Leyndardómurinn um svefngöngu leystur?

Vísindamenn telja sig hafa fundið breytingu í litningi sem skýrir þá undarlegu hegðun sumra að ganga í svefni.

Nokkur þorp enn einangruð eftir að Yasi reið yfir

Fimm dögum eftir að fellibylurinn Yasi reið yfir Queensland í Ástralíu eru enn nokkur þorp og bæir sem björgunarliði hefur enn ekki tekist að komast til. Þrátt fyrir að fáir hafi slasast í veðurhamnum er eyðileggingin gríðarleg og standa björgunarliðar og hermenn í ströngu við að ryðja braki af vegum ríkisins. Áströlsk stjórnvöld hafa varað við því að eyðileggingin af völdum Yasi og flóðanna á dögunum muni koma skýrt fram í efnahagsreikningi Queensland ríkis á fyrsta ársfjórðungi.

Lög mögulega brotin með hakakrossspilum

Þýskir saksóknarar rannsaka nú hvort verið sé að brjóta lög þar í landi með spilum sem hafa verið gefin út þar í landi. Um er að ræða spil með myndum af helstu einræðisherrum tuttugustu aldarinnar þar sem hakakrossinn kemur fyrir.

Forseti Túrkmenistans fyrirskipar fegurðarsamkeppni hesta

Forseti Túrkmenistans hefur látið þau boð út ganga að á hverju ári héðan í frá verði haldin fegurðarsamkeppni í landinu, og skal þar ekki velja fegurstu konuna, heldur fallegasta hestinn.

Pink tók sjálf óléttumynd og setti á Twitter

Söngkonan Pink er vön því að vera umsetin af blaðaljósmyndurum, eða papparössum eins og þeir eru gjarnan kallaðir. Eftir að hún tilkynnti um óléttu sína hefur hún þó verið heldur þreytt á ágangi þeirra sem virðast leggja margt á sig til að ná myndum af henni þar sem óléttubumban sést. Pink tók því málin í eigin hendur og setti mynd af sér á Twitter-samskiptasíðuna. Með myndinni skrifaði hún: „Jæja... því papparrassar hafa enga ljósmyndahæfileika eða listrænt innsæi, og myndirnar þeirra eru ógeðslegar... Fyrir ykkur sem hafið veirð að biðja um að sjá myndir af bumbunni minni ákvað ég að setja hér inn sjálfsmynd sem ég tók í gærmorgun. Þriggja vikna ljósmyndanámskeið ... og ég er strax miklu betri ljósmyndari en þeir allir til samans...“

Hetjan með handtöskuna lét ræningja fá það óþvegið

Eldri kona á Bretlandi hefur vakið gríðarlega athygli fyrir vasklega framgöngu en hún lét til skarar skríða gegn ræningjagengi sem var að ræna skartgripaverslun á dögunum.

Börn sem borða mikið ruslfæði hafa lægri greind

Börn sem borða mikið ruslfæði eru líklegri til að vera með lægri greindarvísitölu en börn sem borða hollan mat. Þetta er niðurstaða breskrar rannsóknar sem birtist í vísindaritinu Journal of Epidemiology and Community Health.

Japanskir súmókappar riða til falls

Margir af þekktustu súmóglímuköppum Japans hafa verið yfirheyrðir síðustu daga en ásakanir hafa komið fram um að þeir hafi hagrætt úrslitum í þessari þjóðaríþrótt Japans.

Heimildarmynd um Khodorkovskí stolið - átti að frumsýna í næstu viku

Lokaútgáfu af heimildarmynd um Michael Khodorkovski, rússneska auðjöfurinn fyrrverandi, sem setið hefur í fangelsi síðustu ár, var stolið af heimili leikstjórans í gær.

Segja Assange ofsóttann af illgjörnum öfgafemínista

Sænski saksóknarinn sem vill fá Julian Assange stofnanda Wikileaks framseldan til Svíþjóðar er á móti karlmönnum, ef marka má orð sænsks dómara á eftirlaunum sem gaf vitnisburð sinn í réttarhöldum yfir Assange í London í gær.

Umarov segist bera ábyrgð á sprengjuárásinni í Moskvu

Eftirlýstasti hryðjuverkamaður Rússlands, tjéténinn Doku Umarov, hefur lýst ábyrgðinni á sprengjuárásinni á Demo-ded-ovo flugvellinum í Moskvu á hendur sér. Árásin var framin þann 24 janúar síðastliðinn og létust 36 og 180 særðust.

Mótmælendur fara hvergi

Efnahagslífið í Egyptalandi er að komast í gang að nýju eftir rúmlega vikulanga lömun. Skólar voru þó áfram lokaðir í gær. „Þetta er miklu betra en í gær eða fyrradag. Venjulegt fólk er komið á stjá og skoðar sig um. Við erum meira að segja með umferðarteppu,“ hafði AP-fréttastofan eftir Ahmed Mohammed, 65 ára verslunareiganda í Kaíró.

Serbar krefjast nýrra kosninga

Fjölmennustu mótmæli gegn stjórnvöldum í áraraðir fóru fram í Belgrad, höfuðborg Serbíu, á sunnudag þegar um 55.000 manns kröfðust kosninga.

Treystir ekki réttarkerfi Svía

Geoffrey Robertson, lögmaður Julians Assange, segir að verði Assange framseldur til Svíþjóðar eigi hann á hættu að brotið verði á réttindum hans.

Tugir íbúðarhúsa brunnu til grunna

Ástralskir slökkviliðsmenn börðust við gróðurelda á tveimur stöðum í vestanverðri álfunni í gær. Varpað var vatni á eldana til að reyna að halda þeim í skefjum.

Breskur blaðamaður rekinn frá Rússlandi

Blaðamaður breska blaðsins The Guardian hefur verið rekinn frá Rússlandi. Þetta er í fyrsta skipti frá lokum kalda stríðsins sem breskur blaðamaður hefur verið vísað úr landinu. Luke Harding, sem var fréttaritari Guardian í Moskvu um árabil, hefur að undanförnu skrifað um sendiráðsskjölin sem Wikileaks gerði opinber á dögunum. Á meðal þess sem Harding greindi frá voru ásakanir á hendur Vladimir Putin, forsætisráðherra og fyrrum forseta, á þá leið að Rússland væri orðið að einskonar mafíuríki undir hans stjórn.

„Svartur kassi hefur verið settur utan um líf mitt"

Julian Assange, stofnandi Wikileaks, kom fyrir rétt í Lundúnum í dag þar sem tekist var á um framsalskröfu sænsks saksóknara sem rannsakar ásakanir tveggja kvenna á hendur honum.

Verði teknir af lífi

Þúsundir manna mótmæla enn á Frelsistorginu í Kairó í Egyptalandi og hafa margir hverjir tjaldað á torginu. Hosni Mubarak, forseti Egyptalands, þráast enn við að segja af sér en þúsundir manna halda enn áfram að krefjast afsagnar hans. Mótmælendur hafa komið sér haganlega fyrir á Frelsistorginu. Margir hafa tjaldað og fólk deilir með sér drykkjum og mat. Mubarak lét sjá sig á fundi með ráðherrum sínum í ríkissjónvarpinu í dag og lofaði að rannsókn yrði hafi á spillingu í stjórnkerfinu og á ásökunum um kosningasvindl.

Sjálfstætt ríki Suður-Súdana verður stofnað

Tæplega 99% Suður-súdönsku þjóðarinnar kýs að aðskilja þjóðina frá Norður-Súdan. Lokatölur í í þjóðaratkvæðagreiðslunni sem fór fram síðustu vikuna í janúar voru birtar í dag. Fyrstu tölur bentu til þess að 99,57% hefðu greitt atkvæði með aðskilnaði.

Bankar og pósthús opin í Kaíró

Bankar, pósthús og bensínstöðvar voru opin í Kairó höfuðborg Egyptalands í dag annan daginn í röð. Þessar stofnanir hafa verið lokaðar meira og minna frá því mótmælin hófust fyrir fjórtán dögum. Mótmælendur halda enn fyrir á Frelsistorginu og hafa margir slegið upp tjöldum og heita því enn að yfirgefa ekki torgið fyrr en Hosni Mubarar forseti er farinn frá völdum. Yfirvöld hafa slakað á útgöngubanni, sem tekið hefur gildi klukkan þrjú á daginn að staðartíma en gildir nú frá klukkan fimm. Það hefur þó takmarkaða þýðingu vegna þess að mótmælendur hafa algerlega hundsað það. Daglegt líf er samt sem áður að verða meira og meira eins og íbúarnir eiga að venjast.

Páfagaukar og eðlur frusu í hel í mexíkóskum dýragarði

Þrjátíu og fimm dýr í mexíkóskum dýragarði frusu í hel þegar kuldinn í norðurhluta Mexíkó varð sá mesti í 60 ár. Dýragarðurinn Serengeti Zoo er í Chihuahua-fylki þar sem frosthörkur hafa verið miklar undanfarna daga og varð kaldast þegar frostið náði þrettán gráðum.

Hvar eru Alessia og Livia?

Mikil leit stendur nú yfir víða um heim að sex ára gömlum tvíburasystrum. Lögreglan í þremur ríkjum leitar nú að stúlkunum en faðir þeirra rændi þeim af heimili þeirra í Sviss á dögunum. Hann framdi síðan sjálfsmorð með því að stökkva fyrir lest og enginn veit hvar stúlkurnar eru niðurkomnar. Alþjóðalögreglan Interpol hefur lýst eftir stúlkunum, sem heita Alessia og Livia, og þyrlur og leitarhundar hafa verið notaðar til að kemba svæðið í kringum Puglia á Ítalíu, en faðirinn lést þar.

Innfæddir tóku yfir lúxushótel á Páskaeyju

Lögeglan á Páskaeyju, sem er undan ströndum Chile í Suður Ameríku, lét í nótt til skarar skríða gegn hópi innfæddra sem höfðu tekið sér bólfestu í lúxushóteli einu á eyjunni og haldið þar til frá því í ágúst á síðasta ári.

Erlend matargerð bönnuð í írönsku sjónvarpi

Íranska útvarpsráðið hefur ákveðið að banna eina ákveðna tegund af sjónvarpsþáttum, nefnilega matreiðsluþætti sem kenna landsmönnum að elda mat frá öðrum löndum.

Aguilera klúðraði þjóðsöngnum á Super Bowl

Söngkonan Christina Aguilera hefur beðist afsökunar á frammistöðu sinni á Super Bowl þar sem hún klúðraði bandaríska þjóðsöngnum. Super Bowl er sá íþróttaviðburður sem hvað flestir Bandaríkjamenn fylgjast með en söngur Christinu þótti tilgerðarlegur á köflum auk þess sem hún gleymdi textanum.

Assange tekur til varna í London

Málflutningur hefst í dag í London í máli Julians Assange en sænska ríkið vill fá hann framseldan þangað vegna ásakana um kynferðisbrot. Lögmaður Assange segir að Svíar hafi ekki haft rétt til þess að gefa út handtökuskipun á hendur Assange á sínum tíma vegna þess að engar ákærur hafa verið gefnar út á hendur honum. Lögmaðurinn mun einnig grípa til varna á grundvelli mannréttinda að því er fram kemur á BBC en Assange óttast að verða framseldur áfram til Bandaríkjanna verði hann á annað borð sendur til Svíþjóðar.

Gary Moore er allur

Gítarleikarinn heimsfrægi Gary Moore er látinn, 58 ára að aldri. Moore hóf ferilinn með írsku rokksveitinni Thin Lizzy en öðlaðist síðan heimsfrægð með sólóplötunni Still got the blues árið 1990. Moore fannst látinn á hótelherbergi á Costa del Sol í gær en óljóst er um dánarorsök.

Ekkert lát á hamförum í Ástralíu - nú eru það kjarreldar

Miklir kjarreldar geisa nú í Vestur Ástralíu, nálægt borginni Perth og hafa um 40 hús orðið eldinum að bráð. Eldarnir brenna á tveimur stöðum og mikill vindur gerir slökkviliðsmönnum erfitt fyrir.

Viðræður um umbætur

Kaíró, AP Omar Suleiman, varaforseti Egyptalands, fundaði í gær í fyrsta skipti með forystumönnum stjórnarandstöðunnar og mótmælahreyfingarinnar sem risið hefur upp í landinu.

Misnotaði ungan dreng á Íslandi

Fjörutíu og sjö ára gamall Bandaríkjamaður var handtekinn á föstudaginn grunaður um að hafa misnotað fjóra unga drengi. Hluti af brotum mannsins munu hafa átt sér stað á íslandi.

Hafa komist að samkomulagi

Stjórnvöld í Egyptalandi hafa náð samkomulagi við leiðtoga stjórnarandstöðunnar um að koma á fót sérstakri umbótanefnd sem mun meðal annars hafa það hlutverk að endurskoða stjórnarskrá landsins. Þá hafa stjórnvöld einnig fallist á að sleppa öllum mótmælendum úr fangelsi.

Fjölmennasti Super Bowl frá upphafi

Nú styttist óðum í stærsta sjónvarpsviðburð Bandaríkjanna en klukkan hálf tólf í kvöld hefst hinn árlegi Super Bowl leikur. Í ár mætast Pittsburgh Steelers og Green Bay Packers í Cowboys höllinni í Dallas. En undirbúningurinn hefur ekki gengið slysalaust fyrir sig. Búist er við 110 þúsund manns á völlinn.

Hundruð þurft að flýja heimili sín

Skógareldar geisa nú í nágrenni Perth í Ástralíu. Fjöldi húsa hefur eyðilagst og enn fleiri hafa neyðst til að yfirgefa heimili sín.

Reyna að bregðast við áhlaupi á bankakerfið

Viðræður hefjast milli stjórnarandstöðuafla og varaforseta Egyptalands í dag. Ástandið í landinu er viðkvæmt, en Seðlabanki landsins hefur dælt hátt í hundrað milljörðum í banka landsins til að bregðast við áhlaupi á bankakerfið.

Sprengjuhótun í Moskvu

Þrjár lestarstöðvar voru rýmdar í Moskvu í morgun eftir að lögreglunni barst sprengjuhótun í gegnum síma. Við inngang einnar lestarstöðvarinnar fannst grunsamleg taska en við nánari skoðun reyndist ekki vera sprengja í henni.

Skógareldar í Ástralíu

Ein báran er aldeilis ekki stök hjá íbúum borgarinnar Perth í Ástralíu. Skógareldar geisa nú í borginni og fylgja í kjölfar fellibylsins Yasi sem valdið hefur usla síðan á fimmtudag.

Mótmælendur hittast aftur á Tahrir torgi

Þrettándi dagur mótmæla í Egyptalandi er nú hafinn, en mótmælendur krefjast þess að Hosni Mubarak, forseti landsins, fari frá völdum.

Mubarak búinn að segja af sér?

Enn hefur aukist á ringulreiðina í Egyptalandi. Egypska ríkissjónvarpið hefur greint frá því að Hosni Mubarak hafi sagt af sér sem leiðtogi Egypska lýðræðisflokksins.

Kom sjálfur upp um marijúanaræktunina

Robert Michelson nemandi í háskóla í Connecticut í Bandaríkjunum kom sjálfur upp um marijúanaræktun sína á dögunum.

Stjórnarandstaðan ræðir við varaforsetann

Mótmælendur í Kaíró hafa komið á frumstæðu stjórnmálakerfi til að samræma kröfur sínar. Búist er við að stjórnarandstaðan ræði við varaforseta landsins í dag.

Hermdi best eftir mökunarhljóðum dádýra

Andreas Toepfer varð hlutskarpastur í óvenjulegri keppni í Þýskalandi í gær. Hann þótti geta hermt best eftir mökunarhljóðum dádýra.

Viktoría á von á stelpu - draumurinn að rætast

Viktoría Beckham hefur fengið ósk sína uppfyllta því hún og eiginmaður hennar, David Beckham, eiga von á stelpu. Í síðasta mánuði tilkynnti Viktoría að hún væri ófrísk og í sextán vikna sónar nýlega kom í ljós að barnið sem hún ber undir belti er stúlka.

Mubarak á að fara frá völdum strax

Barack Obama, forseti Bandaríkjanna, sendi starfsbróður sínum í Egyptalandi, Hosni Mubarak, skýr skilaboð á blaðamannafundi í gær.

SÞ segja yfir 300 hafa fallið

Sameinuðu þjóðirnar telja að yfir 300 manns hafi fallið í mótmælum í Egyptalandi frá 25. janúar og um fjögur þúsund manns séu sárir, margir lífshættulega. Samkvæmt frétt BBC hafa stjórnvöld í landinu hins vegar aðeins gefið upplýsingar um mannfall í höfuðborginni Kaíró og sagt að átta hafi látið lífið og yfir 800 séu þar sárir.

Innbrotsþjófur gleymdi símanum - löggan hringdi í vin hans

Lögreglan í Washington DC hafði hendur í hári seinheppins innbrotsþjófs sem gleymdi símanum sínum á einu heimilinu sem hann braust inn á. Innbrotsþjófurinn, hinn 25 ára Cody Wilkins, var í óða önn að gramsa í eigum íbúanna þegar hann heyrði einhvern koma heim, og flúði út um glugga. Síminn hans varð þó eftir og gátu lögreglumenn því haft uppi á honum með því að hringja í vini hans, tilkynna þeim að eigandi símans hefði lent í slysi og að þeim vantaði nafnið hans. Ástæða þess að Cody þurfti að hlaða símann er sú að hans eigin heimili varð rafmagnslaust í stormi nýverið og lá honum því á að hlaða hann. Cody ákvað að nota tækifærið en þá fór sem fór. Hann hefur verið ákærður fyrir að brjótast inn á tíu stöðum.