Valur áfram í Evrópukeppninni

Kvennlið Vals vann rétt í þessu stórsigur á færeyska liðinu KÍ. Leikurinn endaði 6-0 fyrir Val eftir algjöra einstefnu að marki KÍ allan leikinn. Með sigrinum tryggðu Valsstúlkur sig áfram í keppninni því áður höfðu þær sigra Finnska liðið FC Honka og hagstæð úrslit í öðrum leikjum í dag gera það að verkum að úrslit þriðja og síðasta leik Vals í keppninni skipta ekki lengur máli.

Margrét Lára Viðarsdóttir skoraði tvö mörk, þar af eitt úr víti. Rakel Logadóttir, Guðný Óðinsdóttir, Katrín Jónsdóttir fyrirliði og Nína Óka Kristjánsdóttir skoruðu svo sitt markið hvor.