Kampavín á útsölu

Frakkar hafa nú tvöfalda ástæðu fyrir því að skála í kampavíni þegar nýja árið gengur í garð þar í landi. Sú fyrri er auðvitað sú að nýju ári ber að fagna með kampavíni, sérstaklega í heimalandi þessa görótta drykks, og sú síðari er sú að kampavín hefur hríðfallið í verði undanfarið í landinu þar sem framleiðendur reyna að koma til móts við samdrátt í efnahagslífinu.

Fjöldamorð í Finnlandi: Morðinginn framdi sjálfsmorð

Lögreglan í Finnlandi fann í dag lík af manni sem talinn er vera sá sem hóf skothríð í matvöruverslun í bænum Esbo. Fimm liggja í valnum eftir manninn, þar á meðal fyrrverandi kona hans. Maðurinn er frá Balkanskaga og var ólöglegur í landinu að sögn lögreglu. Hann fannst í íbúð sinni og virðist hafa framið sjálfsmorð. Fjórir létust í skotárásinni í versluninni og áður hafði maðurinn einnig myrt eiginkonu sína fyrrverandi.

Kraftaverk í Colorado

Það þykir ganga kraftaverki næst að takast skyldi að bjarga lífi móður og sveinbarns, sem hún var að fæða, á aðfangadagskvöld í Colorado Springs í Colorado, eftir að móðirin fór í öndunar- og hjartastopp í miðri fæðingu.

Berlusconi blóðugur á nýju veggspjaldi

Silvio Berlusconi hefur fundið not fyrir fréttamyndir sem teknar voru af honum alblóðugum eftir líkamsárásina fyrr í mánuðinum.

Neyðarlínan er fyrir fólk í neyð, punktur

Neyðarsímverðir bresku neyðarlínunnar og lögregla þar í landi hafa fengið meira en nóg af fólki sem hringir í neyðarlínuna vegna mála sem teljast í besta falli hlægileg.

Kjarreldar eyðilögðu 20 heimili í Ástralíu

Miklir kjarreldar geisa nú í vesturhluta Ástralíu og hafa 20 heimili orðið eldunum að bráð auk þess sem fernt hefur slasast af völdum þeirra.

Ruddust inn á heimili vopnaðir hríðskotariffli

Tveir grímuklæddir menn, vopnaðir hríðskotariffli, réðust með valdi inn á heimili í bænum Hillerød á Norður-Sjálandi. Hundur hjónanna, sem búa á heimilinu, fór að gelta út í garði og þegar maðurinn fór út til að sjá hverju sætti var hann sparkaður niður.

Bretland snævi þakið um áramótin

Bretar eru ekki lausir við fannfergi og ófærð. Mikil snjókoma er nú víða um landið og hefur breska veðurstofan gefið út aðvaranir fyrir marga landshluta.

Fimmtungur Breta heima í fríinu

Breskir ferðamálafrömuðir sjá fram á að fimmti hver Breti verji frídögum ársins 2010 heima hjá sér en það eru tvöfalt fleiri en sátu heima á þessu ári.

Kínverjar segja fordæmingu út í hött

Kínversk stjórnvöld telja það út í hött að Bretar fordæmi aftöku Akmals Shaikh sem fram fór í fyrrinótt. Glæpur mannsins hafi verið alvarlegur enda sé misnotkun ópíums og tengdra lyfja samofin sögu Kínverja og hafi valdið þeim miklum búsifjum á fyrri hluta 20. aldar.

Segir eftirlitsmenn hafa gert mistök

Mistök eftirlitsmanna og öryggiskerfi sem brást eru orsakir þess að Nígeríumaðurinn Umar Farouk Abdulmutallab komst um borð í farþegaþotu með sprengju sem hæglega hefði getað sprengt gat á skrokk flugvélarinnar hefði hún sprungið.

Sendinefnd kannar dráp á ungmennum

Grunur leikur á að hermenn hafi drepið tíu óbreytta borgara, þar af átta námsmenn, í austurhluta Afganistans á sunnudag. Fulltrúi NATO segir fyrstu fregnir herma að níu uppreisnarmenn hafi verið drepnir. Stjórnarnefnd rannsakar málið.

Biðja um aðstoð í baráttunni gegn al-Kaída

Utanríkisráðherra Jemen fullyrðir að Jemenar hafi bæði getu og vilja til að takast á við al-Kaída hryðjuverkasamtökin en skorti hjálp frá Vesturlöndum. Hann telur mikilvægt að Vesturlönd setji aukinn kraft í aðstoð sína við heimamenn í landinu.

Áhrifamikill þingmaður vill að Bandaríkin ráðist inn í Yemen

Haft var eftir bandaríska öldungadeildarþingmanninum og demókratanum Joseph Lieberman á Fox fréttastöðinni, að Bandaríkjamenn ættu að ráðast á Yemen að fyrra bragði. Fyrirsjáanlegt væri að þar yrðu átök.

Pútín vill vopnakerfi sem svar við eldflaugakerfi Bandaríkjanna

Vladímír Pútín, forsætisráðherra Rússlands og fyrrum forseti, segir að Rússar þurfi að þróa sérstakt vopnakerfi sem andsvar við eldflaugakerfi Bandaríkjanna til þess að halda valdajafnvægi við Bandaríkin. Pútín segir að að öðrum kosti séu Bandaríkjamenn í fullkomnu skjóli og geti í raun gert það sem þeim dettur í hug.

Prófa niðurgangslyf á sólarströndum

Bandarískt lyfjafyrirtæki hyggst bjóða 1.800 sjálfboðaliðum á sólarströnd til að prófa nýtt lyf við niðurgangi.

Konunglegt klúður

Týndur, skemmdur eða seinn póstur hefur kostað konunglegu bresku póstþjónustuna eina milljón punda á mánuði að meðaltali síðasta árið.

Ræningjar ógnuðu fólki með sög

Tveir unglingspiltar í Kaupmannahöfn voru handteknir í nótt eftir að þeir gengu um götur borgarinnar og ógnuðu fólki með sög.

Birta upptöku af símtali Brooke Mueller

Lögreglan í Aspen í Colorado hefur birt upptöku af símtali til neyðarlínunnar þar sem Brooke Mueller, eiginkona leikarans Charlie Sheen, hringir skelfingu lostin og segir mann sinn hóta sér með hníf á lofti.

Kínverjar tóku Shaikh af lífi

Bretinn Akmal Shaikh, sem kínverskur dómstóll dæmdi til dauða fyrir heróínsmygl, var tekinn af lífi klukkan hálfþrjú í nótt að íslenskum tíma, líklegast með byssuskoti í höfuð eins og tíðkast í kínverskum aftökum.

Að segja 2010 hjá BBC

Innanhússumræður eru nú um það hjá breska ríkisútvarpinu BBC hvernig orða skuli árið 2010 en gert er ráð fyrir því í reglum að samræmi sé meðal allra þeirra, sem tala í hljóðvarp þess eða sjónvarp, um hvernig vísað er til ártalsins.

Al Qaeda stóðu að baki sprengjutilraun

Hryðjuverkasamtökin al Qaeda hafa lýst á hendur sér tilraun til þess að sprengja farþegavél Northwest-flugfélagsins í loft upp á jóladag í flugi milli Amsterdam og Detroit en nígerískur farþegi um borð í vélinni reyndi að sprengja sprengju sem hann hafði meðferðis en mistókst. Í yfirlýsingu al Qaeda segir að ætlunin hafi verið að hefna fyrir aðgerðir Bandaríkjahers í Yemen og hafi nýrri gerð af sprengju verið beitt sem hafi ekki sprungið vegna tæknilegra mistaka. Þá segir að Bandaríkjamenn megi búast við fleiri árásum.

Landnám Ísraela ógnar friðarferli

Byggðar verða nærri 700 nýjar íbúðir í Austur-Jerúsalem samkvæmt ákvörðun sem Ísraelsstjórn kynnti í gær.

Umbótasinnar myrtir í Teheran

Ómögulegt er að fá staðfest hversu margir hafa látist í mótmælunum í Íran, þar sem stjórnvöld hafa takmarkað mjög starf erlendra fréttamanna í landinu. Samkvæmt írönskum ríkisfjölmiðlum létust átta á sunnudaginn en umbótasinnar segja að fimmtán hafi látist. Hundruð manna hafa verið tekin höndum.

Finninn fljúgandi gripinn á jóladag

Matti Nykanen, fjórfaldur Ólympíumeistari í skíðastökki, er í haldi lögreglu í Finnlandi grunaður um að hafa reynt að drepa konu sína á jóladag.

31 kíló af Kókaíni áttu meðal annars að fara til Íslands frá Portúgal

Lögreglan í Portúgal handtók tvo menn og haldlagði 31 kíló af kókaíni í Porto í byrjun desember en samkvæmt frétt sem birtist í spænskum fjölmiðlum þá telur lögreglan áreiðanlegt að efninu hafi átt að dreifa á fíkniefnamarkaði á Spáni og Íslandi.

Tuttugu fórust í sjálfsmorðsárás

Að minnsta kosti 20 manns létu lífið og tugir slösuðust þegar sjálfsmorðssprengja sprakk í göngu sjía múslima í Karachi í Pakistan í morgun.

Benedikt páfi heldur ótrauður áfram

Benedikt XVI páfi heimsótti súpueldhús fyrir heimilislausa í gær. Þetta var fyrsta ferð hans út fyrir Vatíkanið eftir að hann varð fyrir árás á aðfangadagskvöld. Páfinn gekk á meðal almennings, heilsaði fólki og kyssti börn.

Kínverskt flutningaskip laust úr haldi

Sómalskir sjóræningjar slepptu í gær kínverska flutningaskipinu De Xin Hai ásamt 25 manna áhöfn en skipinu rændu þeir í október þegar það flutti 76.000 tonn af kolum frá Suður-Afríku til Indlands.

Fjölga borgaralega klæddum lögreglumönnum

Óeinkennisklæddum lögreglumönnum í farþegaflugi verður fjölgað í kjölfar atburðanna sem áttu sér stað í flugi milli Amsterdam og Detroit á jóladag.

Fundu leifar hershöfðingja

Kínverskir fornleifafræðingar telja sig hafa fundið gröf hins alræmda hershöfðingja Cao Cao sem uppi var á þriðju öld.

Skuggalegir skoteldar

Tæplega fertugur maður í Greve, rétt utan við Kaupmannahöfn, hefur verið handtekinn fyrir að selja lífshættulega og ólöglega flugelda úr tveimur vörubílum við verslunarmiðstöð þar í bænum.

Bretar forðast vask

Mikil örtröð varð í breskum verslunum í gær þegar almenningur notaði síðustu daga ársins til að kaupa sjónvörp, þvottavélar og fleiri heimilistæki áður en virðisaukaskattur hækkar úr 15,5 prósentum í 17,5 um áramótin þar í landi.

Skálmöld í Teheran

Fimm íranskir stjórnarandstæðingar eru nú látnir í mótmælum í Teheran, höfuðborg Írans, að sögn írönsku IRNA-fréttastofunnar. Dauðsföllin eru í rannsókn en talið er að þau séu orsök ólögmætrar valdbeitingar lögreglu.

Mótmælendur skotnir til bana

Fjórir mótmælendur voru skotnir til bana í Teheran, höfuðborg Írans, í gær. Meðal hinna látnu var frændi stjórnarandstöðuleiðtogans Mirs Hosseins Mousavi, að sögn breska ríkisútvarpsins. Tugir særðust og um þrjú hundruð manns voru handteknir í mótmælunum.

Mótmælt á Gasa þegar ár er liðið frá innrás Ísraela

Sérlegur talsmaður Sameinuðu þjóðanna (SÞ) um málefni hernámssvæða Ísraela í Palestínu kallar eftir því að Ísraelar láti af aðgerðum til að einangra Gasa-svæðið. Í tilkynningu fréttaveitu SÞ á Þorláksmessu er

Minnast Benazir Bhutto í Pakistan

Stuðningsmenn Benazir Bhutto fyrrverandi forsætisráðherra Pakistans minnast hennar í dag þegar tvö ár eru liðin frá því hún var myrt í borginni Rawalpindi.

Sprengjuvargur ákærður

Umar Farouk Abdulmutallab hefur formlega verið ákærður fyrir að reyna að tortíma farþegaflugvél og farþegum Delta flugfélagsins skömmu fyrir lendingu í Detroit í Bandaríkjunum á jóladag.

Frægasti fjársvikari heims datt úr rúminu sínu

Alræmdi fjárglæframaðurinn Bernie Maddoff var færður úr fangelsi á spítala eftir að hann rifbeinsbrotnaði, auk þess sem lungu féllu saman. Þá hlaut hann einnig áverka á andliti.

Jarðskjálfti fimm árum eftir flóðbylgju

Þess er nú minnst víða í Asíu að fimm ár er liðið frá því um 230 þúsund manns fórust í einni mestu flóðbylgju og hamförum í manna minnum. Jarðskjálfti upp á 6,7 á rickter varð undan Malukueyjum í Indónesíu í dag, en engar fréttir hafa borist af manntjóni eða flóðbylgjum vegna hans.

Baby P. minnst í Bretlandi

Dauða hins sautján mánaða Peter Connelly, oft kallaður Baby P., var minnst í Bretlandi um hátíðarnar en minningarreitur hans var þakinn kveðjum og leikföngum um jólin. Dauði Peters komst í heimsfréttirnar eftir að móðir hans auk stjúpföður urðu honum að bana eftir hrottalegar misþyrmingar.

Umbótasinnar og öryggissveitir berjast í Íran

Íranskar öryggisveitir og aðgerðarsinnar í stjórnarandstöðu lentu í átökum í miðborg Teheran í dag samkvæmt BBC sem aftur hefur það eftir AFP. Átökin byrjuðu þegar 200-300 manns reyndu að koma saman á Enghelab-torginu í Teheran.

Flýðu eldfjall á jólunum

Tæplega fimmtíu þúsund íbúar í námunda við eldfjallið Mayon á Filippseyjum hafa eytt jólunum fjarri heimilunum sínum eftir að stjórnvöld skipuðu þeim að yfirgefa svæðið á aðfangadag.

Fimm ár liðin frá flóðunum miklu

Þessi er minnst víða í Asíu í dag að fimm ár eru liðin frá flóðunum miklu þegar 230 þúsund manns fórust eftir að jarðskjálfti neðansjávar ollu tsunami víðsvegar um álfuna.

Reyndi að kveikja í flugvél með flugeldum

Nígeríumaður var handtekinn um borð í flugvél Delta flugfélagsins í gærdag eftir að hann reyndi að kveikja í vélinni með nokkurskonar flugeldum.