Alan Smith í byrjunarliði Man Utd

Leikur Manchester United og Roma hefst klukkan 18:45 og verður sýndur beint á Sýn. Búið er að tilkynna byrjunarliðin og þar vekur athygli að Alan Smith er í framlínu United og Darren Fletcher leysir Paul Scholes af hólmi á miðjunni.

Hermann meiddist í jafntefli Charlton og Reading

Íslendingaliðin Charlton og Reading gerðu markalaust jafntefli í ensku úrvalsdeildinni í kvöld þar sem landsliðsmaðurinn Hermann Hreiðarsson þurfti að yfirgefa völlinn í fyrri hálfleik vegna meiðsla. Hermann haltraði af velli og virtist þjáður, en ekki er vitað hversu alvarleg meiðsli hans eru.

Wenger sáttur en Roeder brjálaður

Arsene Wenger, stjóri Arsenal, er sannfærður um að lærisveinar sínir nái hinu dýrmæta fjórða sæti úrvalsdeildarinnar, sem gefur sæti í Meistaradeildinni, þrátt fyrir að liðið hafi ekki náð að sigra í síðustu fjórum deildarleikjum sínum. Glen Roeder, stjóri Newcastle, var æfur út í dómara leiksins fyrir að loka augunum fyrir því sem hann taldi augljósa vítaspyrnu.

Liverpool mun sækja til sigurs

Liverpool mun alls ekki vanmeta PSV og mun liðið sækja til sigurs í síðari viðureign liðanna í undanúrslitum Meistaradeildarinnar á miðvikudag, að því er knattspyrnustjórinn Rafael Benitez heldur fram. Liverpool hefur 3-0 forystu frá því í fyrri leiknum en Benitez minnir á slíkt forskot sé vel hægt að missa og bendir á úrslitaleik Liverpool og AC Milan fyrir tveimur árum.

Hermann og Ívar byrja - Brynjar á bekknum

Hermann Hreiðarsson er í byrjunarliði Charlton og Ívar Ingimarsson er á sínum stað í miðri vörn Reading en liðin eigast nú við í kvöldleik ensku úrvalsdeildarinnar. Brynjar Björn Gunnarsson þarf hins vegar að sætta sig við að sitja á varamannabekk Reading þrátt fyrir að hafa skorað og staðið sig vel gegn Liverpool á laugardaginn.

Slagæð skarst og blóðið spýttist út

James Vaughan, hinn ungi framherji Everton, varð fyrir því óláni að rífa slagæð í vinstri fæti í leiknum við Bolton í dag eftir tæklingu frá Abdoulaye Meite. Atvikið leit afar illa út enda spýttist blóðið hreinlega úr fæti leikmannsins í fyrstu. Hann var borinn af velli en verður þó ekki lengi frá, að því er stjórinn David Moyes segir.

Valencia óttast Drogba og Shevchenko

Varnarmaðurinn Emiliano Moretti hjá Valencia segir að framherjar Chelsea, þeir Andriy Shevchenko og Didier Drogba, séu þeir sem geta komið í veg fyrir að spænska liðið fari í undanúrslit Meistaradeildar Evrópu. Moretti segir að leikmenn Valencia hafa góðar gætur á þeim félögum ef ekki á illa að fara í síðari leik liðanna á morgun.

Vieira saknar Englands

Patrick Vieira, hinn franski miðjumaður Inter á Ítalíu, hefur viðurkennt að hann sakni ensku úrvalsdeildarinnar. Fyrst og fremst er það ástríða stuðningsmanna ensku liðanna sem hann sér eftir, en Vieira segir hana ekki vera til staðar á Ítalíu. Vieira hefur þrívegis mætt á Emirates-leikvanginn og fylgst með sínum gömlu félögum.

Newcastle og Arsenal skildu jöfn

Arsenal náði aðeins jafntefli gegn Newcastle í viðureign liðanna í ensku úrvalsdeildinni og er nú búið að hleypa Bolton óþarflega nálægt sér í baráttunni um fjórða sæti deildarinnar, það síðasta sem gefur sæti í Meistaradeild Evrópu. Arsenal til happs náði Bolton sömuleiðis aðeins jafntefli gegn Everton í dag, en einu stigi munar á milli liðanna.

Bjartsýni ríkir í herbúðum Real Madrid

Leikmenn og forráðamenn Real Madrid segja að sjálfstraustið í herbúðum liðsins sé afar gott um þessar mundir og að menn hafi fulla trú á því að liðið geti komið í veg fyrir að Barcelona vinni spænska meistaratitilinn þriðja árið í röð. Sóknarmaðurinn Robinho og Ramon Calderon, forseti félagsins, eru mjög bjartsýnir.

Heiðar byrjar hjá Fulham

Heiðar Helguson er í byrjunarliði Fulham sem tekur á móti Manchester City í ensku úrvalsdeildinni í knattspyrnu í dag. Heiðar er í fremstu víglínu liðsins ásamt Bandaríkjamanninum Brian McBride.

Zamora spilar sárþjáður

Alan Curbishley hjá West Ham segir að leikmenn sínir séu að fórna sér fyrir félagið á þessum lokaspretti ensku úrvalsdeildarinnar. Margir þeirra séu sárþjáðir af meiðslum og þurfi á stífri meðferð að halda fyrir hvern leik en allir vilji þeir leggja sitt af mörkum til að bjarga liðinu frá falli. Curbishley nafngreindi Bobby Zamora sérstaklega í þessu samhengi.

Watford lagði Portsmouth af velli

Botnlið Watford lagði Portsmouth af velli, 4-2, í fjörugum markaleik á heimavelli sínum í ensku úrvalsdeildinni í dag. Portsmouth komst yfir í upphafi leiksins en Watford sýndi mikinn karakter og svaraði með fjórum mörkum.

Berger heillaði O´Neill upp úr skónum

Martin O´Neill, stjóri Aston Villa, hefur viðurkennt að frammistaða Tékkans Patrik Berger í viðureign liðsins gegn Blackburn á laugardag hafi heillað hann upp úr skónum. Framtíð Berger hjá Villa hefur verið í mikilli óvissu en það má með sanni segja að hann hafi nýtt tækifærið sem hann fékk í byrjunarliðinu um helgina til fullustu.

Mourinho: Pressan er á Man. Utd.

Jose Mourinho, knattspyrnustjóri Chelsea, hefur aðvarað kollega sinn hjá Manchester United, Sir Alex Ferguson, með því að segja að nú sé pressan öll á þeim rauðklæddu. Segja má að Mourinho sé formlega búinn að hefja sálfræðistríðið sem verður væntanlega í gangi næstu vikurnar.

Leikurinn gegn Chelsea skiptir miklu máli

Alex Ferguson, knattspyrnustjóri Manchester United, segir að það geti vel farið svo að leikur sinna manna gegn Chelsea á Stamford Bridge í byrjun maí geti farið langt með að ráða úrslitum ensku úrvalsdeildinnar í ár. Aðeins þremur stigum munar á liðunum í dag en Man. Utd. hefur mun betri markatölu, sem getur skipt miklu máli þegar uppi er staðið.

Maradona er alkohólisti

Goðsögnin Diego Armando Maradona er alkohólisti og þarf á stífri meðferð að halda. Þetta segir yfirlæknir sjúkrahússins sem fyrrum argentínski landsliðsfyrirliðinn hefur dvalið á síðustu 10 daga. Maradona mun líklega útskrifast af sjúkrahúsinu í vikunni eftir að hafa verið lagður inn vegna óhóflegrar áfengisdrykkju.

Tevez vill gera allt fyrir stuðningsmennina

Argentínski framherjinn Carlos Tevez hefur gefið sterklega í skyn að hann vilji vera áfram í herbúðum West Ham á næsta tímabili. Tevez segir stuðningsmenn West Ham vera engum líkir og að þeirra vegna vilji hann vera hjá félaginu í mörg ár til viðbótar.

Allt í járnum í spænsku úrvalsdeildinni

Mikil spenna er hlaupin í spænsku úrvalsdeildina í knattspyrnu eftir að Real Madrid sigraði Osasuna í kvöld á sama tíma og Sevilla náði aðeins markalausu jafntefli gegn Racing Santander á heimavelli sínum. Barcelona er því enn á toppnum, með eins stigs forskot á Sevilla, en á tvö stig á Real Madrid.

Ferguson: Chelsea mun misstíga sig

Alex Ferguson, stjóri Manchester United, hefur litlar áhyggjur af minnkandi forskoti sinna manna á toppi ensku úrvalsdeildarinnar, en eftir tap liðsins gegn Portsmouth í gær munar aðeins þremur stigum á Man. Utd. og Chelsea. Ferguson býst fastlega við því að Chelsea eigi eftir að tapa stigum í þeim leikjum sem eftir eru.

Beckham segir Ronaldo að vera áfram hjá Man. Utd.

David Beckham hefur ráðlagt portúgalska vængmanninum Cristiano Ronaldo að fara ekki frá Manchester United þar sem hann sé með knattspyrnustjóra þar sem kann best allra að höndla leikmenn sem hafa lent í mótlæti, líkt og því sem Ronaldo varð fyrir eftir leik Englands og Portúgals á HM í sumar.

Eiður kom inn á í tapleik Barcelona

Eiður Smári Guðjohnsen lék síðustu 25 mínúturnar fyrir Barcelona sem tapaði fyrir Real Zaragoza í spænsku úrvalsdeildinni í fótbolta í kvöld. Zaragoza vann 1-0 en það var argentínski framherjinn Diego Milito sem skoraði eina mark leiksins. Barcelona er áfram með tveggja stiga forystu á Sevilla á toppi deildarinnar en síðarnefnda liðið á leik til góða.

Neill: Eggert seldi mér hugsjón sína

Lucas Neill, hinn ástralski varnarmaður West Ham, segir að ef hugsjón og áætlanir Eggert Magnússonar með West Ham gangi eftir muni ekki líða á löngu þar til stórliðin fjögur í Englandi munu fá einn keppinaut til viðbótar – West Ham.

Man. Utd. tapaði óvænt fyrir Portsmouth

Manchester United mistókst nú síðdegis að auka forystu sína á toppi ensku úrvalsdeildarinnar í sex stig á ný en þá tapaði liðið óvænt fyrir Portsmouth á útivelli, 2-1. Aðeins þremur stigum munar nú á Man. Utd. og Chelsea og bendir margt til þess að um hálfgerðan úrslitaleik um titilinn verði að ræða þegar liðin mætast innbyrðis í næsta mánuði.

Benitez hafði litla trú á Finnan í fyrstu

Rafael Benitez, knattspyrnustjóri Liverpool, hefur viðurkennt að hann hafði stórar efasemdir um að írski bakvörðurinn Steve Finnan væri nægilega góður fyrir Liverpool þegar hann tók við liðinu fyrir tæpum þremur árum. Benitez segir Finnan hafa sýnt gríðarlegar framfarir síðan þá og telur hann nú lykilmann í sínu liði.

Wenger: Þetta er ótrúlegt

Arsene Wenger, stjóri Arsenal, átti bágt með að skilja hvernig lærisveinar hans fóru að því að tapa á móti West Ham í ensku úrvalsdeildinni í dag eftir að hafa haft fádæma yfirburði nánast allan leikinn. Wenger segir úrslitin “ótrúleg” en Alan Curbishley, stjóri Charlton, hrósaði varnarleik sinna manna í hástert.

Trezeguet vill vera áfram hjá Juve

Franski framherjinn David Trezeguet hefur lýst yfir ánægju sinni í herbúðum Juventus á Ítalíu og vill helst af öllu vera áfram hjá liðinu á næsta tímabili. Trezeguet hefur þannig skipt um skoðun frá því í haust, en eftir að Juve var dæmt til að spila í B-deildinni á Ítalíu í ár vildi sá franski ólmur fara burt frá félaginu.

Theódór Elmar kom ekkert við sögu

Theódór Elmar Bjarnason, unglingalandsliðsmaður í knattspyrnu, sat á varamannabekknum hjá Celtic allan leiktímann og kom ekkert við sögu þegar liðið sigraði Motherwell í skosku úrvalsdeildinni í dag.

West Ham lagði Arsenal á útivelli

Íslendingaliðið West Ham vann frækinn og jafnframt gríðarlega mikilvægan útisigur á Arsenal í ensku úrvalsdeildinni í dag og er liðið nú aðeins tveimur stigum frá því að komast úr fallsæti. Brynjar Björn Gunnarsson skoraði mark Reading í 2-1 tapi liðsins gegn Liverpool en hann og Ívar Ingimarsson léku báðir allan leikinn fyrir lið sitt í dag.

Mourinho ánægður með sigurgöngu Chelsea

Jose Mourinho, knattspyrnustjóri Chelsea, er afar ánægður með hvernig lærisveinar sínir eru að spila um þessar mundir en með sigrinum á Tottenham í dag heldur liðið áfram að pressa á Man. Utd. í toppbaráttu úrvalsdeildarinnar. Mourinho segir Man. Utd. heppið að hafa sleppt við heimsókn til Stamford Bridge um næstu helgi.

Ferguson: Örlögin eru í okkar höndum

Alex Ferguson var á heimspekilegu nótunum á blaðamannafundi fyrir leik Man. Utd. og Portsmouth í ensku úrvalsdeildinni í dag og sagði að örlög liðsins í ár væru í höndum síns og leikmanna liðsins. Ferguson fullyrðir að ef leikmenn náði að forðast það að fara á taugum á lokasprettinum sé meistaratitilinn þeirra.

Munurinn kominn niður í þrjú stig

Aðeins þremur stigum munar á Man. Utd. og Chelsea í toppslag ensku úrvalsdeildarinnar í knattspyrnu, en síðarnefnda liðið bar sigurorð af grönnum sínum og erkifjendum í Tottenham í dag, 1-0. Það var portúgalski varnarmaðurinn Richardo Carvalho sem skoraði sigurmarkið í síðari hálfleik. Man. Utd. á leik til góða gegn Portsmouth síðar í dag.

Curbishley vill halda Tevez

Knattspyrnustjóri West Ham, Alan Curbishley, hefur greint frá því að hann vilji halda argentínska sóknarmanninum Carlos Tevez í herbúðum liðsins á næsta ári, jafnvel þó að West Ham falli úr úrvalsdeildinni. Eftir erfiða byrjun hefur Tevez verið að spila mjög vel í síðustu leikjum liðsins.

Ribery má fara frá Marseille

Franski landsliðsmaðurinn Franck Ribery hefur greint frá því að hann hafi náð samkomulagi við stjórnarformann Marseille um að hann megi yfirgefa liðið í sumar. Talið er að fjölmörg lið munu beina sjónum sínum að Ribery í ljósi þessara yfirlýsinga leikmannsins, til dæmis Arsenal, Manchester United, Bayern Munchen og Real Madrid.

Everton valtaði yfir Fulham

Everton lögðu Fulham sannfærandi á Goodison Park í seinni leik dagsins í ensku úrvalsdeildinni, 4-1. Carlos Bocanegra kom Fulham yfir snemma leiks en það varð ekki til annars en að kveikja duglega í Evertonmönnum sem settu þrjú mörk áður en hálfleikurinn var úti. Það voru Lee Carsley, Alan Stubbs og James Vaughan sem skoruðu mörkin.

Charlton ekki lengur í fallsæti

Charlton lyftu sér úr fallsæti með markalausu jafntefli gegn Manchester City í fyrri leik dagsins í ensku úrvalsdeildinni. Það var fátt um fína drætti í leiknum sem einkenndist af varnarleik á báða bóga. Hermann Hreiðarsson lék allan tímann í vörn Charlton. Charlton eru fyrir vikið með jafn mörg stig og Sheffield United og sama markamun en hafa skorað meira og eru því í sautjánda sæti en Sheffield í því átjánda.

Terry segir að Chelsea geti enn unnið titilinn

John Terry, fyrirliði Englandsmeistara Chelsea er sannfærður um að liðið eigi enn möguleika á að ná Manchester United og standa uppi sem Englandsmeistarar þriðja árið í röð. Chelsea er sem stendur sex stigum á eftir Manchester. Chelsesa mætir Tottenham á morgun en Tottenham hafa verið á mikilli siglingu undanfarið.

Enskir stuðningsmenn enn til vandræða

Enskir stuðningsmenn komust annan daginn í röð í fréttirnar fyrir ólæti sín á erlendri grundu í kvöld þegar fylgismenn Tottenham flugust á við óeirðalögreglu í Sevilla. Til harðra átaka kom á áhorfendabekkjunum á meðan leik stóð, en þeir höfðu reyndir verið með ólæti fyrir utan leikvöllinn nokkru áður en leikurinn hófst.

Tottenham lá í Sevilla

Tottenham tapaði 2-1 fyrir Sevilla í fyrri leik liðanna í 8-liða úrslitum Evrópukeppni félagsliða í kvöld. Robbie Keane kom enska liðinu yfir eftir rúma mínútu, en fyrrum leikmaður Tottenham, Freddie Kanoute, jafnaði skömmu síðar. Alexander Kerzhakov skoraði sigurmark spænska liðsins eftir 36 mínútur.

Grétar Rafn verður í banni í Þýskalandi

Landsliðsmaðurinn Grétar Rafn Steinsson verður í leikbanni í síðari leik AZ Alkmaar og Werder Bremen í Evrópukeppni félagsliða. Grétar fékk að líta gula spjaldið á 75. mínútu leiks í kvöld og fer því í bann vegna gulra spjalda. Staðan í leiknum er enn jöfn 0-0 en leikurinn hefur verið mjög skemmtilegur engu að síður.

Sevilla yfir í hálfleik

Sevilla hefur yfir 2-1 gegn Tottenham á heimavelli þegar flautað hefur verið til hálfleiks í fyrri viðureign liðanna í 8-liða úrslitum Evrópukeppni félagsliða. Robbie Keane kom gestunum yfir á 2. mínútu en fyrrum leikmaður Tottenham Freddie Kanoute jafnaði skömmu síðar. Það var svo Alexander Kerzhakov sem kom heimamönnum yfir á 36. mínútu. Leikurinn er sýndur beint á Sýn Extra og á VefTV hér á Vísi.

Reyes fór úr axlarlið

Spænski landsliðsmaðurinn Jose Antonio Reyes hjá Real Madrid fór úr axlarlið á æfingu liðsins í dag og því verður ekkert af endurkomu hans í liðið í bráð. Reyes hafði verið meiddur á hné og átti að snúa aftur í hóp liðsins um næstu helgi. Hann er lánsmaður frá enska liðinu Arsenal.

Tottenham getur jafnað met í kvöld

Fyrri leikirnir í fjórðungsúrslitum Evrópukeppni félagsliða fara fram í kvöld. Leikur Sevilla og Tottenham verður sýndur beint á Sýn Extra og þar getur enska liðið jafnað met Parma og Gladbach með níunda sigri sínum í röð í keppninni. Útsending frá leiknum hefst klukkan 18:30.

United fordæmir ofbeldi rómversku lögreglunnar

Forráðamenn knattspyrnufélagsins Manchester United hafa fordæmt vinnubrögð lögreglu á leik Roma og Manchester United í gærkvöldi og saka lögleglumenn á leikvanginum um að bregðast og hart við ólátum stuðningsmanna og beita þá ofbelti. Ellefu stuðningsmenn enska liðsins slösuðust í átökunum og þar af þurftu tveir að liggja á sjúkrahúsi í nótt.

Scholes fær eins leiks bann

Miðjumaðurinn Paul Scholes hjá Manchester United þarf að taka út eins leiks bann fyrir rauða spjaldið sem hann fékk að líta í leiknum gegn Roma í gær. Hann var þegar kominn í eins leiks bann vegna gulra spjalda þegar hann fékk fyrri áminninguna í gær, en hann verður enn einu gulu spjaldi frá banni þegar hann snýr til baka úr banninu eftir síðari leikinn við Roma.