Róbert: Vantaði stöðugleika í liðið

Róbert Gunnarsson segir að íslenska liðið hafi vantað allan stöðugleika á EM þegar Arnar Björnsson náði tali af honum eftir tapið gegn Spánverjum í dag.

Alfreð: Þetta voru vonbrigði

Alfreð Gíslason var að vonum vonsvikinn eftir tapið gegn Spánverjum í dag. Arnar Björnsson á Stöð 2 náði tali af honum eftir leikinn og spurði hann hvað hefði farið úrskeiðis.

Þjóðverjar í undanúrslitin

Það verða Þjóðverjar sem fara í undanúrslitin á EM upp úr milliriðli 2 ásamt Frökkum. Það varð ljóst í kvöld eftir 31-29 sigur Þjóðverja á Svíum. Leikurinn var í járnum allan tímann en taugar heimsmeistaranna héldu í lokin.

Hamilton baunar á Alonso

Lewis Hamilton sendi fyrrum félaga sínum Fernando Alonso hjá McLaren litla pillu í viðtali í dag þegar hann var spurður út í samband sitt við Spánverjann.

Danir í undanúrslitin

Danir tryggðu sér í kvöld öruggt sæti í undanúrslitum EM í handbolta með sannfærandi sigri á Slóvenum 28-23 í Stafangri. Lars Christiansen skoraði 8 mörk fyrir Dani og Lasse Boesen 6. Kasper Hvidt varði 15 skot í markinu.

Adebayor sleppur

Enska knattspyrnusambandið hefur ritað framherjanum Emmanuel Adebayor hjá Arsenal áminningu um að haga sér vel í framtíðinni eftir að hann virtist slá til félaga síns Nicklas Bendtner í bikarleiknum gegn Tottenham á dögunum. Hann sleppur því við leikbann.

BMW í vanda

Það hefur sýnt sig að BMW liðið hefur ekki verið á því flugi sem liðið ætlaði eftir að hafa frumsýnt bíla sína. Liðsmenn BMW voru ekki meðal fremstu manna á Valencia brautinni í dag, þar sem Finnarnir Kimi Raikkönen á Ferrari og Heikki Kovalainen á McLaren voru fljótastir og nýliðinn Kazuki Nakajima á Williams þriðji.

Ungverjar lögðu Frakka

Ungverjar lögðu Frakka 31-28 í milliriðli 2 á EM í kvöld. Sigurinn fleytir Ungverjum í þriðja sæti riðilsins en Frakkarnir höfðu að litlu að keppa í leikjnum enda þegar búnir að tryggja sér sæti í undanúrslitunum.

Pólverjar völtuðu yfir Svartfellinga

Pólverjar unnu mjög sannfærandi stórsigur á Svartfellingum í milliriðli 1 á EM í dag 39-23. Mateusz Jachlewski skoraði 6 mörk fyrir Pólverjaen og markvörðurinn Slawomir Szmal varði 21 skot. Petar Kapisoda skoraði 6 fyrir Svartfellinga.

Alltaf hræddur um að missa Berbatov

Juande Ramos, stjóri Tottenham, segist ekki anda rólegur fyrr en félagaskiptaglugginn lokast í ljósi mikillar umræðu um áhuga nokkurrra stórliða á framherjanum Dimitar Berbatov.

Dómi yfir Donaghy frestað

Dómi yfir fyrrum körfuboltadómaranum Tim Donaghy hefur verið frestað fram í apríl, en hann er ákærður fyrir að hafa veðjað á leiki og látið upplýsingar af hendi um leiki í NBA deildinni í kring um árið 2003. Hann á yfir höfði sér allt að 25 ára fangelsi og 30 milljóna sekt.

Burley tekinn við Skotum

George Burley var í dag ráðinn landsliðsþjálfari Skota í knattspyrnu eftir að hann fékk sig lausan frá Southampton. Burley hefur þegar sett stefnuna á að koma Skotum á HM í knattspyrnu árið 2010.

Óli Stef: Hálfgerður skandall

"Við ætluðum að reyna að spila góðan leik og sýna okkar rétta andlit í dag, en það gekk ekki. Fyrri hálfleikurinn var allt í lagi en síðari hálfleikurinn var skandall," sagði Ólafur Stefánsson fyrirliði íslenska landsliðsins í samtali við Rúv eftir tapið gegn Spánverjum á EM.

Alfreð hættur með landsliðið

Alfreð Gíslason er hættur að þjálfa íslenska landsliðið í handknattleik. Hann tilkynnti þetta á blaðamannafundi eftir leik Íslendinga og Spánverja á EM nú áðan.

Garcia fer í dag frá Noregi

Jaliesky Garcia hefur lokið þátttöku á EM í Noregi og heldur í dag frá Noregi til læknisrannsókna.

Ísland úr leik eftir tap fyrir Spáni

Ísland tapaði í dag fyrir Spánverjum á lokaleik sínum á EM í handbolta með átta marka mun. Ísland lendir því í neðsta sæti 2. milliriðils.

Sigfús ekki með í dag

Sigfús Sigurðsson getur ekki leikið með íslenska liðinu gegn Spáni í dag á EM í handbolta.

Danskt dómarapar dæmir leik Íslendinga

Þeir Per Olesen og Lars Ejby Pedersen dæma leik Íslendinga og Spánverja í dag. Aron Kristjánsson, einn sérfræðinga Vísis um EM í handbolta, þekkir vel til þeirra.

Alfreð: Heiner má gefa mér bjór í þakkarskyni

Þjóðverjar og Svíar eru Íslendingum afskaplega þakklátir fyrir sigurinn á Ungverjum í gær. Sigur Íslands á Ungverjaland gerði það að verkum að viðureign liðanna í kvöld er hreinn úrslitaleikur um sæti í undanúrslitum EM í Noregi.

Carroll lánaður til Derby

Roy Carroll var í dag lánaður frá Rangers í Skotlandi til enska úrvalsdeildarliðsins Derby til loka tímabilsins.

Mikið undir í leikjum dagsins

Vísir tekur hér saman hvað er undir í leikjum dagsins á Evrópumeistaramótinu í handbolta sem fer fram í Noregi.

Danir í heljargreipum fyrir leiki dagsins

Það ríkir gríðarleg spenna í 1. milliriðli á EM í handbolta þar sem fjögur lið eiga öll möguleika á því að komast áfram í undanúrslitin.

Ísland í bláu búningunum í dag

Íslenska landsliðið keppir í bláu landsliðsbúningum sínum í dag sem veit á gott miðað við gengi liðsins hingað til í keppninni.

Öskubuskan komin í úrslitin

Jo-Wilfried Tsonga er nýjasta stjarnan í tennisheiminum eftir að hann lagði Rafael Nadal í undanúrslitum opna ástralska meistaramótsins í tennis í dag.

Gylfi æfir með Brann

Gylfi Einarsson æfir þessa dagana með norska úrvalsdeildarliðinu Brann en hann hefur verið samningslaus síðan í haust.

Sharapova og Ivanovic í úrslitin

Maria Sharapova og Ana Ivanovic tryggðu sér í nótt sæti í úrslitum einliðaleiks kvenna á opna ástralska meistaramótinu í tennis.

Ísland gæti komist í undankeppni ÓL í dag

Ísland gæti tryggt sér sæti í undankeppni Ólympíuleikanna í Peking í dag ef Þýskaland, Danmörk og Króatía vinna leiki sína á EM í handbolta í dag.

Aftur lá Phoenix fyrir Minnesota

Það var mikið fjör í NBA deildinni í körfubolta í nótt þegar tólf leikir voru á dagskrá. Lélegasta lið deildarinnar, Minnesota Timberwolves, gerði sér lítið fyrir og lagði Phoenix Suns í annað skiptið í vetur.

Stórbrotinn sigur á Ungverjum

Ísland vann í kvöld frábæran sigur á Ungverjalandi, 36-28, á Evrópumótinu í handbolta í Noregi.

Sáttur við að vera á leið í úrslitin

Chelsea hefur ekki tapað nema tveimur leikjum undir stjórn Avram Grant síðan hann tók við liðinu af Jose Mourinho og hann hrósaði sínum mönnum eftir sigurinn á Everton í deildarbikarnum í kvöld.

Keflavík burstaði Grindavík

Keflavíkurstúlkur smelltu sér í kvöld upp að hlið Grindavíkur og KR á toppi Iceland Express deildarinnar með stórsigri á grönnum sínum í Grindavík 95-72. KR lagði Fjölni á útivelli 68-58.

Óli Stef: Þetta lagar ekki mótið

Ólafur Stefánsson var ánægður með sigurinn á Ungverjum á EM í kvöld en vill bíða með yfirlýsingar þangað til eftir leikinn gegn Spánverjum á morgun.

Áfall fyrir Norðmenn

Ekki er hægt að segja að kvöldið í kvöld hafi verið gestgjöfum Norðmanna á EM sérstaklega gott því nú er ljóst að línumaðurinn sterki Frank Løke getur ekki spilað meira með liðinu eftir að hann meiddist á hné í tapleiknum gegn Slóvenum.

Milan tapaði fyrir Atalanta

Atalanta skellti sér í sjötta sæti ítölsku A-deildarinnar í knattspyrnu í kvöld með 2-1 sigri á Evrópumeisturum AC Milan. Heimamenn lentu undir í leiknum þegar skot Gennaro Gattuso hrökk af varnarmanni og í netið, en þeir Antonio Langella og Fernando Tissone tryggðu Atalanta sigurinn.

Manucho skoraði fyrir Angóla

Angóla og Suður-Afríka skildu jöfn 1-1 í síðari leik kvöldsins í Afríkukeppninni í knattspyrnu. Manucho, sem er á leið til Manchester United, kom Angóla yfir með laglegum skalla í fyrri hálfleik, en Elrio van Heerden jafnaði fyrir Suður-Afríku í þeim síðari.

Voru afslappaðir og sýndu sitt besta

„Þetta er mikill léttir. Fyrst og fremst fyrir Alfreð, strákana og alla þá sem eru í kringum liðið. Svo líka fyrir alla þá sem hafa áhuga á handbolta,“ sagði Patrekur Jóhannesson, einn þriggja sérfræðinga Vísis um EM í handbolta.

Chelsea og Tottenham leika til úrslita

Það verða Lundúnaliðin Chelsea og Tottenham sem leika til úrslita í enska deildarbikarnum. Chelsea lagði Everton 1-0 á Goodison Park í kvöld í síðari viðureign liðanna í undanúrslitunum og vinnur því samanlagt 3-1. Það var Joe Cole sem skoraði sigurmark Chelsea í síðari hálfleiknum í kvöld.

Gott að koma einu sinni brosandi á hótelið

"Við vorum búnir að vera skelfilegir í leikjunum á undan þannig að auðvitað var gott að ná upp góðum leik og koma einu sinni heim á hótelið með bros á vör," sagði Snorri Steinn Guðjónsson í samtali við Rúv eftir sigurinn á Ungverjum í kvöld. Hann skoraði 11 mörk í leiknum og var besti maður íslenska liðsins ásamt Hreiðari Guðmundssyni markverði.

Hlakkar til að takast á við Spánverjana

"Ég verð að viðurkenna það að mér líður öllu betur núna en eftir síðustu leiki. Ég er mjög ánægður með hvernig liðið spilaði og það var gaman að sjá liðið loksins spila vel í 60 mínútur," sagði Alfreð Gíslason landsliðsþjálfari í samtali við Rúv eftir glæsilegan sigur íslenska landsliðsins á Ungverjum á EM í kvöld.

Slóvenar skelltu Norðmönnum

Slóvenar unnu í kvöld óvæntan sigur á heimamönnum Norðmönnum í milliriðli 1 á EM 33-29. Þetta þýðir að Norðmenn eru enn í þriðja sæti riðilsins með 5 stig en Slóvenar eru komnir með 4 stig.

Beckham er ekki til sölu

Alexi Lalas, forseti LA Galaxy, segir ekki koma til greina að David Beckham verði seldur frá félaginu. Orðrómur komst á kreik í gær um að Newcastle hefði hug á að kaupa Beckham, en hann hefur verið þaggaður niður af bæði Newcastle og Galaxy.

Túnisar og Senegalar skildu jafnir

Þrumufleygur Mejdi Taroui var nóg til að tryggja Túnisum 2-2 jafntefli gegn Senegal í Afríkukeppninni í kvöld. Túnisar komust yfir í leiknum með marki frá Issam Jooma, en Moustapha Sall og Diomansy Kamara komu Senegal yfir. Það var svo Taroui sem jafnaði fyrir Túnisa í lokin en Senegalar voru mun betri í leiknum.

Ísland kemst ekki í leikinn um 5.-6. sætið

Nú er það endanlega ljóst að Ísland getur ekki náð þriðja sætinu í 2. milliriðli á EM í handbolta og getur því ekki spilað um 5.-6. sætið á mótinu.

Danir burstuðu Pólverja

Danir unnu í dag stórsigur á Pólverjum í milliriðli 1 á EM í handbolta 36-26 eftir að hafa verið fjórum mörkum yfir í hálfleik. Lasse Boesen skoraði 8 mörk fyrir Dani og Lars Christiansen skoraði 6, en Mariusz Jurasik var með 7 mörk hjá Pólverjum.

Frakkar í undanúrslit

Evrópumeistarar Frakka tryggðu sér í kvöld sæti í undanúrslitunum á EM í handbolta með því að leggja heimsmeistara Þjóðverja 26-23 í hörkuleik í Þrándheimi.