Fleiri fréttir

Skýrist á mánudag hvenær Landeyjahöfn opnar

Enn liggur ekki ljóst fyrir hvenær Landeyjahöfn verður opnuð. Á mánudag mun þó vonandi skýrast hvenær það verður. Vonast hafði verið til að hægt yrði að opna höfnina þann 1. maí en það gengur ekki upp. Samkvæmt upplýsingum frá Siglingastofnun verður dýpkunarskipið Skandia við störf við Landeyjahöfn í dag og jafnvel fram í miðja næstu viku. Í ljósi þessa mun Herjólfur sigla til og frá Þorlákshöfn þangað til annað verður gefið út.

Úthlutar styrkjum til atvinnumála kvenna

Guðbjartur Hannesson velferðarráðherra úthlutar í dag styrkjum til atvinnumála kvenna. Alls fá 42 konur styrki að þessu sinni til fjölbreyttra verkefna en til úthlutunar eru 30 milljónir króna. Styrkirnir eru ætlaðir konum sem vinna að góðum viðskiptahugmyndum og verkefnum sem fela í sér nýnæmi eða nýsköpun. Árið 1991 var í fyrsta sinn úthlutað sérstökum styrkjum til atvinnumála kvenna að frumkvæði Jóhönnu Sigurðardóttur þáverandi félagsmálaráðherra.

Tölvum og flatskjám stolið úr Búðinni í nótt

Brotist var inn í húsakynni vefverslunarinnar Búðarinnar í nótt og þaðan meðal annars stolið tölvum, flatskjám og myndavélum. Ránið hefur verið verið kært til lögreglu en enginn hefur verið handtekinn vegna málsins. Líklegt er talið að reynt verði að selja þýfið á svörtum markaði en vakin er athygli á því að lögregla hefur heimild til að gera þýfi upptækt hjá kaupendum þess, og skiptir þá engu hvort fólk segist ekki hafa vitað af því að um þýfi var að ræða við kaupin. Meðal þess sem var stolið í Búðinni eru 14 tommu Asus fartölvur, 32 tommu Sony flatskjár, Olymps og Canon Ixus myndavélar, flakkarar og minnislyklar. Þeir sem geta gefið upplýsingar um ránið eru hvattir til að hafa samband við lögreglu.

SA: Vilja semja til þriggja ára

Framkvæmdastjórn Samtaka atvinnulífsins ætlar að leita eftir því við samningsaðila að ljúka gerð kjarasamnings. Þetta kom fram á blaðamannafundi sem samtökin héldu nú rétt fyrir ellefu.

SA boðar til blaðamannafundar

Framkvæmdastjórn Samtaka Atvinnulífsins hafa boðað til blaðamannafundar í Borgartúni klukkan kortér fyrir ellefu í dag. Vilhjálmur Egilsson framkvæmdastjóri Samtaka atvinnulífsins sagði í samtali við fréttastofu í morgun að í útspili ríkisstjórnarinnar til samtakanna í gærkvöldi, hafi vissulega verið komið til móts við kröfur þeirra.

Prinsessur og prinsar í leikskólanum Arnarsmára

Litlir prinsar og prinsessur mættu prúðbúin á leikskólann Arnarsmára í Kópavoginum í morgun. Starfsfólk leikskólans tók á móti þeim á konunglegan máta, og voru konurnar með glæsilega hatta að sið breskra hefðarfrúa.

Tíu prósent leikskólabarna með erlent móðurmál

Tæp tíu prósent leikskólabarna hafa annað tungumál en íslensku að móðurmáli, og hafa aldrei verið fleiri. Í desember 2010 voru 1.815 börn með erlent tungumál að móðurmáli, eða 9,6% leikskólabarna.. Þessum börnum fjölgaði um 201, eða12,5%, frá desember 2009. Af þeim hafa 520 börn pólsku sem móðurmál og er það algengasta erlenda tungumálið eins og undanfarin ár. Pólskumælandi leikskólabörnum fjölgar um 97 frá fyrra ári. Þá fjölgar leikskólabörnum sem hafa lithásku að móðurmáli um 25 og börnum sem hafa tælensku að móðurmáli fjölgar um 19. Þetta kemur fram á vef Hagstofunnar. Börnum með erlent ríkisfang fjölgar Í desember 2010 voru 711 börn í leikskólum landsins með erlent ríkisfang og hafði fjölgað um 82 börn frá fyrra ári, eða 13,0%. Þetta rímar við fjölgun barna í leikskólum sem hafa erlent móðurmál. Fjölgunin er tilkomin vegna fjölgunar barna frá Austur-Evrópu, 57, og frá Eystrasaltslöndunum, 26. Aldrei fleiri börn á leikskóla á Íslandi Í desember 2010 sótti 18.961 barn leikskóla á Íslandi og hafa þau aldrei verið fleiri. Leikskólabörnum hefur fjölgað um 245 frá desember 2009, eða um 1,3%. Þrátt fyrir þessa fjölgun hefur hlutfall barna á aldrinum 1-5 ára sem sækja leikskóla lækkað lítillega, úr 83% fyrir ári síðan í 82% í desember 2010. Þá má greina breytingar á viðverutíma barnanna. Milli áranna 2009 og 2010 fækkar um tæplega 1.100 börn sem dvelja í leikskólanum í 9 klukkustundir eða lengur á dag en á sama tíma fjölgar börnum sem dvelja í leikskóla í 8 klukkustundir á dag um tæplega 1.400. Þetta kemur fram á vef Hagstofunnar Börnum sem njóta sérstaks stuðnings fækkar milli ára Í desember 2010 nutu 1.232 börn sérstaks stuðnings vegna fötlunar, félagslegra eða tilfinningalegra erfiðleika, 6,5% leikskólabarna. Þetta er fækkun um 130 börn frá fyrra ári, 9,5%. Eins og undanfarin ár eru fleiri drengir í þessum hópi. Árið 2010 nutu 834 drengir stuðnings, 68%, og 398 stúlkur, 32%. Hlutfall barna sem njóta stuðnings er mishátt eftir landssvæðum. Þannig njóta 3,9% leikskólabarna á Norðurlandi eystra stuðnings, meðan 11,2% austfirskra barna fá stuðning.

Dikta spilar fyrir verkalýðinn

Baráttudagur verkalýðsins, 1. maí, fellur í ár á sunnudag. Lúðrasveit verkalýðsins og Lúðrasveitin Svanur leika því fyrir kröfugöngu sem farin verður frá Laugaveginum í Reykjavík og niður á Ingólfstorg. Safnast verður saman klukkan 13.00 á sunnudag á horni Snorrabrautar og Laugavegar. Örræður verða fluttar á meðan gangan stendur yfir en útifundur hefst á Austurvelli klukkan 14.10. Dagskrá fundarins er sem hér segir: Ræða Signý Jóhannesdóttir, varaforseti ASÍ. Tónlist Hljómsveitin Dikta. Ræða Garðar Hilmarsson, 2. varaformaður BSRB. Tónlist Hljómsveitin Dikta. Ræða Heiða Karen Sæbergsdóttir, formaður Samband íslenskra framhaldsskólanema. Fundarstjóri Ingvar Vigur Halldórsson, stjórnarmaður í Eflingu.

SA funda um yfirlýsingu ríkisstjórnar

Stjórn Samtaka atvinnulífsins kemur saman í morgunsárið til að meta yfirlýsingu stjórnvalda sem Jóhanna Sigurðardóttir forsætisráðherra og Steingrímur J. Sigfússon fjármálaráðherra kynnti forystumönnum samtakanna í gærkvöldi. Það gæti því ráðist í dag hvort endanlega slitnar upp úr kjaraviðræðum eða hvort fulltrúar SA og Alþýðusambandsins setjast aftur að samningaborðinu.

Kvótafrumvarpið lagt fram

Frumvarp um breytingar á lögum um stjórn fiskveiða verður lagt fyrir ríkisstjórn í dag eða strax eftir helgi í síðasta lagi. Hagsmunaaðilar í sjávarútvegi fá ekki að sjá frumvarpið fyrr en það hefur fengið umfjöllun í ríkisstjórn og í þingflokkum stjórnarflokkanna.

Krakkarnir í skólanum kalla mig Royal

"Hann er núna aðalkarlinn í þorpinu sínu,“ segir Óðinn Páll Ríkharðsson, sautján ára nemandi í Fjölbrautaskólanum í Ármúla. Þar vísar hann til afa síns, Davids Middleton, sem verður í dag viðstaddur brúðkaup frænku sinnar, Kate Middleton, og Vilhjálms Bretaprins í Westminster Abbey í London.

Nota úrgang til að knýja þúsund bíla

Fyrir lok næsta árs er stefnt að opnun fyrsta metanorkuversins hér á landi sem nýtir lífrænan úrgang til framleiðslu á metangasi. Í dag verður skrifað undir viljayfirlýsingu Stjörnugríss og Metanorku hf., dótturfélags Íslenska gámafélagsins, um að kanna vænleika þess að nýta úrgang frá svínabúi Stjörnugríss að Melum í Melasveit til framleiðslu og sölu metans. Metanorkuverið að Melum á að verða fyrst í heimi til að nýta heitt vatn til að halda gerjunartanki við kjörhitastig.

Bæti kjör sjúklinga sem mest þurfa

Með fyrirhuguðum breytingum á lögum um sjúkratryggingar er stefnt að því að draga verulega úr lyfjakostnaði þeirra sjúklinga sem mest greiða. Guðbjartur Hannesson velferðarráðherra kynnti frumvarpið í fyrradag. Meginmarkmiðið er að auka jöfnuð sjúklinga og draga úr heildarútgjöldum þeirra sem mest þurfa á lyfjum að halda.

Hjálmar Jónsson endurkjörinn formaður Blaðamannafélagsins

Hjálmar Jónsson var endurkjörinn formaður Blaðamannafélags Íslands á aðalfundi félagsins sem haldinn var í kvöld. Hjálmar fékk 166 atkvæði af 198 greiddum atkvæðum. Ingimar Karl Helgason fékk 26 atkvæði. Alls greiddu 198 atkvæði en 545 voru á kjörskrá. Hjálmar Jónsson hefur starfað fyrir Blaðmannafélagið um árabil og gegndi formennsku undanfarið ár.

Segir hagræðingu ekki ástæðu bættrar niðurstöðu

Bættur rekstrarárangur á Álftanesi frá áætlun skýrist alfarið af hækkun á greiðslum frá jöfnunarsjóði sveitarfélaganna og vegna hækkunar á gengi krónunnar sem skilaði gengishagnaði vegna erlendra lána, segir Sigurður Magnússon, bæjarfulltrúi Álftanesslistans.

Kosið til vígslubiskups fyrri hluta júlímánaðar

Gert er ráð fyrir að kosning vígslubiskups í Skálholtsumdæmi geti farið fram að nýju fyrri hluta júlímánaðar. Ákveðið hefur verið að leggja fram nýja kjörskrá sem tekur gildi 1. maí 2011. Þetta kemur fram í tilkynningu frá kjörstjórn sem fundaði í dag. Í tilkynningunni kemur fram að 149 prestar eru á kjörskrá, en tveir þeirra presta sem voru á kjörskrá hinn 1. febrúar síðastliðinn hafa ekki lengur kosningarétt þar sem þeir hafa látið af störfum.

Rekstur Álftaness gekk betur en búist var við

Um átta milljóna króna tap var á rekstri Álftanesbæjar á síðasta rekstrarári. Áætlanir höfðu hins vegar gert ráð fyrir að tapið yrði 102 milljónir króna. Eigið fé sveitarfélagsins er neikvætt um 1249 milljónir króna.

Ríkisstjórnin sendi frá sér yfirlýsingu vegna kjaraviðræðna

Jóhanna Sigurðardóttir forsætisráðherra og Steingrímur J. Sigfússon fjármálaráðherra sendu í kvöld ríkissáttasemjara lokaútgáfu yfirlýsingar ríkisstjórnarinnar í tengslum við mögulega kjarasamninga til þriggja ára, milli aðila á almennum vinnumarkaði.

Ríkisstjórnin efni tveggja ára gamlan sáttmála

Framkvæmdaáform stöðugleikasáttmálans fyrir tveimur árum hafa meira og minna brugðist og snúast kröfur Samtaka atvinnulífsins á hendur ríkisstjórninni nú í raun um að hún efni þau loforð sem þá voru gefin. Hvorki hefur tekist að draga úr atvinnuleysi né stöðva fólksflótta frá landinu.

Evrópusambandið segir samningaviðræður geta hafist

Evrópusambandið hefur lýst því yfir að það sé tilbúið að hefja eiginlegar samningaviðræður við Íslendinga og leggur til að viðræðurnar hefjist formlega 17. júní, á þjóðhátíðardegi Íslendinga.

Gatnamótin opnuð á ný

Búið er að opna gatnamótin Grensásvegur/Miklubraut. Þar varð árekstur tveggja bíla um hálffimmleytið í dag. Tveir voru fluttir á slysadeild til skoðunar og slökkviliðið þurfti að beita klippum til að ná bílstjóra út úr öðrum bílnum, samkvæmt upplýsingum frá varðstjóra hjá slökkviliðinu. Tildrög árekstursins eru ókunn.

Tryggvi vill fund í efnahags- og skattanefnd

Tryggvi Þór Herbertsson þingmaður sjálfstæðismanna og meðlimur í efnahags- og skattanefnd hefur óskað eftir fundi í nefndinni hið fyrsta. Ástæðuna segir Tryggvi vera þá að sér hafi borist til eyrna að á fundi þingmannanefndar Evrópusambandsins og Alþingis þann 27. apríl síðastliðinn hafi átt að ræða bókun þar sem fram komi viðurkenning á að efnahagsleg aðlögun Íslands að Evrópusambandinu, sem samþykkt var í janúar síðastliðinn, með forgagnsröðun verkefna til ársins 2013, sé komin af stað.

Beita þurfti klippum til að ná bílstjóranum út

Árekstur varð á gatnamótum Grensásvegar og Miklubrautar um klukkan hálf fimm í dag. Þrír voru í bílnum og slasaðist enginn þeirra alvarlega en slökkviliðið þurfti að beita klippum til að ná bílstjóra út úr öðrum bílnum, samkvæmt upplýsingum frá varðstjóra. Tildrög árekstursins eru ókunn. Gatnamótin eru lokuð um óákveðinn tíma.

Farþegar Iceland Express ferðast með Iron Maiden vélinni

Ein þeirra véla sem notuð verður á flugleiðum Iceland Express í sumar er kyrfilega merkt bresku þungarokkssveitinni Iron Maiden. Vélin hefur verið á ferð og flugi með hljómsveitina síðustu ár og gengur undir nafninu Ed Force One, í höfuðið á „lukkudýri“ dýri sveitarinnar, Eddie.

Össur hitti forsætisráðherra Kasmír

Össur Skarphéðinsson utanríkisráðherra átti í gær fund í borginni Jammu með Omar Abdullah, forsætisráðherra Kasmír, og innanríkisráðherranum, Nasir Aslam Wani, um þróun á samstarfi íslenskra og indverskra fyrirtækja um nýtingu jarðhita. Í tilkynningu frá ráðuneytinu segir að mikill áhugi sé á slíku samstarfi af hálfu yfirvalda í Kasmír en þar er að finna möguleika á að virkja jarðhita til raforkuframleiðslu. Samvinna er þegar hafin á milli indverskra og íslenskra fyrirtækja um verkefni í héraðinu.

Forsetinn tekur á móti sérstökum sendiherrum

Ólafur Ragnar Grímsson forseti Íslands mun í dag, fimmtudaginn 28. apríl, afhenda sjö einstaklingum tilnefningu þeirra sem sérstakir sendiherrar Sáttmála Sameinuðu þjóðanna fyrir fatlað fólk.

Trampólín fór á flug í Garðabænum

Tvær stelpur í Garðabænum, þær Berglind Egilsdóttir og Auður Indriðadóttir ráku upp stór augu þegar þær komu heim úr skólanum í dag og stærðarinnar trampólín var komið inn í garðinn. Rokið á höfuðborgarsvæðinu hefur lyft nokkrum trampólínum á flug eins og sjá má á myndunum.

Viðræðum SA og VLFA slitið hjá sáttasemjara

Viðræðum á milli Verkalýðsfélags Akraness og Samtaka atvinnulífsins með ríkissáttasemjara hefur verið slitið. „Í morgun fundaði formaður félagsins með ríkissáttasemjara og forsvarsmönnum Samtaka atvinnulífsins vegna kjarasamnings Verkalýðsfélags Akraness á hinum almenna vinnumarkaði. Það er skemmst frá því að segja að niðurstaðan var engin og lét formaður bóka hjá ríkissáttasemjara árangurslausan fund sem er forsenda fyrir því að hægt sé að hefja verkfallsaðgerðir,“ segir á heimasíðu félagsins.

Þráðlaust net komið í Hörpuna

Lokið hefur verið við uppsetningu á þráðlausu neti í Hörpu, tónlistar- og ráðstefnuhúsi. Um er að ræða eitt af stærri þráðlausu netkerfum á landinu en Harpan er um 28 þúsund fermetrar að stærð. Þráðlausa netið verður einkum ætlað gestum og viðskiptavinum hússins, svo sem í fyrirlestra- og fundarsölum Upplýsingafyrirtækið Nýherji sá um uppsetninguna, en rekstrarfélag Hörpunnar hefur einnig samið við Nýherja um kaup á tölvu- og tæknibúnaði fyrir starfsemina. Um er að ræða "Rent a Prent" prentlausn sem gerir Hörpunni meðal annars kleift að prenta út ráðstefnugögn fyrir skipuleggjendur ráðstefna. Ennfremur voru innleiddar Lenovo tölvur, Cisco netbúnaður, Canon prentbúnaður og APC varaaflgjafar fyrir starfsemina. Þá verður símkerfi tónlistarhússins hýst í Avaya IP símstöð Nýherja. Þetta kemur fram í tilkynningu frá Hörpu. Rekstrarfélag Hörpunnar ákvað að velja búnað og lausnir frá Nýherja eftir ítarlega verðkönnun þar sem þær þóttu hagkvæmastar og féllu vel að rekstri tölvukerfa Hörpunnar. "Tónlistar- og ráðstefnuhúsið Harpan þarf að reiða sig á hnökralausan rekstur upplýsingatæknikerfa og tölvu- og tæknibúnað fyrir starfsfólk og alla þá gesti og viðskiptavini sem eiga eftir að sækja húsið heim. Þess vegna leggjum við áherslu á hátt þjónustustig og ennfremur er mikilvægt að allur kostnaður sé fastur og fyrirsjáanlegur," segir Höskuldur Ásgeirsson framkvæmdastjóri Hörpu. "Með útvistun tölvukerfa er hægt að auka öryggi og tryggja aðgengi að sérfræðiþjónustu. Þá geta fyrirtæki skapað sér mikinn fjárhagslegan ávinning með því að úthýsa tölvukerfum í stað þess að eiga og reka sitt eigið," segir Þorvaldur Jacobsen framkvæmdastjóri Rekstrarlausna Nýherja.

Verkföll stóralvarlegt mál fyrir ferðaþjónustuna

Framkvæmdastjóri ferðaþjónustunnar segir brýnt að kjarasamningar náist á næstu dögum ef ekki eigi að fara illa fyrir þjóðinni vegna verkfalla. Umræðan ein um verkföll geti valdið því að ferðamenn afbóki ferðir sínar til Íslands.

Icesave situr í evrópskum þingmönnum

Þingmenn Evrópuþingsins telja neitun Íslendinga á Icesave samningum geta haft slæm áhrif á umsókn okkar í sambandið. Viðræður um sjávarauðlindir okkar eru enn ekki hafnar. Þetta segir Ólöf Nordal, varaformaður Sjálfstæðisflokksins, en hún sat fund sameiginlegrar þingmannanefndar Íslands og Evrópusambandsins í gær.

Hraðakstur í Hafnarfirði - áfram hátt brotahlutfall

Brot 43 ökumanna voru mynduð á Hringbraut í Hafnarfirði í gær. Fylgst var með ökutækjum sem var ekið Hringbraut í suðurátt, gegnt Flensborgarskóla. Á einni klukkustund, eftir hádegi, fóru 103 ökutæki þessa akstursleið og því ók hátt í helmingur ökumanna, eða 42%, of hratt eða yfir afskiptahraða. Meðalhraði hinna brotlegu var 43 km/klst en þarna er 30 km hámarkshraði. Sá sem hraðast ók mældist á 51. Þess má geta að lögreglan hefur verið við hraðamælingar á þessum stað nokkrum sinnum áður og þá hefur brotahlutfallið jafnan verið hátt, eða 52-54% en meðalhraði hinna brotlegu hefur verið á bilinu 42-45 km/klst.

Guðlaugur Þór hótar að kæra Björn Val fyrir meiðyrði

Guðlaugur Þór Þórðarson, þingmaður Sjálfstæðisflokksins, hefur sent Birni Vali Gíslasyni, þingmanni Vinstri grænna, bréf þar sem honum er hótað málsókn á grundvelli meiðyrðalaga, dragi hann ekki orð sín til baka um að styrkir sem Guðlaugur hlaut, væru mútur.

Vara við aukabúnaði á vélorfum

Vinnueftirlitið varar við hættulegum aukabúnaði á vélorfum sem framleiddur er af öðrum en framleiðendum orfanna. Er þar meðal annars átt við snúningshausa með ýmsum gerðum af keðjum, keðjur með skurðarblöðum á endum eða skurðarblöðum sem fest eru við snúningshausinn með boltum eða hnoðum. „Þessi aukabúnaður eykur hættu á slysum umfram notkun nælonþráðar eða einblaða skurðarbúnaðar. Bæði er aukin hætta á að hlutar af, eða brot úr, skurðarbúnaðinum þeytist til, sem og smásteinar. Við hönnun á vélorfum er ekki gert ráð fyrir notkun slíks aukabúnaðar og sem dæmi er því hlífabúnaður orfanna ekki nægilega öflugur til að fyrirbyggja hættu af notkun slíks aukabúnaðar. Vélorfin með slíkum aukabúnaði eru því hættuleg og hefur notkun þeirra þegar valdið slysum, m.a. dauðaslysi,“ segir á vef Vinnueftirlitsins.

Ódýr matur er dýrkeypt blekking

Mikils tvískinnungs gætir í umræðum um velferð búfjár og matvælaverðs. "Þannig gerir jafnvel sama fólkið kröfu um að búin stækki og matarverð lækki, en hins vegar að dýrin fái að njóta eðlislægs atferlis við sem náttúrulegastar aðstæður líkt og í lífrænum búskap," segir Ólafur R. Dýrmundsson, landsráðunautur Bændasamtaka Íslands í lífrænum búskap og landnýtingu. Ólafur hélt erindi á málþingi um aðbúnað dýra í íslenskum landbúnaði sem haldinn var í Norræna húsinu á þriðjudag. "Ódýr matur er ein af dýrkeyptustu blekkingum 20. aldar," segir Ólafur. "Við verðum að gera okkur raunverulegum kostnaði við framleiðsluna og taka meira tillit til gæða og hollustu matvara." Í raun sé þannig hægt að segja að afurðir af lífrænt öldum dýrum sé á "réttu" verði á meðan ódýri maturinn sé einfaldlega ódýr þar sem kostnaðurinn hefur verið færður yfir á illa meðferð búfjár, slæma meðferð lands, mengun frá stórbúum og aukna notkun lyfja í búfjárhaldi. Við berum öll ábyrgð Það er einföld staðreynd að afurðir af dýrum sem alin eru lífrænt eru dýrari en afurðir af dýrum sem alin í svonefndum verksmiðjubúskap. Ólafur, sem einnig er formaður Dýraverndarsambands Íslands, segir að meðferð búfjár hafi versnað með árunum í því skyni að auka hagræði og lækka vöruverð. "Umfram allt verðum við að átta okkur á að ekki er við bændur eina að sakast. Mergur málsins er að við öll; þjóðfélagið, neytendur, stjórnmálamenn og fleiri, berum töluverða óbeina ábyrgð á því hvernig komið er fyrir velferð búfjár í ýmsum greinum landbúnaðar," segir Ólafur. Eitt af því sem Ólafur telur mikilvægast til að bæta velferð dýra í íslenskum landbúnaði er að auka meðvitund neytenda þannig að þeir taki sínar ákvarðanir með veskinu. "Við þurfum að upplýsa neytendur betur um framleiðsluhætti í landbúnaði og endurvekja tengsl milli sveita og þéttbýlis," segir hann.

Ennþá er óhætt að klippa trjáplöntur

Þrátt fyrir að komið sé fram í lok apríl og farið sé að örla á síðbúnu sumri er enn ekki of seint að klippa garðplöntur líkt og tré og runna.

Gyrðir á toppi metsölulistans - kiljur vinsælastar

Smásagnasafn Gyrðis Elíassonar, Milli trjánna, er komið í fyrsta sæti yfir mest seldu bækurnar á Íslandi, samkvæmt nýjum lista frá rannsóknarsetri verslunarinnar. Vinsældir Gyrðis koma ekki á óvart þar sem hann fékk fyrr í þessum mánuði bókmenntaverðlaun Norðurlandaráðs fyrir einmitt þessa bók. Næstar á metsölulistanum eru þýddar skáldsögur, Konan í búrinu eftir Jussi Adler-Olsen í öðru sæti, þá Morð og möndlulykt eftir Camillu Läckberg og Djöflastjarnan eftir Jo Nesbø í fjórða sætinu. Spennusaga Yrsu Sigurðardóttur, Ég man þig, er í því fimmta. Metsölulistinn tekur til tímabilsins frá 10. apríl til 23. apríl. Þegar farið er yfir uppsafnaða sölu frá áramótum trónir Yrsa hins vegar á toppnum. Vakin er athygli á að 10 mest seldu bækurnar eru allar kiljur. Þær sem þarna koma næst á eftir eru: Myrkraslóð eftir Åsa Larsson, Mundu mig, ég man þig eftir Dorothy Koomson, Betri næring - betra líf eftir Kolbrúnu Björnsdóttur, Furðustrandir eftir Arnald Indriðason eru í níunda sæti og loks Sumardauðinn eftir Mons Kallentoft í því tíunda. Þegar litið er sölutölur frá áramótum

Skipa þarf nýja kjörstjórn innan þjóðkirkjunnar

Skipa þarf nýja kjörstjórn innan þjóðkirkjunnar til að sjá um kjör vígslubiskups eftir að síðasta kjörstjórn sagði af sér í gær, vegna mistaka sem urðu við kosningu til vígslubiskups.

Lyfjakostnaður gæti lækkað um 70 prósent

Ríkisstjórnin samþykkti í gær frumvarp frá velferðarráðherra sem ætlað er að lækka lyfjakostnað þeirr sem hvað mest þurfa á lyfjum að halda. Nái frumvarpið fram að ganga gæti lyfjakostnaður öryrkja lækkað um rúm sjötíu prósent.

Vilja færa gjaldtöku af bensíni í vegtolla

Samtök atvinnulífsins hafa kynnt ríkisstjórninni hugmynd um breytta gjaldtöku í samgöngumálum. Hugmyndin snýst um að færa gjöld af eldsneyti yfir í vegtolla, og gæti komið stórum vegaframkvæmdum af stað, er mat samtakanna. Hugmyndinni er fálega tekið af Ögmundi Jónassyni innanríkisráðherra sem segir að um aukna skattpíningu sé að ræða með breyttum formerkjum.

Íslenskur ríkisborgari eftirlýstur af Interpol

Margdæmdur ofbeldismaður, Chigozie Óskar Anoruo, sem er íslenskur ríkisborgari, er nú eftirlýstur af Interpol. Íslensk lögregluyfirvöld sendu beiðni til alþjóðalögreglunnar 20. apríl síðastliðinn um að lýst yrði eftir honum.

Sjá næstu 50 fréttir

Mest lesið