Launamunur kynjanna innan ESB 15 prósent

Launamunur kynjanna í löndum Evrópusambandsins er 15 prósent samkvæmt nýrri skýrslu frá framkvæmdastjórn sambandsins. Þar kemur fram að hægt þokist í þessum málum og að margar konur innan ESB fari af vinnumarkaði vegna þess að þeim gangi illa að samtvinna vinnu og fjölskyldulíf.

Fleiri fuglar finnast dauðir í Svíþjóð

Hátt í tuttugu dauðir fuglar fundust í gær nærri kjarnorkuverinu í Oskarshamn í Suður-Svíþjóð, en þar fundust á þriðjudag endur sem taldar eru hafa drepist úr hinum banvæna H5N1-stofni fuglaflensunnar. Fuglarnir hafa verið sendir til rannsóknar. Stjórnvöld í Svíþjóð hafa aukið eftirlit á svæðinu og hyggjast nú fela strandgæslunni að að leita að dauðum fuglum meðfram ströndum landsins.

Fuglaflensa í Serbíu

Fuglaflensa hefur greinst í fyrsta sinn í Serbíu. Yfirvöld þar í landi greindu frá því í morgun. H5 stofn flensunnar greindist í svanshræi sem fannst nálægt landamærunum að Króatíu.

Bók sem allir verða að lesa

"To kill a Mockingbird" eftir Harper Lee var valin, á Degi bókarinnar í Bretlandi, sú bók sem allir ættu að lesa áður en þeir deyja. Bókin sló við ekki ómerkari bókum en Biblíunni, sem lenti í öðru sæti og Hringadróttinssögu sem hafnaði í því þriðja. Bókin gerist á fjórða áratugnum í Suðurríkjum Bandaríkjanna og fjallar um svartan mann sem er ranglega sakaður um að hafa nauðgað hvítri stúlku og hlaut höfundurinn Pulitzer Prize verðlaunin fyrir hana á sínum tíma

Biðja Skandinava að yfirgefa Vesturbakkann

Sameinuðu þjóðirnar hafa beðið alla skandinavíska starfsmenn sína að yfirgefa Vesturbakkann vegna alvarlegra hótana um að nema á brott eða drepa skandinavíska erindreka á svæðinu.

Gorbatsjev 75 ára í dag

Míkhaíl Gorbatsjev, fyrrverandi forseti Sovétríkjanna, er 75 ára í dag. Gorbatsjev er enn í fullu fjöri og beitir nú kröftum sínum aðallega í þágu umhverfisverndar og góðgerðamála.

Réttarhöld yfir Gary Glitter hafin

Réttarhöldin yfir rokkstjörnunni Gary Glitter hófust í morgun. Hann er ákærður fyrir að hafa misnotað tvær stúlkur, tíu og ellefu ára gamlar, á heimili sínu í suðurhluta Víetnams.

Vissi að Katrín kynni að brjóta niður flóðvarnir

George Bush Bandaríkjaforseti vissi að fellibylurinn Katrín kynni að brjóta niður flóðvarnir New Orleans degi áður en fellibylurinn skall á borginni.

Indverjar og Bandaríkjamenn handsala kjarnorkusamning

Indverjar og Bandaríkjamenn hafa skrifað undir samkomulag um þróun kjarnorku. Þetta kom fram á sjónvarpsstöð í Indlandi fyrr í morgun. George Bush Bandaríkjaforseti er á Indlandi og fundaði með forseta Indlands í morgun. Ekki liggur enn fyrir hvað felst í samkomulaginu sem var handsalað í morgun.

Árás við ræðismannsskrifstofu BNA í Pakistan

Tveir létust og átján slösuðust í sprengjuárás fyrir utan bandarísku ræðismanns skirfstofuna í Karachi í Pakistan í morgun. Tvær sprengjur sprungu með skömmu millibili á bílastæði Marriot-lúxushótelsins sem er við hliðina á ræðismannsskrifstofunni.

Hundar og kettir í bann

Útgöngubann hefur verið sett á hunda og ketti í Þýsklanadi þar sem fuglaflensan hefur komið upp. Ekki hefur verið ákveðið hvenær banninu verður aflétt

Hagnaður Bayer 124 milljarðar króna

Hagnaður þýska lyfjarisans Bayer nam 124 milljörðum króna, á síðasta ári. Bayer mun greina nánar frá afkomu félagsins á mánudag, en vinnuskjal frá fyrirtækinu lak út og því var greint frá hagnaði félagsins nú. Hlutabréf Bayer hækkuðu lítilsháttar í verði í Kauphöllinni í Frankfurt í dag.

Forsætisráðherra Kosovo hættur

Forsætisráðherra Kosovo-héraðs í Serbíu tilkynnti í dag afsögn sína en hann hefur mætt miklu andstreymi flokksmanna sinna. Sameinuðu þjóðirnar hafa stýrt Kosovo frá því að stríði Atlantshafsbandalagsins gegn stjórnvöldum í Belgrad, lauk árið 1999. Yfirvöld í Belgrad hafa sagt ógerlegt að slíta Kosovo frá Serbíu en stjórnmálapekingar segja þó líklegt að ekki líði á löngu þar til Kosovo verði gert að sjálfstæðu ríki.

FL Group bætir við sig í Royal Unibrew

FL Group hefur bætt við hlut sinn í Royal Unibrew og á eftir kaupin 16,35% í félaginu. Fyrr í mánuðinum keypti FL Group 10,7 prósenta hlut í danska félaginu. Royal Unibrew er annar stærsti drykkjarvöruframleiðandi í Skandinavíu. Meðal vörumerkja eru eru danski bjórinn Faxe sem margir Íslendingar þekkja. Félagið velti tæpum 30 milljörðum íslenskra króna árið 2004 og dreifir til yfir 65 landa.

Hussein játar

Saddam Hússein, fyrrverandi forseti Íraks, játaði fyrir rétti í Bagdad í dag að hafa fyrirskipað árás á bændabýli þar sem uppreisnarmenn sem sýndu honum banatilræði árið 1982 héldu sig.

Afganistan öðrum þjóðum fyrirmynd

George Bush, forseti Bandaríkjanna, segir Afgani vera öðrum þjóðum fyrirmynd og hvatning. Lýðræðið sé augljóslega farið að skjóta rótum í landinu.

Ónóg lög um leyniþjónustur

Evrópuríki þurfa strangari reglur um eftirlit með leyniþjónustum sínum og betra eftirlit með erlendum útsendurum sem starfa innan landamæra þeirra. Þetta sagði Terry Davis, forseti Evrópuráðsins, þegar hann kynnti skýrslu Evrópuráðsins um fangaflug bandarísku leyniþjónustunnar CIA.

Brestir í viðræðum um stjórnarmyndun

Brestir eru komnir í samningaviðræður um nýja ríkisstjórn í Írak. Forseti landsins er æfur út í forsætisráðherrann fyrir að fara í opinbera heimsókn til Tyrklands.

Bush í fyrsta sinn til Afganistan

George Bush kom í morgun í óvænta heimsókn til Afghanistan og er þetta í fyrsta sinn sem forsetinn heimsækir landið eftir hryðjuverkaárásirnar ellefta september 2001.

Halda stjórnarmyndun áfram

Ofbeldið í Írak undanfarna daga mun ekki koma í veg fyrir myndun nýrrar ríkisstjórnar á næstu vikum. Þetta segir Ibrahim al-Jafaari, forsætisráðherra Íraks, sem nú er í opinberri heimsókn í Tyrklandi.

Felldu þrjátíu uppreisnarmenn

Pakistanskar hersveitir felldu þrjátíu uppreisnarmenn í áhlaupi við landamæri Afganistan snemma í morgun. Fjölmennt herlið lét til skarar skríða á þyrlum og af jörðu niðri, án þess að uppreisnarmennirnir fengju rönd við reist.

Köttur smitaður af fuglaflensu

Þýsk yfirvöld hafa fundið dauðan kött sem var smitaður af H5N1 stofni fuglaflensunnar. Ekki er enn vitað hvort kötturinn dó af völdum fuglaflensunnar eða af öðrum orsökum en verið er að rannsaka hræið. Kötturinn fannst á sömu slóðum og fuglarnir sem fundust í Þýskalandi fyrr í mánuðinum. Ekki er enn vitað til þess að menn geti smitast af fuglaflensunni af köttum en fundurinn vekur óneitanlega ugg hjá mönnum um að fuglaflensan geti borist í aðrar dýrategundir.

Börn krefjast að múhameðsteiknarar verði hengdir

Fimmþúsund börn allt niður í átta ára gengu fylktu liði um götur stærstu borgar Pakistan í morgun og kröfðust þess að teiknarinn sem teiknaði skopmyndirnar af Múhammeð spámanni yrði hengdur. Hingað til hefur fullorðna fólkið að mestu séð um mótmælin vegna skopmyndanna í MiðAusturlöndum, en það breyttist heldur betur í dag.

Viðbúnaður hugsanlega í áhættustig tvö

Hættulegt afbrigði fuglaflensunnar hefur fundist í villtum andfuglum í suðurhluta Svíþjóðar. Samkvæmt leiðbeiningum Landbúnaðarstofnunar um áhættustig þýðir þetta að viðbúnaður vegna flensunnar verði færður á stig tvö hér á landi. Veiran greindist í tveimur skúföndum við Oskarshamn.

Tuttugu ár frá morðinu á Olof Palme

Í kvöld verða nákvæmlega tuttugu ár síðan Olav Palme, þáverandi forsætisráðherra Svíþjóðar, var myrtur í miðborg Stokkhólms. Rannsókn á morðinu er komin í fullan gang á ný og margir verða yfirheyrðir vegna þess á næstunni.

Áframhaldandi óöld í Írak

Gjáin milli súnnía og sjía í Írak gæti breikkað enn eftir sprengjuárás við legstein föðurs Saddams Hússein í morgun. Minnst þrjátíu og tveir hafa fallið í fimm sprengjuárásum fyrir hádegið.

Fuglaflensa greinist í Svíþjóð

Hið hættulega afbrigði fuglaflensunnar, af stofni H5N1, hefur greinst í suðurhluta Svíþjóðar.

Vinna harðar að auðgun úrans

Íranar vinna nú harðar en nokkru sinni að auðgun úrans, og halda áfram að hundsa fyrirspurnir kjarnorkueftirlitsmanna. Þetta kemur fram í nýrri skýrslu Alþjóða kjarnorkumálastofnunarinnar. Aðeins tæpar tvær vikur eru síðan Íranar hófu notkun á tíu nýjum skilvindum í því augnaamiði að auðga úran. Með tilliti til þess hve lítinn samstarfsvija Íransstjórn hafi sýnt, sé alls ekki hægt að fullyrða að tilgangurinn sé með öllu friðsamlegur.

Maóistar drápu fimmtíu manns

Uppreisnarmenn úr röðum maóista drápu fimmtíu manns með fjarstýrðri sprengju í morgun. Sprengjan sprakk undir sendibifreið sem í var hópur fólks sem unnið hefur gegn maóistum. Þá slösuðust margir í sprengingunni, en ekki liggur fyrir hvort einhverjir þeirra séu í lífshættu.

Flugmenn SAS með áfangasigur

Maður og geit í það heilaga

Maður í Súdan neyðist til að kvænast geit að því er fram kemur á bt.dk í dag. Málsatvik eru þau að maðurinn var í ástaratlotum við geitina þegar eigandi hennar kom að honum. Eigandi krafðist þess að maðurinn gengi að eiga geitina og að hann borgaði fyrir hana brúðargjald. Öldungaráð ráð bæjarins fundaði um málið og komst að þeirri niðurstöðu að maðurinn og geitin skyldu heitbindast

Súkkulaðiát hin hollasta iðja

Ný, bandarísk rannsókn bendir afdráttarlaust til þess að súkkúlaðiát sé hin hollasta iðja. Rannsakendur skoðuðu hóp eldri karlmanna frá Hollandi í meira en áratug og í ljós kom að blóðþrýstingur þeirra sem borðuðu súkkúlaði á hverjum degi var mun lægri en þeirra sem ekki voru fyrir súkkúlaðið, auk þess sem lífslíkur þeirra voru hreinlega meiri en hinna.

Danskir læknar lokkaðir til Noregs

Þúsundir danskra lækna nýta frítíma sinni til að vinna í Noregi þar sem þeir fá að minnsta kosti tvöfalt hærri laun. Þetta leiðir til verri þjónustu á dönskum spítölum þar sem ekki er hægt að manna alla vaktir þar eftir því sem fram kemur í Jótlandspóstinum.

Bin Laden sagður besta skinn

Osama bin Laden er kurteis, hógvær og feiminn maður. Þetta segir ástralskur maður sem var í gær dæmdur fyrir að þiggja styrki frá al-Qaida. Hann starfaði undir handleiðslu bin Laden aðeins nokkrum mánuðum áður en al-Qaida gerðu hryðjuverkaárásirnar í Bandaríkjunum 11. september 2001.

Sprengja sprakk við legstein föður Husseins

Níu sundurskotin lík fundust á víðavangi nærri borginni Bakúba í Írak í morgun. Ekki liggur fyrir hve langt er síðan fólkið var skotið, en líklega var það myrt í óöldinni í Írak í síðustu viku þegar meira en tvö hundruð manns féllu í landinu eftir sprengjuárás á eina helgustu mosku sjía. Og nú í morgunsárið sprakk svo sprengja við legstein föður Saddams Hussein í borginni Tíkrit.

Sextíu þúsund manns á kjötkveðjuhátíð í Ríó

Minnst sextíu þúsund manns komu saman á hápunkti kjötkveðjuhátíðarinnar í Ríó í gærkvöldi. Þúsundir samba-dansara sýndu listir sínar á Sambadrome-leikvanginum, ásamt hundruðum trommuleikara.

George Michael handtekinn vegna gruns um fíkniefnanotkun

Poppsöngvarinn George Michael var handtekinn vegna gruns um fíkniefnanotkun um helgina. Þetta kemur fram í götublaðinu Sun. Þar segir að söngvarinn hafi fundist í annarlegu ástandi í bíl sínum í Lundúnum snemma á laugardagsmorgun og verið handtekinn vegna gruns um að hafa fíkniefni í fórum sínum.

Norskir laxeldismenn sjá mikið sóknarfæri vegna fuglaflensunnar

Norskir laxeldismenn sjá mikið sóknarfæri inn á Evrópumarkaðinn vegna fuglaflensunnar. Intra Fish greinir til dæmis frá því að kjúklinganeysla hafi dregist saman um 70 prósent á Ítalíu vegna ótta fólkis við flensusmit úr alifuglum og þess í stað aukist meðal annars fiskneysla.

Þrjátíu þúsund manns mótmæla í París

Meira en þrjátíu þúsund manns gengu fylktu liði um götur Parísar í gær, til að mótmæla morði á gyðingi, sem kynþáttahatarar pyntuðu í þrjár vikur. Lík mannsins fannst illa brennt og handjárnað um miðjan febrúar, þrem vikum eftir að glæpagengi rændi honum í suðurhluta Parísar.

ESB bjargar Palestínumönnum frá gjaldþroti

Evrópusambandið ætlar að bjarga Palestínumönnum frá gjaldþroti. Framkvæmdastjórn sambandsins samþykkti í morgun að styrkja heimastjórnina um tæpa tíu milljarða króna.

Bono og Geldof tilnefndir til friðarverðlauna Nóbels

Rokksöngvararnir eru Bono og Bob Geldof eru meðal þeirra sem tilnefndir eru til friðarverðlauna Nóbels í ár. Þeir eru í hópi 191 einstaklings og hóps sem tilnefndir eru en báðir hafa látið sig málefni þriðja heimsins varða.

Málaferli vegna Da Vinci lykilsins hefjast í Lundúnum

Tveir breskir rithöfundar saka höfund bókarinnar Da Vinci lykillinn um að hafa stolið hugmyndinni að bókinni. Kvikmynd sem byggð er á bókinni gæti seinkað vegna málaferla.

Fólk enn hrætt í Bagdad þrátt fyrir kyrrð í morgun

Þriggja daga samfelldu útgöngubanni var aflétt í Bagdad í morgun. Hræðsla er þó enn ofarlega í huga fólks og margir óttast að kyrrðin í morgun sé bara lognið á undan storminum.

Danir skipta oftast Evrópuþjóða um vinnu

Danir skipta oftast Evrópuþjóða um vinnu samkvæmt nýrri rannsókn sem gerð var á vegum framkvæmdastjórnar Evrópusambandsins. Frá þessu er greint á fréttavef danska ríkisútvarpsns.

Sjá sóknarfæri vegna fuglaflensu

Norskir laxeldismenn sjá mikið sóknarfæri inn á Evrópumarkaðinn vegna fuglaflensunnar. Intra Fish greinir til dæmis frá því að kjúklinganeysla hafi dregist saman um 70 prósent á Ítalíu vegna ótta fólks við flensusmit úr alifuglum og þess í stað aukist meðal annars fiskneysla.