Íbúðalán innlánsstofnana minnkuðu um 30% milli mánaða

Í maí námu ný íbúðalán innlánsstofnana alls um 670 millljónum kr. sem er um 30% samdráttur frá apríl. Þá dróst fjöldi lánanna saman um svipað hlutfall en samtals voru 76 ný íbúðalán veitt af innlánastofnunum í maí.

Ellefu þúsund króna viðskipti hækka gengi Teymis

Gengi bréfa í Teymi er það eina sem hækkaði í fyrstu viðskiptum dagsins í Kauphöll Íslands í dag. Ekki er þó um stórviðskipti að ræða en á bakvið hækkunina er velta upp á rúmar ellefu þúsund krónur. Eimskipafélagið hefur fallið um 2,7 prósent og Exista um 2,5 prósent. Önnur félög hafa lækkað minna.

Enn fellur Eimskipafélagið

Gengi hlutabréfa í Eimskipafélaginu féll um 2,7 prósent við upphaf viðskipta í Kauphöll Íslands í dag. Það hefur nú fallið um rúm þrjátíu prósent á þremur dögum í vikunni.

Gengið stefnir í fyrra lágmark

Gengi krónunnar heldur áfram að veikjast. Gengisvísitalan hefur hækkað um 0,6% í morgun og er komin yfir 157 stig. Stefnir í að gengið nái fyrra lágmarki sem var rúm 158 stig í mars s.l..

Microsoft slítur viðræðum við Yahoo

Gengi hlutabréfa í netleitarfyrirtækinu Yahoo féll um rúm tíu prósent á bandarískum markaði í gær eftir að hugbúnaðarrisinn Microsoft sleit viðræðum við það. Stefnt var að því að Microsoft keypti fyrirtækið að öllu eða mestu leyti.

ExxonMobil selur 2.200 bensínstöðvar

Bandaríski olíurisinn ExxonMobil ætlar að selja 2.200 af bensínstöðvum sínum á næstu árum. Um er að ræða fimmtung af stöðvum olíufélagsins í Bandaríkjunum.

Enn lækkar DeCode

Gengi bréfa í DeCode Genetics var komið niður í 84 cent á hlut við lokun markaðar í Bandaríkjunum í dag. Þetta er sögulegt lágmark hjá DeCode sem er móðurfélag Íslenskrar erfagreiningar.

Teymi tók dýfu annan daginn í röð

Gengi hlutabréfa í Teymi féll um 12,24 prósent í Kauphöll Íslands í dag. Þetta er mesta lækkunin á eftir Eimskipi. Á eftir fylgdi Icelandair, sem fór niður um 8,8 prósent. Gengi bréfa í Landsbankanum, SPRON, Straumi og Kaupþingi lækkaði um rúmt prósent á sama tíma.

Hver er þessi olíutunna?

Um þessar mundir er mikið talað um eldsneytisverð í kjölfar mikilla hækkanna á heimsvísu. Þá er gjarnan talað um hversu mikið olíutunnan hefur hækkað í dollurum talið. En tunnur geta verið af mörgu tagi og því ekki gefið að vita um hvað er verið að tala þegar um olíutunnu er að ræða.

Eimskip fellur um 28 prósent á tveimur dögum

Gengi hlutabréfa í Eimskip féll um rúm 15,4 prósent í dag. Þetta er annar dagurinn í röð sem gengið fer niður en það hefur fallið um tæp 28 prósent á tveimur dögum. Fyrirtækið afskrifaði breska frystifyrirtækið Innovate Holding úr bókum sínum í gær og nemur færslan níu milljörðum króna.

United Airlines tekur upp farangursgjald

Bandaríska flugfélagið United Airlines hyggst taka upp sérstakt farangursgjald fyrir hverja tösku sem tékkuð er inn fyrir innanlandsflug.

Síldarvinnslan fær nýtt skip til síldveiða

Síldarvinnslan hefur fest kaup á nóta- og togveiðiskipinu Áskeli EA-48 af Gjögri.

Baugur og fleiri fyrirtæki á leið úr landi

Eignarhaldsfélög í meirihlutaeigu Jóns Ásgeirs Jóhannessonar og fjölskyldu hans verða á næstunni skráð erlendis. Baugur Group er þar á meðal. Þetta hefur Vísir eftir áreiðanlegum heimildum. Þetta er gert í ljósi laga hér á landi sem gera Jóni Ásgeiri óheimilt að sitja í stjórnum fyrirtækja í kjölfar þess að Hæstiréttur dæmdi hann í þriggja mánaða skilorðsbundið fangelsi. Fullnustu refsingarinnar var frestað og fellur hún niður að tveimur árum liðnum.

Tæki Seðlabankans farin að virka

Greiningardeild Glitnis segir nýjar tölur Hagstofunnar um landsframleiðslu og þjóðarútgjöld sýna að hraðar hafi hægt á vexti hagkerfisins en Seðlabankinn gerði ráð fyrir í síðustu þjóðhagsspá sinni sem birt var 10. apríl.

Mikill hagvöxtur í Afríkuríkinu Tanzaníu

Hagvöxtur í Afríkuríkinu Tanzaniu mun aukast um 7,8% í ár og ná upp í 9,2% að þremur árum liðnum.Þetta kom fram í máli fjármálaráðherra landsins í ræðu á þingi í dag.

Eimskip heldur áfram að hrapa

Eimskip hefur fallið um 8,9% frá opnun kauphallarinnar í morgun og hefur gengi félagsins því fallið um 20% á tveimur dögum.

Kynþokkafullar konur fá minna í launaumslagið

Ný bandarísk rannsókn sýnir að konur sem klæða sig djarflega í stutt pils og fleygna kjóla og daðra mikið á vinnustaðnum fá minni laun en þær konur sem láta slíkt vera.

Gengið heldur áfram að veikjast

Gengi íslensku krónunnar hélt áfram að veikjast við opnun gjaldeyrismarkaðarins í morgun. Krónan féll um 0,8% og er gengisvísitalan nú komin í rúmlega 156 stig.

Starbucks opnar 150 ný útibú í Evrópu

Kaffihúsakeðjan Starbucks ætlar að opna 150 ný útbú í Evrópu á næstu þremur árum. Um er að ræða stærsta samning sem Starbucks hefur gert utan Bandaríkjanna.

Einkaneysla jókst um fimm prósent á fyrsta ársfjórðungi

Landsframleiðslan jókst um 1,1 prósent á fyrsta ársfjórðungi þessa árs miðað við sama tímabil í fyrra samkvæmt nýjum tölum Hagstofunnar.

Marorka tilnefnd til umhverfisverðlauna

Marorka frá Íslandi er eitt þeirra fyrirtækja sem tilnefnd eru til umhverfisverðlauna Norðurlandaráðs árið 2008 en Marorka hefur þróað orku- og brennslukerfi fyrir sjávarútveginn.

Skjót viðbrögð Seðlabankans

Seðlabanki Íslands brást skjótt við umfjöllun Markaðarins í gær um kennsluefni Seðlabanka. Í gærmorgun barst fréttatilkynning frá bankanum þar sem bent er á efni sem bankinn gefur út, tengla á efni frá öðrum seðlabönkum og nánari upplýsingar um opnunartíma myntsafns Seðlabankans. Fjallað er um tölvuleik sem er staðsettur í myntsafni Seðlabanka Íslands þar sem hægt er að setjast í stól bankastjóra og spreyta sig á því að beita stýritækjum hans til að ná verðbólgumarkmiði bankans.

Stjórnendur klúðruðu þessu "big time"

"Það er alveg ljóst að stjórnendur Eimskip hafa klúðrað þessu big time," segir Sindri Sindrason, stjórnarformaður Eimskip, um ársgamla fjárfestingu félagsins, Innovate Holdings sem Eimskip afskrifaði á einu bretti í dag með kostnaði upp á 9 milljarða.

Rauður dagur í Kauphöllinni

Gengi hlutabréfa í Eimskipi og Teymi féll um rúmlega tólf prósent í Kauphöll Íslands í dag á afar rauðum degi. Einungis gengi bréfa í Kaupþingi hækkaði lítillega en greint var frá því í dag að bræðurnir Moises og Mendi Gernter hefðu keypt tveggja prósenta hlut í bankanum fyrir 13,9 milljarða króna.

Erlendir fjárfestar kaupa tveggja prósenta hlut í Kaupþingi

Umsvifamikil fjölskylda í Bretlandi sem á ættir að rekja til Venesúela, Gertner-fjölskyldan svokallaða, hefur keypt rúmlega tveggja prósenta hlut í Kaupþingi fyrir um 14,5 milljarða króna.

FL Group má eiga meira en helming í TM

Fjármálaeftirlitið hefur samþykkt umsókn FL Group til að fara með virkan eignarhlut í Tryggingamiðstöðinni. Þetta kemur fram í tilkynningu FL Group til Kauphallarinnar.

Enn lækkar DeCode

Gengi hlutabréfa í DeCode, móðurfélagi Íslenskrar erfðagreiningar, hefur lækkað um 4,7 prósent frá því hlutabréfamarkaðir opnuðu í Bandaríkjunum í dag. Gengið féll um 11,5 prósent í gær. Gengið stendur nú í 0,86 sent á hlut. Það fór senti neðar fyrr í dag og hefur aldrei verið lægra.

Íbúðalán banka 37% minni en á sama tíma í fyrra

Viðskiptabankarnir draga verulega úr lánum til íbúðarkaupa á milli ára. Miðað við fyrstu fjóra mánuði ársins í ár og sama tímabil í fyrra er ,,samdrátturinn ríflega 37 prósent" segir Kristrún Tinna Gunnarsdóttir hjá Greiningardeild Landsbankans.

14% verðbólga í ágúst

Greiningardeild Landsbankans telur að verðbólga nái hámarki í ágúst þegar hún verður tæplega 14 prósent. Í dag er verðbólga 12,3 prósent. Bankinn spáir því jafnframt að hún verði 3,5 prósent strax í maí á næsta ári.

Eimskip leiðir lækkun dagsins

Gengi bréfa í Kaupþingi er það eina sem hefur hækkað í dag. Úrvalsvísitalan hefur lækkað frekar og hefur hún ekki verið jafn lág síðan snemma í október árið 2005.

Eimskip féll um 11,5 prósent

Gengi hlutabréfa í Eimskipafélaginu féll um tæp 11,5 prósent við upphaf viðskiptadagsins í Kauphöll Íslands. Félagið greindi frá því í morgun að það hefði afskrifað nærri níu milljarða úr bókum sínum vegna eignarhlutar í dótturfélagi sínu, Innovate Holding, í Bretlandi. Unnið er að sölu á Innovate, að sögn Eimskipafélagsins.

Hráolíuverð hækkar lítillega

Verð á framvirkum samningum á hráolíu hækkaði um 1,4 prósent á bandarískum fjármálamarkaði í nótt og fór í 133,13 dali á tunnu. Vísbendingar eru um að dregið hafi úr olíubirgðum í Bandaríkjunum.

Eimskip afskrifar nærri níu milljarða

Eimskipafélag Íslands hefur afskrifað eignarhlut í dótturfélagi sínu, Innovate Holding, í Bretlandi eins og Vísir greindi fyrstur frá í gær. Bókfært virði eignarhluts er 74,1 milljónir evra, jafnvirði nærri níu miljarða króna, sem afskrifaður er að fullu á öðrum ársfjórðungi.

Atvinnuleysi eykst í Bretlandi

Atvinnuleysi mældist 5,3 prósent í Bretlandi í apríl, samkvæmt útreikningum hagstofu Breta. Þetta er 0,1 prósentustiga aukning á milli mánaða og jafngildir því að 819 þúsund manns hafi verið á atvinnuleysisskrá í landinu.

Flugvélaeldsneyti tvöfaldast nærri í verði á einu ári

Tunnan af flugvélaeldsneyti er komin upp í 168 dollara en fyrir réttu ári kostaði hún 87 dollara.

Bréf í DeCode aldrei lægri

Gengi hlutabréfa í DeCode, móður­félagi Íslenskrar erfðagreiningar, fór undir einn bandaríkjadal í gær og hafði aldrei verið lægra. Um miðjan dag stóð það í 96 sentum á hlut.

Gagnvirk vefsíða

Seðlabanki Sviss heldur úti vefsíðunni www.iconomix.ch. Vefsíðan er á fjórum tungumálum og hægt er að taka þátt í keppnum á landsvísu í eins konar tölvuleik. Leikurinn líkir eftir því hvernig er að sitja í stól bankastjóra og keppendum er sett fyrir það verkefni að stýra hagkerfi landsins miðað við ákveðnar forsendur. Keppt er milli skóla og hverfa sem skapar uppbyggilega umræðu um efnahagsmál

Forðast kastljós fjölmiðlanna

„Hann var svo áhugasamur að komast áfram í heimi verðbréfaviðskipta að hann hafði engan tíma til að útskrifast,“ varð einum viðmælenda Markaðarins að orði um Magnús Jónsson, forstjóra Atorku Group.

Leika leikinn á enda

Almennur áhugi á bókum um viðskipti fer vaxandi. Nýverið kom út bók um fjárfestingaraðferðir Warrens Buffett, Eymundsson stofnaði viðskiptabókaklúbb og viðskiptabókabúð var opnuð á dögunum.

Nafnabreyting og nýjar höfuðstöðvar

Sænska fjármálaþjónustufyrirtækið Invik hefur breytt nafni sínu í Moderna. Félagið á að skrá í sænsku kauphöllina á næsta ári, en í haust er ráðgert lítið hlutafjárútboð.

Bankahólfið: Netbóluísinn brotinn

Úrvalsvísitalan sleikti 4.500 stiga markið í gær. Eins og marg­oft hefur verið tuggið á fór vísitalan hæst í 9.016 stig 18. júlí í fyrra áður en hún fór að síga en fall vísitölunnar nú nemur 49,6 prósentum á tæpum ellefu mánuðum.

Almannafé til bjargar einkaframtakinu

Gríðarleg eftirspurn hefur verið eftir fjármagni úr opinberum fjárfestingarsjóðum og opinberum lánastofnunum undanfarna mánuði. Kínverjar hafa fjárfest fyrir háar fjárhæðir í fyrirtækjum um allan heim.

Andrés Önd og peningastefnan

Eflaust reka margir upp stór augu þegar rætt er um teiknimyndapersónu og peningamálastefnu í sömu andrá. Raunin er hins vegar sú að seðlabankar heimsins hafa gripið til frumlegra aðferða til að breiða út boðskap hagfræðinnar.

Norræni fjárfestingar­bankinn

„Það er hæpið að líkja Norræna fjárfestingarbankanum við opinbera sjóði sem fjárfesta í eignum,“ segir Johnny Åkerholm, forstjóri Norræna fjárfestingarbankans.

Nýr Opera-vafri væntanlegur

„Við erum með besta vafrann fyrir alla. Við viljum bæta hann og reynum alltaf að gera betur,“ segir Jón S. von Tetzchner, forstjóri og annar tveggja stofnenda norska hugbúnaðarfyrirtækisins Opera Software.