Essien biður um að fá að fara

Michael Essien, hinn gríðarlega eftirsótti leikmaður Lyon, hefur grátbeðið stjórnarmenn félagsins um að fá að fara til Chelsea.

Reina ætlar sér byrjunarliðssæti

Markvörðurinn Jose Reina, nýjasti liðsmaður Evrópumeistara Liverpool, kveðst ætla að veit Jersey Dudek harða keppni um sæti í byrjunarliði liðsins á næstu leiktíð.

Essien á förum?

Michael Essien hefur gefið það út að hann vilji yfirgefa frönsku meistarana í Lyon og ganga til liðs við enska stórliðið Chelsea. Ensku meistararnir í Chelsea hafa mikinn áhuga á þessum 22 ára landsliðsmanni frá Ghana.

Bikarmeistarar ÍBV dottnir úr leik

Bikarmeistarar ÍBV eru dottnir úr leik í VISA-bikarkeppni kvenna. Þær lágu fyrir frískum Valskonum sem hreinlega yfirspiluðu ÍBV. Lokaniðurstaðan, 6-1 fyrir Val.

Valinn í úrvalslið Evrópumótsins

Ernir Arnarson úr Aftureldingu var valinn í úrvalsliðið á Opna Evrópumótinu í handbolta, skipað leikmönnum 19 ára og yngri, sem haldið er í Gautaborg. Hann var einnig valinn besta örvhenta skyttan. Íslenska liðið varð í 11. sæti, unnu Sviss 26-23 í lokaleiknum.

FH spilar í Evrópukeppninni í dag

FH mætir Neftchi frá Aserbaídsjan í dag og hefst leikurinn klukkan 14 að íslenskum tíma. Þetta er fyrri leikur liðanna. Takist FH að slá út Aserana mæta þeir Anderlecht, fyrrum liði Arnórs Guðjohnsen, í næstu umferð.

Einn fallinn á lyfjaprófi

Rússneski hjólreiðamaðurinn Jevgeni Petrov er hættur keppni í Frakklandshjólreiðunum, Tour de France. Petrov féll á lyfjaprófi en hann var í 45. sæti í keppninni, 7 mínútum og 35 sekúndum á eftir Þjóðverjanum Jan Voigt sem hefur forystu.

Stefán með sigurmark Norrköping

Skagamaðurinn Stefán Þórðarson skoraði sigurmark Norrköping þegar liðið lagði Falkenbergs að velli með tveimur mörkum gegn einu í sænsku 1. deildinni í knattspyrnu í gærkvöldi. Stefán, sem lék á miðjunni hjá Norrköping, var færður í sóknina í síðari hálfleik og hann skoraði á 58. mínútu.

FH-ingar eru undir

Neftchi frá Azerbadjan er komið í 1-0 gegn Íslandsmeisturum FH þegar 30 mínútur eru liðnar af leik Neftchi og FH í 1. umferð forkeppni Meistaradeildarinnar. Mark heimamanna kom úr víti.

FH-ingar undir í hálfleik

FH-ingar eru undir í hálfleik gegn Neftchi frá Azerbadjan 1-0 í 1.umferð forkeppni Meistaradeildar Evrópu en leikurinn fer fram í Baku í Azerbadjan. Mark Neftchi gerði Mammadov á 20. mínútu.

Fyrsti leikur Atla í kvöld

Atli Eðvaldsson stjórnar Þrótturum í fyrsta skipti í kvöld þegar lærisveinar hans taka á móti ÍA á Laugardalsvellinum í kvöld klukkan 19:15. Þróttur er í botnsæti deildarinnar á meðan ÍA siglir lygnan sjó í 5. sæti deildarinnar en með sigri geta þeir skotist í það fjórða.

FH enn undir

Nú þegar 70 mínútur eru liðnar af leik FH og Neftchi frá Azerbadjan er staðan 1-0 í 1.umferð forkeppni Meistaradeildar Evrópu en leikurinn fer fram í Baku í Azerbadjan. Mark Neftchi gerði Mammadov á 20. mínútu

FH tapaði í Azerbadjan

FH-ingar töpuðu fyrir Neftchi frá Azerbadjan 2-0 í 1.umferð forkeppni Meistaradeildar Evrópu en leikurinn fór fram í Baku í Azerbadjan.

Grindavík - Valur í kvöld

Valsmenn fara til Grindavíkur í kvöld og geta með sigri minnkað forystu FH-inga á toppi Landsbankadeildarinnar í knattspyrnu í 6 stig. Grindvíkingar sem nú eru í 7.sæti deildarinnar geta með sigri komist upp fyrir KR í 6. sætið.

Armstrong fyrstur í Tour de France

Lance Armstrong er aftur kominn í forystuna í Tour de France hjólreiðakeppninni sívinsælu. Í dag hjóluðu keppendur 183 kílómetra leið og þurftu að hjóla í frönsku ölpunum og þar fann Armstrong sig vel.

Harrington ekki með á Opna breska

Írski kylfingurinn Padraig Harrington tekur ekki þátt í opna breska meistaramótinu í golfi sem fram fer nú um helgina á St.Andrews vellinum. Faðir Harringtons lést í gær úr krabbameini og sagði talsmaður hans í samtali við fjölmiðla að Harrington vilji nota helgina til að vera með sinni nánustu fjölskyldu.

Þjálfaraskipti hjá Þór

Fyrstu deildarlið Þórs í knattspyrnu hefur skipt um þjálfara. Þeir Pétur Ólafsson og Júlíus Tryggvason sem þjálfuðu liðið hafa látið af störfum en við liðinu tekur Dragan Stojanovic sem hefur þjálfað yngri flokka félagsins.

Shaq líklega áfram hjá Miami

Viðræður forráðamanna NBA liðsins Miami Heat við aðalstjörnu sína Shaquille O´Neal ganga vel að sögn Pat Riley</person /> yfirmanns körfuboltamála hjá Miami. Shaq leiddi Miami til úrslita í Austurströndinni en liðið tapaði fyrir Detroit í sjö leikjum.

Boltavaktin í kvöld

Boltavakin verður í fullu gangi í kvöld hér á Vísi.is þegar 10.umferð Landsbankadeildar karla lýkur með tveimur leikjum. Annars vegar mætast Þróttur og ÍA á Lagardalsvelli og Grindavík og Valur hins vegar á Grindavíkurvelli. Leikirnir hefjast klukkan 19:15.

Nunez má fara frá Anfield

Rafael Benitez, knattspyrnustjóri Liverpool, hefur tilkynnt Spánverjanum Antonio Nunez að hann megi fara frá félaginu. Nunez, sem lék tuttugu og sjö leiki fyrir Liverpool í fyrra og skoraði í þeim eitt mark, var ekki inn í framtíðarskipulagi Benitez og er vonast eftir því að hann verði seldur aftur til Spánar.

Emre til Newcastle á föstudag

Tyrkneski landsliðsmaðurinn í knattspyrnu Emre Belozoglu gengur til liðs við Newcastle á föstudag ef marka má viðtal við Graeme Souness, knattspyrnustjóra liðsins við Sky sjónvarpsstöðina.

Jafnt í hálfleik í báðum leikjum

Markalaust er í leikjum Þróttar og ÍA á Laugardalsvelli og sömu sögu er að segja af leik Grindavíkur og Vals sem fram fer á Grindavíkurvelli. Leikirnir eru þeir síðustu í 10. umferð Landsbankadeildar karla. En vonandi reima leikmenn liðanna á sig markaskóna í hálfleik.

Figo til Inter?

Massimo Moratti, forseti itölsku bikarmeistaranna í Inter Milan, vill fá Portúgalann Luis Figo frá Real Madrid. Figo, sem Evrópumeistarar Liverpool höfði áhuga á allt þar til í gær, er nú að leita sér að nýju liði því krafta hans er ekki lengur óskað á Bernabeau.

Matthías búinn að koma Val yfir

Valur er komið í 1-0 gegn Grindavík. Matthías Guðmundsson gerði mark Valsmanna. Staðan er enn 0-0 á Laugardalsvelli í leik Þróttar og ÍA. Nú eru tæpar 10 mínútur eftir af leikjunum. Úrslit verða birt um leið og leikjunum lýkur en annars er hægt að fylgjast með hér á boltavaktinni.

Valur sigraði Grindavík

Valsmenn voru rétt í þessu að sigra Grindavík á útivelli með einu marki gegn engu í Landsbankadeild karla. Það var Matthías Guðmundsson sem gerði sigurmark Hlíðarendadrengja á 76. mínútu. Í Laugardalnum gerðu Þróttarar og Skagamenn markalaust jafntefli en þetta var fyrsti leikur Þróttar undir stjórn Atla Eðvaldsonar.

Derby County kemur til Íslands

Enska 1.deildarliðið í knattspyrnu, Derby County,er væntanlegt til Íslands seinna í mánuðinum og leikur við ÍA á Akranesvelli þann 19.júli n.k. Leikurinn er liður í undirbúningstímabili Derby County en liðinu gekk vonum framar á síðasta leiktímabili og komst í úrslitakeppnina en þar við sat.

Breiðablik,KR og Fjölnir áfram

Breiðablik, KR og Fjönir eru komin í undanúrslit Visa Bikar kvenna eftir sigra í kvöld. Breiðablik sigraði Keflavík 3-1. Fyrstu deildarlið Fjölnis sigraði Skagastúlkur 4-1 og loks sigraði KR lið Stjörnunnar 3-1 í Garðabæ. Auk þessara þriggja liða er Valur einnig komið í undanúrlit.

Mikið verk fyrir höndum hjá Atla

Þróttarar héldu hreinu í fyrsta leiknum undir stjórn Atla Eðvaldssonar en það dugði þó aðeins í eitt stig gegn Skagamönnum sem hafa haldið hreinu í 315 mínútur í Landsbankadeildinni. Leikur Þróttar og ÍA verður ekki lengi í minnum hafður. Bæði lið voru varkár í leik sínum og tóku ekki mikla áhættu og endaði leikurinn 0-0 í daufum leik.

Vertu velkominn Atli

<font face="Helv"> Köttarar skemmtu sér konunglega á Laugardalsvellinum í gær og sungu hina ýmsu söngva meðal annars „Vertu velkominn Atli," við lagið „Komdu í Kántrýbæ". Köttarar hvöttu líka Ólaf Þórðarson til að fara í sparifötin líkt og Atli en nýi þjálfari Þróttarar var mættur í sparifrakkann að sið Jose Mourinho. </font>

Greta Mjöll með þrennu fyrir Blika

Greta Mjöll Samúelsdóttir skoraði þrennu fyrir Breiðablik sem komst í kvöld í undanúrslit VISA-bikars kvenna. Breiðablik vann nýliða Keflavíkur 3-1 og hefur unnið alla tíu leiki sína í deild og bikar í sumar. 1. deildarlið Fjölnis kom líka á óvart og sló út úrvalsdeildarlið ÍA.

Engu að tapa í síðari leiknum

FH var í eldlínunni í Meistaradeild Evrópu í gær en mátti þola vont tap gegn Neftchi Baku í fyrri leiknum , 0-2. FH-liðið þarf því að vinna heimaleikinn eftir viku með þriggja marka mun en leikurinn í dag var sá fyrsti sem liðið tapar í sumar.

Þriðji sigur Valsmanna í röð

Matthías Guðmundsson tryggði Val 1-0 sigur í Grindavík með marki 14 mínútum fyrir leikslok en þetta var þriðji sigur liðsins í röð í Landsbankadeildinni.Heimamenn voru síst lakara liðið í leiknum og voru óheppnir að fá ekkert út út honum.

Upson vill fara til Liverpool

Varnarmaðurinn Matthew Upson hjá Birmingham hefur viðurkennt að hann renni hýru auga til Liverpool og telur að þar sé lykillinn að því að næla sér í landsliðssæti fyrir heimsmeistaramótið á næsta ári.

Mourinho samur við sig

Jose Mourinho er samur við sig þegar kemur að því að stríða kollegum sínum á Englandi í toppbáráttunni í úrvalsdeildinni og nú er hann byrjaður að senda þeim pillur í fjölmiðlum fyrir næstu leiktíð, þar sem hann segir Chelsea verða sterkara en nokkru sinni fyrr.

Viera fundar með Wenger í vikunni

Framtíð miðjumannsins franska, Patrick Viera hjá Arsenal, ræðst væntanlega í þessari viku, því hann hefur óskað eftir fundi með Arsene Wenger knattspyrnustjóra sínum til að ræða málin.

Schumacher vondaufur

Heimsmeistarinn Michael Schumacher segist vondaufur um að lausn á vandamálum Ferrari sé í sjónmáli og er afar vonsvikinn með bílinn eftir að hann þurfti að sætta sig við sjötta sætið á Silverstone um helgina.

Button vill bara það besta

Breski ökumaðurinn Jenson Button, sem talinn er líklegur til að yfirgefa herbúðir BAR-Honda liðið í formúlu eitt á næsta ári, segist ekki vilja fara til miðlungsliðs heldur aðeins þess besta.

O´Hair sigraði í Illinois

Bandaríkjamaðurinn Sean O´Hair sigraði á John Deere mótinu í golfi í Silvis í Illinois um helgina. O´Hair, sem er nýliði í PGA-mótaröðinni, lék á 16 undir pari en jafnir í öðru sæti urðu Bandaríkjamennirnir Hank Kuhne og Robert Damron.

Eyjamenn úr fallsæti

Eyjamenn lögðu Framara, 2-0, á Hásteinsvelli í Vestmannaeyjum í gær og komust þar með úr fallsæti í Landsbankadeildinni. Ian Jeffs skorði fyrra mark Eyjapeyja úr vítaspyrnu á 37. mínútu eftir að brotið hafði verið á Pétri Sigurðssyni.

Leikið í 1. deild og Visa-bikarnum

Einn leikur er í 1 deild karla í knattspyrnu í kvöld. Það er leikur nágrannanna í Kópavogi, Breiðabliks og HK. Þá er stórleikur í Visa-bikar kvenna í kvöld þegar bikarmeistarar ÍBV mæta Íslandsmeisturum Vals í 8-liða úrslitum. 

Malmö vann meistarana

Í sænsku úrvalsdeildinni í kvenna knattspyrnu sigraði lið Ásthildar Helgadóttur, Malmö, meistara síðasta árs Djurgården/Älvsjö, 1-0, í gær. Ásthildur átti góðan leik. Þá vann Umeå Mallbacken, 3-1, en með Mallbacken leikur Erla Steina Arnardóttir.

Þórður sýnir ÍA mikinn drengskap

Þórður Þórðarson, markvörður Landsbankadeildarliðs ÍA í knattspyrnu hefur farið fram á að samningi sínum við félagið verði rift. Þykir Þórður sýna mikinn drengskap gagnvart félaginu með þessari ákvörðun sinni en hann þurfti skyndilega að hætta knattspyrnuiðkun upp úr miðjum maí sl. vegna alvarlegra veikinda.

Liverpool hættir við Figo

Portúgalski landsliðsmaðurinn Luis Figo fer ekki til Liverpool eins og til hefur staðið en þetta staðfesti knattspyrnustjóri Liverpool, Rafael Benitez nú síðdegis. Krafta Figo er ekki lengur óskað hjá Real Madrid sem hafði gefið í skyn að leikmaðurinn sem á eitt ár eftir af samningi sínum við félagið mætti fara á frjálsri sölu.

Stabæk komnir á toppinn

Lið Veigars Páls Gunnarsonar, norska liðið Stabæk, tók forystu í 1. deild í Noregi í gær þegar liðið gerði markalaust jafntefli við Pors Grenland á útivelli. Veigar Páll lék síðustu 35 mínúturnar í leiknum.

Frakkar súrir út í Breta

Borgarstjóri Parísar, Bertrand Delanoe, er bitur eftir að hafa tapað ólympíuleikunum 2012 til London. Hann sakar Lundúnahópinn sem sótti um leikana um að hafa ekki farið eftir settum reglum IOC, alþjóðaólympíunefndarinnar, fyrir atkvæðagreiðsluna. Delanoe kveðst hafa séð meðlimi nefndarinnar fara inn á hótelsvítu Tony Blair í Singapore.