Lofaðu að strekkja aldrei á þessum fallegu hrukkum

Meðfylgjandi myndir voru teknar af Madonnu, 52 ára, án andlitsförðunar á Heathrow flugvelli í London. Eins og sjá má ber söngkonan aldurinn ótrúlega vel þar sem fallegar broshrukkurnar í kringum augun hennar sáust þegar hún tók loksins niður sólgleraugun. Þá má einnig sjá myndir og myndskeið af Madonnu þegar hún mætti óvænt í lokasjónvarpsþátt Opruh 17. maí síðastliðinn.

Syngur á Gay Pride í New York

„Maður er ekkert vanur að fara í svona. Þetta er svolítið eins og að fara aftur í Eurovision nema bara viku lengur,“ segir söngkonan Hera Björk Þórhallsdóttir sem er á leiðinni í þriggja vikna tónleikaferð um Bandaríkin.

Gyllenhaal á ystu nöf á Íslandi

Ævintýramaðurinn Bear Grylls segir að ferð sín og Hollywood-stjörnunnar Jakes Gyllenhaal til Íslands hafi tekið virkilega á og þeir hafi þurft að horfast í augu við alvöru hættur.

Það er ömurlegt að sjá þig svona Amy

Tónleikar bresku tónlistarkonunnar Amy Winehouse sem fram fóru í Belgrad 18. júní síðastliðinn voru vægast sagt hneyksli og söngkonunni til minnkunar. Í meðfylgjandi myndskeiði má greinilega sjá að Amy átti erfitt með að muna söngtextana sem hún auk þess muldraði, en hún var áberandi drukkin þegar hún steig á svið. Hátt í 20 þúsund tónleikargestir leyndu ekki vonbrigiðum sínum og bauluðu á söngkonuna og gerðu hróp að henni. Tónleikarnir voru þeir fyrstu í tónleikaför hennar um Evrópu.

Gaman að byrja svona vel

Emilía Borgþórsdóttir iðnhönnuður hlaut gullverðlaun á stærstu húsgagnasýningu Bandaríkjanna, NeoCon, sem haldin er árlega í Chicago. Verðlaunin þykja mikill heiður og reynist mörgum stökkpallur í fremstu línu hönnuða á heimsvísu. Emilía fékk verðlaun í flokki sófaborða en sérstaka athygli vekur ytra að fyrsta vara hönnuðar, eins og raunin er með borð hennar, hljóti svo stóra viðurkenningu.

Nei ekki fleiri lýtaaðgerðir

Meðfylgjandi myndir voru teknar af ítalska hönnuðinum Donatellu Versace, 56 ára, á tískuvikunni í Mílanó. Donatella, sem tók við öllu sem tilheyrði Versace eftir að bróðir hennar, Gianni Versace, var myrtur sumarið 1997, hefur látið lýtalækna krukka allverulega í andlitinu á sér í gegnum tíðina eins og sjá má í myndasafninu.

Bæ bæ viskí - halló hor og barnakúkur

Söngkonan Pink og eiginmaður hennar, mótorkross-kappinn Carey Hart, eignuðust dótturina Willow Sage fyrir rúmum hálfum mánuði. Söngkonan segist ánægð með lífið en viðurkennir að hún saknir þess að fá sér viskídreytil.

Komdu frítt í bíó

Lækaðu Facebook síðu Lífsins og póstaðu bíóleiknum á þinni Facebooksíðu ef þú vilt eiga möguleika á að vinna tvo miða á kvikmyndina Bad Teacher sem frumsýnd verður í Smárabíó, Háskólabíó, Laugarásbíó og Borgarbíó á morgun. Meðfylgjandi má sjá myndir af aðalleikkonu myndarinnar, Cameron Diaz, sem teknar voru í fyrradag, þegar hún kynnti myndina í sjónvarpsþættinum Good Morning America. Lækaðu og kvittaðu á Lífið hér - 20 bíómiðar verða dregnir út í fyrramálið 22. júní.

Þetta er almennileg lofthæð

Meðfylgjandi má skoða myndir af húsi í Tokyo í Japan hannað af Ikimono arkitektum. Við hönnun hússins, sem líkist helst skemmu, var lögð áhersla á mikla lofthæð og endalaust rými sem lætur íbúum hússins líða eins og þeir séu staddir úti en ekki inni. Ryðfrítt stál er aðaluppistaða hússins eins og sjá má á myndunum.

Lela Rose - haust 2011

Fatahönnuðurinn Lela Rose fékk hugmyndina að munstrinu sem hún notar í haustlínunni sinni fyrir árið 2011, sem skoða má í myndasafni, á listasýningu þýska listamannins Gerhard Richter í Chicago. Sjá haustlínu Lelu í meðfylgjandi myndasafni.

Breytingarnar eru svakalegar (hústökuhúsið)

„Þetta er ennþá pínu óraunverulegt," segir Sandra Hlíf Ocares, sem keypti niðurnítt hús á Bræðraborgarstígnum fyrir nokkru, en það tók hana ekki nema fjórar vikur með hjálp fjölskyldu, vina og fyrirtækja sem aðstoðuðu hana að gera húsið íbúðarhæft.

Fox rekin fyrir Hitlers-ummæli

Megan Fox lét reka sig frá þriðju Transformers-kvikmyndinni. Ástæðan ku vera sú að Fox líkti leikstjóranum Michael Bay við Hitler og þetta kunni framleiðandinn Steven Spielberg ekki að meta. Bay sagði við Spielberg:

Robbie beraði sig á tónleikum

Robbie Williams sýndi 82.300 áhorfendum sitt allra heilagasta á Take That tónleikum í Dublin á laugardaginn.

Rykið dustað af góðu tímabili

Niðurstaða: Þrælgott formúlufjör að hætti níunda. áratugarins. Og formúlan virkar enn.

Óvæntur smellur frá Prins Póló

"Já, þú segir mér fréttir. Það er gaman að heyra að fólk sé að finna ástina í miðbænum um helgar,“ svaraði Svavar Pétur Eysteinsson, meðlimur hljómsveitarinnar Skakkamanage og Prins Póló þegar Fréttablaðið hafði samband og greindi honum frá því að lag hans "Niðrá strönd“ væri að slá í gegn á dansgólfum borgarinnar.

Greinilega ánægð að vera laus við ellismellinn

Brúðkaupi Playboy-kóngsins Hugh Hefner, 85 ára, og fyrirsætunnar Crystal Harris, 25 ára, sem fagnar skælbrosandi í myndasafni, var aflýst á dögunum. Hugh sjálfur opinberaði fréttina á samskiptasíðunni Twitter með efirfarandi skilaboðum:"Brúðkaupinu er aflýst. Crystal skipti um skoðun." Brúðkaupið átti að fara fram 18. júní og hafði 300 gestum verið boðið í veisluna í Playboyhöllinni í Los Angeles. Vefmiðillinn TMZ greindi frá því að Hugh og Crystal hefðu rifist heiftarlega og hún flutt út í kjölfarið. Þær fréttir ganga nú um vefmiðlana að Crystal sé tekin saman við jafnaldra sinn Jordan McGraw, sem er yngsti sonur sjónvarpssálfræðingsins dr. Phil McGraw. Í meðfylgjandi myndasafni á sjá Crystal pósa skælbrosandi í sundlaugarpartý í Las Vegas um helgina - endanlega laus við ellismellinn.

Gefið þessari konu eitthvað að borða

Leikkonan Katie Holmes, 32 ára og dóttir hennar Suri nutu þess að busla saman á ströndinni á Miami um helgina á meðan leikarinn Tom Cruise var upptekinn við að leika í myndinni Rock of Ages. Eins og myndirnar sýna hefur Katie grennst töluvert. Einnig má sjá þegar mæðgurnar fóru í bátsferð með Tom í myndaalbúminu.

Íslenskir höfundar á 30 stöðum í Köln

Um helgina hófst alþjóðleg barna- og unglingabókahátíð sem haldin er árlega í Köln í Þýskalandi. Yfirskrift hátíðarinnar að þessu sinni er „Sagenhaft!“ og munu sex íslenskir rithöfundar lesa í bókasöfnum og skólum í Köln. Hátíðin er skipulögð af SK Stiftung Kultur sem óskaði sérstaklega eftir íslenskum rithöfundum vegna heiðursþátttöku Íslands á Bókasýningunni í Frankfurt í haust.

Stolt af Barbados

Rihanna hefur ákveðið að taka að sér að vera talsmaður ferðamannaiðnaðar á Barbados. Söngkonan, sem fæddist á eyjunni, vill hjálpa til við að kynna land og þjóð betur fyrir ferðamönnum og ætlar að halda stóra tónleika í heimalandinu í ágúst. „Barbados er staður eins og enginn annar og ein af ástæðum þess að ég er að kynna landið er allt þjóðarstoltið sem fólkið mitt býr yfir. Ég vil að allir ferðamenn sem heimsækja þessa fallegu eyju fái að upplifa hvað það er sem gerir þennan áfangastað öðruvísi en alla aðra, og það er meðal annars hinn góði andi og hlýjan frá samlöndum mínum,“ segir Rihanna.

Segir afasoninn fyndinn

Jim Carrey segir að afasonur sinn sé virkilega fyndinn og að hann minni sig mikið á sjálfan sig úr æsku. Dóttir Carreys eignaðist drenginn í febrúar og er hann því aðeins nokkurra mánaða gamall. „Hann er alltaf með þessa prakkarasvipi og maður sér að hann er að hugsa ,Ég er með þetta. Ég veit þið viljið sjá mig og ég veit að ef ég segi „hæ“ þá fara allir að hlæja‘,“ segir hinn stolti afi.

Heiðra föður sinn

„Við erum ekki alveg búin að móta okkur hugmyndir en það eru ansi margir tónlistarmenn sem vilja heiðra karlinn,“ segir Margrét Gaua Magnúsdóttir, bæjarfulltrúi í Hafnarfirði og dóttir Magnúsar Kjartanssonar, tónlistarmanns.

Lýtaaðgerðirnar hafa gjörbreytt þér stelpa

Meðfylgjandi má sjá bandarísku raunveruleikastjörnuna Heidi Montag sem komst í heimsfréttirnar þegar hún lét gera tíu fegrunaraðgerðir á sér í einu pósa léttklædd og þamba kampavín af stút eins og enginn væri morgundagurinn í sundlaugarpartý í Las Vegas um helgina. Montag, sem varð þekkt andlit eftir þátttöku sína í þáttunum The Hills lét hafa eftir sér að henni þætti miður að hafa farið í allar þessar lýtaaðgerðir og vildi í framtíðinni nýta reynslu sína til að vara ungar stúlkur við að leggjast undir hnífinn. Í myndaalbúminu má sjá Heidi flippa fyrir nærstadda ljósmyndara og einnig hvernig stelpan leit út áður en hún lét gjörbreyta sér.

Ókunnugt fólk sendir Páli Óskari lög

„Núna hef ég í hyggju að draga mig inn í skelina og finna aftur nördið í sjálfum mér,“ segir Páll Óskar Hjálmtýsson.

Geirvartan á Lopez

Hægri geirvartan á söngkonunni og American Idol dómaranum Jennifer Lopez, 41 árs, lét ljós sitt skína í þýskum sjónvarpsþætti um helgina eins og sjá má á myndunum. Þá má einnig sjá Jennifer versla í París á föstudaginn var í myndasafni.

Sátt við ákvörðunina

Crystal Harris, fyrrum unnusta klámkóngsins Hugh Hefner, segist sátt við þá ákvörðun sína að slíta trúlofuninni við Hefner aðeins viku fyrir brúðkaupið.

Magnaðar fréttamyndir

Gestir Kringlunnar geta nú virt fyrir sér bestu fréttaljósmyndir ársins en World Press Photo hefur sett upp sína árlegu sýningu. 5700 ljósmyndarar frá 125 löngum tóku þátt í keppni WPP en að endingu var það ljósmynd Jodi Bieber af afgönsku stúlkunni Bibi Aisha sem var valin mynd ársins.

Yngir upp

Leikkonan Kristie Alley er byrjuð með dansaranum Ted Volynets sem væri ekki frásögufærandi nema fyrir þær sakir að dansarinn er heilum 40 árum yngri en leikkonan.

Charlies-stelpur sitja sveittar við saumamennsku

„Við vorum að klára tveggja daga upptökutörn en það er nóg að gera hjá okkur þessa dagana,“ segir Alma Guðmundsdóttir, ein af meðlimum hljómsveitarinnar The Charlies en útrás sveitarinnar vestanhafs gengur ágætlega.

Stökkva af risastórum pöllum í Galtalæk

Það verður mikið um dýrðir í Galtalæk um næstu helgi þegar þar fer fram útihátíð með fjöldanum öllum af hljómsveitum og ofurhugum sem stökkva á hjólum af risastórum pöllum.

Snorri Helga sendur í jóga

"Ég er ekki beint þekktur fyrir að vera mikill íþróttamaður en jógaæfingar virðast henta mér ágætlega,“ segir Snorri Helgason tónlistarmaður, en hann uppgötvaði nýlega hvað hugleiðsluíþróttin fer vel saman við tónlistarbransann, sem oft á tíðum getur tekið á líkama og sál.

Stálu upplýsingum um 1,3 milljónir viðskiptavina

Tölvuþrjótar brutust inn í tölvukerfi japanska tölvuleikjaframleiðandans Sega um helgina og stálu þaðan persónuupplýsingum um 1,3 milljónir viðskiptavina fyrirtækisins. Um er að ræða nöfn, fæðingardaga, netföng og lykilorð viðskiptavinanna.

Gusgus gerði allt vitlaust

Meðfylgjandi myndir voru teknar á fyrri útgáfutónleikum GusGus á Nasa við Austurvöll í kvöld en hljómsveitin hélt tvenna tónleika og voru fyrri í beinni útsendingu á Lífinu á Vísi. Nýjasta plata GusGus, Arabian Horse, er að gera allt vitlaust og hefur fengið toppdóma. Á plötunni stillir GusGus upp einvalaliði, með söngvarana Daníel Ágúst, Urði Hákonardóttur og Högna Egilsson í Hjaltalín í forgrunni og skipstjóra sveitarinnar, þá Stebba Steph og Bigga Veiru, við stjórnvölinn.

Bein útsending frá tónleikum GusGus

Gusgus efnir til útgáfutónleika á Nasa við Austurvöll í kvöld. Um er að ræða tvenna tónleika og eru þeir fyrri í beinni útsendingu hér á Vísi. Útsendingin hefst klukkan 20:30 en tónleikarnir hefjast klukkan 21.

Högni kann mjög vel við að vinna með GusGus

"Það var engin sérstök vígsluathöfn haldin. En jú jú, ég er orðinn meðlimur í GusGus. Ég kem fram með sveitinni á tónleikum og tók þátt í gerð nýju plötunnar. Mér finnst bara gaman að vera í stuði með góðu fólki," segir tónlistarmaðurinn Högni Egilsson, sem einnig er þekktur sem Högni í Hjaltalín. Hann syngur og tók þátt í sköpun þriggja laga á plötu GusGus, Arabian Horse, sem kom út fyrir skömmu og hefur hlotið nánast einróma lof gagnrýnenda og frábærar viðtökur almennings. Högni stígur einmitt á svið á útgáfutónleikum sveitarinnar, raunar tvennum, sem haldnir verða í kvöld á Nasa. Fyrri tónleikarnir verða sýndir í beinni útsendingu hér á Vísir.is. Útsendingin hefst klukkan 20:30 en tónleikarnir klukkan 21.

Eins og súpermódel ber að ofan

Á meðfylgjandi myndum má sjá nýju Two and a Half Men stjörnuna, leikarann Ashton Kutcher, 33 ára, njóta sín á sýningarpöllunum í Sao Paulo í Brasilíu við hlið brasilísku ofurfyrirsætunnar Alessöndru Ambrosio þar sem þau sýndu sumarlínu tískurisa þar í landi, Colcci. Ashton vann módelsamkeppnina Fresh Faces of Iowa árið 1997 en það var einmitt þar sem módel- og leiklistarferill hans hófst. Hann skaust upp á stjörnuhimininn sem Michael Kelso í sjónvarpsþáttunum That´s 70s show. Þá má einnig sjá leikarann á stuttbuxum einum fata í strandblaki deginum áður í myndasafni.

Færð þú fría miða á Gusgus tónleikana?

Vísir gefur einum heppnum lesanda Lífsins sem deilir leiknum og kvittar á Facebooksíðuna hérna tvo miða á útgáfutónleika Gusgus í kvöld á Nasa. Vinningshafi ræður hvort hann sækir fyrri eða seinni tónleikana en uppselt er í forsölu á báða. Þeir sem ekki komast á þessa tímamótatónleika geta glaðst því fyrri tónleikarnir verða sýndir í beinni útsendingu á Lífinu á Vísi sem hefst klukkan 20:00. Kvittaðu hér ef þú vilt eiga möguleika á að vinna tvo miða á Gusgus í kvöld. Drögum út vinningshafa á slaginu 17:00 í dag. Sjö eintök af plötunni Arabian Horse eru einnig í verðlaunapottinum.

Útgáfutónleikar Gusgus í beinni á Vísi í kvöld

Gusgus blæs til útgáfutónleika á Nasa í kvöld vegna nýjustu plötu sveitarinnar, Arabian Horse. Um er að ræða tvenna tónleika og uppselt er í forsölu á þá báða, en einhverjir miðar verða seldir í hurð. Þeir sem ekki komst á þessa tímamótatónleika geta glaðst vegna þess að fyrri tónleikarnir verða í beinni útsendingu á Vísi sem hefst klukkan 20:00.

Svo las hún upp nafnið mitt og ég man ekki meira

Meðfylgjandi símamyndir voru teknar þegar Ólöf Erla Einarsdóttir, grafískur hönnuður, sigraði í flokki fantasíubókmennta í alþjóðlegri bókarkeppni, The Ravenheart Award, fyrir bókarkápu skáldsögunnar Power & Majesti sem hún hannaði. Við hringdum suttlega í Ólöfu Erlu til London, óskuðum henni til hamingju og báðum hana að lýsa tilfinningunni og hvernig verðlaunaafhendingin var. Ég mætti á staðinn bara rosa ánægð að vera tilnefnd. Það var flottur fordrykkur í byrjun og svo fóru allir inn í sal þar sem allir tilnefndir áttu frátekin sæti. Svo voru ræður. Síðan kom að þessu og ég fékk rosa hjartslátt og var rosalega montin að sjá mynd af mér og bókina á risa skjá. Svo las hún upp nafnið mitt og ég man ekki meira," segir Ólöf Erla hlæjandi. Ég fékk tvo rosalega flotta gripi. Ég var pínu orðlaus fyrst á eftir að ég fékk verðlaunin en rosalega þakklát fyrir þetta tækifæri. Og núna er ég bara að tjilla í London," segir sigurvegarinn glaður áður en kvatt er. Viðtal við Ólöfu Erlu 3. maí síðastliðinn um keppnina meðal annars.

Auglýsing Myrru vinsæl

„Það er alltaf gaman þegar vel gengur og ég ætla ekki vera hræsnari og segja að keppnin skipti mig ekki máli. Það er komið í mig smá keppnisskap en auðvitað er það málefnið sjálft sem á að fá alla athyglina,“ segir Myrra Leifsdóttir listakona, sem er eini Íslendingurinn í topp 20 af 2.500 keppendum í auglýsingasamkeppni á vegum Sameinuðu þjóðanna.

Ástríður snýr aftur

Framhald verður á ævintýrum fjármálastarfsmannsins Ástríðar. Framleiðslufyrirtækið Saga Film og Stöð 2 hafa náð samningum um að gera þáttaröð númer tvö en fyrsta serían sló eftirminnilega í gegn og var tilnefnd til fjölda Eddu-verðlauna.

Halda afmæli Nonna Sig

Listahópurinn UngSaga við Hitt húsið býður til afmælis Nonna Sig við Alþingishúsið í dag. Að sögn Andreu Bjarkar Andrésdóttur getur fólk fræðst um Jón Sigurðsson meðan borðaðar eru kökur og kruðerí.

Fjölmennt á Grímunni 2011

Meðfylgjandi myndir voru teknar af prúðbúnum gestum Grímunnar sem fram fór í Borgarleikhúsinu í gærkvöldi. Þéttsetið var á verðlaunaafhendingunni sem sýnd var í beinni útsendingu á Stöð 2. Sýningin Lér konungur eftir William Shakespeare í sviðssetningu Þjóðleikhússins var valin leiksýning ársins, leikstjóri sýningarinnar, Benedict Andrews var valinn besti leikstjórinn, þá var Arnar Jónsson valinn besti leikarinn fyrir burðarhlutverkið í sýningunni en hann var fjarri góðu gamni eins og svo margir verðlaunahafar kvöldsins. Margrét Vilhjálmsdóttir, sem var líka fjarverandi, var valin besta leikkona í aukahlutverki fyrir hlutverk sitt í Lé konungi og Atli Rafn Sigurðsson besti leikari í aukahlutverki í sömu sýningu. Unnur Ösp Stefánsdóttir var valin leikkona ársins.

Kelly missir hundinn

Kelly Osbourne er algjörlega niðurbrotin en hún þurfti að láta svæfa hundinn sinn á dögunum. Ástæðan var ólæknandi heilagalli sem kom í ljós í kjölfar flogakasts, en Kelly hafði tjáð sig um veikindin á Twitter.

Justin í dópi

Poppstjarnan Justin Timberlake viðurkennir í fyrsta sinn eiturlyfjanotkun sína í viðtali sem birtist í síðasta tölublaði Playboy-tímaritsins. Timberlake, sem fram að þessu hefur þótt til fyrirmyndar, segist hafa verið háður marijúana stóran hluta árs 2003.

Engir englar

Söngkonan Christina Aguilera vill meina að bæði hún og fyrrverandi eiginmaður hennar Jordan Bratman hafi átt þátt í að eyðileggja hjónabandið.