Halldór skaut Fylki áfram

Halldór Hilmisson var hetja Fylkismanna þegar þeir báru sigurorð af ÍA, 3-1, í framlengdum leik á Fylkisvelli í átta liða úrslitum VISA-bikars karla í fótbolta. Staðan var jöfn, 1-1, eftir venjulegan leiktíma en Halldór skoraði bæði mörk Fylkis í framlengingunni, fyrst á 99. mínútu og gulltryggði síðan sigurinn á 116. mínútu. Sigur Fylkismanna markar ákveðin tímamót því fyrir leikinn var Guðjón Þórðarson, þjálfari Skagamanna, ósigraður í 20 bikarleikjum í röð.

Rooney með sprungu í beini

Wayne Rooney, framherji Manchester United og enska landsliðsins, er með sprungu í beini á vinstri fæti og verður væntanlega frá í nokkrar vikur. Hann lenti í samstuði við Michael Duberry, varnarmann Reading, undur lok fyrri hálfleiks í leik liðanna í ensku úrvalsdeildinni í dag og varð að fara af velli fljótlega eftir það.

Woods vann 13. titilinn

Tiger Woods sýndi enn eina ferðina og sannaði að aðrir kylfingar komast ekki með tærnar þar sem hann hefur hælana þegar hann bar sigur úr býtum á bandaríska PGA-meistaramótinu á Southern Hill-golfvellinum í Oklahoma. Woods vann þar með sinn 13. stórmótstitil. Woods, sem hafði þriggja högga forystu fyrir lokahringinn, lék hringina fjóra á 272 höggum, tveimur höggum minna en Woody Austin og þremur minna en Suður Afríkubúinn Ernie Els.

Framlengt hjá Fylki og ÍA

Framlengja þarf leik Fylkis og ÍA á Fylkisvellinum í VISA-bikar karla í fótbolta en staðan eftir venjulegan leiktíma var jöfn, 1-1. Fylkismenn komust yfir á 4. mínútu með sjálfsmarki Skagamannsins Guðjóns Heiðars Sveinssonar en Björn Bergmann Sigurðsson jafnaði metin fyrir ÍA á 41. mínútu.

Blikar í undanúrslit

Breiðablik er komið í undanúrslit VISA-bikars karla í fótbolta eftir öruggan sigur á Keflavík, 3-1, á Kópavogsvelli. Staðan var markalaus í hálfleik en Blikar voru miklu sterkari í síðari hálfleik. Árni Kristinn Gunnarsson kom Blikum yfir á 62. mínútu, Prince Rajcomar bætti öðru marki við á 74. mínútu og Keflvíkingurinn Baldur Sigurðsson varð síðan fyrir því óláni að skora sjálfsmark á 80. mínútu. Pétur Heiðar Kristjánsson skoraði eina mark Keflavíkinga á 85. mínútu.

Cavs vilja Allan Houston

Cleveland Cavs eru nú á höttunum eftir skotbakverðinum Allan Houston sem gerði garðinn frægan á árum áður með New York Knicks. Houston var neyddur til að leggja skóna á hilluna fyrir tveimur árum vegna hnémeiðsla. Hann er nú búinn að jafna sig á meiðslunum og segist ólmur í að komast aftur í NBA deildina.

Markalaust jafntefli á Old Trafford

Englandsmeistararnir í Manchester United náðu ekki að innbyrða sigur í fyrsta leik sínum á nýju tímabili. Reading, einum manni færri eftir að Paul Kitson var vísaði af velli á 71. mínútu, pökkuðu í vörn og ætluðu sér aldre annað en jafntefli í leiknum. Íslendingarnir Ívar Ingimarsson og Brynjar Björn Gunnarsson stóðu sig mjög vel í leiknum.

Stian Pedersen tvöfaldur heimsmeistari

Gríðarlega harðri keppni var að ljúka í töltinu á HM í Hollandi og var það Stian Pedersen sem sigraði eftir dramatíska keppni með 8.56 í aðaleinkunn á Jarl frá Miðkrika og er hann því tvöfaldur heimsmeistari en hann sigraði fjórganginn fyrr í dag.

Eggert ekki búinn að gera tilboð í Eið Smára

Eggert Magnússon stjórnarformaður West Ham segir rangt að félagið sé búið að gera tilboð í Eið Smára Guðjohnsen. Eggert staðfesti þó í viðtali við Sýn tvö að félagið sé á höttunum eftir Eiði. Arnar Björnsson hitti Eggert á Upton Park í gær.

Tiger með þriggja högga forystu

Tiger Woods hefur þriggja högga forystu fyrir lokahringinn á PGA meistaramótinu í golfi. Aðeins fimm kylfingar eru undir pari vallarins.

Ajax sigraði PSV Eindhoven 1-0

Ajax bar sigurorð af PSV Eindhoven í árlegum úrslitaleik um ofurbikarinn í Hollandi þegar liðin áttust við í Amsterdam í gær. Leikurinn jafnast á við góðgerðarskjöldinn á Englandi og markar upphaf keppnistímabilsins þar í landi en um þennan titil keppa ávalt ríkjandi Hollandsmeistarar og bikarmeistarar.

Toulouse lagði Frakklandsmeistara Lyon

Toulouse sem mætir Liverpool í forkeppni Meistaradeildarinnar í vikunni, gerði sér lítið fyrir og lagði Frakklandsmeistara Lyon þegar liðin mættust í frönsku úrvalsdeildinni í gær.

Arsenal innbyrði sigur á síðustu mínútunum

Nú rétt í þessu var að ljúka leik Arsenal og Fulham og Emirates vellinum í Norður-London. Arsenal sigraði 2-1 með tveimur mörkum á síðustu sex mínútum leiksins. Áður hafði David Healy komið Fulham yfir eftir slæm mistök Jen Lehman í marki Arsenal. Mörk Arsenal skoruðu Robin Van Persie úr vítaspyrnu á 83. mínútu og Aleksander Hleb á 89. mínútu

Jolly Schrenk er heimsmeistari í slaktaumatölti

Jolly Schrenk er heimsmeistari í slaktaumatölti á Laxness vom Stördal með 8.50, en keppni var að ljúka núna á HM í Hollandi. Jolly átti frábæra sýningu og ekki vantaði fagnið hjá þjóðverjunum í áhorfendastúkunni þegar úrslitin voru kunn. Í öðru sæti varð Eyjólfur Þorsteinsson á Hárek frá Vindási með 8.29.

Chelsea vann Birmingham naumlega

Chelsea vann nú rétt í þessu nauman sigur á nýliðum Birmingham. Forsell kom Birmingham yfir áður en Malouda og Pizzaro svöruðu fyrir Chelsea. Kapo jafnaði þá fyrir Birmingham áður en Essien tryggði sínum mönnum sigur með góðu marki á 49. mínútu. Lokatölur 3-2

Mannlífið á HM íslenska hestsins

Mannlífið á HM í Hollandi er engu líkt og er talið að um 13.000 manns séu á svæðinu þennan loka dag mótsins. Fjölnir Þorgeirsson ljósmyndari Hestafrétta tók púlsinn á fólkinu og er ekki annað að sjá en að allir séu í topp formi og allir glaðir.

Bergþór tvöfaldur heimsmeistari í skeiði

Bergþór Eggertsson var í þessu að vinna 100m skeiðið á Lótus van Aldenghoor með 7.63. Þetta er annar heimsmeistaratitill Begga en hann vann einnig 250m skeiðið. Í öðru sæti varð Emelie Romland á Mjölnir frá Dalbæ með tímann 7.71 og í þriðja sæta höfnuðu Nicole Mertz og Óðinn von Moorflur með tímann7.73. Siggi Sig endaði í fimmta sæti á Flugari frá Holtsmúla.

Þórarinn Eymundsson er heimsmeistari í fimmgangi

Þórarinn Eymundsson var að vinna fimmganginn á heimsmeistaramótinu í Hollandi á undrahestinum Kraft frá Bringu með 8.10. Sýning Þórarinns var nokkuð góð og fékk hann m.a 9,17 fyrir tölt en fetið var frekar slakt en hann fékk aðeins 5.15. Í öðru sæti var Frauke Schenzel á Næpu vom Kronshof með 7.52 og í þriðja sæti hafnaði Piet Hoyos og Kvist frá Ólafsvöllum með 7.38.

Stian Pedersen heimsmeistari í fjórgangi

Stian Pedersen átti frábæara sýningu í fjórgangi á heimsleikum í Hollandi í dag og vann örugglega á hesti sínum Jarl frá Miðkrika með einkunina 8.60. Jarl og Stian fengu 9.50 fyrir yfirferðatöltið og voru fagnaðarlætin gríðarleg eftir sýninguna.

Gerrard tryggði Liverpool sigur

Litlu munaði að Liverpool tapaði tveimur stigum á Villa Park í dag eftir að Gareth Barry breytti stöðu leiksins í 1-1 skömmu fyrir leikslok. Það hefðu orðið afar ósanngjörn úrslit þar sem Liverpool stjórnaði leiknum lengst af og var mun betra liðið. Aðdáendur þeirra önduðu þó léttar skömmu síðar þegar Steven Gerrard tryggði sínum mönnum sigur með stórkostlegu skoti beint úr aukaspyrnu. Lokatölur því 2-1. Liverpool leiðir í hálfleik með einu marki gegn engu í leik sinum við Aston Villa sem nú fer fram fer á Villa Park í Birmingham. Það var Daninn Martin Laursen sem var svo óheppinn að koma Liverpool yfir með sjálfsmarki á 31. mínútu. Markið kom eftir fyrirgjöf frá Dirk Kuyt en skömmu áður hafi Fernando Torres látið verja frá sér í dauðafæri.

Stjórarnir um úrslit dagsins:

Sjáðu hvað knattspyrnustjórnarnir hafa að segja um leiki dagsins. Jol, Moyes, Redknapp, Sven og Sammy Lee á Vísi. Smelltu á meira hér fyrir neðan og fáðu að vita hvað gekk upp og hvað fór úrskeiðis í leikjum dagsins.

Nwosu ekki meira með Fram í sumar

Knattspyrnumaðurinn Henry Nwosu sem gekk til liðs við Fram í Landsbankadeildinni um síðustu mánaðarmót, leikur ekki meira með liðinu í sumar. Nwosu meiddist illa í leik Fram og ÍA á fimmtudagskvöld og hefur komið í ljós að leikmaðurinn er með slitið krossband.

Hvetur Eið til að leita á önnur mið

Yfirmaður knattspyrnudeildar hjá Barcelona hvetur Eið Smára Guðjohnsen til að leita á önnur mið. Hann segir ákvörðun Eiðs um að vera áfram hjá félaginu, slæma ákvörðun.

Valur áfram í Evrópukeppninni

Kvennlið Vals vann rétt í þessu stórsigur á færeyska liðinu KÍ. Leikurinn endaði 6-0 fyrir Val eftir algjöra einstefnu að marki KÍ allan leikinn. Með sigrinum tryggðu Valsstúlkur sig áfram í keppninni því áður höfðu þær sigra Finnska liðið FC Honka og hagstæð úrslit í öðrum leikjum í dag gera það að verkum að úrslit þriðja og síðasta leik Vals í keppninni skipta ekki lengur máli.

Úrslit dagsins í Enska

Manchester City vann góðan 2-0 sigur á West Ham rétt í þessu. Rolando Bianchi kom Man City yfir eftir 17. mínútna leik. Markið kom eftir frábæran einleik hjá Elano Gomer sem sendi hann svo fyrir markið á Bianchi sem potaði honum inn af stuttu færi. Bæði Gomer og Bianchi eru að leika sinn fyrsta leik fyrir Man City. West Ham reyndu hvað þeir gátu að jafna en City sló smiðshöggið á leikinn þegar Geovanni skoraði gott mark tveim mínútum fyrir leikslok.

Hermann í byrjunarliðinu - Heiðar á bekknum

Hermann Hreiðarsson er í byrjunarliði Portsmouth sem nú leikur á móti Derby County. Það blæs ekki byrlega fyrir Hermann og félaga því Matt Oakley kom Derby yfir eftir fimm mínútna leik. Heiðar Helguson situr á bekknum hjá Bolton sem leikur nú gegn Newcastle.

Sunderland sigraði Tottenham

Nú er nýlokið leik Sunderland og Tottenham. Honum lauk með 1-0 sigri nýliðana í Sunderland. Það var Michael Chopra sem skoraði sigurmarkið þegar þrjár mínútur voru komnar yfir venjulegan leiktíma.

Spáð í spilin: Middlesbrough v Blackburn

Hér er á ferðinni afar forvitnilegur leikur. Bæði liðin voru að berjast um miðja deild í fyrra og eru staðráðinn í að endurtaka ekki þann leik. Þau vilja stefna hærra. Af þessum tveimur liðum segja spekingar að Blackburn séu líklegri að ná takmarki sínu. Þeir hafa styrkt sig töluvert á meðan Gareth Southgate virðist eiga í vandræðum með að fóta sig á leikmannamarkaðnum.

Spáð í spilin: Everton v Wigan

Sparkspekingar eru á einu máli um að hlutskipti þessara liði verði ansi ólíkt á tímabilinu. Wigan rétt náði að bjarga sér frá falli í fyrra á meðan Everton tryggði sér Evrópusæti. Wigan hefur ekki styrkt sig nægilega í sumar til að geta átt von á öðru en fallbaráttu í vetur en Everton menn eru til alls líklegir.

Bergþór er Heimsmeistari í 250m skeiði á Lótus

Keppni í 250m skeiði var að ljúka á heimsleikum íslenska hestsins í Hollandi. Bergþór Eggertsson er Heimsmeistari á Lótus van Aldenghoor með tímann 21.55 en það er tíminn sem hann fékk í gær. Í öðru sæti er Sigursteinn Sumarliðason á Kolbein frá Þóroddsstöðum sem er þegar orðin heimsmeistari í gæðingaskeiði. Emelie Romland hafnaði í þriðja sæti á Mjölni frá Dalbæ með tímann 21.77.

Spáð í spilin: Derby County v Portsmouth

Veðmangarar í Englandi eru allir á einu máli um að Derby County verði það lið sem fái fæst stig í ensku deildinni í vetur. Það er reyndar þannig að Derby lítur á þetta tímabil sem tækifæri til að leiðrétta afar slæma fjárhagsstöðu klúbssins og bindur ekki miklar vonir við að halda sér uppi.

Spáð í spilin: Bolton v Newcastle

Á Reebok Stadium mætast liðin hans Sam Allardyce. Þó hann sé hættur að þjálfa Bolton og tekin við Newcastle velkist ekki nokkur maður í vafa um hversu mikilla áhrifa Allardyce enn gætir hjá hans gamla liði.

Spáð í spilin: West Ham v Man City

Á Upton Park í dag mætast tvö lið sem ætla sér mun stærri hluti á þessu tímabili eftir erfitt tímabil í fyrra. West Ham bjargaði sér ekki frá falli fyrr en í síðasta leik í fyrra og Man. City skoraði ekki mark á heimavelli eftir jól. En nú eru nýjir tímar. Bæði liðin hafa eytt grimmt í nýja leikmenn og ætla að verða í efri hluta deildarinnar í ár.

Spáð í spilin: Sunderland v Tottenham

Fyrsti leikur tímabilsins er á milli þeirra liða sem hvað mesta eftirvæntingu hafa vakið. Tottenham er það lið sem talið er eiga mestu möguleikana á að brjótast sér leið að efstu fjórum sætunum sem að öllu jöfnu virðast vera frátekin fyrir United, Chelsea Liverpool og Arsenal. Sunderland er svo það lið af nýliðunum sem talið er eiga mestu möguleikanan á að halda sér í úrvalsdeildinni.

B úrslitum í T1 og T2 lokið á HM

B úrtslit í Tölti T1 og T2 var að ljúka hér í Hollandi en keppni hófst í morgun. Helena Aðalsteinsdóttir var efst í töltinu með 7.61 og mætir með hest sinn Seth fra Nøddegården í A- úrslit á morgun. Sömu sögu er að segja frá slaktaumatöltinu en þar var efst Eva-Karin Bengtsson á Kyndil frá Hellulandi með 7.50 og mætir hún þá í A – úrslit á morgun.

Nýtt blað um enska boltann

Í dag kom út nýtt eintak af íþróttablaðinu Sport sem fylgt hefur Fréttablaðinu mánaðarlega frá því í febrúar. Að þessu sinni er blaðið, sem er 24 síður, helgað enska boltanum.

Ecclestone tilbúinn að kaupa Arsenal

Formúlumógúllinn Bernie Eccelstone lýsir því yfir við The Times í dag að hann myndi kaupa Arsenal í dag ef það væri til sölu. Ecclestone hefur verið orðaður við yfirtöku en ljóst er að ekki verður af henni fyrr en í fyrsta lagi í apríl á næsta ári þar sem fimm stærstu hluthafar félagsins hafa komist að samkomulagi um að hreyfa ekki sinn hlut fyrr en þá. Ecclestone ásælist hlut fimmmenninganna enda vill hann ráða öllu þar sem er.

Frábær spilamennska hjá Woods

Tiger Woods hefur tveggja högga forystu á Scott Verplank frá Bandaríkjunum eftir tvo hringi á PGA-meistaramótinu í golfi sem fram fer á Southern Hills Country Club-vellinum í Oklahoma. Woods hefur leikið hringina tvo á sex höggum undir pari en hann fór á kostum í gær og spilaði þá á 63 höggum eða sjö höggum undir pari sem er vallarmet.

Dyer á leið til West Ham eftir allt

The Times heldur því fram að vef sínum að Kieron Dyer sé á leið til West Ham eftir allt en félagskipti hans til Íslendingaliðsins West Ham runnu út í sandinn í vikunni eftir að Newcastle hækkaði verðmiðann á honum um tvær milljónir punda á elleftu stundu. Útlit er fyrir að málamiðlun náist þar sem Sam Allardyce, knattspyrnustjóri Newcastle, hefur lítil not af leikmanni sem vill komast burt af persónulegum ástæðum og er hataðaur af stuðningsmönnum liðsins.

W.B.A. kaupir Pele

West Bromwich Albion hefur keypt miðjumanninn Pele frá Southampton fyrir eina milljón punda. Pele skrifaði undir tveggja ára samning við félagið með möguleika á að bæta við þriðja árinu. Pele þótti standa sig mjög vel á sínu fyrsta ári hjá Southampton í fyrra.

Petit hefur áhyggjur af Arsenal

Emmanuel Petit, fyrrverandi miðjumaður franska landsliðsins og Arsenal, hefur áhyggjar af því lið Arsenal nái ekki meistaradeildarsæti á komandi leiktímabili. Hann segir að liðið sé búið að selja of marga leikmenn. Thierry Henry, Freddie Ljungberg og Jose Antonio Reyes hafa allir verið seldir á meðan stjórinn hefur aðeins keypt Eduardo da Silva og Bakari Sagna.

Taylor frá í mánuð

Varnarmaðurinn sterki hjá Birmingham, Matthew Taylor, mun missa af fyrsta mánuði tímabilsins vegna meiðsla. Taylor reif magavöðva í síðustu viku og mun gangast undir aðgerð á mánudaginn. Taylor spilaði stórt hlutverk fyrir Birmingham á síðasta tímabili þegar Birmingham vann sér inn sæti í ensku úrvalsdeildinni og hlaut að launum nýjan þriggja ára samning við félagið í apríl.

Wenger hefur trú á sínum mönnum

Arsene Wenger, knattspyrnustjóri Arsenal, er sannfærður um að lið hans hafi það sem þurfi til að berjast um efsta sætið í ensku úrvalsdeildinni sem hefst á morgun. „Við búum yfir miklum innri styrk. Ég hef það á tilfinningunni að við munum gera góða hluti, sama hvað aðrir segja,“ sagði Wenger.

Chelsea landar Alex

Chelsea hefur loksins náð að landa brasilíska varnarmanninum Alex frá PSV Eindhoven. Chelsea hefur lengi reynt að fá leikmanninn og eftir þrjú ár í Hollandi hefur hann loksins fengið atvinnuleyfi í Englandi. Alex hefur staðist læknisskoðun hjá félaginu og hefur skrifað undir þriggja ára samning.

Fjórir leikir í fyrstu deild karla í kvöld

Fjórir leikir fara fram í 15 umferð 1. deildar karla í kvöld. Þróttur R. fer norður og mætir KA, Fjölnir heimsækir Leiknir, Stjarnan tekur á móti ÍBV og Víkingur Ó. tekur á móti Grindavík. Leikirnir hefjast allir klukkan 19:00.