Ruslið hleðst upp við Frakkastíg

Það er ófögur sjón sem blasir við vegfarendum sem ganga niður Frakkastíginn neðan við Hverfisgötu í Reykjavík. Þar er autt svæði sem ber merki mikils hirðuleysis.

Minna þarf að pissa um nætur

Staðfest er að náttúruvaran SagaPro sem unnin er úr íslenskri ætihvönn virki vel við næturþvaglátum. Klínísk rannsókn sem gerð var á vörunni og birt í virtu læknatímariti sýnir fram á að varan eykur blöðrurýmd og dregur úr tíðni næturþvagláta. SagaMedica framleiðir vöruna.

Magn frjókorna í lofti birt daglega

Á vef Náttúrufræðistofnunar má nú nálgast upplýsingar um magn frjókorna í lofti á hverjum virkum degi. Birtar eru tölur frá mælingastöð í Urriðaholti í Garðabæ.

Í fyrra entust kjötbirgðirnar fram í janúar

Hrafnreyður ehf. hefur uppi áform um að auka enn frekar hrefnuveiðar. Í fyrra voru veiddar um fimmtíu hrefnur en að sögn Gunnars Bergmanns Jónssonar framkvæmdastjóra er stefnt að því að veiða um áttatíu dýr í ár. Markmiðið er að neytendum standi hrefnukjöt til boða allan ársins hring.

Ógerilsneyddir ostar leyfðir

Leyfilegt er nú að flytja til landsins osta úr ógerilsneyddri mjólk. Samkvæmt nýrri reglugerð sem tók gildi í maímánuði er hverjum ferðalangi nú leyfilegt að flytja til landsins allt að einu kílói af ostum unnum úr ógerilsneyddri mjólk til einkanota. Landbúnaðarráðherra getur heimilað innflutning á meira magni, en aðeins til einkaneyslu.

Ferðamenn fyrirferðarmiklir í símkerfunum

Sú mikla aukning á fjölda ferðamanna sem orðið hefur hér á landi síðustu tvö ár hefur áhrif víðar í hagkerfinu en hjá fyrirtækjum í ferðaþjónustu. Eitt dæmi um áhrifin er fjölgun á notendum símkerfa símafyrirtækjanna yfir sumarmánuðina.

Mál laumufarþega sagt mjög alvarlegt

Isavia mun yfirfara öryggiseftirlit sitt með starfsemi á Keflavíkurflugvelli eftir að tveir menn komust inn á flughlað og upp í vél Icelandair aðfaranótt sunnudags. Í tilkynningu frá Isavia segir að atvikið sé litið mjög alvarlegum augum.

Bann við vörubílum í þjóðgarði gagnrýnt

Sveitarfélög fyrir austan fjall eru ósátt við nýjar takmarkanir á vöruflutningum um þjóðgarðinn á Þingvöllum.

Strandveiðar stöðvaðar

Strandveiðar verða stöðvaðar á svæði A frá og með deginum í dag. Um er að ræða landið vestanvert og vestfjarðakjálkann, frá Snæfellsnesi til Súðavíkur.

Grunuðum nauðgara sleppt

Manninum sem grunaður er um að hafa nauðgað konu á Bestu útihátíðinni hefur verið sleppt úr haldi lögreglu. Rannsóknardeild lögreglunnar á Selfossi fer með málið.

Afnám orlofs húsmæðra rætt

Samband íslenskra sveitarfélaga boðar til fundar í næsta mánuði til að ræða kosti þess og galla að afnema lög um húsmæðraorlof.

Eignarhald veiðijarða flyst úr héraði

Byggðaráð Borgarbyggðar hyggst láta kanna umfang og samfélagsleg áhrif stangveiða í sveitarfélaginu. Efnahagslegt virði laxveiðanna í Borgarbyggð er áætlað 3,2 milljarðar króna. Er þar tekið tillit til beinna, óbeinna og afleiddra áhrifa.

Undirrita Landslagssamning Evrópu

Ísland hefur undirritað Landslagssamning Evrópu, en fullgilding þess samnings er á meðal markmiða í samstarfsyfirlýsingu ríkisstjórnarinnar frá 2009. Berglind Ásgeirsdóttir, sendiherra í Frakklandi, undirritaði samninginn fyrir Íslands hönd.

Vill beita hrossum gegn sinu

Slökkviliðsstjóri Borgarbyggðar segir hrossabeit eitt besta ráðið til að sporna gegn hættu á gróðureldum.

Þyrla sækir slasaða í annað skiptið á nokkrum klukkustundum

Önnur beiðni um útkall barst Landhelgisgæslunni um klukkan hálf átta í kvöld þegar þyrlan var að lenda við Landspítalann eftir bráðaflutning á Hólmavík. Þannig varð tveggja bíla árekstur um klukkan fimm í dag fyrir botni Steingrímsfjarðar á Vestfjörðum. Þá var að minnsta kosti einn talinn slasaður.

Enginn ráðherrakapall fyrir kosningar - búist við að Katrín snúi aftur

Ekki verður frekari færsla á ráðherraembættum milli stjórnarflokkanna fyrir kosningar. Þingmenn Samfylkingarinnar gera ráð fyrir að Katrín Júlíusdóttir snúi til baka í ríkisstjórn eftir leyfi og verði fjármálaráðherra. Núverandi ráðherra hefur sjálf sagt að hún sé aðeins að halda stólnum heitum fyrir Katrínu.

Gert ráð fyrir 1500 íbúðum á yfirgefnum iðnaðarlóðum

Borgin gerir ráð fyrir hátt í fimmtánhundruð íbúðum á yfirgefnum iðnaðarlóðum í nýju aðalskipulagi sem nú er á lokametrunum. Varaformaður skipulagsráðs segir ekki bara hægt að bjóða upp á einbýlishúsalóðir fyrir efnaða íbúa.

Sveddi tönn var með falsað vegabréf og íslenskt sælgæti

"Við lögðum út net og náðum hákarli,“ segir yfirmaður hjá lögreglunni í Rio De Janeiro í Brasilíu um handtöku Sverris Þórs Gunnarssonar þar í landi. Sverri framvísaði fimm daga gömlu vegabréfi, útgefnu á Íslandi, þegar hann var handtekinn.

Réðust inn á heimili og héldu manni nauðugum í sex klukkustundir

Tveir menn hafa verið úrskurðaðir í gæsluvarðhald, grunaðir um að hafa brotist inn á heimili manns í Reykjavík og haldið honum nauðugum í sex klukkustundir. Þá eru þeir grunaðir um að hafa neytt manninn til að millifæra á reikninga sína verulegar fjárhæðir.

Leiðréttu leiðréttinguna - Sigmundur segir ætihvönnina virka

"Þetta kom okkur á óvart, við fengum ágætiskynningu á Saga Pro á fimmtudagskvöldinu á RÚV,“ segir Sigmundur Guðbjarnason, fyrrverandi háskólarektor, sem stendur fyrir rannsóknum á Íslenska náttúrulyfinu SagaPro, sem er framleitt úr ætihvönn, í viðtali við Reykjavík síðdegis í dag.

Öryggiseftirlit tekið í gegn eftir að laumufarþegar fundust í flugvél

Öryggiseftirlit með starfssemi á Keflavíkurflugvelli verður yfirfarið í kjölfar þess að tveir hælisleitendur komust inn á öryggissvæðið og fundust um borð í vél Icelandair um helgina.

Réðst inn til manns og neyddi hann til að taka pening úr banka

Karlmaður var handtekinn fyrir helgi, grunaður um að hafa sparkað upp hurð í íbúð í Reykjavík á fimmtudaginn, ógnað manni hamri og neytt hann út út íbúð og í banka þar sem hann hafi átt að taka út peninga. Málið virðist tilkomið vegna peningaskuldar. Hinn grunaði var úrskurðaður í gæsluvarðhald til 11. júlí á föstudag og staðfesti Hæstiréttur þann úrskurð í dag.

Óvíst hvort Besta útihátíðin verður aftur

Aðstandendur Bestu útihátíðarinnar eru ekki búnir að finna nýtt nafn á útihátíðina. Neytendastofa komst að þeirri niðurstöðu að hátíðin mætti ekki nefnast "Besta útihátíðin" þar sem ekki væru neinar sannanir fyrir því að hátíðin væri raunverulega best.

Drullumölluðu Perluna, eldfjöll, fánann og margt fleira

Hin árvissa drullukökukeppni fór fram í skólagörðum Hafnarfjarðar á föstudaginn var. Gríðarleg samkeppni var á fjórum stöðum í bænum þegar börn á aldrinum 6 - 10 ára kepptust um að drullumalla hin ýmsustu form og skreyta á margvíslegan máta. Gjósandi eldfjall, íslenski fáninn, foss og margt fleira leit dagsins ljós þetta föstudagseftirmiðdegi.

Þrjátíu prósent fiskveiðistofna ofveidd

Um 30% af fiskveiðistofnum í heiminum eru ofveiddir, samkvæmt nýrri skýrslu sem Matvælaeftirlit Sameinuðu þjóðanna, eða FAO opinberaði í dag. Þetta er örlítil lægra hlutfall en á undanförnum tveimur árum. Tölurnar benda hins vegar eindregið til þess að ofveiði sé vandamál sem nauðsynlegt sé að fást við. Um 57% af fiskveiðistofnunum eru fullnýttir, samkvæmt sömu tölum. Í skýrslunni er varað við ofveiði. Hún geti haft alvarlegar afleiðingar fyrir umhverfið. Hún geti einnig dregið úr framleiðslu fiskafurða sem leiði til neikvæðra félagslega og efnahagslegra afleiðinga.

Hærri skráningargjöld í HÍ munu ekki minnka eftirspurn

Skráningargjöld Háskóla Íslands hækka frá og með þessu ári um 15 þúsund krónur, úr 45 þúsundum í 60 þúsund. Það er fyrsta hækkunin á skráningargjaldinu í átta ár. Hækkunin er tímabær að mati Kristínar Ingólfsdóttur, rektors.

Með tugi hesta í tamningu

"Ég er búin að fá fín viðbrögð, miklu betri en ég bjóst við,“ segir Ragnheiður Ósk Guðmundsdóttir, hestakona í Hrunamannahreppi. Hún var með hest í sinni eigu, Draupni frá Langholtskoti, og Má frá Þjóðólfshaga, sem er í eigu vinkonu hennar, í haga á dögunum þegar hún náði meðfylgjandi mynd.

Rán framið í 10-11

Rán var framið í verslun 10-11 í Hjallabrekku í Kópavogi um hálfsjö í gærkvöld. Starfsmenn verslunarinnar mun ekki hafa sakað. Lögreglan rannsakar málið en frekari upplýsingar hafa ekki fengist.

Nauðgunarkæra: Sá grunaði laus úr haldi

Manninum sem grunaður er um nauðgun á Bestu útihátíðinni hefur verið sleppt úr haldi. Lögreglan rannsakar málið og skýrslur hafa verið teknar af málsaðilum og vitnum.

Björn gegnir formennsku í Snorrastofu

Björn Bjarnason, fyrrverandi ráðherra, hefur tekið við stöðu formanns stjórnar Snorrastofu, menningar- og miðaldaseturs í Reykholti. Tekur hann við af Jóni Ólafssyni, aðstoðarrektor við Háskólann á Bifröst, sem gegndi stöðunni í sex ár. Sæti í stjórn Snorrastofu eiga fulltrúar mennta- og menningarmálaráðuneytisins og sveitarfélaga í Borgarfirði, en samkvæmt skipulagsskrá er formaður stjórnar fulltrúi Reykholtskirkju, sem kosinn er á aðalfundi safnaðarins.

Björgunarsveit sótti mann sem leiddist

Björgunarsveit var ræst út á Skutulsfjörð á Vestfjörðum um helgina vegna manns sem var þar á reki á gúmmíbát. Bjötrgunarsveitamenn fóru á bát og sóttu manninn og bátinn og fluttu hann til hafnar. Maðurinn skýrði hegðun sína þannig að honum hafði leiðst og ætlaði að láta bátinn reka út í Hnífsdal, þangað sem ferðinni var heitið.

Illan þef leggur langar leiðir

Sumarhúsaeigendur í Bláskógabyggð eru orðnir langþreyttir á að keyra illa þefjandi heimilissorp marga tugi kílómetra þar sem sveitarfélagið hefur ekki sett niður gáma á svæðinu líkt og því ber skylda til. Kærunefnd um hollustu og mengunarvarnir úrskurðaði í júní 2010 að sumarhúsaeigendur í Grímsnes- og Grafningshreppi og Bláskógabyggð

Með hjartastuðtæki og stungulyf á gistiheimili

Par sem hafði dvalið á gistiheimili á Ísafirði á föstudaginn yfirgaf heimilið án þess að greiða fyrir gistinguna. Parið náðist á flugvellinum, þar sem það var að yfirgefa bæinn, en þegar þau voru spurð út í athæfi sitt vísuðu þau á ferðaþjónustuaðila sem ætti að borga brúsann fyrir þau. Þegar verið var að taka til í herberginu eftir þau fannst þar poki með alls kyns læknavörum í s.s. stungulyf, hjartastuðtæki og fleira. Lögreglan á Vestfjörðum biður þann sem kannast við að eiga þennan varning að hafa samband.

Strandveiðar að stöðvast á tveimur svæðum

Strandveiðar verða stöðvaðar á svæði A frá og með morgundeginum. Um er að ræða landið vestanvert og vestfjarðakjálkann, frá Snæfellsnesi til Súðavíkur.

Björk fær afar misjafna dóma eftir Hróarskelduhátíðina

Söngkonan Björk Guðmundsdóttir fær afar misjafna dóma fyrir frammistöðu sína á nýliðinni Hróarskelduhátíð. hún hélt lokatónleika hátíðarinnar á aðalsviðinu í gær. Gagnrýnandi Berlingske Tidende, Jan Eriksen, gefur Björk eina stjörnu og segir að lagavalið hjá Björk hafi ekki hentað í gær.

Tafir og lokanir á Kringlumýrarbraut

Þeir sem þurfa að komast leiðar sinnar akandi til eða frá miðborginni í kvöld ættu að velja Sæbrautina og/eða Reykjanesbraut til að keyra. Frá klukkan níu í kvöld verða mikla framkvæmdir og lokanir á gatnamótum Miklubrautar og Kringlumýrarbrautar. Unnið verður að fræsingu fram eftir nóttu í kvöld og annað kvöld.

Loftborin íþróttahöll risin í Hveragerði

Harmarshöllin var blásin upp í Hveragerði á laugardaginn. Til stóð að reisa höllina á laugardagsmorguninn. Þá var hins vegar of mikill vindur til verksins. Hins vegar lygndi rétt fyrir miðnætti á laugardaginn og þá var strax tekin ákvörðun um að blása höllina upp.

Troðfullur skóli bíður húsnæðis

Við vonumst til að geta hafið vorönn 2014 í nýja húsinu og það er mikil tilhlökkun bæði hjá nemendum og starfsfólki.? Þetta segir Guðbjörg Aðalbergsdóttir, skólameistari Framhaldsskólans í Mosfellsbæ, um nýtt skólahús sem nú er í byggingu í miðbæ Mosfellsbæjar.

Búðahnuplari gómaður með loftbyssu í buxnastrengnum

Búðahnuplari var gómaður í verslunum Hagkaups í Skeifunni um miðnætti. Sá hafði stolið vörum fyrir rúmar þúsund krónur en við nánari athugun reyndist hann vera með ætluð fíkniefni í fórum sínum og loftbyssu í buxnastrengnum. Loftbyssan óhlaðin og ekki notuð við þjófnaðinn. Manninum var sleppt að lokinni skýrslutöku.

Óvissa og lítil vinna sligar Þingeyringa

?Við vitum ekkert hvað er að gerast hérna,? segir Sólveig Jónsdóttir, fiskvinnslukona hjá Vísi á Þingeyri, sem hefur verið í vinnslustoppi frá 1. júní. Hún segir að auglýst hafi verið í vinnsluhúsinu að vinna hefjist að nýju þann 3. september næstkomandi en þó sé fólk óöruggt um að sú verði raunin. Um þrjátíu manns vinna hjá fyrirtækinu á Þingeyri.

Gamla flugstöðin verður rifin

Stjórn Isavia hefur samþykkt að láta rífa tvær byggingar á Keflavíkurflugvelli. Gamla flugstöðin á vellinum verður rifin á næstunni, en hún stendur á verðmætri lóð þar. Friðþór Eydal, upplýsingafulltrúi Isavia, segir að flugstöðin sé ónýt. Upp hafa komið hugmyndir um að byggja þjónustubyggingu fyrir einkaflugvélar þar sem flugstöðin stendur nú.

Bændur á Bjargi ósáttir við vinnubrögð Bauhaus: Þakplöturnar hækkuðu um 150 prósent í verði

Bændurnir á Bjargi í Hrunamannahreppi, þau Jónína Kristinsdóttir og Karl Jónsson, ræddu við einn starfsmann Bauhaus um kaup á 3,5 metra bárujárnsplötum þegar annar starfsmaður kom aðvífandi og hækkaði verðið á plötunum um 150 prósent.

Flúði níu ára fangelsisdóm á Spáni

Sverrir Þór Gunnarsson, Sveddi tönn, er með níu ára óafplánaðan fangelsisdóm á bakinu á Spáni fyrir fíkniefnasmygl. Hann lagði á flótta eftir að dómurinn féll og síðan hefur hann verið eftirlýstur af spænskum yfirvöldum.

Ferðast á rafhjóli til vinnu allar árstíðir

Bjarni Jakob Gíslason, íbúi í Norðlingaholti, hjólar alla daga í og úr vinnu á Háaleitisbraut í Reykjavík. Hann notast við rafmótorknúið hjól sem auðveldar honum ferðina á vetrum þegar þyngra reynist að stíga hjólið áfram.

25.000 nýir borgarbúar vestan Elliðaáa

Aðalskipulag Reykjavíkur gerir ráð fyrir að borgarbúum fjölgi um að minnsta kosti 25.000 á næstu 18 árum. Reisa á 14.500 íbúðir fyrir árið 2030 til að mæta þeirri fjölgun. Unnið verður að því að þétta byggð og verða þær því allar vestan Elliðaáa.