Fóstur heyra tal

Sex mánaða gömul fóstur geta heyrt tal. Þetta eru niðurstöður rannsóknar þar sem tólf hvítvoðungar, sem voru fæddir fyrir tímann, voru skoðaðir með heilaskanna. Hvítvoðungar sem höfðu einungis verið 28 vikur í móðurkviði gátu greint á milli orða eins og ga og ba og gátu líka greint á milli karlkyns og kvenkyns radda. Sérfræðingarnir að baki rannsókninni segja að þessi hæfileiki barnanna hafi að öllum líkindum verið áunnin í móðurkviði en ekki eftir að börnin fæddust. Niðurstöður rannsóknarinnar benda til þess að börn byrji að skilja tungumál strax í móðurkviði þegar þau heyra raddir foreldra sinna.

Sextán kynferðisbrot til rannsóknar á Suðurnesjum

Alls eru nú 16 kynferðisbrotamál til meðferðar við embætti lögreglustjórans á Suðurnesjum samkvæmt tilkynningu frá embættinu. Þrettán þeirra eru enn til rannsóknar en þrjú eru til afgreiðslu hjá lögfræðideild embættisins.

Flóðin enn ekki náð hámarki

Rennslið í Hvítá og Ölfusá er enn gríðarlegt og varar Veðurstofan við umferð á svæðinu.

Íslenskir karlar eru langlífastir í Evrópu

Íslenskir karlar voru langlífastir í Evrópu árið 2011. Lífslíkur íslenskra karla hafa batnað mjög á undanförnum árum.

Ungbarnadauði lægstur á Íslandi meðal Evrópuþjóða

Ungbarnadauði var lægstur á Íslandi meðal Evrópuþjóða árið 2011. Þá var ungbarnadauði á Íslandi 0,9 af 1.000 lifandi fæddum. Hvergi í Evrópu var ungbarnadauði jafn lágur og hér árið 2011.

Vantar alla stóru bitana á markað

Forstjóri Kauphallarinnar vill stóru bankana þrjá, Landsvirkjun og stór sjávarútvegsfyrirtæki á markað. Hann telur að íslenska ríkið gæti grætt tvöfalt á sölu Landsbankans en viðurkennir að höft auki hættu á bólumyndun.

Stingur upp á nýrri fjárfestingarleið

Erlend kvikmyndafyrirtæki hafa sýnt því áhuga að nýta sér fjárfestingarleið Seðlabankans til að fjárfesta í kvikmyndaverkefnum hér á landi. Leifur B. Dagfinnsson, framleiðandi hjá True North, segir binditímann sem leiðin felur í sér þó standa í fyrirtækjunum og talar fyrir sérsniðinni leið fyrir kvikmyndafjárfestingu.

Formaður Sjálfstæðisfélags Álftaness segir af sér

Sveinn Ingi Lýðsson hefur sagt af sér sem formaður stjórnar Sjálfstæðisfélags Álftaness. Þetta kemur fram á Eyjubloggi hans.

Varað við grjóthruni á Siglufjarðarvegi

Vegagerðin varar við grjóthruni á Siglufjarðarvegi, alveg frá Ketilási inn á Siglufjörð.

Skilin hafa skerpst í afstöðu til viðræðna

Að loknum landsfundum um helgina hafa þeir stjórnmálaflokkar sem notið hafa mests fylgis birt stefnu sína í Evrópumálum. Tveir vilja ljúka viðræðum um Evrópusambandsaðild og tveir stöðva þær. Línur virðast dregnar í stjórnarmyndun.

Seldu æðardún fyrir 508 milljónir

Verðmætaaukning íslensk æðardúns milli áranna 2011 og 2012 nemur 35,5% en árið 2012 var æðardúnn seldur fyrir tæplega 508 milljónir. Er það í fyrsta sinn sem útflutningsverðmæti hans nemur meira en hálfum milljarði króna.

Flóð í ám víða á landinu

Allir vatnamælar Veðurstofunnar í ám á vestan- sunnan- og suðaustanverðu landi sýna nú rautt, sem þýðir mjög mikið rennsli.

Ölvaður ferðamaður í átökum við lögreglumenn

Ölvaður erlendur ferðamaður,sem var til ófriðar á veitingastað í miðborginni upp úr miðnætti, veittist að lögreglumönnum, sem kallaðir voru á vettvang, og hafði í alvarlegum hótunum við þá. Hann var yfirbugaður og vistaður í fangageymslu.

Ferðalangarnir fimm allir komnir af sjúkrahúsi

Ferðalangarnir fimm, fjórir útlendingar og einn íslenskur fararstjóri og bílstjóri, sem var bjargað af þaki jeppa úti í miðri á í Landmannalaugum snemma í gærkvöldi og fluttir til Reykjavíkur, voru allir útskrifaðir af Landspítalanum í gærkvöldi, að aðhlynningu lokinni.

Óþarft er að örvænta þótt frostið bíti brátt í blöðin

Hlýindin undanfarna daga hafa gefið okkur sumum græna runna og blómstrandi garða. Þó er spáð frosti í lok vikunnar og segir garðyrkjufræðingur helsta áhyggjuefnið vera rætur sem gætu skaðast ef jörð er mjög blaut.

Björgunarskip sótti veikan sjómann um borð í togara

Björgunarskip Landsbjargar í Grindavík var undir miðnætti sent til móts við íslenskan togara, en þar var veikur sjómaður um borð.

Húsaleiga yrði allt að 43% lægri

Hægt yrði að leigja 100 fermetra íbúð á höfuðborgarsvæðinu á tæpar 88 þúsund krónur á mánuði ef hið opinbera byði upp á félagslegt leiguhúsnæði að danskri fyrirmynd. Þetta segir Alþýðusamband Íslands, sem kynnti í gær hugmyndir sínar um upptöku sambærilegs kerfis hér á landi.

Gjaldskrá sögð fela í sér grófa mismunun

Ný gjaldskrá fyrir almenningssamgöngur í Fjarðabyggð er orðin hitamál innan bæjarstjórnar. Ekki greiða allir íbúar lengur sama gjald eins og var heldur ræður búseta kostnaði. Mismunun, segir minnihlutinn en meirihlutinn hafnar gagnrýni.

Enn í eigu kaupanda þótt seljandi vilji rifta

Skíðaskálinn í Hveradölum er enn eign samnefnds einkahlutafélags sem keypti skálann í september síðastliðnum en er ekki kominn aftur í hendur seljandans eins og sagt var í Fréttablaðinu í síðustu viku.

Móðurmjólk getur skemmt tennur

Ráðlagt er að draga úr næturgjöfum barna við átta til tólf mánaða aldur, samkvæmt ráðleggingum Embættis tannlæknis um tannvernd. Árlega eru allt að 200 smábörn, fimm ára og yngri, svæfð vegna alvarlegra tannskemmda af völdum sætra og súrra drykkja að næturlagi.

Strokið fjórum sinnum af geðdeild

Tuttugu og tveggja ára piltur sem var sviptur sjálfræði tímabundið vegna geðraskana og eiturlyfjaneyslu í byrjun janúar strauk í fjórða skipti af geðdeild landspítalans í gærkvöld. Ekki er vitað hvar hann er niðurkominn í dag. Móðir hans segist alls staðar koma að lokuðum dyrum og segir algjört úrræðaleysi í kerfinu gagnvart svona veikum einstaklingum.

Ferðafólki bjargað úr sjálfheldu

Þyrla Landhelgisgæslunnar bjargaði hópi fólks úr sjálfheldu eftir að bíll þeirra drap á sér í straumharðri á við Landmannalaugar síðdegis í dag.

Fjórar konur ákærðar fyrir að afklæða konu og raka af henni hárið

Ríkissaksóknari hefur gefið út ákærur gegn fjórum konum á þrítugsaldrinum fyrir hrottafengna líkamsárás í Mosfellsbæ í janúar á síðasta ári. Konunum er gefið að sök að hafa ráðist á unga konu á heimili hennar, þar sem hún var sofandi.

Hæstiréttur staðfestir að Guðlaugur Þór og fleiri þurfa ekki að bera vitni

Hæstiréttur Íslands staðfesti úrskurð Héraðsdóms Reykjavíkur um að þau Guðlaugur Þór Þórðarson, eiginkona hans, Ágústa Johnson, Sigurjón Árnason, fyrrverandi bankastjóra Landsbankans, og Hauk Haraldsson til vitnis í dómsmálinu gegn Gunnari Þ. Andersen, fyrrverandi forstjóra Fjármálaeftirlitsins.

Réttindalaus reykspólaði rétt hjá lögreglustöðinni

Lögreglan á Suðurnesjum hafði um helgina afskipti af þremur ökumönnum sem allir voru réttindalausir.

Skoða undanþágur betur vegna hugmynda um fljótandi spilavíti

Fjármála- og efnahagsráðuneytið skoðar nú hvort tilefni sé til þess að til að skilyrði undanþágu á tollalögum verði skilgreind með skýrari hætti í tollalögum en nú er.

Varað við flóði á Suðurlandi

Veðurstofan varar við flóði í Hvítá og Ölfusá. Vatnavextir eru á Vesturlandi, Suðurlandi og Suðausturlandi vegna mikilla rigninga og hlýinda undanfarna daga.

Lögreglan leitar að ræningjum

Lögreglan á höfuðborgarsvæðinu leitar nú tveggja manna sem frömdu rán í versluninni 10-11 í Þverbrekku í Kópvogi klukkan rúmlega ellefu síðastliðið föstudagskvöld, en tilkynning um málið barst lögreglu kl. 23.17.

Ingó hættur í meðferð við hvítblæði - Langar að taka myndir af Kötlugosi

"Það var dálítið "heavy“ að fá fréttirnar,“ segir ljósmyndarinn Ingólfur Júlíusson sem hefur barist við hvítblæði síðustu mánuði. Í síðustu viku tilkynnti Ingó, eins og hann er að jafnan kallaður, að ekki hefði tekist að lækna hvítblæðið og því hafi meðferð verið hætt. Ingólfur hefur því fengið úrskurð frá lækni um að hann eigi nokkra mánuði eftir ólifaða.

Fá að lesa útskrift af símtali Davíðs og Geirs

Fjárlaganefnd fær að lesa útskrift af símtali Davíðs Oddssonar, þáverandi seðlabankastjóra, og Geirs Haarde, þáverandi forsætisráðherra, þar sem þeir ræddu þrautavaralán til Kaupþings með veði í FIH. Nefndn hefur farið fram á að fá útskrift af samtalinu afhenta Í bréfinu segir að Seðlabankinn hafi hugað hvernig hann geti komið til móts við fjárlaganefnd í þessu máli án þess að brjóta í bága við þagnarskyldu sína.

Fór úr axlarlið í fótbolta

Lögreglan á Suðurnesjum var í gærdag kvödd í Reykjaneshöllina vegna íþróttaslyss sem þar hafði orðið. Þar hafði stúlka lent í samstuði við annan leikmann í fótboltaleik.

Sautján ára ökumaður undir áhrifum fíkniefna

Tveir ökumenn voru handteknir um helgina vegna gruns um akstur undir áhrifum fíkniefna í umdæmi lögreglunnar á Suðurnesjum. Annar ökumannanna, karlmaður um tvítugt, var hvorki með ökuskírteini né persónuskilríki meðferðis. Sýnatökur á lögreglustöð staðfestu að hann hafði neytt kannabisefna.

Ræningi í gæsluvarðhald

Karlmaður á þrítugsaldri hefur verið úrskurðaður í gæsluvarðhald til 22. mars eftir að hann játaði að hafa fram tvö rán í vesturbæ Reykjavíkur um helgina. Í tilkynningu frá lögreglu segir að almannahagsmunir séu í húfi og því skuli hann sæta gæsluvarðhaldi.

"Okkar kjötbollur eru framleiddar á Íslandi"

"Okkar kjötbollur eru framleiddar á Íslandi," segir Stefán Dagsson, verslunarstjóri Ikea á Íslandi.

Árni Þór: Bagalegt ef menn ganga á lagið strax

"Það er alveg ljóst að tilgangur laganna er að koma til móts við skemmtiferðaskip sem sigla í kringum landið,“ segir Árni Þór Sigurðsson, þingmaður Vinstri grænna, en hann kom í gegn breytingum á tollalögum á síðasta ári sem gerði skemmtiferðaskipum, skráðum í útlöndum, kleift að gera út tollfrjálst hér við land í allt að fjóra mánuði á ári.

Rifrildi við Hótel Selfoss - var kýldur af vinkonu

Lögregla var kölluð að Hótel Selfoss á föstudagskvöld en þar hafði par verið að rífast fyrir utan hótelið. Að sögn lögreglu lauk rifrildinu með því að konan sló manninn með krepptum hnefa í andlitið með þeim afleiðingum að blóð lak úr báðum vörum hans. Maðurinn leitaði sér sjálfur aðstoðar á slysadeild.

Lýst eftir Elvu Brá

Lögreglan á höfuðborgarsvæðinu lýsir eftir Elvu Brá Þorsteinsdóttur. Hún er 23 ára, en hún er fædd árið 1990. Elva Brá er 165 cm á hæð, grannvaxin og dökkhærð. Þeir sem geta veitt upplýsingar um hvar hana er að finna vinsamlegast hafi samband við lögreglu í síma 444 1000.

Fundu hrossakjöt í kjötbollum frá Ikea

Tékkneska matvælaeftirlitið hefur fundið hrossakjöt í kjötbollum sem eru framleiddar í Svíþjóð fyrir Ikea. Hrossakjötshneykslið hefur skekið alla Evrópu um mánaðaskeið. Hrossakjöt, sem selt var sem nautakjöt, fannst fyrst í unnum kjötvörum á Bretlandi og á Írlandi. Síðan þá hefur hneykslið borist til annarra landa og hafa meðal annars vörur á Íslandi verið innkallaðar vegna þess.

Með amfetamín í vasanum

Lögreglan á Suðurnesjum hafði í fyrrinótt afskipti af karlmanni um fertugt, við hefðbundið eftirlit með veitingahúsum í umdæminu. Hann reyndist vera með um gramm af amfetamíni í buxnavasa sínum. Mál hans fer í hefðbundinn farveg.

Þrálátt landssig á Siglufjarðarvegi

Verktakar eru nú að aka möl til að fylla upp í jarðsig, sem hefur orðið á Siglufjarðarvegi. Sigið er mest á tveimur stöðum, en þar hefur verið þrálátt landssig undan veginum í mörg ár. Þegar búið verður að aka nægu efni á vettvang, verður heflað yfir og lýkur verkinu líklega fyrir kvöldið.

Ólafur Ragnar fundar með Hollande

Ólafur Ragnar Grímsson forseti Íslands hóf í dag heimsókn til Parísar í boði franskra stjórnvalda. Hann mun á morgun eiga fund í Elysée höll með François Hollande forseta Frakklands þar sem m.a. verður rætt um glímuna við fjármálakreppuna, þróun Norðurslóða og nýtingu hreinnar orku.

Stefna á að starfrækja fljótandi spilavíti við Íslandsstrendur

"Við sjáum tækifæri í sjóferðamennsku sem fer mjög vaxandi í heiminum,“ segir Þórir Garðarsson, markaðsstjóri ferðafyrirtækisins Iceland Excursion, en fyrirtækið stefnir á samstarf við skemmtiferðaskip skráð erlendis sem væri hægt að nýta til skemmtiferðasiglinga um íslandsstrendur.

Þorvaldur Þorsteinsson látinn

Þorvaldur Þorsteinsson, myndlistarmaður og rithöfundur, lést laugardaginn 23. febrúar í borginni Antwerpen í Belgíu. Þorvaldur fæddist 7. nóvember árið 1960 á Akureyri og var því 52 ára gamall. Þorvaldur lætur eftir sig eiginkonu, Helenu Jónsdóttur, tvö fósturbörn og tvö afabörn.

Besta gengi Bjarna í formannskjöri

Bjarni Benediktsson var endurkjörinn formaður Sjálfstæðisflokksins með 79 prósentum atkvæða á landsfundi. Hanna Birna Kristjánsdóttir er nýr varaformaður. Umdeild tillaga um að hætta viðræðum við Evrópusambandið samþykkt. Flokksmenn deildu um verðtrygging

Er ekki karl í krapinu í brimskafli

Katrín Jakobsdóttir tók við formennsku í Vinstri grænum um helgina. Hún segir stóra málið í stjórnmálum í dag vera að bæta kjör almennings. Hún segir of snemmt að spá í næsta stjórnarmynstur, fyrst þurfi flokkurinn að