Solskjær ætlar að spila út næstu leiktíð

Norski markaskorarinn Ole Gunnar Solskjær hjá Manchester United hefur gefið það út að hann muni að öllum líkindum leggja skóna á hilluna eftir næsta keppnistímabil. Hann er 34 ára gamall og samningur hans við félagið rennur út sumarið 2008.

Eiður Smári elskar lífið í Barcelona

Frank Lampard greindi í dag frá samtölum sem hann hafi átt við fyrrum félaga sinn hjá Chelsea, Eið Smára Guðjohnsen, þar sem Eiður hafi dásamað veru sína í Katalóníu. Lampard viðurkennir að það sé freistandi kostur fyrir knattspyrnumann að spila á Spáni.

Pele: Of snemmt að kalla Ronaldo besta leikmann heims

Brasilíska knattspyrnugoðsögnin Pele segir að enn sé of snemmt að kalla Cristiano Ronaldo hjá Manchester United besta leikmann heims. Pele segir að hann verði að spila tvö til þrjú ár í viðbótar á pari við það sem hann hefur sýnt í vetur til að geta talist einn af þeim bestu.

Helmingslíkur á að Owen mæti Chelsea

Glenn Roeder, stjóri Newcastle, metur stöðuna þannig að um helmingslíkur séu á því að Michael Owen snúi til baka úr meiðslum og komi við sögu í leik liðsins gegn Chelsea á sunnudaginn. Owen hefur ekki spilað leik í 10 mánuði vegna hnémeiðsla, en á þar að auki við smávægileg nárameiðsli að stríða.

Wenger fer ekki frá Arsenal

Peter Hill-Wood, stjórnarformaður Arsenal, segir að Arsene Wenger muni verða knattspyrnustjóri liðsins áfram þrátt fyrir að David Dein hafi farið frá félaginu í gær vegna samstarfsörðugleika við aðra stjórnarmenn. Dein var ábyrgur fyrir því að ráða Wenger til félagsins árið 1996.

Stuðningsmenn West Ham grýttu rútu Chelsea

Leikmenn Chelsea fengu óblíðar móttökur í gær þegar þeir mættu á Upton Park til að spila við granna sína í West Ham í ensku úrvalsdeildinni. Múrsteini var grýtt inn um rúðu bílsins sem flutti Chelsea á svæðið. Frank Lampard, fyrrum leikmaður West Ham, vildi ekki gera mikið úr atvikinu.

Messi eða Maradona? (myndband)

Fátt komst annað að í spænskum fjölmiðlum í dag en draumamarkið sem Leo Messi skoraði fyrir Barcelona á móti Getafe í gærkvöldi. Spænska blaðið Marca sló upp fyrirsögninni "Messidona" og líkti drengnum við landa sinn Maradona. Hér fyrir neðan er hægt að bera saman bestu mörk þeirra Messi og Maradona og þar sést hvað þau eru glettilega keimlík.

Deildarkeppnin búin í NBA - Allt klárt fyrir úrslitakeppnina

Síðasta umferðin í deildarkeppni NBA fór fram í nótt og þar réðist hvaða lið mætast í úrslitakeppninni sem hefst á laugardaginn. Segja má að ótrúlegar breytingar hafi átt sér stað í síðustu umferðinni, því nokkur lið höfðu sætaskipti á lokasprettinum.

Draumamark Leo Messi tilþrif ársins? (myndband)

Argentínumaðurinn Leo Messi hjá Barcelona fór hamförum í leik liðsins gegn Getafe í spænska Konungsbikarnum í kvöld. Hann skoraði tvö mörk og lagði upp eitt, en annað markið hans er trúlega mark ársins. Tilþrif hans minntu óneitanlega á tilþrif landa hans Diego Maradona gegn Englendingum á HM 1986, en það er almennt talið fallegasta mark allra tíma. Hinn 19 ára gamli Messi hefur oft verið nefndur hinn nýi Maradona og á þessum tilþrifum má glöggt sjá af hverju.

Engin úrslitakeppni í handboltanum

Ársþing Handknattleikssambands Íslands var haldið í kvöld og voru þar nokkrar áhugaverðar breytingatillögur uppi á borðinu. Tillaga Hafnafjarðarliðanna Hauka og FH um fjölgun liða í deildinni og úrslitakeppni var dregin til baka. Mótinu verður þó breytt nokkuð og nánar verður greint frá því hér á Vísi í fyrramálið.

Guðjón með 9 mörk í tapi Gummersbach

Guðjón Valur Sigurðsson skoraði 9 mörk og Róbert Gunnarsson eitt þegar Íslendingalið Gummersbach tapaði 41-36 fyrir Kronau/Östringen í þýsku úrvalsdeildinni í handbolta í kvöld. Minden tapaði heima fyrir Magdeburg 27-24 þar sem Snorri Steinn Guðjónsson skoraði 8 mörk og Einar Örn Jónsson 2. Lemgo lagði Lubbecke 38-29 þar sem Ásgeir Örn Hallgrímsson skoraði 2 mörk og Logi Geirsson 1.

Eiður Smári skoraði í stórsigri Barcelona

Barcelona er í ágætum málum eftir fyrri leik sinn gegn Getafe í undanúrslitum spænska Konungsbikarsins. Barcelona vann 5-2 og var Eiður Smári Guðjohnsen í byrjunarliði Barcelona í kvöld. Það var hinsvegar Argentínumaðurinn Leo Messi hjá Barcelona sem stal senunni að þessu sinni, en hann skoraði tvö mörk og lagði eitt upp. Mikið má vera ef síðara mark kappans verður ekki mark ársins í Evrópu þegar upp er staðið.

Öruggt hjá Chelsea

Chelsea vann í kvöld öruggan 4-1 útisigur á grönnum sínum í West Ham í ensku úrvalsdeildinni og minnkaði um leið forskot Manchester United niður í þrjú stig á toppnum. West Ham er nú komið í verulega vond mál í botnbaráttunni. Liverpool lagði Middlesbrough 2-0 með mörkum Steven Gerrard og Blackburn vann Watford 3-1.

Myndir af nýjasta húðflúri David Beckham

Knattspyrnumaðurinn David Beckham hefur verið iðinn við að láta húðflúra sig undanfarin ár. Hann bætti við stóru listaverki á hægri handlegg sinn þegar hann var í Manchester á dögunum og afraksturinn má sjá í hlekk í þessari frétt.

Miðvikudagsslúðrið á Englandi

Bayern Munchen hefur tilkynnt forráðamönnum Manchester United að enski landsliðsmaðurinn Owen Hargreaves sé falur á 18 milljónir punda í sumar. Daily Mail segir Rafa Benitez vera að undirbúa tilboð í vængmanninn Simao Sabrosa hjá Benfica.

Logi Gunnarsson til Spánar

Landsliðsmaðurinn Logi Gunnarsson sem leikið hefur með finnska körfuboltaliðinu ToPo í Helsinki í vetur, hefur skrifað undir samning við spænska liðið Gijon sem leikur í 1. deildinni þar í landi. Logi mætir á æfingu hjá liðinu annað kvöld og meiningin er að hann verði með liðinu í úrslitakeppninni strax á föstudag. Þetta kemur fram á vef Víkurfrétta í kvöld, en þar er einnig stutt viðtal við kappann.

Klinsmann orðaður við Chelsea

Jurgen Klinsmann, fyrrum landsliðsþjálfari Þjóðverja, er nýjasta nafnið sem orðað hefur verið við knattspyrnustjórastöðuna hjá Chelsea ef Jose Mourinho hættir hjá félaginu. Franz Beckenbauer segir að Klinsmann gæti gert góða hluti á Englandi.

Real neitar að hafa rætt við Benitez

Forráðamenn Real Madrid vísa því á bug í dag að hafa boðið Rafa Benitez hjá Liverpool að taka við liðinu í sumar. Benitez greindi frá því í gær að hann hefði neitað risatilboði frá stórliðinu í heimaborg sinni.

Veisluhöldum aflýst í Mílanó

Inter Milan náði ekki að tryggja sér ítalska meistaratitilinn í dag eins og til stóð þegar liðið steinlá 3-1 á heimavelli fyrir Roma. Þetta var fyrsta tap Inter á leiktíðinni en liðið hefur þó enn mjög örugga forystu á toppnum. Roma fór langt með að tryggja sér annað sætið í deildinni með sigrinum. AC Milan burstaði Ascoli 5-2 á útivelli og tryggði stöðu sína í fjórða sætinu, sem gefur sæti í Meistaradeildinni.

Raikkönen: Hefði átt að vinna allar keppnirnar

Finninn Kimi Raikkönen hjá Ferrari segir að slakur árangur sinn í tímatökum hafi einn komið í veg fyrir að hann sigraði í öllum þeim þremur keppnum sem afstaðnar eru á árinu í Formúlu 1. Finninn er í efsta sæti ökuþóra ásamt heimsmeistaranum Fernando Alonso og nýliðanum Lewis Hamilton.

David Dein hættur hjá Arsenal

David Dein, varastjórnarformaður enska knattspyrnufélagsins Arsenal, hætti störfum hjá félaginu í dag. Félagið hefur gefið út yfirlýsingu í kjölfarið þar sem fram kemur að þessi ráðstöfun tengist ekki fyrirhuguðu yfirtökutilboði ameríska auðjöfursins Stan Kroenke í félagið.

Lewis Hamilton getur orðið sá besti

Martin Whitmarsh, yfirmaður McLaren liðsins í Formúlu 1, segir að Bretinn ungi Lewis Hamilton geti vel orðið besti ökuþór í sögunni. Hamilton hefur vakið heimsathygli fyrir að komast á verðlaunapall í fyrstu þremur mótum sínum sem aðalökumaður.

Coleman: Áfall að vera rekinn frá Fulham

Chris Coleman segir að það hafi verið sér mikið áfall þegar hann var rekinn frá enska úrvalsdeildarfélaginu Fulham á dögunum. Hann hafði verið hjá félaginu í áratug, fyrst sem leikmaður, þá þjálfari og loks knattspyrnustjóri. Hann segist ekki vera gramur út í sína fyrrum félaga og vonar að þeir sleppi við fall.

Mickelson gefur 17 milljónir þriðja árið í röð

Phil Mickelson verður ekki á meðal keppenda á Zurich Classic of New Orleans mótinu um helgina en hann verður sannarlega með í huganum. Phil og Amy Mickelson góðgerðarsjóðurinn mun gefa þriðja árið í röð peningaupphæð til uppbyggingarstarfsemi á svæðinu eftir hörmulegar afleiðingar fellibyljarins Katrina, alls 250.000 Bandaríkjadali, um 17 milljónir íslenskra króna.

63 sigrar í röð á leir hjá Nadal

Spænski tenniskappinn Rafael Nadal vann í dag 63. leik sinn í röð á leirvelli þegar hann burstaði Juan Ignacio Chela 6-3 og 6-1 í annari umferð Monte Carlo Masters mótsins í dag. Nadal hefur unnið sigur á mótinu tvö ár í röð og er sem fyrr í öðru sæti heimslistans á eftir Roger Federer. Sigurganga Nadal á leir er sú lengsta í sögunni.

Heiðar á fimm yfir pari í Danmörku

Heiðar Davíð Bragason, atvinnukylfingur úr Kili, lauk leik á fimm höggum yfir pari(+5) í Vejle í Danmörku í dag á móti sem er hluti af Scanplan mótaröðinni.Heiðar Davíð byrjaði illa í dag en svaraði svo með þremur fuglum í röð.

EM 2012: Niðurstaðan kom Ítölum ekki á óvart

Talsmenn ítalska knattspyrnusambandsins sögðu það ekki koma sér á óvart í dag þegar Ítalir gripu í tómt þegar tilkynnt var hver hreppti Evrópumót landsliða í knattspyrnu árið 2012. Það kom í hlut Pólverja og Úkraínumanna að halda mótið, en áföll sem riðið hafa yfir ítalska knattspyrnu á síðasta ári gerðu það að verkum að þar í landi voru menn ekki sérlega bjartsýnir á að fá að halda mótið.

FIFA: Íslenska landsliðið í frjálsu falli

Nýr styrkleikalisti FIFA var gefinn út í morgun og þar kemur ekki á óvart að íslenska landsliðið hefur fallið um 11 sæti síðan listinn var gefinn út síðast. Liðið er nú í 97. sæti listans, sem er sama sæti og það vermdi fyrir ári síðan. Heimsmeistarar Ítala eru í toppsætinu, Argentína í öðru, Brasilía í þriðja og Frakkar í fjórða. Nokkrir áhugaverðir hástökkvarar eru á listanum að þessu sinni.

Berlusconi: Við eigum 100 milljónir fyrir Ronaldinho

Silvio Berlusconi, forseti AC Milan á Ítalíu, segir að félagið hafi þegar lagt til hliðar 100 milljónir evra til að kaupa brasilíska snillinginn Ronaldinho frá Barcelona. Forsetinn lætur í það skína að félagið sé ekki langt frá því að ganga frá kaupum á leikmanninum og umboðsmaður Ronaldinho gerir ekkert til að draga úr þessum orðrómi - þó ekki væri til annars en að bæta stöðu hans í samningaviðræðum við Barcelona. Hann hefur enn ekki framlengt samning sinn við Katalóníurisann.

NBA: Mikil spenna í Vesturdeildinni

Nú er aðeins ein umferð eftir af deildarkeppninni í NBA og fer hún fram í kvöld. Gríðarleg spenna er í keppninni um síðustu sætin inn í úrslitakeppnina í Vesturdeildinni, þar sem Golden State stendur vel að vígi eftir sigur á Dallas í nótt.

EM í knattspyrnu í Póllandi og Úkraínu árið 2012

Pólland og Úkraína munu í sameiningu halda Evrópumótið í knattspyrnu árið 2012. Frá þessu greindi Knattspyrnusamband Evrópu í morgun. Ítalir höfðu einnig sóst eftir að halda mótið og sömuleiðis Króatía og Ungverjaland. Næsta mót, sem fram fer á næsta ári, fer hins vegar fram í Sviss og Austurríki.

Chelsea yfir gegn West Ham í hálfleik

Nú er kominn hálfleikur í leikjunum þremur sem standa yfir í ensku úrvalsdeildinni. Chelsea hefur yfir 2-1 gegn West Ham á Upton Park þar sem Shaun Wright-Phillips skoraði mörk gestanna en Carlos Tevez mark West Ham. Blackburn hefur yfir 3-1 gegn Watford og markalaust er hjá Liverpool og Middlesbrough.

Sýning hjá Messi á Nou Camp

Argentínumaðurinn ungi Leo Messi hjá Barcelona hefur farið hamförum í fyrri hálfleik gegn Getafe í spænska konungsbikarnum. Staðan er 3-0 í hálfleik í fyrri leik liðanna og er Messi búinn að skora tvö þeirra. Bæði mörkin voru stórglæsileg, en það fyrra minnti óneitanlega á markið sem landi hans Maradona skoraði fyrir Argentínu gegn Englendingum á HM í Mexíkó árið 1986. Leikurinn er sýndur beint á Sýn.

Barcelona komið í 2-0 - Eiður byrjar

Barcelona er komið í 2-0 gegn Getafe í fyrri leik liðanna í spænska konungsbikarnum en leikurinn er sýndur beint á Sýn. Eiður Smári Guðjohnsen er í byrjunarliðinu. Xavi kom Barcelona yfir eftir 18 mínútur og Messi kom liðinu í 2-0 með stórkostlegu marki á 28. mínútu.

Barcelona - Getafe í beinni í kvöld

Það verður nóg um að vera í fótboltanum í Evrópu í kvöld. Barcelona tekur á móti Getafe í fyrri leik liðanna í undanúrslitum Konungsbikarsins á Spáni og verður leikurinn sýndur beint á Sýn klukkan 18:25. Þrír leikir eru á dagskrá í ensku úrvalsdeildinni og ber þar hæst Lundúnaslagur West Ham og Chelsea. Liverpool fær Middlesbrough í heimsókn og Blackburn tekur á móti Watford. Þá getur Inter tryggt sér meistaratitilinn á Ítalíu með sigri á Roma í stórleik kvöldsins þar í landi.

Jerry West hættir hjá Memphis

Körfuboltagoðsögnin Jerry West tilkynnti í dag að hann ætlaði að hætta störfum sem framkvæmdastjóri Memphis Grizzlies í NBA deildinni í sumar. West er einn besti leikmaður í sögu NBA og gerði það gott hjá LA Lakers bæði sem leikmaður og síðar framkvæmdastjóri þar sem hann vann samtals 8 meistaratitla. Hann er 69 ára gamall og sagðist í yfirlýsingu vera orðinn of gamall til að snúast í hringiðu deildarinnar.

Forysta United komin í sex stig á ný

Manchester United náði sex stiga forystu á Chelsea á toppi ensku úrvalsdeildarinnar í kvöld þegar liðið vann 2-0 sigur á Sheffield United á heimavelli. Michael Carrick kom heimamönnum yfir eftir þrjár mínútur þegar hann afgreiddi sendingu Cristiano Ronaldo í netið og Wayne Rooney gerði út um leikinn með laglegu marki í upphafi síðari hálfleiks.

Arsenal í þriðja sætið eftir sigur á City

Arsenal skaust í kvöld í þriðja sæti ensku úrvalsdeildarinnar í knatspyrnu eftir sigur á frökku liði Manchester City 3-1 á Emirates vellinum í London.

Hver fær EM 2012?

Michel Platini, forseti Knattspyrnusambands Evrópu, mun á morgun tilkynna hvaða land hreppir Evrópumót landsliða í knattspyrnu árið 2012. Það verður tilkynnt við hátíðlegt tækifæri í Cardiff í Wales. Þrjú lönd koma til greina sem mótshaldarar en tvö tilboðanna eru frá löndum sem bjóða saman í verkefnið. Þetta eru Króatía/Ungverjaland, Ítalía og svo Pólland/Úkraína.

Sheringham spilar varla meira fyrir West Ham

Framerjinn Teddy Sheringham hjá West Ham segist reikna með því að hann hafi spilað sinn síðasta leik fyrir félagið. Hann hefur ekki spilað mínútu síðan í janúar og segir stjórann Alan Curbishley hafa tilkynnt sér að hann sé ekki í plönum hans í framtíðinni.

Jafnt á Emirates í hálfleik

Staðan í leik Arsenal og Manchester City er 1-1 þegar flautað hefur verið til leikhlés. Tomas Rosicky kom Arsenal yfir eftir 12 mínútur en DaMarcus Beasley jafnaði fyrir gestina skömmu fyrir hlé. Manchester United hefur yfir 1-0 gegn Sheffield United þar sem Michael Carrick skoraði á fjórðu mínútu. Patrice Evra fór af velli meiddur í fyrri hálfleik og er Kieran Richardson kominn í stöðu vinstri bakvarðar í hans stað.

Shevchenko vill frekar mæta Milan

Úkraínumaðurinn Andriy Shevchenko hjá Chelsea segist heldur vilja mæta AC Milan en Manchester United ef Chelsea nær að vinna sér sæti í úrslitaleik Meistaradeildarinnar í Aþenu. Svo gæti farið að Manchester United og Chelsea spiluðu þrjá úrslitaleiki á hálfum mánuði í vor.

Kuszczak stendur í marki United

Pólski markvörðurinn Tomasz Kuszczak stendur í marki Manchester United í kvöld þegar liðið tekur á móti Sheffield United. Darren Fletcher er enn í stöðu hægri bakvarðar vegna mikilla meiðsla í herbúðum liðsins. Arsenal tekur á móti Manchester City á Emirates leikvellinum þar sem liðið hefur aðeins tapað einu sinni í 24 leikjum.

NBA: Joey Crawford dómara vikið úr starfi

Joey Crawford, einni reyndasti dómarinn í NBA deildinni í körfubolta, var í dag leystur frá störfum um óákveðinn tíma vegna umdeilds atviks sem átti sér stað í leik Dallas og San Antonio á sunnudagskvöldið. David Stern, forseti deildarinnar, gaf út yfirlýsingu vegna málsins nú síðdegis.

Wenger: Við höfðum áhuga á Drogba

Arsene Wenger, stjóri Arsenal, segir að félagið hafi haft áhuga á að fá Didier Drogba í sínar raðir þegar hann lék með neðrideildarliðum í Frakklandi á sínum tíma, en ekkert hafi orðið úr því. Hann segir Drogba búa yfir nokkuð sérstakri reynslu sem nýtist honum vel í keppni meðal þeirra bestu.