Kúabændur furða sig á ákvörðun landbúnaðarráðherra

Landssamband kúabænda furðar sig á þeirri ákvörðun sjávarútvegs- og landbúnaðarráðherra að heimila innflutning á ostum unnum úr ógerilsneyddri mjólk en reglugerð þess efnis var undirrituð í vor eins og Fréttablaðið greindi frá á dögunum.

Ætlar á snekkju í kringum Ísland, eftir hringveginum

Skoskur ævintýramaður, Andrew Baldwin að nafni, ætlar að fara hringinn í kringum Ísland á lítilli snekkju sinni. Þetta væri svo sem vart í frásögur færandi nema að hann ætlar að keyra snekkjuna, sem heitir Scary Marie, eftir hringveginum.

Lyfjakostnaður lækkar áfram

Lyfjakostnaður Sjúkratrygginga, vegna lyfja annarra en sjúkrahúslyfja, lækkaði árið 2011 frá árinu á undan þrátt fyrir að lyfjanotkun hefði aukist. Lækkunin er einkum til komin vegna breytinga stjórnvalda á greiðsluþátttöku í þunglyndis- og flogaveikislyfjum.

Vill dýralögreglu sem sérhæfir sig í eftirliti

„Eftirlit með dýravelferð hér á landi er í mjög lágum gæðaflokki,“ segir Árni Stefán Árnason, lögfræðingur í dýrarétti. „Málarekstur tekur langan tíma, valdhafar beita ekki inngripum og hagsmunatengsl eru mjög rík.“

Tryggja farsímasamband um allan heim

Íslenska fyrirtækið On Waves, sem er að stærstum hluta í eigu Símans, tryggir áhöfn og farþegum á hátt í 600 stórskipum um allan heim farsímasamband. Í þeim hópi er fjöldi skemmtiferðaskipa en eitt þeirra, Celebrity Eclipse, lagðist að bryggju í Reykjavík í gær.

Segir úrbóta þörf eftir laumufarþegaatvik

Öryggisferlar flugfélaga á Keflavíkurflugvelli eru óbeint tengdir almennu öryggiskerfi á flugvallarsvæðinu. Úrbóta er þó þörf í ljósi atviks um síðustu helgi þegar tveir menn komust inn á öryggissvæði flugvallarins og upp í flugvél Icelandair þar sem þeir fundust. Þetta segir Heimir Már Pétursson, upplýsingafulltrúi Iceland Express, í samtali við Fréttablaðið, aðspurður um yfirlýsingu Isavia um að öryggiskerfi á flugvellinum „hafi virkað“ þrátt fyrir uppákomuna.

Frjókorn fleiri í þurrki og hita

Mikil frjódreifing var í Reykjavík í júní enda mánuðurinn óvenjuþurr. Heildarfjöldi frjókorna í júní reyndist 1.841 frjó á rúmmetra. Aðeins í fyrra mældust þau fleiri.

Fréttablaðið heldur ótvíræðu forskoti

Fréttablaðið er sem fyrr langmest lesna blað landsins samkvæmt mælingum Capacent. Nýjasta lestrarkönnunin, fyrir annan ársfjórðung 2012, sýnir að 68,6 prósent höfuðborgarbúa á aldrinum 18 til 49 ára lesa blaðið, sem er lækkun úr 69,3 prósentum frá fyrsta ársfjórðungi.

Tekinn með fíkniefni í Hjartargarðinum

Lögregla stöðvaði mann í Hjartargarðinum svokallaða við Laugaveg í nótt. Hann reyndist vera með fíkniefni á sér og fær hann á sig kæru fyrir vikið. Einnig var hann kærður fyrir brot á lögreglusamþykkt.

Koma má með hrátt kjöt ef það er frosið

Ferðamenn geta nú komið með hrátt kjöt til landsins sé það frosið og prófað fyrir salmónellu. Ekki þarf að greiða toll af kjötinu sé magnið undir þremur kílóum. Afla þarf þó leyfis hjá sjávarútvegs- og landbúnaðarráðuneytinu fyrir fram. Vottorðakrafa fyrir soðnar vörur hefur verið felld niður, að því er Gísli Sverrir Halldórsson, dýralæknir inn- og útflutningsmála hjá Matvælastofnun (MAST) greinir frá.

Gefa 100 kíló af erlendri mynt

Forsvarsmenn Strætó afhentu Dóru Elínu Atladóttur, forstöðumanni Vildarbarna Icelandair, yfir hundrað kíló af erlendri mynt nýverið.

Fleiri geitungar en voru í fyrra

Það sem af er sumri hafa meindýraeyðar Reykjavíkurborgar þurft að eyða mun fleiri geitungabúum en síðastliðin ár. Guðmundur Björnsson, meindýraeyðir hjá Reykjavíkurborg, segir þó að nú sé geitungatímabilið rétt að hefjast svo að enn sé of snemmt að bera árin saman. "Þetta er þó vísbending um að þeim gæti verið að fjölga,“ segir hann.

Engin sameining syðra að sinni

Ekkert verður af viðræðum um sameiningu Reykjanesbæjar, Garðs og Sandgerðis eftir að Sandgerðingar ákváðu að taka ekki þátt. Bæjaryfirvöld í Garði, sem höfðu áður ákveðið að taka þátt í viðræðunum, sjá ekki grundvöll fyrir að halda áfram viðræðum án Sandgerðinga.

Skolp rennur úr yfirfalli fyrir regnvatn

Úr yfirfallsröri fyrir regnvatn fellur skolp í Arnarneslæk í Garðabæ. Íbúi í nágrenninu segir lyktina vera eins og á útikamri. Rörið kemur frá einu af elstu hverfunum í Garðabæ, úr Mýrahverfi og Túnahverfi. Í læknum fljóta pappírstægjur og límast við steina og hvít slikja liggur á vatninu.

18.000 íbúinn fær gjafir

Íbúar á Akureyri urðu 18 þúsund talsins 29. maí, þegar Elísabetu Þórunni Jónsdóttur og Sveini Arnarsyni fæddist sonur. Af því tilefni ætla Eiríkur Björn Björgvinsson bæjarstjóri og Geir Kristinn Aðalsteinsson, forseti bæjarstjórnar, að afhenda drengnum og foreldrum hans gjafir í dag.

Icelandair flaug oftast frá Íslandi

Icelandair flaug allra flugfélaga mest frá Íslandi í júní. Flugfélagið stóð fyrir tæpum 70 prósentum allra utanlandsfluga frá landinu, eða tæplega tólf hundruð ferðum. Túristi.is hefur tekið saman upplýsingar um ferðir allra flugfélaga sem héðan flugu í júní.

Þúsundir íbúa búa við hávaða

Hávaði frá umferð fer yfir viðmiðunarmörk við húsveggi þúsunda íbúða á höfuðborgarsvæðinu. Fyrsta áfanga kortlagningar hávaða frá stórum vegum í þéttbýli er lokið.

Björgólfur Thor fær ekki að breyta húsinu

Húsið við Fríkirkjuveg 11 í Reykjavík hefur nú verið friðað að öllu leyti. Mennta- og menningarmálaráðherra friðaði á mánudag innra byrði hússins að tillögu Húsafriðunarnefndar. Ytra byrðið var friðað 25. apríl 1978.

Íslenskir dómstólar brutu á blaðakonum

Íslenska ríkið braut gegn tjáningarfrelsi blaðamannanna Bjarkar Eiðsdóttur og Erlu Hlynsdóttur, þegar þær voru dæmdar til að bera ábyrgð á ummælum viðmælenda sinna og fundnar sekar um meiðyrði árið 2009. Þetta er niðurstaða Mannréttindadómstóls Evrópu, sem dæmir ríkið til að greiða þeim báðum milljónir í skaða- og miskabætur og málskostnað.

Skemmdu upplýsingavita

Skemmdir voru unnar á upplýsingavita við setlaugina á Gróttu um hádegið í dag samkvæmt lögreglunni á höfuðborgarsvæðinu. Samkvæmt upplýsingum starfsmanns Seltjarnarnesbæjar er tjónið nokkur hundruð þúsund krónur.

Færri rannsóknir með niðurskurði auka hættu á að sýkingar fari leynt

Rannsóknum Landspítalans á blóðsýkingum með ræktun hefur fækkað samhliða niðurskurði. Það skapar aukna hættu á að sýkingar greinist seint eða aldrei.

Útilokað að flugvöllurinn fari án samþykkis ríkisins

Innanríkisráðherra segir útilokað að flugvöllurinn fari úr Vatnsmýri án samþykkis ríkisins, enda eigi ríkið landið að mestu. Það sé því óráð hjá borgarstjórn að skipuleggja þar íbúðahverfi, auk þess vilji yfirgnæfandi meirihluti borgarbúa halda flugvellinum. Borgarstjórn Reykjavíkur boðar nú þéttingu byggðar með fjórtán þúsund nýjum íbúðum á næstu 18 árum, þar af á helmingurinn, eða um sjö þúsund íbúðir, að rísa í Vatnsmýri.

Konan í Landmannalaugum fundin

Konan, sem leitað var að í Landmannalaugum í dag, er fundin. Samkvæmt tilkynningu frá gæslunni fannst konan rétt fyrir klukkan sex í kvöld, en þyrla Landhelgisgæslunnar, TF-GNA, fór í loftið um klukkan þrjú í dag til þess að leita hennar. Konan var í símasambandi við starfsmenn gæslunnar. Þar sem ekki var hægt að lenda á staðnum þar sem konan var, seig sigmaður niður eftir konunni og var hún hífð upp í þyrluna.

Vantaði allan rökstuðning í niðurstöðu héraðsdómara

Umræða um mansal og nektardansstaði á erindi við alla Evrópubúa, þetta kemur fram í dómi Mannréttindadómstóls Evrópu sem komst í dag að þeirri niðurstöðu að íslenska ríkið hefði brotið gegn tjáningarfrelsi blaðamannanna Björk Eiðsdóttur og Erlu Hlynsdóttur.

Fórnarlamb segist ekki ætla að láta óþokka hrekja sig að heiman

Karlmaður á sjötugsaldri sem var bundinn og keflaður á eigin heimili í sex tíma segist ekki ætla að láta hræðsluna við óþokkana eyðileggja fyrir sér heimilið. Hann féllst á að lýsa atburðarrásinni en af tillitsemi við öryggi mannsins verður nafn hans ekki birt.

Evrópskir kvikmyndagerðarmenn skrásetja líf íslenska bóndans

Það eru ekki bara kvikmyndagerðarmenn frá draumaborginni sem hafa áhuga á Íslandi þessi dægrin. Arthúr Björgvin Bollason er hér á landi að lóðsa þýska kvikmyndageðarmenn um íslenskar sveitir. Umfjöllunarefni kvikmyndagerðarmannanna er ekki trylltar geimverur eða dökk framtíðarsýn Tom Cruise og félaga í kvikmyndinni Oblivion, heldur hinn jarðtengdi íslenski sauðfjárbóndi.

Þeir sem misstu af veiðunum fá uppbót

Þeir sem töldu að strandveiðar á svæði A væru óheimilar í dag og réru ekki fá í staðinn viðbótardag til strandveiða í ágúst mánuði.

Þyrla leitar ferðamanns við Landmannalaugar

Þyrla Landhelgisgæslunnar var kölluð út fyrr í dag til aðstoðar við leit að erlendum ferðamanni sem er villtur á hálendinu. Talið er að hann sé í nágrenni Landmannalauga. Það var lögreglan á Hvolsvelli sem óskaði eftir aðstoð þyrlunnar. Þyrlan fór í loftið um þrjúleytið í dag, samkvæmt upplýsingum frá Landhelgisgæslunni.

Fríkirkjuvegur 11 friðaður

Húsið að Fríkirkjuvegi 11 hefur verið friðað í heild sinni. Ytra byrði hússins var friðað á áttunda áratug síðustu aldar en að tillögu Húsafriðunarnefndar var innra byrðið friðað sömuleiðis. Húsið þykir eðalsteinn íslenskrar byggingalistar. Athafnamaðurinn Thor Jenssen fékk Einar Erlendsson arkitekt til að teikna fyrir sig íbúðarhús sem hann reisti við Fríkirkjuveg 11 árið 1907.

Söfnun undirskrifta hafin fyrir Ingólfstorg og Nasa

Undirskriftasöfnun til bjargar Ingólfstorgi og Nasa hófst á netinu í dag. Ætlunin er að mótmæla fyrirhuguðum byggingarframkvæmdum á Ingólfstorgi og því að hótel rísi þar sem nú er skemmtistaðurinn Nasa.

Allt slökkvilið kallað að Þverholti

Allt tiltækt lið slökkviliðsins var kallað að Þverholti 19 fyrir stundu. Þar var nokkur eldur en búið er að ná tökum á honum að mestu leyti.

Strandveiðar heimilar í dag fyrir mistök

Strandveiðar voru óvart heimilar í dag á svonefndu A svæði vestanmegin á landinu. Sjávarútvegsráðuneytið hafði auglýst að strandveiðum yrði lokað á svæðinu frá og með deginum í dag. Eitthvað virðist hins vegar hafa farið úrskeiðis í samskiptum ráðuneytisins og starfsmanna Stjórnartíðinda með þeim afleiðingum að auglýsingin birtist ekki í B-deild Stjórnartíðinda. Auglýsingin tók því ekki gildi í dag og um leið og sjómenn urðu þess áskynja þustu þeir aftur út á miðin.

Síbrotamaður í fangelsi

Karlmaður á þrítugsaldri var dæmdur í tíu mánaða fangelsi í dag fyrir fjölda brota, svo sem innbrot, nytjastuldi gripdeildir og fleiri brot sem framin voru í ár og í fyrra. Tveir nítján ára gamlir piltar voru dæmdir í þriggja mánaða skilorðsbundin fangelsi fyrir að hafa tekið þátt í hluta af þessu brotum. Mennirnir voru meðal annars fundnir sekir um að hafa stolið bíl þann 8. júní síðastliðinn í Hafnarfirði og dælt bensíni á hann án þess að greiða fyrir. Þá brutust þeir inn í íbúð í Helluvaði og fóru inn um ólæstar dyr á íbúð í Kambavaði. Tveir mannanna hafa ítrekað gerst brotlegir við lög en ekki sá þriðji.

Réðst á lögreglumenn

Kona á sextugsaldri var í morgun dæmd í fimm mánaða skilorðsbundið fangelsi fyrir eignarspjöll og brot gegn valdstjórninni. Konan var fundin sek um að hafa brotið tvær rúður á bakhlið íbúðarhúss í Vesturbæ og eina á framhlið þess, auk þess að valda skemmdum á útidyrahurð hússins. Hún sparkaði svo í bringu lögreglumanns og stuttu síðar í andlit lögreglukonu sem höfðu afskipti af konunni. Konan á sér nokkra brotasögu og hefur gengist undir lögreglusátt vegna líkamsárásarmáls og hlotið dóma fyrir ölvunarakstur.

Skýrt og einbeitt markmið að sigra nektarhlaupið

Pétur Geir Grétarsson fór á Hróarskeldu með það skýra og einbeitta markmið að sigra nektarhlaupið. Sem hann og gerði með miklum sóma. Hann sigraði með tíu metra forskoti, sem verður að teljast nokkuð gott.

Blaðamenn geti fjallað um málefni á borð við mansal og nektardansstaði

Það er tími til kominn að menn átti sig á því hvað tjáningarfrelsið skiptir miklu máli hér á íslandi og því sé gefið svigrúm til að vinna fyrir samfélagið, segir Hjálmar Jónsson, formaður Blaðamannafélags Íslands. Mannréttindadómstóll Evrópu komst í morgun að þeirri niðurstöðu að íslenska ríkið hefði brotið gegn tjáningarfrelsisákvæði

Tillitsleysi í miðborginni

Bílstjórar gerast sí og æ sekir um átakanlegt tillitsleysi með því að leggja ökutækjum sínum langt upp á gangstéttir að sögn lögreglu. Talsvert er um stöðubrot og þá á lögreglan um fátt annað að velja en að láta fjarlægja ökutæki á kostnað eigenda.

Uppbygging í Frankfurt er Reykvíkingum áminning

Sigmundur Davíð Gunnlaugsson, formaður Framsóknarflokksins, stimplar sig inn í umræðuna um uppbygginguna við Ingólfstorg og Kvosinni á bloggsíðu sinni í dag. Hann rifjar upp uppbyggingu í gamla miðbæ Frankfurt eftir síðari heimsstyrjöldina.

Himinn og jörð loga á verðlaunaljósmynd

Bæði jörðin og himinninn loga í mynd sem ljósmyndarinn Sigurður Hrafn Stefnisson tók af Heklugosinu árið 1991. Myndin var valin ein af 100 bestu ljósmyndum 113 ára hjá National Geographic árið 2001.

Fundu 70 kannabisplöntur

Rúmlega 70 kannabisplöntur fundust á ýmsum stigum ræktunar þegar lögreglan á höfuðborgarsvæðinu stöðvaði kannabisræktun í íbúð í fjölbýlishúsi í Grafarholti um helgina. Húsráðandi, karl á fertugsaldri, viðurkenndi aðild sína að málinu.

Stórsigur fyrir blaðamenn

"Ég er í skýjunum yfir þessu," segir Björk Eiðsdóttir, ritstjóri Séð og heyrt og fyrrverandi blaðamaður á Vikunni. Mannréttindadómstóll Evrópu komst að þeirri niðurstöðu í morgun að íslenska ríkið hefði brotið gegn henni og Erlu Hlynsdóttur blaðamanni þegar þær voru gerðar ábyrgar fyrir ummælum viðmælenda sinna á tveimur dómsstigum á Íslandi. "Þetta er frábært. Fyrir hönd okkar allra í blaðamannastéttinni, þá er þetta bara stórsigur," segir hún.

Tjáningarfrelsið var fótum troðið - dómurinn reifaður

Það sem skipti höfuðmáli í dómum Mannréttindadómstóls Evrópu sem féllu í dag, þar sem íslenska ríkið var talið hafa brotið gegn tjáningafrelsi tveggja blaðamanna, er það hlutverk sem fjölmiðlar gegna í lýðræðissamfélagi, þeir eru varðhundar lýðræðisins. Og þó pressan megi ekki ganga út fyrir ákveðin mörk og verði að bera virðingu fyrir orðspori fólks er það engu að síður skylda fjölmiðla að miðla upplýsingum og hugmyndum um málefni sem snerta almenning. Og almenningur hefur rétt til að njóta þeirra.

„Stórkostlegur sigur fyrir tjáningarfrelsið“

Ég held að þetta hafi verið stórkostlegur sigur fyrir tjáningarfrelsið í landinu sem hefur verið í nauðvörn síðustu ár fyrir dómstólnum, segir Gunnar Ingi Jóhannsson, lögmaður blaðmannanna Bjarkar Eiðsdóttur og Erlu Hlynsdóttur.

Erla og Björk unnu báðar mál sín hjá Mannréttindadómstólnum

Erla Hlynsdóttir fréttamaður á Stöð 2 og Björk Eiðsdóttir ritstjóri Séð og Heyrt unnu báðar dómsmál sín gegn íslenska ríkinu fyrir Mannréttindadómstóli Evrópu.

Sir Anthony Hopkins á leið til Íslands

Breski stórleikarinn sir Anthony Hopkins er væntanlegur til landsins síðar í sumar. Hann hefur fallist á að taka að sér hlutverk í myndinni Noah sem tekin verður upp að hluta til hér á landi.