Etienne de France sýnir í Listasafni ASÍ

Franski listamaðurinn Etienne de France sýnir ljósmyndir sínar á Safnanótt Vetrarhátíðar í Listasafni ASÍ. Verður sýningin opnuð í kvöld, föstudagskvöld, klukkan 20:00.

Amanda Peet eignast stúlku

Leikkonan geðþekka Amanda Peet, hefur fætt stúlkubarn. Fékk hún hríðir á þriðjudag og hefur barnið fengið nafnið Frances Pen, í höfuðið á móður Amöndu, Penny.

Britney í meðferð í þriðja sinn í vikunni

Skjótt skipast veður í lofti. Britney Spears, sem hefur verið daglegur gestur slúðurpressunnar undanfarna daga, er enn og aftur farin í meðferð. Er þetta í þriðja sinn sem hún skráir sig í meðferð á aðeins einni viku.

Anna Nicole grafin á Bahamaeyjum

Dómari í Flórída hefur úrskurðað að Anna Nicole Smith verði borin til grafar á Bahamaeyjum. Dómarinn, Larry Seidlin grét þegar hann bar upp úrskurðinn og fól umsjón með jarðneskum leifum Önnu lögmanni hennar Richard Milstein. Anna Nicole verður semsagt grafin á Bahamaeyjum en þar bjó hún síðustu mánuði ævi sinnar. Sonur Önnu sem lést á síðasta ári með grunsamlegum hætti er grafinn á Bahamaeyjum og sagði Milstein við hæfi að þau mæðginin hvíldu saman.

Britney aftur úr meðferð, Kevin vill forræði

Britney Spears virðist eiga erfitt með að halda á spöðunum þessa dagana. Eftir taumlaust líferni síðustu vikna, sem endaði með því að hún rakaði hárið af höfði sér, skráði Britney sig í meðferð. Nú er hún búin að skrá sig út, eftir aðeins einn sólarhring samkvæmt heimildum Reuters. Er þetta í annað sinn á einni viku sem hún fer á meðferðarstofnun í þetta stuttan tíma.

Enn eitt málið gegn Michael Jackson

Fjölskylda látinnar konu hefur höfðað mál á hendur Michael Jackson og sjúkrahúsi í Kaliforníu. Í stefnunni er því haldið fram að deyjandi ömmu fjölskyldunnar hafi verið hent út af sjúrastofu til þess að Jakson kæmist þar að. Því er ekki haldið að þetta hafi valdið dauða ömmunar, en hinsvegvar hafi það valdið fjölskyldunni miklu hugarangri.

Kramer neitaði að mæta fyrir gervirétti

Góðvinur Jerrys Seinfeld, Kosmo Kramer, neitaði að mæta við gerviréttarhöld með fjórum blökkumönnum sem hann móðgaði í uppistandi á skemmtistað í Hollywood. Leikarinn Michael Richards missti stjórn á skapi sínu þegar honum fannst fólkið, þrír karlmenn og ein kona, trufla uppistand sitt. Hann jós úr skálum reiði sinnar yfir það og notaði meðal annars n-orðið illræmda.

Mikill áhugi á Glastonbury

Glastonbury tónlistarhátíðin í Bretlandi er ein vinsælasta tónlistarhátíð í heimi. Nú hafa um 175 þúsund manns skráð sig til að fá miða á hátíðina sem verður haldin 22. til 24. júní næstkomandi. Hátíðin ber 177.500 manns en aðeins verða um 140 þúsund miðar í boði fyrir almenning.

Ég var edrú

Lögfræðingur Nicole Richie sagði fyrir rétti í gær að hún væri saklaus af ákæru um að hafa ekið undir áhrifum áfengis og lyfja, þegar hún var handtekin í desember síðastliðnum. Nicole er dauðhrædd við að lenda í fangelsi, því hún hefur áður verið handtekin og dæmd fyrir svipaðar sakir. Stúlkan mætti ekki sjálf í réttarhöldin.

Kærður fyrir myndbirtingu af Jennifer Aniston

Hollywood bloggarinn Mario Lavandeira, sem er betur þekktur sem Perez Hilton, hefur verið kærður fyrir að birta ólöglegar myndir af Jennifer Aniston. Myndirnar eru frá upptökum á kvikmyndinni The Break-Up en á þeim má sjá Jennifer bera að ofan. Var það Universal City Studios Productions, framleiðandi myndarinnar, sem lagði fram kæruna. Segir stúdíóið myndirnar bæði fengnar- og birtar ólöglega.

Allt á suðupunkti

Fimmta úrslitakvöldið í X-Factor fer fram í beinni útsendingu frá Vetrargarðinum í Smáralind á morgun föstudag. Átta atriði eru eftir og óhætt er að fullyrða að allt sé á suðupunkti eftir tíðindi síðustu viku.

Eignaðist tvíbura

Aðþrengda eiginkonan Marcia Cross eignaðist tvíburadætur í Los Angeles á þriðjudag. Stúlkurnar eru fyrstu börn leikkonunnar sem er 44 ára og eiginmanns hennar Tom Mahoney verðbréfamiðlara. Fæðingin hafði verið áætluð í apríl, en Marcia hefur verið rúmföst frá síðasta mánuði.

Eulogy for Evolution - Þrjár stjörnur

Mínímalískt tónverk sem hefur að geyma mörg furðu heillandi stef. Vantar þó á nokkrum stöðum almennilegan punkt yfir i-ið.

Flýta þarf krufningu Önnu

Þau eru lífleg réttarhöldin sem nú fara fram Vestanhafs í kjölfar dauða Önnu Nicole Smith í síðustu viku. Dómarinn í málinu fékk símtal í miðjum réttarhöldum á laugardag frá réttarlækninum Joshua Perper. Hringdi hann til að láta dómarann vita að lík Önnu Nicole rotnaði hraðar en eðlilegt væri. Því þyrfti að kryfja líkið í þessari viku í stað næstu viku eins og átælað var.

James Brown loksins jarðsettur

Guðfaðir soultónlistarinnar, James Brown sem lést á jóladag, fer loksins að fá sína hinstu hvílu. Lík hans hefur verið geymt á leynilegum stað frá andláti hans þar sem kærasta hans, Tomi Rae Hynie og börnin hans sex gátu ekki komið sér saman um hvar ætti að greftra hann.

Æfingar hafnar hjá Óperunni

Óperustúdíó Íslensku óperunnar frumsýnir óperurnar Systur Angelicu og Gianni Schicchi eftir Puccini 21. mars nk. Æfingar eru komnar vel á veg og taka yfir þrjátíu söngnemendur og fjörtíu nemendur í hljóðfæraleik þátt í verkefninu. Þetta er fjórða árið í röð sem Íslenska óperan stendur fyrir Óperustúíói og og reynsla síðustu þriggja ára hefur sýnt að það er mikill áhugi fyrir verkefninu bæði meðal þátttakenda sem og áhorfenda.

Íslensk tískuhönnun brúar bil milli borga

Á sýningunni Íslensk tískuhönnun sem opnuð var í Þjóðmenningarhúsinu af forsætisráðherra Geir H. Haarde 29. júní 2006 sést að íslensku hönnuðurnir tíu, sem þar sýna verk sín, sækja innblástur í náttúruna og andstæður hennar. Mýkt og harka, birta og myrkur, fínleiki og grófleiki endurspeglast í ögrandi og sjálfstæðri hönnun sem að margra mati er með því flottasta sem sést í heiminum í dag.

Stofuspjall um Kraftbirtíngarhljóm guðdómsins

Sunnudaginn 25. febrúar kl. 16.00 er komið að öðru stofuspjalli ársins í tengslum við verk mánaðarins á Gljúfrasteini sem að þessu sinni er skáldsagan Heimsljós. Steinunn Sigurðardóttir rithöfundur stýrir spjallinu og mun hún einkum beina sjónum sínum að Kraftbirtíngarhljómi guðdómsins, fyrsta hluta sögunnar.

Pabbi Britneyar hvatti hana að sækja sér hjálpar

Britney er loksins farin í meðferð en sögur þess efnis hafa verið að ganga undanfarið. Samkvæmt heimildum US Weekly fór Britney sjálfviljug í meðferð á þriðjudag eftir að pabbi hennar taldi hana á að gera það. Þetta staðfestir umboðsmaður söngkonunnar, Larry Rudolph.

Jennifer Aniston með fyrrverandi í afmælisveislu

Jennifer Aniston fagnaði 38 ára afmæli sínu á dögunum með fyrrverandi kærasta sínum, Vince Vaughn. Voru það ,,vinurinn” Courtney Cox og maður hennar, leikarinn David Arquette, sem héldu afmælisveisluna fyrir Jennifer.

PlayStation 3 slær öll met í forsölu

Smásalar í Evrópu hafa fundið fyrir gríðarlegri eftirspurn eftir PlayStation 3 á sama tíma og Sony kemur sér í gírinn fyrir "Stærstu útgáfu á leikjavél hingað til", samkvæmt Ray Maguire, Forstjóra Sony Computer Bretlandi.

Öskudagur í dag

Það er ekki laust við að spennings hafi gætt hjá yngstu kynslóðinni í morgun en öskudagur er ávallt mikið tilhlökkunarefni yngstu kynslóðarinnar. Blíðviðri er í Reykjavík og má víða sjá hópa af ungu uppáklæddu fólki sem freistar þess að syngja fyrir búðarstarfsmenn í skipti fyrir sælgæti.

Halla í heimspressunni

Breska götublaðið The Sun birti í gær frétt um rómantískt stefnumót breska leikarans Jude Law og íslensku leikkonunnar Höllu Vilhjálmsdóttur á föstudagskvöldið síðasta.

Aldarafmæli Íslandsvinar

Breska skáldið Wystan Hugh Auden var annálaður Íslandsvinur en skáldjöfur þessi er af mörgum talinn eitt ágætasta skáld enskrar tungu á tuttugustu öld þó að alla jafna fari ekki hátt um ævi hans og störf.

Baggalútur á Bessastöðum

Drengirnir í Baggalúti troða upp á Bessastöðum í dag. Guðmundur Pálsson segir þetta mikinn heiður, enda séu þeir allir aðdáendur forsetans og konu hans.

Gísli Örn ráðinn í breska Þjóðleikhúsið

„Það er mikill heiður að vera boðið að leika í þessu virta leikhúsi,“ segir Gísli Örn Garðarsson leikari, sem hefur verið ráðinn í burðarhlutverk í leikritinu Matter of Life and Death, sem sett verður á fjalirnar í breska Þjóðleikhúsinu í maí.

Íslensk tónlist á Amie Street

Fjölmargar íslenskar hljómsveitir og listamenn hafa undanfarið nýtt sér Amie Street, sem er tónlistarbúð á netinu þar sem hver sem er getur opnað sitt búðarhorn og selt sína tónlist.

Justin til bjargar

Popparinn Justin Timberlake ók rakleiðis til Hollywood þegar hann frétti af vandræðum Britney Spears til að hugga hana. Justin og Britney voru kær-ustupar á sínum tíma og vildi Justin sýna henni stuðning sinn í verki.

Klerkur kannast ekki við klámbræður

Þýðandinn Gísli Ásgeirsson og karl faðir hans hafa grafið upp ansi merkileg ættartengsl bræðranna og Vestur-Íslendinganna Scott og Grant Hjorleifson en nafn þeirra hefur borið á góma í tengslum við klámráðstefnuna sem halda á hér um miðjan mars. Bræðurnir eru nefnilega komnir af skáldinu fræga, Bólu-Hjálmari, sem þýðir að sr. Hjálmar Jónsson dómkirkjuprestur er meðal ættmenna þeirra.

Myspace til hjálpar

Ástralska poppstjarnan Kylie Minogue hefur fengið óvænta aðstoð af netinu fyrir sína næstu plötu. Kylie kynntist skoska lagahöfundinum Calvin Harris í gegnum Myspace-síðuna og fékk hann til að semja lög fyrir væntanlega plötu sína. „Hún hefur unnið nokkur lög með Calvin. Kylie heyrði það sem hann hafði gert og fannst það flott. Samstarf þeirra gengur vel,“ sagði talsmaður Kylie.

Sign í tónleikaferð

Rokkhljómsveitin Sign er farin í tónleikaferð um landið til að hita upp fyrir ferð sína til Bandaríkjanna í byrjun mars. Sveitin spilar nú í fyrsta skipti með nýjum bassaleikara, Heimi Hjartarsyni, sem var áður í hljómsveitinni Nevolution frá Akureyri sem hefur tekið sér frí frá störfum.

Strákur veiðir úlf úr skóginum

Krakkarnir voru með á nótunum í sviðsetningu Bernds Ogrodnik á sögunni góðkunnu um Pétur og fórnarlamb hans, úlfinn. Í hvert sinn sem Bernd leitaði til þeirra voru svör á reiðum höndum. Þau sátu fremst í salnum í Kúlunni á sessum meðan eldri gestir sátu aftar og skemmtu sér ekki síður.

Sýna hjá Gorkí

Íslenskt leikhúsfólk gerir það ekki endasleppt þessa dagana – í London er uppfærsla Þjóðleikhússins á Pétri Gaut að fara á svið í Barbican-leikhúsinu og nú berast fregnir þess að Hið lifandi leikhús hyggist gera strandhögg í Berlín.

Óumflýjanleg uppgjör á bar

Margir íslenskir leikhúsgestir kannast við leikritið Bar par enda hefur það í tvígang verið sýnt við fádæma undirtektir hér á landi. Nú á föstudaginn gefst enn á ný kostur á að kynnast fjölskrúðugu persónugalleríi Jims Cartwright en þá verður ný uppfærsla gamanleiksins frumsýnd á skemmtistaðnum Nasa við Austurvöll.

Pursuit of Happyness - tvær stjörnur

Lífsbarátta sölumannsins Chris Gardner sem er að reyna að vinna sig upp úr eymd og fátækt er langt frá því að vera léttvægt grín. Mestur hluti kvikmyndarinnar Pursuit of Happyness fjallar um sífelld vonbrigði hans og strögl við að verða verðbréfasali. Konan (Thandie Newton) fer frá honum, hann missir húsnæðið og endar á vergangi með strákinn sinn (Jaden Smith) en samt gefst hann ekki upp.

James Brown loks jarðaður

Börn söngvarans James Browns og ekkjan Tomi Rae Hynie, hafa loksins komist að samkomulagi um hvar á að jarðsetja líkama hans. Ósamkomulag og ósætti hefur verið meðal aðilanna um erfðir og skiptingu eigna. James Brown lest á jóladag, 73 ára að aldri. Líkið er geymt í gullkistu á útfararstofu sem mun sjá um jarðaförina.

Vesturport og Pétur Ben á Súfistanum

Leikhópurinn Vesturport efnir til uppákomu á Súfistanum við Laugaveg á morgun, miðvikudagskvöld. Er uppákoman í tengslum við kvikmyndirnar Börn og Foreldrar sem Vesturport frumsýndi nýlega.

Lay Low í Þórlákshöfn

Tónlistarkonan Lay Low, sem kom, sá og sigraði á Íslensku tónlistarverðlaununum, verður með tónleika í Þorlákshöfn, á morgun miðvikudaginn 21. febrúar. Verða tónleikarnir haldnir í Versölum og hefjast klukkan 20:00. Eru tónleikarnir liður í tónleikaröðinni Tónar við hafið.

Osbourne fjölskyldumeðlimur alnæmissmitaður

Söng- og leikkonan Kelly Osbourne, sem hvað þekktust er fyrir leik sinn í raunveruleikaþættinum The Osbournes, kom fram á góðgerðarsamkomu til styrktar alnæmis á sunnudagskvöld. Þar sagði hún að einn fjölskyldumeðlimur hennar hefði greinst með alnæmi.

Flugfreyja í sjöunda himni

Áströlsk flugfreyja hjá Quantas flugfélaginu er farin í felur meðan hún reynir að selja slúðurblöðum söguna af því þegar hún hafði samfarir við breska leikarann Ralph Fiennes á klósetti flugvélar í 35 þúsund feta hæð. Lisa Robertson segir einnig að hún hafi átt eldheita nótt með Fiennes á hótelherbergi hans. Hún hefur nú verið rekin frá Quantas.

Halla og Jude í gulu pressunni

Stefnumót þeirra Höllu Vilhjálmsdóttur, X-Factors kynnis og leikarans Jude Law hefur ratað í gulu pressuna í Bretlandi. Dagblaðið the Sun segir frá stefnumóti þeirra hér á landi síðastliðið föstudagskvöld en þau fóru út að borða á veitingastaðnum Domo og síðan sást til þeirra á skemmtistaðnum Sirkus eins og áður hefur komið fram.

Hugh Grant og Jemima hætt saman

Hugh Grant og kærasta hans til þriggja ára, Jemima Kahn, eru hætt að vera saman. Grant er líklega frægastur fyrir mynd sína Fjögur brúðkaup og jarðarför, og svo náttúrlega að leita eftir kynlífi við svarta vændiskonu í Hollywood árið 1995. Það batt enda á samband hans við fyrirsætuna Elizabeth Hurley.

Svíar krefjast nærveru Eiríks

„Svíarnir sem framleiða þáttinn heyrðu af sigri Eiríks og vildu ólmir halda honum í þættinum. Töldu það bara vera þættinum til framdráttar að vera með sigurvegara innanborðs,“ segir Páll Magnússon, útvarpsstjóri í Efstaleitinu.

Rótsterkur Faxe rýkur út

„Já, áhuginn hefur sannarlega aukist," segir Anton Ingimarsson, starfsmaður vínbúðar ÁTVR í Kringlunni, en sala á tíu prósenta Faxe-bjór hefur tekið kipp eftir innslag Kastljóssins fyrir réttri viku.

Cage á toppinn

Hasarmyndin Ghost Rider með Nicolas Cage í aðalhlutverki fór beint á toppinn á bandaríska aðsóknarlistanum sína fyrstu viku á lista. Þrátt fyrir að myndin hafi fengið misjafna dóma var þetta aðsókarmesta opnunarmynd ársins í Bandaríkjunum til þessa.