Tíu kynferðisbrotamál á borð kirkjunnar 2010

Fagráð um meðferð kynferðisbrota innan íslensku þjóðkirkjunnar fékk tíu ný mál inn á borð til sín á síðasta ári. Tveimur hefur verið vikið úr starfi, en hvorugur starfaði sem prestur. Fagráðið lítur á öll tilvik sem alvarleg brot. Sum málanna áttu sér stað þegar þolendur voru börn að aldri og eru fyrnd að lögum. Þetta kemur fram í nýrri ársskýrslu fagráðs þjóðkirkjunnar.

Díoxín í ryki talið valda endurmengun

Mengandi efni frá sorpbrennslunni Funa hafa safnast upp og sérfræðingar óttast endurmengun af völdum fjúkandi ryks. Díoxín er líklegt til að finnast í jarðvegi næstu áratugina. Rannsaka þarf jarðveginn og villt dýr af nákvæmni.

Harma sölu sögulegra skákminja

Skáksamband Íslands harmar að munir úr einvígi Bobby Fishers og Boris Spasskí árið 1972 hafi verið seldir úr landi. Sambandið vill skrá hvar aðrir munir úr einvíginu eru niðurkomnir og að þeim sé safnað á einn stað.

Sérleyfi Herjólfs verði aflétt

Elliði Vignisson, bæjarstjóri í Vestmannaeyjum, hefur ritað innanríkisráðherra og siglingamálastjóra bréf þar sem hann óskar eftir því að sérleyfi Herjólfs til siglinga í Landeyjahöfn verði þegar aflétt og öðrum bátum og skipum með leyfi til farþegaflutninga heimilað að nýta Landeyjahöfn.

Vilja kvóta til minnst 35 ára með rétti til að framlengja

Samtök atvinnulífsins hafa kynnt ríkisstjórninni útspil sem þau kalla "tillögu til sátta um efnislega útfærslu samningaleiðar í sjávarútvegi.“ "Tillagan felur í sér grundvallarbreytingar á stjórn fiskveiða frá því sem nú er og komið er verulega til móts við sjónarmið stjórnarflokkanna í þessum efnum,“ segir í yfirlýsingu frá SA.

Fylgja ekki sáttmála SÞ

Íslensk stjórnvöld standa ekki við fjölmörg atriði í samningi um Barnasáttmála Sameinuðu þjóðanna (SÞ). Í nýrri skuggaskýrslu Barnaheilla – Save the Children, Mannréttindaskrifstofu Íslands og UNICEF – Barnahjálpar SÞ á Íslandi, er farið yfir stöðu barna á Íslandi í samræmi við fjölmörg ákvæði Barnasáttmálans.

Fimm milljarðar til Vestfjarða

Á fundi sínum á Ísafirði í gær samþykkti ríkisstjórnin sextán verkefni sem eiga að efla byggð og atvinnusköpun í landshlutanum. Samtals á að leggja um 5,4 milljarða króna í þessi verkefni, en af þeirri fjárhæð eru 1,5 milljarðar nýtt fé. Í tilkynningu frá stjórninni hafa þessi verkefni verið undirbúin í samvinnu allra ráðuneyta og í samráði við heimamenn.

Icesave 1. hluti: Svo einfalt í fyrstu

Icesave, sem byrjaði sem saklaus leið Landsbankans til að fjármagna sig, snerist við hrunið upp í andhverfu sína og er eitt flóknasta og erfiðasta viðfangsefni sem þjóðin hefur tekist á við.

Icesave 2. hluti: Eins og að deila við dómarann

Að mótmæla viðbrögðum lánshæfismatsfyrirtækja við höfnun Icesave-samkomulags er eins og að deila við dómarann.

Icesave 3. hluti: Gengið og heimtur þrotabús valda óvissu

Meðal þess sem gæti ráðið úrslitum þegar gengið verður til atkvæða um Icesave-samninginn er mat kjósenda á því hversu mikill kostnaður fellur á ríkið. Nokkrir óvissuþættir flækja kostnaðarmatið.

Icesave 4. hluti: Í höftum virðist áhættan lítil

Kostnaður vegna Icesave getur aukist eða minnkað í samræmi við gengisþróun krónunnar. Yfirlýsingar Seðlabankans um hvernig staðið verður að losun gjaldeyrishafta draga þó úr líkum á að gengið hafi veruleg áhrif. Verði Icesave samþykkt er málið talið úr sögunni að mestu eftir tvö ár, en þá verða enn eftir önnur tvö ár í gjaldeyrishöftum.

Icesave 5. hluti: Óvissa um minnihluta eigna þrotabúsins

Mat á eignum þrotabús Landsbankans skiptir höfuðmáli þegar reynt er að meta hversu há upphæð gæti fallið á íslenska skattgreiðendur vegna Icesave. Í eignasafninu leynast hundruð milljarða í reiðufé, útlánum og í hlutabréfum í félögum á borð við verslunarkeðjuna Iceland Foods.

Skipuleggja tónleika fyrir Ólaf Þórðarson

Vinir og samstarfsmenn tónlistarmannsins Ólafs Þórðarsonar hafa ákveðið að standa fyrir tónleikum til styrktar Ólafi síðar í mánuðinum. Ólafur liggur meðvitundarlaus á Grensásdeild Landsspítalans eftir að hafa orðið fyrir alvarlegum höfuðmeiðslum þegar sonur hans réðst á hann í nóvember. Árásin átti sér stað á heimili Ólafs.

Bæjarstjórinn í Eyjum: Erum vön að passa okkur á sjónum

„Við erum að leita allra leiða til þess að byrja að nýta höfnina aftur. Nú er dýpið að verða nokkuð ásættanlegt en Herjólfur ristir hins vegar meira en æskilegt er," segir Elliði Vignisson, bæjarstjóri Vestmannaeyja, en rætt var við hann í Kastljósi í kvöld.

Skora á Gaddafi að segja af sér

Utanríkisráðherrar Norðurlandanna telja að Moammar Gaddaf sé ekki lengur lögmætan leiðtogi Líbíu og skora á hann að segja af sér þegar í stað.

Ungmenni vistuð með fullorðnum föngum

Íslensk ungmenni, sem brjóta af sér og þurfa að sæta fangelsisvist, eru ekki alltaf vistuð aðskilin frá fullorðnum föngum.

Stöðug fjölgun á vanskilaskrá

Einstaklingum fjölgar stöðugt á vanskilaskrá og fjöldi einstaklinga með mál í löginnheimtu er nú meiri en nokkru sinni fyrr eða 24.260 manns miðað við 1. apríl síðastliðinn. Fjölgað hefur um rúmlega 1800 í þessum hópi á síðustu 6 mánuðum eða að meðaltali um 305 á mánuði.

Hátt í 10 þúsund hafa greitt atkvæði

Kjarasamningar gætu kostað ríkissjóð yfir 20 milljarða

Forsætisráðherra segir kröfur aðila vinnumarkaðarins á stjórnvöld í tengslum við gerð kjarasamninga, kosta ríkissjóð um tuttugu milljarða króna. Ef stjórnvöld verði við þeim öllum gangi mun hægar að vinna á miklum halla á rekstri ríkissjóðs.

Ekki samið til langs tíma falli Icesave

Ólíklegt er að takist að ganga endanlega frá kjarasamningum fyrir helgi, jafnvel þótt stjórnvöld verði við öllum kröfum aðila vinnumarkaðarins. Samtök atvinnulífsins treysta sér ekki til að samþykkja kjarasamninga til þriggja ára, ef Icesave samningarnir verða felldir á laugardag, vegna þeirrar óvissu sem þá verði uppi í efnahagsmálum.

Til höfuðs hálfvitum

Hart var tekist á um sameiningaráform í skólakerfinu á borgarstjórnarfundi í dag. Þar sagði Jón Gnarr, borgarstjóri, að málflutning minnihlutans einkennast af skotgrafapólitík, lýðskrumi og að gagnrýnin væri ofbeldi líkust.

Vill ræða málefni bænda vegna mengunar í Engidal og Skutulsfirði

Sigurður Ingi Jóhannsson, þingmaður Framsóknarflokksins, telur brýnt að sjávarútvegs- og landbúnaðarnefnd Alþingis komi saman og ræði sérstaklega stöðu bænda í Engidal og Skutulsfirði vegna díoxínmengunar. Ríkið hefur bannað sölu afurða frá þeim bændum líkt og fjallað var um í fréttum Stöðvar 2 í gær.

Virða ekki umboð sitt og valdmörk

Sóley Tómasdóttir, borgarfulltrúi VG, gagnrýndi formenn menntaráðs og íþrótta- og tómstundaráðs, harðlega á fundi borgarstjórnar í dag og sagði þá ekki virða umboð sitt og valdmörk. Á fundinum fór fram umræða um fyrirhugaðar sameiningar grunnskóla, leikskóla og frístundaheimila í borginni.

Ríkisstjórnin samþykkir 16 verkefni á Vestfjörðum

Á ríkisstjórnarfundi sem haldinn var á Ísafirði í dag voru samþykkt 16 verkefni er snúa að eflingu byggðar og atvinnusköpun í landshlutanum. Að því er fram kemur í tilkynningu hafa verkefnin verið undirbúin í samvinnu allra ráðuneyta og í samráði við heimamenn. Andvirði verkefnanna er um 5,4 milljarðar króna.

Vilja að kvótinn verði tímabundinn

Samtök atvinnulífsins leggja til að gerð verði sú grundvallarbreyting á fiskveiðistjórnunarkerfinu að í stað þess að afnot aflahlutdeildar séu ótímabundin verði gerðir samningar á milli ríkisins og útgerða um tímabundin afnot útgerða af aflahlutdeild.

Ákvörðun um gæsluvarðhald yfir grunuðum níðingum tekin á morgun

Ákvörðun um að óska eftir áframhaldandi gæsluvarðhaldi yfir mönnunum tveimur sem grunaðir eru um að hafa beitt átta ára gamlan son annars þeirra grófu kynferðislegu ofbeldi verður tekin á morgun.

Vill upplýsingar vegna svara til fjölmiðla

Umboðsmaður Alþingis hefur óskað eftir því að fjármálaráðuneytið veiti upplýsingar um samskipti ráðuneytsins við fjölmiðla vegna fyrirspurna um kostnað vegna Icesave samninganefndanna. Eins og fram hefur komið óskuðu fréttastofa RÚV og Morgunblaðið eftir því að ráðuneytið veitti fjölmiðlunum þessar upplýsingar á grundvelli upplýsingalaga. Við því hefur ekki verið orðið.

Sprengjuhaugar fundust a Pattersonvelli á Suðurnesjum

Landhelgisgæslan er búin að girða af sprengjusvæðið á Pattersonvelli við Reykjanesbæ en þar fundust á dögunum haugar sem hafa mikið af skotfærum að geyma. Þá er á svæðinu ruslagámur sem er nær fullur af skotfærakössum og skothylkjum úr fallbyssum.

Þrír íslendingar á Norðurpólinn

Þrír Íslendingar eru í átta manna hópi sem nú heldur á Norðurpólinn. Þetta eru feðgarnir Hjörleifur Sveinbjörnsson og Sveinbjörn Hjörleifsson, og Ragnar Baldursson. Ingibjörg Sólrún Gísladóttir, fyrrverandi utanríkisráðherra, eiginkona Hjörleifs og móðir Sveinbjörns, segir á Facebook-síðu sinni á sunnudagskvöldið: „Í vorveðrinu í dag varð mér oft hugsað til Hjölla og Hrafnkels sem eru á Svalbarða að búa sig undir ferð á Norðurpólinn. Verða fluttir út á ísinn eftir helgina." Þeir bíða þess enn að vera fluttir á Norðurpólinn og nýttu daginn í dag til að æfa sig á skíðum í Longyearbyen. Reiknað er með að hópnum bíði miklar frosthörkur, allt frá tuttugu gráðu frosti til fjörutíu gráða. Hægt er að fylgjast með ferðasögu þeirra á vefslóðinni Polar Explorers - Artic Fox http://polarexplorers-arcticfox.blogspot.com/ Meðal ferðafélaga þeirra Hjörleifs og Sveinbjörns er skólafélagi Hjörleifs frá því hann var við nám í Peking, sonur hans, og Ragnar Baldursson, fyrrverandi starfsmaður íslenska utanríkisráðuneytisins sem nú er búsettur í Kína. Nánar má fræðast um ferðafélagana með því að smella hér. http://www.polarexplorers.com/expeditions/2011expeditionlist.shtml

Báturinn við Látrabjarg dreginn í land

Björgunarskip Slysavarnafélagsins Landsbjargar á Rifi er nú að draga bát að landi sem fékk í skrúfuna við Látrabjarg í morgun. Búist er við að skipin komi til hafnar á Rifi klukkan fjögur í dag.

Skólamálin rædd í borgarstjórn - 90 prósent umsagna neikvæðar

Á borgarstjórnarfundi sem hófst klukkan tvö í dag eru tillögur meirihlutans um sameiningar í skólum borgarinnar til umræðu. Fjölmargar umsagnir hafa borist um málið og í tilkynningu frá sjálfstæðismönnum segir að um 90 prósent þeirra séu neikvæðar.

Leita fingrafara á hótunarbréfi

Friðrik Smári Björgvinsson yfirmaður rannsóknardeildar lögreglunnar segir tæknideild lögreglunnar nú vinna að rannsókn á hótunarbréfi gegn tuttugu fyrrverandi ráðherrum. Bréfið barst inn um lúgu á ritstjórnarskrifstofum DV í gær. Í því eru ráðherrarnir tuttugu, sem allir eiga það sameiginlegt að hafa lýst opinberlega stuðningi við Icesavesamningana, hvattir til þess að fá sér lífverði sem fyrst.

Stefna á að ljúka talningu klukkan tvö

Gert er ráð fyrir að talningu í Icesave kosningunni ljúki aðfaranótt sunnudagsins um klukkan tvö. Talning mun hefjast klukkan tíu um kvöldið, þegar kjörfundi lýkur. Búast má við því að fyrstu tölur verði birtar í Reykjavíkurkjördæmum eftir klukkan ellefu, samkvæmt upplýsingum frá yfirkjörstjórnum.

Tjónstilkynningar séu ávallt meðferðis

Lögreglan á höfuðborgarsvæðinu vill hvetja ökumenn til þess að hafa tjónstilkynningar ávallt meðferðis í bílum sínum komi til óhapps. Að sögn lögreglu er talsvert um að ökumenn sem lent hafa í umferðaróhappi kalli til lögreglu sökum þess að tjónstilkynningareyðublað tryggingafélaganna er ekki meðferðis.

Lækkun tryggingagjalds forsenda fyrir hækkun lágmarkslauna

Lækkun tryggingagjalds er forsenda þess að Samtök atvinnulífsins fallist á hækkun lágmarkslauna að kröfu Alþýðusambandsins. Kjarasamningar til þriggja ára eins og stefnt er að verða ekki að veruleika felli þjóðin Icesave samningana í atkvæðagreiðslunni á laugardag.

Þurftu að flýja með litla drenginn vegna hótana

Móðir drengs á áttunda ári, sem talið er að hafi verið gróflega misnotaður af föður sínum og frænda, hefur þurft að flýja heimili sitt með drenginn vegna hótana frá mönnunum tveimur.

Skortir mansalsáætlun fyrir börn: Of lítið fé í forvarnir

Stjórnvöld þurfa að tryggja fjármagn til þeirra úrræða sem ætluð eru til aðstoðar eða verndar börnum. Vinnuálag starfsmanna í þessum geira er oft og tíðum óviðunandi. Ástæða til að hafa áhyggjur af börnum sem hvergi eru til í kerfinu og fá þar af leiðandi ekki þá grunnþjónustu sem Barnasáttmálinn tryggir þeim. Þá verður að vinna sérstaka mansalsáætlun fyrir börn eða endurvinna núgildandi mansalsáætlun með börn í huga. Ekki getur talist eðlilegt að þær litlu forvarnir sem boðið er upp á gegn kynferðislegri misnotkun barna séu einkum í höndum frjálsra félagasamtaka. Þetta er meðal þess sem fram kemur í nýrri skuggaskýrslu um stöðu barna á Íslandi með tilliti til ákvæða Barnasáttmálans. Þeir sem unnu skýrsluna eru Barnaheill - Save the Children á Íslandi, Mannréttindaskrifstofa Íslands og UNICEF - Barnahjálp Sameinuðu þjóðanna á Íslandi. Skýrslan hefur verið send til Sameinuðu þjóðanna. Meðal helstu niðurstaða í skuggaskýrslu samtakanna þriggja er að þó gerðar hafi verið tvær aðgerðaráætlanir, annars vegar um barnavernd og hins vegar um aðgerðir til að bæta stöðu barna og ungmenna, hefur aðeins lítill hluti þessara áætlana komist til framkvæmdar. Ástæða er til að hvetja stjórnvöld eindregið til að bæta úr því um leið og unnið er áfram að endurskoðun og uppfærslu þessara aðgerðaáætlana. Einnig má nefna að þrátt fyrir að til sé heildarstefna í málefnum innflytjenda, þar sem nokkrir liðir fjalla sérstaklega um börn innflytjenda, hefur fátt eitt komið til framkvæmda. Úr því verður að bæta og sérstaklega ber stjórnvöldum að gera öllum sveitarfélögum skylt að móta sér stefnu í þjónustu við innflytjendur. Það er mat samtakanna að sárlega skorti heildarstefnu í málefnum barna og barnafjölskyldna af hálfu stjórnvalda. Í skuggaskýrslunni segir að ástæða sé til að óttast að hagsmunir barna í forsjárdeilum séu fyrir borð bornir. Svo virðist sem réttur barnsins til umgengni við foreldra sé á stundum færður frá barninu yfir til foreldris en það fer gegn hagsmunum barnsins, gegn barnalögum og gegn Barnasáttmála Sameinuðu þjóðanna.

Stjórnlagaráð sett á morgun

Stjórnlagaráð verður sett á morgun klukkan tvö í Ofanleiti í Reykjavík. Í Stjórnlagaráði sitja 25 fulltrúar og er þeim ætlað að taka við og fjalla um skýrslu stjórnlaganefndar, undirbúa frumvarp að endurbættri stjórnarskrá og hafa til hliðsjónar við þá vinnu niðurstöður Þjóðfundar sem haldinn var í fyrra.

Vill að sérleyfi Herjólfs í Landeyjahöfn verði aflétt

Elliði Vignisson, bæjarstjóri í Vestmannaeyjum, hefur ritað innanríkisráðherra og siglingamálastjóra bréf þar sem hann óskar eftir því að sérleyfi Herjólfs til siglinga í Landeyjahöfn verði þegar aflétt og öðrum bátum og skipum með leyfi til farþegaflutninga heimilað að nýta Landeyjahöfn. Elliði bendir á að siglingar í Landeyjahöfn hafa legið niðri frá áramótum og enn virðist sem nokkur dráttur verði á að dýpi við höfnina verði nægjanlegt fyrir Herjólf. Ekkert sé hins vegar sem hindri að skip sem rista minna en Herjólfur noti höfnina. Að sögn Elliða hefur samfélagið í Vestmannaeyjum orðið fyrir miklum skaða vegna vegna vandamála sem komið hafa upp við Landeyjahöfn og ber hann því fram ósk sína með sérstöku tilliti til þess að háannatími í ferðaþjónustunni nálgast.

Tveir litlir bátar í vandræðum við Látrabjarg

Tveir litlir fiskibátar lentu í vandræðum út af Látrabjargi í morgun. Annar fór að leka og kom hinn honum til hjálpar, en fékk dráttartógið í skrúfuna og varð því vélarvana. Björgunarskip Landsbjargar var á leið til aðstoðar við enn einn bátinn utarlega á Breiðafirði, þegar hjálparbeiðni barst fá bátunum tveimur, og er nú komin að þeim. Öll hætta er liðin hjá og mun skipið aðstoða bátana til hafnar.

Mál Priyönku tekið til skoðunar að nýju

Ögmundur Jónasson innanríkisráðherra boðar breytingar á stefnu og regluverki Útlendingastofnunar í kjölfar þess að Priyönku Thapa, 23 ára stúlku frá Nepal, var synjað um dvalarleyfi af mannúðarsjónarmiðum hér á landi. Ögmundur átti fund með stjórnendum Útlendingastofnunar í gærmorgun og í kjölfarið fékk Priyanka tilkynningu um að umsókn hennar yrði endurskoðuð.

Reikna með 30 þúsund á klósettið

Tvö ný snyrtihús með átján salernum verða í sumar tekin í notkun á Hakinu á Þingvöllum. Átján ára og eldri þurfa að greiða tvö hundruð krónur fyrir afnot af salernunum.

Lögreglan leitar enn að vopnuðum ræningja

Lögregla leitar enn að manni, líklega um tvítugt, sem otaði hnífi að stafsfólki í söluturninum Hraunbergi í Breiðholti í gærkvöldi, þar sem margmenni var innandyra, og heimtaði peninga úr afgreiðslukassanum.

Réttindalaus þóttist vera bróðir sinn

Lögreglan tók tvö ökumenn úr umferð á höfuðborgarsvæðinu í nótt, grunaða um akstur undir áhrifum fíkniefna. Annar þóttist vera bróðir sinn, sem á óflekkaðan feril, en brátt kom í ljós hver hann var og að hann væri réttindalaus.

Eldvarnarbjalla reyndist skólabjalla

Lögreglan á Akureyri kalllaði slökkviliðið út rétt fyrir klukkan eitt í nótt vegna nokkurra tilkynninga bæjarbúa um að eldvarnarbjalla væri að hringja í Oddeyrarskóla.