San Antonio 2 - Detroit 2

Það mætti aðeins eitt lið til leiks í nótt í fjórða leik Detroit og San Antonio í fjórða leik lokaúrslitanna, því strax frá byrjun var ljóst að heimamenn myndu valta yfir daufa gestina og jafna metin í einvíginu eftir slæm töp í fyrstu tveimur leikjunum. Lokastaðan 102-71.

Browne og Mediate með forystuna

Bandarísku kylfingarnir Olin Browne og Rocco Mediate hafa eins höggs forystu á Opna bandaríska meistaramótinu í golfi að loknum fyrsta hring. Þeir léku hringinn í gær á 67 höggum eða á þremur undir pari.

KA vann Víking

KA vann Víking í Víkinni með tveimur mörkum gegn engu í 1. deild karla í gær. Þór sigraði Völsung, 2-1, og Breiðablik, sem er á toppnum í deildinni með 18 stig, vann öruggan sigur á KS, 3-0, á Siglufirði.

Brassarnir burstuðu Grikki

Brasilía vann Grikkland með þremur mörkum gegn engu í Álfukeppninni í knattspyrnu í gær. Adriano, Robinho og Juninho skoruðu mörk Brasilíumanna. Fyrr í gær vann Japan Mexíkó með tveimur mörkum gegn einu.

Norsku stúlkurnar í úrslit

Noregur vann Svíþjóð með þremur mörkum gegn tveimur í undanúrslitum í Evrópukeppni kvennalandsliða í knattspyrnu á Englandi í gær. Norðmenn mæta Þjóðverjum í úrslitum á sunnudag.

TBR í úrslit í Evrópukeppninni

Íslandsmeistarar TBR í badminton leika í til úrslita í C-riðli í Evrópukeppni félagsliða. Þetta varð ljóst eftir að TBR sigraði Maccabi frá Ísrael með sex vinningum gegn einum í gær. TBR mætir Beul frá Þýskalandi í úrslitum.

Djurgarden á toppnum í Svíþjóð

Djurgarden er á toppnum í sænsku úrvalsdeildinni í knattspyrnu með 20 stig eftir að liðið lagði Malmö FF, 3-1, í gær. Kári Árnason var í liði Djurgarden. Helsingborg vann Asseryska,1-0, Gautaborg skellti Sundsvall, 2-0, og Lanskrona og Kalmar skildu jöfn, 1-1.

Fjölnir lagði HK í 1. deild

Fjölnir vann HK á útivelli með tveimur mörkum gegn engu í 1. deild karla í knattspyrnu í gærkvöld. Atli Guðnason skoraði bæði mörk Fjölnis sem er í sjötta sæti deildarinnar með 6 stig en HK er í áttunda sæti með 5 stig.

Þjóðverjar í úrslit á EM kvenna

Þýskaland tryggði sér í gær sæti í úrslitum í Evrópukeppni kvennalandsliða í knattspyrnu en Þjóðverjar lögðu Finna í undanúrsllitum með fjórum mörkum gegn einu.

Þýskalandi lagði Ástralíu

Þýskaland sigraði Ástralíu með fjórum mörkum gegn þremur í Álfukeppninni í knattspyrnu sem hófst í gær og Argenínumenn lögðu Túnisa með tveimur mörkum gegn einu, en þessi lið leika í A-riðli. Í dag hefst keppni í B-riðli. Japan mætir Mexíkó og heimsmeistarar Brasilíumanna leika gegn Evrópumeisturum Grikkja.

Fyrsti titill Inter í sjö ár

Inter tryggði sér í gær ítalska bikarmeistaratitilinn í knattspyrnu þegar liðið lagði Roma 1-0 í síðari leik liðanna og samanlagt 3-0 í báðum leikjunum. Þetta er í fyrsta skipti frá árinu 1998 sem Inter vinnur titil en það ár sigraði Inter í Evrópukeppni félagsliða.

Frakkar á EM í Sviss

Frakkar sigruðu Ísraelsmenn með 28 mörkum gegn 19 í síðari leik liðanna í umspili um laust sæti í lokakeppni Evrópukeppni landsliða sem fram fer í Sviss í byrjun næsta árs. Þeir tryggðu sér þar með sæti í lokakeppninni en Frakkar höfðu mikla yfirburði gegn Ísraelsmönnum í báðum leikjunum.

Lyn og Tromsö féllu úr bikarkeppni

Norsku úrvalsdeildarliðin Lyn og Tromsö féllu óvænt úr leik í 32 liða úrslitum norsku bikarkeppninnar í knattspyrnu í gær. Stefán Gíslason skoraði eina mark Lyn sem tapaði fyrir Hönefoss 2-1 en Tromsö tapaði fyrir Alta 2-1. Jóhannes Harðarson og félagar í Start unnu Manndalskammeratanna 2-1 og Haraldur Freyr Guðmundsson var í liði Álasunds sem lagði Hödd einnig 2-1.

Stofna nýjan íþróttastyrktarsjóð

Ungmenna- og íþróttasamband Austurlands og Alcoa undirrituðu í dag samstarfssamning um stofnun nýs styrkjarsjóðs sem nefnist Sprettur. Hann hefur það markmið að efla ungmenna- og íþróttastarf á Austurlandi. UÍA og Alcoa Fjarðaál hafa með samningnum skuldbundið sig til að leggja fjármagn til sjóðsins næstu þrjú árin og verður útlutað úr honum þrisvar á ári.

NBA í beinni á Sýn í kvöld

Fjórði leikur Detroit Pistons og San Antonio Spurs í lokaúrslitum NBA verður í beinni útsendingu á Sýn klukkan eitt eftir miðnætti í nótt.

Gerum mistök eins og leikmenn

Hjörtur Hjartarson, framherji Skagamanna, gagnrýndi Gylfa Orrason knattspyrnudómara harðlega eftir leik sem hann dæmdi gegn Keflvíkingum í fyrrakvöld og gaf í skyn að Gylfi væri ekki í líkamlegu formi til þess að dæma leik í Landsbankadeildinni.

Markalaust jafntefli í Grindavík

Grindavík og KR skildu jöfn suður með sjó í fjörugum markalausum leik þar sem mörg fín færi litu dagsins ljós. KR-ingar hafa ekki skorað sjálfir mark í 319 mínútur og eru án sigurs í fjórum síðustu leikjum.

Fram náði í stig á síðustu stundu

Framarar náðu jafntefli á Fylkisvelli í gær með marki fyrirliðans Ríkharðs Daðasonar í uppbótartíma en þetta var fyrsta mark liðsins í 282 mínútur. Fram að því virtist sem mark Björgólfs Takefusa frá því í fyrri hálfleik myndi duga Fylki til að vinna þriðja leikinn í röð.

Þróttarar fóru illa með ÍBV

Þróttarar fóru illa með baráttulausa Eyjamenn í botnslagnum á Laugardalsvelli í gær. Kristinn Hafliðason kom Þrótti yfir með glæsilegu marki beint úr aukaspyrnu eftir aðeins 5 mínútna leik og mörkin voru orðin þrjú þegar flautað var til hálfleiks.

Guðjón neitar orðrómi

Guðjón Þórðarson, knattspyrnustjóri Notts County, þvertók í gær fyrir það að hann væri að fá írska varnarmanninn Brian O’Callaghan til liðs við félagið, en Guðjón fékk leikmanninn sem kunnugt er til liðs við sig þegar hann var við stjórnartaumana hjá Keflavík á dögunum.

San Antonio 2 - Detroit 1

Það tók þá langan tíma að sýna það, en Detroit Pistons eru ennþá NBA meistarar. San Antonio hélt í við þá í fyrrihálfleiknum í þriðja leik liðanna í gærkvöldi, en þá hrökk vörn heimamanna í gang fyrir alvöru og skóp góðan 96-79 sigur þeirra í leik sem þeir einfaldlega urðu að vinna.

Bologna skrefi nær efstu deild

Bologna sigraði Parma með einu marki gegn engu í umspili liðanna um að halda sæti sínu í ítölsku fyrstu deildinni í knattspyrnu, en þetta var fyrri leikur liðanna. Igli Tare skoraði eina mark leiksins, þjálfarar liðanna fengu báðir að líta rauða spjaldið og fá ekki að stýra liðum sínum um næstu helgi þegar það ræðst hvort liðið heldur sæti sínu í efstu deild.

Haukar og Valur með í Evrópukeppni

Haukar og Valur verða með á Evrópumótinum í handknattleik á næsta vetri bæði í karla og kvennaflokki. Íslandsmeistarar Hauka í karlaflokki verða með í Meistaradeildinni en kvennaliðið tekur þátt EHF-keppninni. Valur tekur þátt í EHF-keppni karla og kvennalið Vals verður með í Áskorendakeppni Evrópu.

Valsmenn kveðja gömul húsakynni

Hátíð verður á Hlíðarenda í dag sem hefst klukkan 16, en þar verður boðið upp á skemmtiatriði fyrir alla fjölskylduna. Klukkan 17.15 verður kveðjuleikur í íþróttahúsi Vals og klukkan 18 verður hátíðardagskrá þar sem tekinn verður skóflustunga að nýjum íþróttamannvirkjum Vals að Hlíðarenda.

Wie færist nær Masters-mótinu

Micelle Wie frá Bandaríkjunum, sem aðeins er 15 ára, varð í gær fyrsta konan til að komast í gegnum niðurskurðinn fyrir Public Links áhugamannamótið í golfi, en Wie varði í öðru sæti á mótinu. Takist henni að sigra á Public Links mótinu öðlast hún keppnisrétt á Masters-mótinu sem fram fer í apríl á næsta ári og er eitt af risamótunum fjórum.

Van Persie áfram í varðhaldi

Farið hefur verið fram á að gæsluvarðhald yfir hollenska landsliðsmanninum Robin van Persie verði framlengt út morgundaginn, vegna meintrar nauðgunar hans á ungri stúlku um helgina.

Carroll til West Ham

Markvörðurinn Roy Carroll hefur gengið til liðs við nýliða West Ham í ensku úrvalsdeildinni og mun verja mark þeirra á næstu leiktíð. Carroll varði sem kunnugt er mark Manchester United í fyrra, en var gagnrýndur mikið fyrir klaufamistök og þótti ekki boðlegur sem lykilmaður í jafn stóru liði.

Ronaldo nálægt samningi við United

Nú lítur út fyrir að Manchester United muni ná að landa nýjum samningi við portúgalska snillinginn Cristiano Ronaldo, sem hefur verið mjög eftirsóttur undanfarið.

Chelsea áfrýjar ekki

Chelsea hafa ákveðið að áfrýja ekki úrskurði enska knattspyrnusambandsins um að sekta Chelsea og Jose Mourinho um 300 þúsund pund fyrir að hittast á leynilegum fundi á hóteli í London í vetur.

Ómar fluttur á spítala

Markvörður Keflvíkinga, Ómar Jóhannsson, var fluttur á sjúkrahúsið á Akranesi í gær eftir að hann lenti í samstuði við Guðjón Heiðar Sveinsson, leikmann ÍA, á 12. mínútu í sigurleik Keflvíkinga á Skaganum.

Afmælismótið hefst í dag

Í ár eru liðin 20 ár síðan keppnin Sterkasti maður Íslands var haldin hér á landi í fyrsta sinn og í tilefni af því verður sérstakur heiðursgestur með í keppninni. Það er sterkasti maður Bretlands, Adrian Rollings, sem náði góðum árangri í keppninni um sterkasta mann heims í fyrra.

Kristinn Björgúlfsson á útleið

Á þriðjudagskvöld skrifaði handknattleiksmaðurinn Kristinn Björgúlfsson undir samning við norska liðið Runar til tveggja ára. Upphaflega ætlaði Kristinn að semja við Elverum en hlutirnir voru fljótir að gerast eftir að Runar sýndi honum áhuga.

Vinnusigur Keflavíkur á Skipaskaga

Skagamenn mega vera mjög ósáttir eftir að liðið tapaði fyrir Keflavík, 2-1, á Skipaskaga. Þetta var mikill baráttusigur Keflvíkinga sem mega prísa sig sæla með stigin þrjú. Guðmundur Steinarsson var hetja Keflavíkur í leiknum.

Nýtt tilboð frá Sheffield

Forráðamenn Sheffield United, sem leikur í ensku 1. deildinni, hafa ekki gefið upp vonina um að krækja í Heiðar Helguson sem er eftirsóttur þessa daganna.

Mjög sanngjarn sigur

Fréttablaðið heyrði í fyrirliðum FH og Vals eftir toppslag liðanna á Hliðarenda í gær. Báðir voru á því að FH hafi átti sigurinn skilinn.

Þeir stóðu ekki í lappirnar

„Við vorum bara slakari aðilinn í þessum leik og þá sérstaklega í fyrri hálfleik,“ sagði Willum Þór Þórsson, þjálfari Valsliðsins eftir leik en honum fannst það sárt að tapa fyrsta leiknum á tímabilinu.

Við erum geysilega ánægðir

„Fyrri hálfleikurinn hjá okkur var mjög góður og við áttum þá að setja á þá þrjú eða fjögur mörk. Eitt mark er lítið forskot og því vorum við varkárir í seinni hálfleik," sagði Ólafur Þór Jóhannesson í viðtali við Fréttablaðið í gær.

FH-ingar eru í algerum sérflokki

FH-ingar tróna á toppi Landsbankadeildarinnar með fullt hús stiga eftir sanngjarnan sigur á Val í gær, 1–0. Sigurinn hefði hæglega getað orðið stærri. Allan Borgvardt skoraði eina mark leiksins strax á 13. mínútu leiksins.

Hækkar sig í fyrsta sinn í 13 mánu

Nú horfir til bjartari daga hjá íslenska landsliðinu í knattspyrnu eftir afar langt og erfitt ár. Í gær komu nefnilega loksins jákvæðar fréttir um stöðu íslenska landsliðsins á styrkleikalista FIFA sem FIFA birti í gær fyrir júnímánuð.

París er borg upp á tíu

Handknattleiksmaðurinn Ragnar Óskarsson er á leið til Frakklands á ný eftir skamma viðveru í Danmörku. Hann hefur ákveðið að ganga til liðs við Parísarliðið US Ivry.

Við erum búnir að slíðra sverðin

Ágreiningur Óla Stefáns Flóventssonar, leikmanns Grindavíkur, og Milans Stefáns Jankovic, þjálfara Grindavíkur, hefur verið jafnaður og Óli Stefán mun því leika með félaginu í sumar en hann hætti skyndilega um síðustu helgi.

Mál Óla Stefáns enn í hnút

Mál Óla Stefáns Flóventssonar og Grindavíkur er enn í algerum hnút. Eins og kunnugt er var Óli Stefán settur út úr liðinu af þjálfara liðsins eftir meint agabrot. Forráðamenn Grindavíkur reyndu að slíðra sverðin í gær og ræddu við Milan Stefán Jankovic þjálfara og Óla Stefán hvorn í sínu lagi.

Van Persie grunaður um nauðgun

Sóknarmaður Arsenal, Hollendingurinn Robin Van Persie, er í haldi lögreglunnar í Rotterdam, grunaður um nauðgun. Van Persie, sem er 21 árs, var handtekinn í gær en meint nauðgun átti sér stað um helgina. Leikmaðurinn hefur ekki verið ákærður en það má halda honum í þrjá daga án ákæru.

Gunnar Heiðar frá í 3-4 vikur

Sóknarmaðurinn Gunnar Heiðar Þorvaldsson hjá sænska úrvalsdeildarliðinu Halmstad meiddist í leik liðsins gegn Elfsborg í fyrradag og verður frá í 3-4 vikur. Gunnar Heiðar er tognaður aftan í læri.

Risakaup Real í bígerð?

Real Madrid er tilbúið að borga 110 milljónir punda, eða rúmlega 13 milljarða króna, fyrir Steven Gerrard hjá Liverpool og Thierry Henry Arsenal að sögn enska götublaðsins <em>The Sun</em>. Madridarliðið hefur ekki unnið titil undanfarin tvö keppnistímabil.