Botnbaráttan í brennidepli

Þrír leikir verða í Landsbankadeild karla í kvöld en með þeim lýkur 10. umferð deildarinnar. Fylgst verður með öllum leikjunum á Boltavakt Vísis og Fréttablaðsins en óhætt er að segja að botnbaráttan sé í aðalhlutverki í kvöld.

Ronaldo undir hnífinn

Cristiano Ronaldo fór í aðgerð á ökkla í dag. Aðgerðin var framkvæmd í Amsterdam í Hollandi en þessi ökklameiðsli hafa verið að hrjá hann um nokkurt skeið.

Viðræður milli Chelsea og Inter um Lampard hafnar

Samkvæmt heimildum BBC eru viðræður milli Ítalíumeistara Inter og enska stórliðsins Chelsea um hugsanleg kaup á Frank Lampard hafnar. Ítalska liðið vill fá Lampard í leikmannahóp sinn.

Liverpool búið að taka tilboði í Crouch

Portsmouth hefur fengið leyfi frá Liverpool til að hefja viðræður við sóknarmanninn Peter Crouch. Liverpool hafnaði tilboði upp á níu milljónir punda í lok síðasta mánaðar en hefur tekið nýju tilboði Portsmouth.

Leit AC Milan að sóknarmanni í fullum gangi

AC Milan ætlar sér að krækja í sóknarmann í sumar en þar eru Didier Drogba hjá Chelsea og Emmanuel Adebayor hjá Arsenal ofarlega á blaði. Leonardo, stjórnarmaður hjá ítalska liðinu, staðfestir þetta.

Fáum spjöld fyrir minni sakir

„Mér finnst eins og við þurfum að brjóta mun minna af okkur en aðrir til þess að fá spjöldin framan í okkur," segir Guðjón Heiðar Sveinsson, leikmaður ÍA, í stuttu viðtali á heimasíðu félagsins.

Kewell sendi opið bréf til stuðningsmanna Leeds

Harry Kewell hefur sent frá sér opið bréf til stuðningsmanna Leeds United þar sem margir þeirra eru honum reiðir fyrir þá ákvörðun að ganga til liðs við Galatasaray í Tyrklandi.

Björgólfur markahæstur

Björgólfur Takefusa virðist óstöðvandi í sóknarlínu KR um þessar mundir. Hann skoraði í gær í áttunda leik sínum í röð og þar af í sínum sjötta leik í Landsbankadeildinni í röð.

Laporta hélt naumlega velli

Meðlimir Barcelona kusu í gær hvort lýsa ætti vantrausti á forseta félagsins, Joan Laporta. Alls voru það 60% þeirra sem kusu sem lýstu yfir vantrausti en 66% hefði þurft til að Laporta neyddist til að stíga af stóli.

Queiroz að taka við Portúgal?

Carlos Queiroz, aðstoðarknattspyrnustjóri Manchester United, gæti verið á leið frá Englands- og Evrópumeisturunum. Knattspyrnusamband Portúgals vill fá hann sem næsta landsliðsþjálfara.

Crouch færist nær Portsmouth

Portsmouth vill fá Peter Crouch, sóknarmann Liverpool, í sínar raðir. Viðræður milli þessara félaga fóru fram um helgina og þokast þær í rétta átt.

Magnús tryggði Keflavík sigur á elleftu stundu

Keflvíkingar unnu í kvöld dramatískan 1-0 sigur á FH í toppleik Landsbankadeildar karla í knattspyrnu og fyrir vikið eru liðin jöfn að stigum á toppnum. Það var varamaðurinn Magnús Þorsteinsson sem skoraði sigurmark heimamanna í uppbótartíma.

Pálmi Rafn tryggði Val sigur á Fram

Tveimur leikjum af þremur er nú lokið í Landsbankadeild karla í knattspyrnu. Íslandsmeistarar Vals lögðu Fram 2-0 með mörkum frá Pálma Rafni Pálmasyni og mark Björgólfs Takefusa tryggði KR nauman 1-0 útisigur á Þrótti.

Wenger: Arsenal verður að selja leikmenn

Arsene Wenger, stjóri Arsenal, segir að félagið gæti þurft að selja sína bestu leikmenn í burtu frá félaginu um ókomin ár til að gæta að rekstrinum. Hann er ósáttur við stöðuna á leikmannamarkaðnum í nútímaknattspyrnu.

Boltavaktin á leikjum kvöldsins

10. umferðin í Landsbankadeild karla í knattspyrnu hefst klukkan 19:15 í kvöld með þremur leikjum. Boltavaktin verður á sínum stað og greinir frá stöðu mála.

Huntelaar: United hefur áhuga á mér

Hollenski framherjinn Klaas Jan Huntelaar hjá Ajax segir að Manchester United hafi sýnt sér áhuga að undanförnu og að félagið sé ekki það eina á Englandi sem verið hafi með fyrirspurnir.

Calderon að gefast upp á Ronaldo

Ramon Calderon, forseti Real Madrid, segist reikna með því að Cristiano Ronaldo verði áfram í herbúðum Manchester United á næsta tímabili.

Elfsborg skellti Hibernian

Áhugaverð úrslit urðu í Intertoto keppninni í knattspyrnu í dag þegar sænska liðið Elfsborg lagði Hibernian frá Skotlandi 2-0 á útivelli í fyrri leik liðanna. Helgi Valur Daníelsson var í byrjunarliði sænska liðsins í dag.

Óttast að Joey Barton stytti sér aldur

Sam Allardyce, fyrrum knattspyrnustjóri Newcastle, segist óttast að Joey Barton stytti sér aldur ef hann verði látinn fara frá félaginu í vegna vandamála hans utan vallar.

Rooney blankur eftir brúðkaupið

Breska helgarblaðið News of the World segir að fjárhagur knattspyrnumannsins Wayne Rooney sé ekki upp á marga fiska eftir annasamt sumar. Rooney gekk að eiga unnustu sína Coleen McLoughlin fyrir skömmu og það kostaði sitt.

Megum ekki við því að missa Keane

Gus Poyet, aðstoðarstjóri Tottenham í ensku úrvalsdeildinni, segir að félagið megi alls ekki við því að missa írska markahrókinn Robbie Keane úr sínum herbúðum í sumar. Keane hefur verið orðaður mikið við Liverpool að undanförnu.

Chelsea hefur boðið í Kaka

Varaforseti AC Milan segir að Chelsea hafi gert félaginu kauptilboð í brasilíska miðjumanninn Kaka, en hann sé ekki til sölu. Þá hafi mörg félög gert fyrirspurnir í Andrea Pirlo.

Ronaldinho hefur neitað City

Adriano Galliani, varaforseti AC Milan, fullyrðir að Brasilíumaðurinn Ronaldinho hjá Barcelona hafi neitað umleitunum Manchester City og muni þess í stað ganga í raðir Milan í sumar.

Boateng á leið til Hull?

Enska úrvalsdeildarfélagið Middlesbrough hefur gefið öðru ónefndu félagi leyfi til að hefja viðræður við miðjumanninn George Boateng, en talið er að það séu nýliðar Hull City. Hinn 32 ára gamli Hollendingur er ekki talinn eiga framtíð fyrir sér hjá Boro, en talið er að fleiri félög í úrvalsdeildinni gætu haft áhuga á kröftum hans í sumar.

Auðveldur sigur hjá Brann

Einn leikur fór fram í norsku úrvalsdeildinni í knattspyrnu í kvöld. Brann vann 4-1 sigur á Bodo/Glimt. Ólafur Bjarnason var í byrjunarliði Brann og Birkir Bjarnason spilaði síðasta hálftímann fyrir Bodo/Glimt.

Toppliðin héldu sínu í 1. deildinni

Fjórir leikir fóru fram í 1. deild karla í knattspyrnu í dag en staðan á toppnum breyttist ekki þar sem þrjú efstu liðin unnu leiki sína. Topplið ÍBV vann 2-1 sigur á KS/Leiftri í Eyjum, Selfoss hélt öðru sætinu með sigri á Fjarðabyggð 4-1 og Haukar halda þriðja sætinu eftir 1-0 sigur á Þór. Þá vann Víkingur R 3-2 sigur á Víkingi Ólafsvík.

Torres þakkar Benitez árangurinn á árinu

Spænski framherjinn Fernando Torres þakkar þeim Rafa Benitez og Steven Gerrard að hluta fyrir þann árangur sem hann hefur náð á knattspyrnuvellinum síðustu misseri.

Ekki pláss fyrir Adebayor og Eto´o hjá Barcelona

Spænska blaðið Marca hefur gert sér mikinn mat úr meintum áhuga Barcelona á framherjanum Emmanuel Adebayor hjá Arsenal að undanförnu.

Dunne framlengir hjá City

Fyrirliðinn Richard Dunne hjá Manchester City hefur framlengt samning sinn við félagið um fjögur ár. Dunne er 28 ára gamall varnarmaður, en hann hafði verið orðaður nokkuð við Portsmouth að undanförnu.

Geovanni semur við Hull

Nýliðar Hull City í ensku úrvalsdeildinni hafa gert tveggja ára samning við brasilíska miðjumanninn Geovanni. Sá er 28 ára gamall og var látinn fara frá City á dögunum.

Sannfærðir um að Ronaldo verði áfram á Old Trafford

Samkvæmt fréttum í breskum miðlum í morgun virðast Manchester United vera nokkuð vissir um að Cristiano Ronaldo muni ekki ganga til liðs við Real Madrid nú í sumar. The Daily Mail heldur því fram að bæði Sir Alex og David Gill framkvæmdarstjóri séu nokkuð vissir um að portúgalinn verði á Old Trafford, þrátt fyrir áhuga Madrid og fréttir þess efnis að tilboð sé á borðinu.

Leiknir vann botnslaginn í Njarðvík

Leiknir úr Breiðholti vann útisigur á Njarðvík 2-0 í kvöld. Fyrir leikinn voru þetta tvö neðstu lið 1. deildarinnar en Leiknir náði að lyfta sér upp úr fallsæti með sigrinum í kvöld og Njarðvíkingar eru komnir á botninn.

Sigurður með UEFA-Pro réttindi

Sigurður Ragnar Eyjólfsson, þjálfari íslenska kvennalandsliðsins, útskrifaðist á dögnum með Pro Liecence þjálfaragráðu en Sigurður Ragnar er annar Íslendingurinn sem útskrifast með þessa gráðu en fyrstur var Teitur Þórðarson.

Andy Cole til Forest

Andy Cole hefur náð samkonulagi við Nottingham Forest um að leika með liðinu í ensku 1. deildinni á næsta tímabili. Cole gerði garðinn frægan með Manchester United en hann er 36 ára í dag.

Dunne áfram hjá City

Richard Dunne, fyrirliði Manchester City, hefur skrifað undir nýjan fjögurra ára samning við félagið. Þessi 28 ára varnarmaður hefur verið valinn leikmaður ársins hjá City síðustu fjögur tímabil.

United neitar enn og aftur sögusögnum um Ronaldo

Manchester United hefur enn og aftur ítrekað það að Cristiano Ronaldo sé ekki til sölu. Fréttir á Spáni í gær sögðu að United væri tilbúið að ganga til viðræðna við Real Madrid.

Enn einn skandallinn á Ítalíu

Fimm ítalskir leikmenn hafa verið ákærðir fyrir aðild að hagræðingu úrslita í leikjum í ítölsku A-deildinni á síðasta tímabili.

Dossena kominn til Liverpool

Andrea Dossena hefur skrifað undir fjögurra ára samning við Liverpool. Hann er 26 ára bakvörður og er ætlað að fylla skarðið sem John Arne Riise skildi eftir sig þegar hann var seldur til Roma.

Drenthe orðaður við Juventus

Juventus er sterklega orðað við hollenska U21 landsliðsmanninn Royston Drenthe. Juventus hefur verið á eftir miðjumanni í sumar og Xabi Alonso hjá Liverpool oftast verið nefndur.

Taylor framlengir við Newcastle

Varnarmaðurinn Steven Taylor hefur framlengt samning sinn við enska úrvalsdeildarfélagið Newcastle um þrjú ár. Hinn 22 ára gamli leikmaður hefur verið lengi í samningaviðræðum við heimalið sitt, en nú eru samningar loks í höfn ef marka má frétt Sky í dag. Sagt er að Taylor muni fá allt að 35,000 pund í vikulaun á nýja samningnum.

Del Bosque að taka við spænska landsliðinu?

Forseti spænska knattspyrnusambandsins hefur staðfest að sambandið hafi rætt við Vincente del Bosque um að taka við þjálfun Evrópumeistaranna af Luis Aragones.

Gríðarleg uppsveifla hjá QPR

Enska b-deildarfélagið QPR er heldur betur í sókn þessa dagana. Nýir eigendur félagsins ætla sér að koma þessum fornfræga klúbbi í efstu deild fyrir árið 2010.

Nasri semur eftir 10 daga

Umboðsmaður miðjumannsins Samir Nasri segist eiga von á því að leikmaðurinn gangi frá samningi við Arsenal á næstu tíu dögum. Hinn 21 árs Nasri leikur með Marseille í Frakklandi og tilkynnti fyrir nokkru að hann hefði náð samkomulagi við Lundúnafélagið.

Breiðablik og Keflavík mætast í 8-liða úrslitum

Í hádeginu var dregið í 8-liða úrslit Visa-bikars karla og kvenna í knattspyrnu. Stórleikurinn í karlaflokki er án efa viðureign Breiðabliks og Keflavíkur.

Ronaldinho fer væntanlega til Milan

Bróðir og umboðsmaður Brasilíumannsins Ronaldinho hjá Barcelona segir 80-90% líkur á því að leikmaðurinn gangi í raðir AC Milan á Ítalíu í sumar.