Krónan veiktist í morgun í miklum gjaldeyrisviðskiptum

Krónan veiktist í miklum gjaldeyrisviðskiptum í morgun. Um tíma veiktist krónan um 1,8% en það hefur aðeins gengið til baka og er gengisvísitalan nú rúmlega 153 stig sem er 1,4% veiking frá því í gær.

Jón Helgi ræðir samkeppnina við Baug

Samkeppnin við Baug og staða timburgeirans í Eystrasaltslöndunum er meðal þess sem ber á góma í hádegisviðtali Markaðarins í dag þegar Sindri Sindrason tekur hús á Jóni Helga Guðmundssyni forstjóra Norvikur.

Viðsnúningur á miklum halla á utanríkisviðskiptunum

Eftir geysimikinn halla á utanríkisviðskiptum undanfarin ár er nú tekið að rofa heldur til í þeim efnum. Álútflutningur hefur stóraukist á síðustu mánuðum, en álver Alcoa á Reyðarfirði náði fullri afkastagetu um miðjan apríl. Ennfremur hefur álverð haldist hátt undanfarið og er útlit fyrir að svo verði áfram á komandi misserum.

Laun hafa hækkað um 7,1% að meðaltali frá fyrra ári

Frá fyrra ári hafa laun hækkað um 7,1% að meðaltali. Hækkunin er 7,5% á almennum vinnumarkaði og um 6,1% hjá opinberum starfsmönnum.

Tæknivandamál hindra opnun norrænna kauphalla

Það verður fyrst á hádegi að norrænu kauphallirnar í Kaupmannahöfn, Stokkhólmi og Helsinki mun opna. Ástæða eru tæknileg vandamál með viðskiptakerfið Saxess annan daginn í röð.

Hlutabréf í Asíu falla í fyrsta sinn á fjórum dögum

Hlutabréf á mörkuðum í Asíu í morgun féllu í fyrsta sinn á síðustu fjórum dögum.

Iceland Express hættir flugi frá Egilsstöðum

Iceland Express hefur ákveðið að hætta áætlunarflugi frá Egilsstöðum til Kaupmannahafnar vegna dræmrar sölu á flugerðum á þessari áætlunarleið.

Úrvalsvísitalan lækkaði lítillega í dag

Við lokun markaðarins í Kauphöllinni í dag hafði úrvalsvísitalan lækkað lítillega frá því í morgun og stóð í 4.690 stigum.

Bandarísk framleiðsluvísitala mjakast upp á við

Framleiðsla í Bandaríkjunum dróst heldur minna saman í maí en spár höfðu gert ráð fyrir og draga þau tíðindi heldur úr áhyggjum af versnandi kreppuástandi.

Auðkennalaus viðskipti í Kauphöllinni

Kauphöll Íslands hætti að birta auðkenni með hlutabréfaviðskipti frá og með deginum í dag. Þetta eru umtalsverðar breytingar en hafa verið viðhafðar í nokkur ár hjá stærstu kauphöllunum erlendis.

Ráðgjafareikingur Baugs eftir Moss Bros er 74 milljónir kr.

Baugur Group stendur uppi með ráðgjafareikning upp á hálfa milljón punda eða tæplega 74 milljónir kr. eftir tilraunina til að kaupa Moss Bros.

Hlutabréf lækkuðu um tæp 9% í maí og veltan var lítil

Hlutabréf lækkuðu í verði um 8,9% í maí mánuði en úrvalsvísitalan fór á tímabilinu úr 5.211 stigum í 4.747 stig.

Verslunum lokað vegna samdráttar

HP Farsímalagerinn ehf. sem rekur verslanir Hans Petersen og Farsímalagersins hefur lokað eða sameinað fjórum af verslunum sínum undanfarnar vikur.

Fimmti hver erlendur starfsmaður í Danmörku er ólöglegur

Fimmti hver erlendur starfsmaður í Danmörku hefur ekki tilskilin leyfi og pappíra til að stunda vinnu sína í landinu. Þetta leiðir ný rannsókn af hálfu skattyfirvalda í landinu.

Fjármálafyrirtækin lækka í Kauphöllinni

Gengi hlutabréfa í Glitni, Straumi, Landsbankanum Existu og Bakkavör lækkaði um rúmt prósent í fyrstu viðskiptum í Kauphöllinni í dag. Þetta er nokkuð í samræmi við þróunina á evrópskum mörkuðum.

Lágflug á helstu mörkuðum

Gengi hlutabréfa hefur almennt lækkað á evrópskum mörkuðum í dag. Fjármálafyrirtæki og flugfélög leiða lækkun dagsins. Gengi bréfa í breska fasteignalánafyrirtækinu Bradford & Bingley féll um rúm 24 prósent eftir að stjórnendur fyrirtæksins greindu frá því að þeir hefðu selt bandaríska fjárfestingarsjóðnum TPG 23 prósenta hlut í fyrirtækinu fyrir tæpar 179 milljónir punda, jafnvirði 26 milljarða íslenskra króna.

Exista eykur hlutaféð

Stjórn Existu hefur hækkað hlutafé félagsins um rúma 2,8 milljarða hluta. Þetta er gert í tengslum við kaup fyrirtæksins á Skiptum. Stefnt er að því að hlutirnir verði teknir til viðskipta á morgun en af því gæti þó orðið síðar, að því er segir í tilkynningu frá Existu.

Kodak boðar 20% hækkun á vélum og pappír

Eastman Kodak hefur boðað 20% hækkun á ljósmyndavélum, prenturum, pappír og öðrum neytendavörum fyrirtækisins á næstu mánuðum. Ástæðan eru miklar hækkanir á hrávöru.

Birgir Moss Bros vill hluti Baugs

Berwin & Berwin, einn af stærstu birgjum bresku herrafataverslunarinnar Moss Bros hefur sýnt áhuga á að kaupa 20 prósent af hlut Baugs í versluninni. Baugur á 29 prósent í Moss Bros.

Norðmenn eiga eitt prósent af allri Evrópu

Olíusjóður Norðmanna gildnar stöðugt. Stjórn sjóðsins er dugleg við að fjárfesta erlendis og er nú svo komið að hann á eitt prósent af öllum hlutabréfum í Evrópu.

Hollendingar fagna Icesave

Landsbankinn hóf á fimmtudag að bjóða Hollendingum upp á Icesave-innlánsreikninga.

Bankarnir borga ekki í láni ríkisins

Bankarnir vilja ekki taka þátt í kostnaði við erlendar lántökur ríkissjóðs. Ríkið hefur ekki beðið þá um það. Bankarnir verði að bjóðast til þess. Viðskiptaráðherra segir ráðast af kostnaði við lántöku hvort bankarnir taki þátt í honum.

Nýsir selur Konditori

„Við erum að endurskipuleggja fyrirtækið og ætlum að einblína á kjarnastarfsemi sem snýr að rekstri og umsjón fasteigna. Veitingahúsarekstur var ekki hluti af kjarnastarfsemi,“ segir Höskuldur Ásgeirsson, forstjóri fasteigna- og fjárfestingarfélagsins Nýsis.

Þórður í lok dags

Þórður Jónasson hjá Askar Capital var gestur Sindra Sindrasonar þættinum Í lok dags í dag. Smelltu á hlekkinn hér að ofan til að sjá viðtalið.

Gengi Færeyjabanka hækkaði mest í dag

Gengi hlutabréfa í Færeyjabanka hækkaði mest á síðasta viðskiptadegi vikunnar í Kauphöll Íslands í dag, eða um 2,86 prósent. Gengi bréfa í 365, Eimskipafélaginu, Atlantic Airways og FL Group hækkaði um rúmt prósent. Bréf í SPRON, Össuri, Atlantic Petroleum, Icelandair og Marel hækkaði um minna en prósent.

Dregur úr einkaneyslu vestanhafs

Einkaneysla jókst um 0,2 prósent í Bandaríkjunum í apríl. Þetta eru fyrstu vísbendingar um kólnun í bandarísku hagkerfi, að sögn fréttaveitu Bloomberg.

Sund fær 1,2% hlut í Glitni fyrir FL -bréf

Sund ehf. og tengd félög eiga nú 6,13% í Glitni eftir að hafa skipt á bréfum sínum í FL Group fyrir bréf í Glitni eins og samið var um þegar FL Group var skráð af markaði.

Milljarðamæringur með Kaupþingi í Beverly Hills-verkefni

Breski milljarðamæringurinn Richard Caring hefur keypt um 10% hlut í risavöxnu fasteignaþróunarverkefni í Beverly Hills sem Kaupþing á stærstan hlut í eftir því sem fram kemur á vefnum propertyweek.com.

Marel skipar nýja framkvæmdastjórn

Í kjölfar kaupa Marel Food Systems á Stork Food Systems í Hollandi hefur fyrirtækið skipað nýja framkvæmdastjórn.

Verkfræðistofur sameinast

Verkfræðifyrirtækin Raftæknistofan, Línuhönnun og Verkfræðistofan Afl eru að sameinast. Sameiningin var tilkynnt á starfsmannafundi fyrr í morgun og má búast við tilkynningu frá fyrirtækjunum seinna í dag, samkvæmt heimildum Markaðarins.

Bakkabræður á ferð í Kauphöllinni

Félög tengd Bakkabræðrum bæði hækkuðu og lækkuðu mest í fyrstu viðskiptum dagsins í Kauphöll Íslands í dag.

Kaupþing og SPRON framlengja viðræðum um sameiningu

Kaupþing banki og SPRON hafa ákveðið að framlengja samningaviðræður um sameiningu félaganna.

Kaupþing selur réttinn að hlutum sínum í Exista

Kaupþing hefur selt Bakkabraedur Holding B.V. rétt sinn að nær öllum nýjum hlutum í Exista sem bankinn átti að fá greidda fyrir hluti sína í Skiptum hf.

Vöruskiptin í apríl óhagstæð um 7,3 milljarða kr.

Í aprílmánuði voru fluttar út vörur fyrir 33,4 milljarða króna og inn fyrir 40,7 milljarða króna fob. Vöruskiptin í apríl voru því óhagstæð um 7,3 milljarða króna.

Smá „föstudagsfílingur“ í markaðnum

Gengi hlutabréfa hefur hækkað almennt á alþjóðlegum hlutabréfamörkuðum í dag. Nikkei-vísitalan hækkaði um 1,5 prósent og hefur nú hækkað um 2,3 prósent í vikunni. Vísitölur á öðrum hlutabréfamörkuðum í Asíu hækkuðu minna.

Forstjóri Atorku færði 342 milljónir kr. milli félaga

Magnús Jónsson, forstjóri Atorku Group, færði í gær bréf í félaginu fyrir 342 milljónir kr. milli félaga í sinni eigu. Um var ræða rúmlega 48 milljónir hluta á genginu 6,98 sem voru í eigu Móatúns, einkahlutafélags Magnúsar.

Gífurlegar lækkanir á fasteignaverði í Bretlandi

Húsnæðisverð í Bretlandi lækkaði í maí um 2,5% frá fyrri mánuði. Þetta var því sjöundi mánuðurinn í röð þar sem húsnæðisverð lækkar í Bretlandi og er því á pari við fyrrum lengsta samfellda tímabil húsnæðisverðslækkana í upphaf tíunda áratugarins.

Hafna margfaldri kreditkortaþóknun

„Það er andstætt góðum viðskiptaháttum að lauma kortum inn á markaðinn með þeim hætti sem hér virðist hafa verið á hafður,“ segir í bréfi Samtaka verslunar og þjónustu (SVÞ), sem félagsmenn fengu í hendur um miðjan mánuðinn.

Bréf Bakkavarar féllu um þrjú prósent

Gengi hlutabréfa í Century Aluminum, móðurfélagi Norðuráls, hækkaði um 2,64 prósent á fremur rólegum degi í Kauphöllinni í dag. Á sama tíma féllu bréf Bakkavarar um rétt tæp 3,2 prósent.

Spölur úr hagnaði í tap

Spölur, sem rekur Hvalfjarðargöngin, tapaði 146 milljónum króna á fyrsta ársfjórðungi samanborið við 67 milljóna króna hagnað á sama tíma í fyrra. Fyrstu þrír mánuðir ársins var annar fjórðungurinn í bókum Spalar en árinu lýkur þar í enda september ár hvert. Á fyrri hluta ársins tapaði félagið 169 milljónum króna samanborið við 89 milljóna króna hagnað árið á undan.

Hluthafar Bear Stearns samþykkja söluna til JP Morgan

Hluthafar fjárfestingabankans Bear Stearns hafa samþykkt söluna á bankanum til JP Morgan. Reuters greindi frá þessu fyrir skömmu síðan.

Samningar í gangi við seðlabanka Englands og Evrópu

Samningaviðræður eru nú í gangi við seðlabanka bæði Englands og Evrópu um lántöku til að styrkja gjaldeyrisvarasjóð Seðlabanka Íslands. Sem kunnugt er af fréttum hefur ríkisstjórnin farið fram á 500 milljarða kr. lántökuheimild á alþingi til þessa og reiknað er með að heimildin verði samþykkt í dag.

Verslunarkeðjan Iceland vex hraðast í Bretlandi

Veltan hjá verslunarkeðjunni Iceland jókst um rúm 12% á milli ára í Bretlandi og var það mesta aukningin hjá tíu stærstu verslunarkeðjum landsins með dagvöru. Til samanburðar jókst velta Tesco um 6%.

Bandarískur hagvöxtur yfir spám

Hagvöxtur jókst um 0,9 prósent í Bandaríkjunum á fyrstu þremur mánuðum ársins. Niðurstaðan kom nokkuð á óvart í jákvæðum skilningi.

Viðskiptavinir Icesave í Hollandi orðnir 1.500 talsins

Nú um hádegisbilið voru viðskiptamenn Icesave í Hollandi orðnir 1.500 talsins. Er þetta mun betri árangur en forráðamenn Landsbankans gerðu ráð fyrir.