ára gamall.

Opnar vörumerkjasafnið logosafn.is á netinu

„Að því sem ég best kemst að er þessi þjónusta ekki í boði á Íslandi. Einkaleyfastofa heldur utan um skráð vörumerki, en þeir bjóða ekki upp á notendavænan eða aðgengilegan gagnagrunn,“ segir Bryndís Óskarsdóttir, stofnandi og eigandi Logosafnsins sem hóf starfsemi sína fyrir helgi.

Útilokar ekki að Versacold verði selt í heilu lagi í haust

Stjórnarformaður Eimskips segir unnið að sölu eigna til að rétta við eiginfjárhlutfall félagsins. Hann útilokar ekki að Versacold Atlas verði selt í heilu lagi, fáist gott tilboð.

Kaupviðræður truflandi fyrir rekstur Woolworths

„Það eru tækifæri í rekstrinum,“ segir Steve Johnson, nýr forstjóri bresku verslanakeðjunnar Woolworths, sem tók við um mánaðamótin. Hann segir mögulegt að taka verslunina í gegn. Það verði ekki létt verk.

Dollar sjaldan sterkari

„Efnahagslífið í Bandaríkjunum gaf fyrr eftir en á evrusvæðinu. Það skýrir að hluta styrkingu Bandaríkjadals nú,“ segir Tómas Brynjólfsson, sérfræðingur hjá greiningardeild Landsbankans.

Capacent kaupir sænskt ráðgjafarfyrirtæki

Capacent hefur gengið frá samningi um kaup á meirihluta í sænska félaginu Capto Financial Consulting. Höfuðstöðvar Capto eru í Stokkhólmi, en félagið, sem hefur 60 starfsmenn, er einnig með skrifstofu í Helsinki og útstöðvar í Kaupmannahöfn og Ósló.

Ekki múkk um kjörin

„Við höfum ekki gefið það upp. Bæði af tillitssemi við þá sem eru að lána okkur og eins teljum við skynsamlegt að hafa það fyrir okkur,“ sagði Árni M. Mathiesen, fjármálaráðherra, í samtali við Markaðinn, aðspurður um kjör á nýju erlendu láni íslenska ríkisins.

Tveir bítast um Lehman Brothers

Reikna má með baráttu um bandaríska fjárfestingarbankann Lehman Brothers. Orðrómur hefur verið á lofti um að hann kunni að feta í fótspor fjárfestingarbankans Bear Stearns, sem JP Morgan og bandaríski seðlabankinn björguðu í sameiningu frá gjaldþroti í vor. Bréf bankans hafa fallið um 75 prósent frá áramótum.

Tekjur bílaframleiðenda snarminnka

Tekjur bandarísku bílaframleiðendanna Ford, GM og Chrysler voru tölvert lægri í ágúst þetta árið en í sama mánuði í fyrra. Tekjur Ford voru 26% lægri en þær voru árið 2007 og fyrirtækið gerir ráð fyrir að ástandið versni það sem eftir er árs.

Búist við óbreyttum vöxtum á meginlandinu

Stýrivaxtadagur er á evrusvæðinu og í Bretlandi á morgun. Sérfræðingar reikna flestir með óbreyttu vaxtastigi þrátt fyrir svartsýnar efnahagshorfur á næstunni.

Straumur með útibú í Prag

Útibú Straums-Burðaráss í Prag í Tékklandi var í dag skráð í þarlenda firmaskrá. Í tilkynningu frá bankanum segir að útibúið taki til starfa von bráðar. Þá segir einnig að Michael Christensen verði framkvæmdastjóri útibúsins.

Icelandair sveif eitt upp í Kauphöllinni

Icelandair var eitt um að fljúga upp á hlutabréfamarkaði í dag. Flugið var ekki hátt en gengi bréfa í félaginu hækkaði um 0,49 prósent. Á móti lækkaði gengi flestra skráðra félaga.

Lækkun á alþjóðlegum hlutabréfamörkuðum

Gengi hlutabréfa hefur almennt lækkað nokkuð á helstu hlutabréfamörkuðum í dag. Minnkandi hagvöxtur á evrusvæðinu og svartsýnar horfur eiga hlut að máli, samkvæmt erlendum fjölmiðlum.

Fatabúð býður 10 dkr. í hlutinn hjá Roskilde Bank

Fatabúðin Poise of Denmark hefur boðið öllum sem eiga hluti í Roskilde Bank að kaupa þá á 10 dkr. eða 160 kr., hlutinn. Í dag eru þessir hlutir í raun taldir verðlausir eftir að seðlabanki landsins neyddist til að grípa inn í til að bjarga Roskilde Bank frá gjaldþroti fyrr í sumar.

Rekstur ríkissjóðs 13 milljörðum kr. undir áætlun

Rekstur ríkissjóðs á fyrstu sex mánuðum ársins reyndist undir rúmlega 13 milljörðum kr. undir áætlun. Munar þar mestu að greiðslur til atvinnuleysistrygginga hafa reynst minni en gert var ráð fyrir og að framkvæmdir í samgöngumálum hafa farið hægar af stað en áætlanir gerðu ráð fyrir.

OPEC mun draga úr framleiðslu ef olíuverð fellur í 100 dollara

Allar líkur eru á að skarpar lækkanir á heimsmarkaðsverði á olíu heyri brátt sögunni til. Aðalsérfræðingur Credit Suisse í hrávöruviðskiptum segir að OPEC, samtök olíufrmaleiðsluríkja, muni draga úr framleiðslu sinni ef verðið fellur niður fyrir 100 dollara á tunnuna.

Exista fellur eftir flug í gær

Gengi hlutabréfa í Existu féll um 4,15 prósent í upphafi viðskiptadagsins í Kauphöllinni í dag. Félagið hækkaði mest í gær, eða um 3,49 prósent. Að öðru leyti litast hlutabréfamarkaðurinn af lækkun.

Krónan veikist í kjölfar styrkingar

Gengi íslensku krónunnar hefur veikst um rúm 0,8 prósent á gjaldeyrismarkaði í dag. Í gær styrktist það um 0,6 prósent. Um svipað leyti og tilkynnt var um lántöku ríkisins upp á 30 milljarða króna rauk það reyndar upp um 1,2 prósent þegar mest lét.

Mikill vöxtur í farsímahluta Opera Software

Hagnaður norska hugbúnaðarfyrirtækisins Opera Software námu 17,7 milljónum norskra króna, jafnvirði um 270 milljóna íslenskra, á öðrum ársfjórðungi samanborið við 2,2 milljónir á sama tíma í fyrra.

Atvinnuleysi í Bretlandi ekki meira í sjö ár

Atvinnuleysi hefur aukist mikið í Bretlandi í kjölfar samdráttar í efnahagslífinu. Ástandið hefur ekki verið verra í rétt tæp sjö ár, samkvæmt upplýsingum KPMG og fleiri fyrirtækja sem tengjast breskum atvinnumarkaði.

Vöruskipti áfram neikvæð

Vöruskipti við útlönd í ágúst reyndust neikvæð um 3,4 milljarða króna samkvæmt bráðabirgðatölum Hagstofunnar. Fluttar voru út vörur fyrir rúman 31 milljarð en inn fyrir nærri 35 milljarða.

Alfesca skilar góðu uppgjöri

Alfesca hagnaðist um 3,5 milljónir evra, jafnvirði 429 milljóna íslenskra króna, á öðrum ársfjórðungi, sem er sá fjórði í bókum félagsins. Þetta er svo til óbreytt staða frá því fyrir ári. Hagnaðurinn á árinu öllu nam 28,6 milljónum evra sem er 27,6 prósenta aukning á milli ára.

Allianz tapar á bankasölu

Samningar náðust um helgina um kaup hins þýska Commerzbank á Dresdner-banka. Kaupverð nemur 9,8 milljörðum evra, jafnvirði 1.200 milljörðum íslenskra króna.

Lántakan jákvæð að mati Greiningadeildar Landsbankans

Það er mjög jákvætt að ríkið hyggist taka um það bil 30 milljarða króna lán til að styrkja gjaldeyrisvaraforðann, að mati Eddu Rós Karlsdóttur, forstöðumanns Greiningadeildar Landsbankans.

Jákvætt að ríkið geti tekið lán við erfiðar markaðsaðstæður

Greiningardeild Kaupþings segir mjög jákvætt að ríkið geti sýnt fram á að það geti tekið lán við jafn erfiðar markaðsaðstæður og raun ber vitni.

Íslendingahótel í Danmörku gjaldþrota

Sam Hotels í Nyköbing í Danmörku var í dag lýst gjaldþrota. Hótelið var í eigu íslendingsins Sigtryggs Magnússonar. Það hafði staðið höllum fæti um nokkurt skeið, og var við það að vera tekið til gjaldþrotaskipta fyrr í sumar vegna vangoldinna skatta.

Bakkavör komið í vaxtargírinn

Bakkavör ætlar að blása í heilmikla söluaukningu á næstu fjórum árum. Fyrirtækið er þeim bræðrum Ágústi og Lýði Guðmundssonum svo hjartfólgið að frekar selur Exista eignir en horfa upp á eignarhlut sinn í Bakkavör þynnast. Þetta segir Ágúst Guðmundsson, forstjóri fyrirtækisins,í stóru viðtali við breska viðskiptadagblaðið Financial Times í dag.

Haldið verði áfram á sömu braut

Vilhjálmur Egilsson, framkvæmdastjóri Samtaka atvinnulífsins, segist ánægður með þær fréttir sem bárust af Alþingi í dag að ríkissjóður væri að ganga gjaldeyrisláni upp á rúma þrjátíu milljarða. Hann segir þetta mjög gott skref í rétta átt og nú sé brýnt að halda áfram á sömu braut.

Nokkur hækkun í Kauphöllinni

Gengi hlutabréfa í Existu hækkaði um 3,49 prósent í enda viðskiptadagsins í Kauphöllinni. Félagið tók sprett á fyrstu mínútum dagsins. Á hæla Existu fylgdi gengi bréfa í stoðtækjafyrirtækinu Össuri, sem fór upp um 2,48 prósent. Þá hækkaði gengi Bakkavarar um 2,3 prósent.

Samdrætti spáð í Bretlandi

Miklar líkur eru á samdráttarskeiði í Bretlandi á þessu ári. Þetta kemur fram í hagspá Efnahags- og framfarastofnunarinnar (OECD).