Síbrotamaður fangelsaður

Karlmaður á fertugsaldri sem stöðvaður var við akstur á Bústaðavegi í fyrrakvöld reyndist bæði próflaus og í annarlegu ástandi. Hann var í framhaldinu handtekinn og fluttur á lögreglustöð. Maðurinn var jafnframt grunaður um nokkur innbrot og reyndist sá grunur á rökum reistur, að sögn löreglu. Eftir yfirheyrslu í gær var maðurinn færður í héraðsdóm og síðan í fangelsi. Hann hefur hafið afplánun vegna annarra mála en um er að ræða eftirstöðvar fangelsisvistar.

Hvalaskoðunarmenn styðja ekki þvinganir

Hvalaskoðunarmenn styðja ekki þvinganir eins og þær sem bandarísk stjórnvöld íhuga að beita Íslendinga vegna hvalveiða. Þeir segja þó veiðarnar fæli frá fjölda ferðamanna á hverju ári.

Ögmundur á móti því að menn verði sektaðir á staðnum

Innanríkisráðherra hefur miklar efasemdir um að rétt sé að fara að fordæmi Svía og veita lögreglunni heimildir til að sekta menn á staðnum fyrir sóðaskap.

Ákvörðun um ákæru tekin innan skamms

Rannsókn lögreglu á andláti ungrar konu sem var ekið með í farangursgeymslu fólksbifreiðar á Landspítalann í Fossvogi í vor er lokið.

Yfir 10 þúsund vilja leiðréttingu og afnám verðtryggingar

Rúmlega 10 þúsundir undirskrifta hafa safnast í undirskriftasöfnun Hagsmunasamtaka heimilanna um leiðréttingu lána og afnám verðtryggingar. Tvær vikur er frá því að undirskriftasöfnunin hófst.

Ráðning Bjarna í ráðuneytið var lögleg

Umboðsmaður Alþingis hefur komist að þeirri niðurstöðu að Jón Bjarnason, sjávarútvegs- og landbúnaðarráðherra hafi ekki brotið stjórnsýslulög þegar hann réð Bjarna Harðarson í starf upplýsingafulltrúa ráðuneytisins.

Íslensk kona í Ísrael segir araba hafa Össur að fífli

„Í Ísrael mega menn ekki slaka á í neinu hvað varðar öryggisgæslu og svo kemur Össur Skarphéðinsson í bílalest með Fatah (og líklega Hamas) gaurum og heldur að hann fái einhverja sérmeðferð,“ segir Ólöf Einarsdóttir sem er búsett í Ísrel ásamt eiginmanni sínum og fjölskyldu en eiginmaðurinn er ísraelskur gyðingur. Tilefnið er nýleg heimsókn Össurar Skarhéðinssonar, utanríkisráðherra, til Miðausturlanda þegar hann heimsótti meðal annars Gazaströndina. Ólöf segir Össur sýna skilningsleysi og vera barnalegan í yfirlýsingum sínum um málefni Ísraela og Palestínumanna. Arabar hafi hann að fífli.

Útför Sævars Ciesielski fer fram á þriðjudag

Ákveðið hefur verið að útför Sævars Ciesielski verði gerð frá Dómkirkjunni þriðjudaginn 2. ágúst. Séra Örn Bárður Jónsson, sóknarprestur í Neskirkju, hefur verið beðinn um að annast útförina.

Brot Ólafs Skúlasonar gleymast ekki þrátt fyrir bætur

"Ég hef aldrei farið fram á einhverja peninga frá kirkjunni,“ segir Stefanía Þorgrímsdóttir, ein kvennanna sem sakað hafa Ólaf Skúlason fyrrum biskup um kynferðisbrot. "Það er alltaf afstætt hvað fólk telur sanngjarnt. Þessu máli lauk fyrir mér þegar rannsóknarnefndin skilaði skýrslunni. Þessar bætur eru alfarið boð kirkjunnar sem var ákveðið á aukakirkjuþingi í vor,“ segir Stefanía í Fréttablaðinu í dag.

Óttast ekki hótanir vegna hvalveiðanna

Íslensk stjórnvöld grafa undan markmiðum alþjóðlegra sáttmála um bann við hvalveiðum að mati bandaríska viðskiptaráðherrans. Hann leggur til við Barack Obama Bandaríkjaforseta að Ísland verði beitt þvingunaraðgerðum vegna hvalveiða.

Má heita Maxima

Mannanafnanefnd hefur heimilað kvenmannsnafnið Maxima og hefur það verið fært á mannanafnaskrá. Í úrskurði mannanafnanefndar frá 1. júlí, sem birtur var nýlega birtur, kemur fram að eiginnafnið Maxima taki íslenskri beygingu í eignarfalli teljist að öðru leyti uppfylla ákvæði laga um mannanöfn. Kvenmannsnöfnin Alexis og Bjarný voru einnig heimiluð.

Fjöldi ferðamanna á landsbyggðinni í slöku meðallagi

Fjöldi ferðamanna á landsbyggðinni viðrist vera í slöku meðallagi þrátt fyrir fjölgun erlendra ferðamanna til landsins, samkvæmt tölum Ferðamálastofu.

Norsk loðnuskip landa á Norðfirði og Eskifirði

Fjögur norsk loðnuskip eru nú á leið til landsins til að landa afla sínum á Norðfirði og Eskifirði.

Vegurinn um Múlakvísl opinn að nýju

Almannavarnir lokuðu þjóðvegi eitt, um Mýrdalssand í nótt á meðan ástand Múlakvíslar var kannað nánar. Vegurinn var svo opnaður að nýju eftir lokun í klukkutíma.

Sóttu lítinn handfærabát eftir að vélin í honum bilaði

Björgunarskip Landsbjargar frá Grindavík sótti í gækvöldi lítinn handfærabát, eftir að vélin í honum bilaði.

Eldur kviknaði í íbúð í Mörkinni í nótt

Eldur kviknaði í íbúð í leiguhúsnæði í Mörkinni í Reykjavík um fjögur leitið í nótt. Íbúinn vaknaði og kallaði á slökkvilið.

Minnka túnin og spara sláttinn

Skoða á hvernig minnka má tún í Reykjavíkurborg. „Í stað mikilla grasflæma kæmu svæði með sjálfbærum plöntum sem sleppa minna af frjókornum út í andrúmsloftið. Markmiðið er að draga úr frjókornamagni, fegra umhverfið og minnka kostnað vegna grassláttar,“ segir í tilkynningu frá umhverfissviði.

Skilríkjalaus í gæsluvarðhaldi

Erlendur maður, sem verið hefur í haldi lögreglunnar á Sauðárkróki, hefur verið úrskurðaður í vikulangt gæsluvarðhald. Hann sætir nú gæslu í fangelsinu á Akureyri. Umræddur maður er grunaður um að hafa komið ólöglega inn í landið.

Jafnvel skipin lyfta sér á kreik við þjóðhátíðarlög

Skipalyftan í Vestmannaeyjum var tekin í notkun á nýjan leik í gær, eftir fimm ára hlé, þegar Kap II var hífður upp.

Pósturinn bregst við nýjum tímum

Rekstrarumhverfi Íslandspósts hefur breyst mikið á skömmum tíma og mun taka enn frekari breytingum á næstu árum. Stóra spurningin er hvort póstþjónusta fyrir alla landsmenn, fimm daga vikunnar, sé sjálfbær til frambúðar.

3.200 athugasemdir við frumvarpsdrögin

Fulltrúar í Stjórnlagaráði hófu í gær umræður um drög að frumvarpi um nýja stjórnarskrá. Fyrri umræða klárast í þessari viku og er vonast til þess að frumvarpi verði skilað til forseta Alþingis 29. júlí.

Aukin leiðni í Múlakvísl og órói í Mýrdalsjökli

Í gærkvöldi og nótt hefur leiðni aukist í Múlakvísl og Veðurstofan og almannavarnadeild ríkislögreglustjóra hafa fylgst náið með ástandinu á svæðinu. Þetta kemur fram í tilkynningu frá almannavörnum.

Bensínverð nær nýjum hæðum

Bensínverð hefur náð nýjum hæðum eftir síðustu hækkanir. Fjölskyldufaðir á leið í ferðalag segir hærra eldsneytisverð gera það að verkum að hann stoppi lengur á hverjum stað og keyri ekki eins mikið.

Millistjórnendur betur launaðir en bankastjóri vegna launastefnu

Ríkið verður að vera samkeppnishæft við einkageirann til lengri tíma þegar kemur að launum, segir Fjármálaráðherra. Millistjórnendur eru betur launaðir en bankastjóri Landsbankans vegna launastefnu ríkisins.

Störfum fjölgar ekki, atvinnuleysi enn mikið

Störfum hefur ekki fjölgað í hagkerfinu, þrátt fyrir ítrekaðar yfirlýsingar um að efnahagsbatinn sé hafinn. Óvíst er hvort fyrirtæki ráði fleiri starfsmenn á næstu misserum, jafnvel þó hagvöxtur taki kipp.

Vonast til að samningar verði undirritaðir fyrir vikulok

Drög eru tilbúin að samningum milli kirkju og þeirra fjögurra kvenna sem sakað hafa Ólaf Skúlason, fyrrum biskup Íslands, um kynferðisbrot. Samkvæmt Magnúsi Kristjánssyni, formanni nefndar sem stóð að samningagerðinni, er vonast til að þeir verði undirritaðir í vikunni.

Fundu fíkniefni og þýfi

Lögreglan á höfuðborgarsvæðinu framkvæmdi níu húsleitir í Hafnarfirði fyrir helgina. Lagt var hald á talsvert af fíkniefnum, m.a. nokkra tugi kannabisplantna, tæplega 100 grömm af amfetamíni og rúmlega 200 grömm af hassi.

Yoko Ono treður upp á Iceland Airwaves

Íslandsvinirnir í Yoko Ono Plastic Ono Band með Yoko Ono fremsta í broddi fylkingar munu kom fram á tónlistarhátíðinni Iceland Airwaves í október. Hljómsveitin kom saman í Reykjavík í október í fyrra til að minnast 70 ára afmælis John Lennon.

Ríkisstjórnin þakklát fyrir markvissar aðgerðir

Ríkisstjórnin sendir Vegagerðinni, Almannavörnum ríkisins, lögreglunni, björgunarsveitum, vísindamönnum, sveitarstjórnum á viðkomandi svæði sem og öllum þeim fjölmörgu aðilum öðrum sem komu að aðgerðum vegna hlaupsins í Múlakvísl, kærar þakkir fyrir skjótar og markvissar aðgerðir til að tryggja öryggi vegfarenda og koma á vegsambandi yfir fljótið á ný, líkt og segir í tilkynningu frá forsætisráðuneytinu.

Tvær aftanákeyrslur með stuttu millibili

Tvær aftánkeyrslur urðu á Miklubraut við Klambratún með skömmu millibili á fimmta tímanum í dag. Samkvæmt upplýsingum frá lögreglu slasaðist enginn í árekstrunum og engar tafir urðu á umferð. Bjart var úti og er líklegt að ökumenn hafi blindast af sólinni.

Jón undrast aðgerðir Bandaríkjamanna

Jón Bjarnason, sjávarútvegs- og landbúnaðarráðherra, lýsir yfir undrun sinni á ákvörðun bandaríska viðskiptaráðuneytisins að mæla með því að gripið verði til gerða gagnvart Íslandi vegna hvalveiða hér við land. Hvalveiðarnar séu byggðar á traustum vísindalegum grunni.

Beita refsiaðgerðum gegn Íslendingum vegna hvalveiða

Bandaríkjastjórn hyggst lýsa yfir refsiaðgerðum gegn Íslendingum vegna hvalveiða síðar í dag. Um er að ræða þingunarúrræði sem beitt verður gegn þjóðum sem stunda hvalveiðar. Það er alþjóðlega fréttastofan AP sem greinir frá þessu.

Lést eftir bifhjólaslys á Skaga

Maðurinn sem lenti í bifhjólaslysi við bæinn Víkur á Skaga þann 12. júlí lést á Landspítlanum í gær. Hann hét Árni S. Karlsson og var búsettur að Víkum ásamt systkinum sínum. Árni var fæddur 24. september 1950 og var ókvæntur og barnlaus.

Læstur inni í fimm klukkustundir

Starfsmaður meðferðarheimilis í Skagafirði sem fjórir unglingsdrengir réðust á um helgina hefur lagt fram kæru. Eftir árásina læstu drengirnir starfsmanninn inni í allt að fimm klukkustundir, stálu peningum og struku á bíl í eigu meðferðarheimilisins.

Á batavegi eftir bifhjólaslys

Karlmaður sem lenti í bifhjólaslysi í Kópvogi aðfaranótt föstudags er á batavegi, að sögn vakthafandi læknis á gjörgæsludeild. Eftir slysið var manninum haldið sofandi i öndunarvél. Ekki hefur verið tekin ákvörðun um hvenær maður verður útskrifaður af gjörgæsludeild.

Fleiri sem vilja ekki rekstur spilavíta hér á landi

Samkvæmt nýrri könnun MMR fjölgar í hópi þeirra sem segjast andvíg því að rekstur spilavíta verði leyfður á Íslandi. Yfir 70 prósent karla undir þrítugu eru fylgjandi rekstri spilavíta.

Síðustu tvær vikur fengsælar

Eftir frekar dræma laxveiði framan af sumri virðist sem að veiðin sé að taka við sér. Útlit er fyrir að veiðin í Norðurá í Borgarfirði verði svipuð og í fyrra.

Landsbankinn áfram í eigu ríkisins

Fjármálaráðherra segir engin áform um að einkavæða Landsbankann, en minni áhersla er lögð á að halda hlutunum í Arion og Íslandsbanka. Hann telur ólíklegt að takist að vinda ofan af eign ríkisins í Landsbankanum áður en Bankasýslan lýkur störfum.

Eðlilegt að leyfa innflutning á lambakjöt

Það er ekki hægt að hafa íslenska neytendur í fangamúrum frá evrópskum lambakjötsmarkaði þegar íslenskir bændur eru virkir þáttakendur á honum segir þingmaður Samfylkingarinnar.

Umræða um drög að nýrri stjórnarskrá hefst í dag

Fyrsta umræða stjórnlagaráðs um drög að nýrri stjórnarskrá sem lögð voru fram fyrr í vikunni hefst í dag. Drögin telja alls 111 stjórnarskrárákvæði og eru í níu köflum. Frumvarp til nýrrar stjórnarskrár verður afhent í lok mánaðarins.

Lilja Mósesdóttir fær ekki tíma hjá lækni

Lilja Mósesdóttir, þingmaður utan þingflokka, fær ekki tíma hjá heimilislækni. Hún veltir fyrir sér hvort einungis skattgreiðendur eigi að njóta velferðarkerfis. Hingað til hafi hún glöð borgað skatta.

200 þúsund króna gjafabréf dregið út í dag

Dregið verður út í Facebook-leik Vísis klukkan 18 í dag en hann hefur staðið yfir í tvær vikur. Þátttakendur þurfa að smella á like á Vísi á Facebook og geta skráð sig svo í leikinn í kjölfarið.

Útlendingur af óljósum uppruna úrskurðaður í varðhald

Útlendingur af óljósum uppruna var úrskurðaður í allt að sjö daga gæsluvarðhald í Héraðsdómi Norðurlands Vestra í gær, grunaður um að hafa komið ólöglega til landsins.

Styttist í druslugöngur

Druslugöngur verður farnar í Reykjavík, Reykjanesbæ og á Ísafirði á laugardaginn. Markmiðið er uppræta þá fordóma sem endurspeglast í áherslu á klæðaburð og ástand brotaþola í umræðu um kynferðisofbeldi.

Innbrot á pizzastað: Kannski búinn að horfa á of marga lögguþætti

"Við erum búin að vera þarna í tvö ár og maður er búinn að vera tiltölulega öruggur þarna þann tíma - svo það er svolítið skrítið að lenda í þessu,“ segir leikarinn Ellert A. Ingimundarson sem rekur pizzastaðinn Eldofninn í Grímsbæ.