Níumenningarnir: Myndbandsupptökum úr Alþingi eytt

Heyra mátti gesti í dómsal taka andköf þegar deildarstjóri þingvarða lýsti því yfir að upptökum sem varpað gætu ljósi á heildarmynd atburðanna örlagaríku væru horfnar. Þingvörðurinn afhenti forsætisnefnd fjögurra mínútna myndbandsbút sem sýndu átök mótmælanda við þingverði en restin er horfin.

Verðmerkingum ábótavant hjá líkamsræktarstöðvum

Engin verðskrá var sýnileg hjá fimm af þeim 21 líkamsræktarstöð sem starfsmaður Neytendastofu heimsótti á dögunum í þeim tilgangi að kanna slíkt. Þær líkamsræktarstöðvar sem höfðu enga verðskrá sýnilega voru Bootcamp, Grand Spa, Nordica Spa, Sporthúsið og World Class Spönginni og hjá einni stöð, Baðhúsinu, var einungis lítill hluti af verðskrá sýnilegur.

Sérstakt eftirlit lögreglu: Þrír óku undir áhrifum

Tæplega þrjú hundruð ökumenn hafa verið stöðvaðir á höfuðborgarsvæðinu síðustu daga í sérstöku umferðareftirliti sem lögreglan heldur nú úti í umdæminu. Þrír ökumenn reyndust ölvaðir og/eða undir áhrifum fíkniefna við stýrið og eiga þeir ökuleyfissviptingu yfir höfði sér. Tveimur til viðbótar var gert að hætta akstri sökum þess að þeir höfðu neytt áfengis en voru þó undir leyfilegum mörkum. Við þetta eftirlit hefur það vakið athygli lögreglumanna að allmargir ökumenn nota ekki bílbelti. Slíkt kemur nokkuð á óvart enda á öllum að vera ljóst mikilvægi þeirra.

Níumenningarnir: Þingvörður segir Alþingi hafa verið í hættu

Aðalmeðferð yfir níumenningunum hófst aftur eftir hádegishlé nú rétt eftir klukkan eitt. Fyrir dóminn mætti þingvörður sem sagði að Alþingi hefði verið í raunverulegri hættu þegar fólkið gerði tilraun til að komast á þingpallana.

Segir hæpnar forsendur fyrir eignarnámi á HS orku

Ásgeir Margeirsson, stjórnarformaður HS orku segir hæpið að forsendur séu fyrir því að ríkið geti gripið til eignarnáms til að vinda ofan af kaupum Magma á HS orku. Hann segir allt velta á því hverju íslensk stjórnvöld vilji ná fram en fyrirtækið sé tilbúið til viðræðna.

Strætisvagn og jeppi lentu í árekstri á Hringbraut

Stætisvagn og jeppi lentu í árekstri á Hringbraut, til móts við BSÍ, rétt í þessu. Lögregla hefur lokað götunni.

Sigurjón Brink látinn

Tónlistarmaðurinn Sigurjón Brink, sem er betur þekktur sem Sjonni, varð bráðkvaddur að heimili sínu í Garðabæ í gærkvöldi. Sigurjón var fæddur í Reykjavík 29. ágúst 1974. Hann lætur eftir sig eiginkonu, Þórunni Ernu Clausen, og fjögur börn, eftir því sem fram kemur í tilkynningu frá fjölskyldu hans.

Allt morandi í mordýrum

Það er ekki á hverjum degi sem fólk verður jafn vart við mordýr og gerðist á Siglufirði um helgina. Þar var ekki þverfótað fyrir þeim í snjónum. Mordýr eru hins vegar mjög algeng og segir Erling Ólafsson skordýrafræðingur að það sé allt morandi í þeim.

Vitnaleiðslum yfir níumenningunum lokið

Sakborningurinn Andri Leó Lemarqui neitaði því að hafa bitið lögreglumann í höndina og lögreglukonu í hálsinn en játaði því að hafa "glefsað" til lögreglumannsins. Hann sagðist hafa verið gripið ofsahræðslu sem hann rakti til þekkingu sinnar á læknisfræði. Vitnaleiðslum yfir níumenningunum er lokið og hlé hefur verið gert á þinghaldi fram yfir hádegi.

Níumenningarnir í héraðsdómi - saka lögregluna um hrottaskap

Níumenningarnir hafa við vitnaleiðslur í morgun flestir kvartað undan harðræði lögreglunnar. Sólveig Anna Jónsdóttir sagði lögregluna hafa snúið upp á hendur hennar. Hún hafi kvartað undan sársauka og lögreglan hafi svarað: "Ef þú segir okkur kennitölu þína þá sleppi ég þér." (10:28)

Frávísun í rækjumáli

Héraðsdómur Reykjavíkur hefur vísað frá máli útgerðarfélagsins Ramma gegn íslenska ríkinu. Útgerðarfélagið krafðist þess að viðurkennt yrði með dómi að Jóni Bjarnasyni, sjávar­útvegs- og landbúnaðarráðherra, hafi verið óheimilt að gefa veiðar á úthafsrækja frjálsar á fiskveiðitímabilinu 2010/1011.

Árangur handboltalandsliðsins stjórnar afslættinum

Bensínstöðvar ÓB hafa tekið upp á því að láta „strákana okkar“ á HM í handbolta í Svíþjóð stjórna því hve mikill afsláttur er gefinn daginn eftir hvern leik íslenska liðsins. Ísland lagði Japan í gær með fjórtán marka mun og í tilefni af því er fjórtán krónu afsláttur af eldsneytinu hjá ÓB í dag. Svo er bara að vona að strákarnir taki Austurríkismenn í bakaríið í kvöld.

Níumenningarnir í héraðsdómi - sönnunargögn klippt til?

Einn níumenninganna gerði athugasemdir við myndband sem sýnir meinta innrás þeirra á Alþingi. Hann sagði myndbandið klippt á þeim stað þar sem lögreglan mætir til leiks og varpaði fram þeirri spurningu hvort átt hefði verið við sönnunargögn.

Níumenningarnir í héraðsdómi - hlegið og flissað í dómssal

Ljósin voru slökkt í dómssalnum og myndband af innrás níumenninganna inn í alþingi sýnt. Heyra mátti hlátur og fliss hjá áhorfendum og sakborningum sem horfðu á atburðinn örlagaríka. Vitnið Jón Benedikt Hólm sagðist hafa ætlað að gleðja þingmenn umræddan dag.

Níumenningarnir í héraðsdómi - vildu bæta lyktina í dómssal

Dómsalur 101 er þéttsetinn í héraðsdómi. Færri komust að en vildu en ekki var sami fjöldi í dag og við þingsetningu málsins. Athygli vakti að hópur fólks, þar á meðal sakborningar, báru á sig ilmolíu áður en réttarhöldin hófust, að þeirra sögn til að dómsalur myndi lykta betur.

Níumenningarnir - aðalmeðferð hafin

Aðalmeðferð í máli ríkissaksóknara gegn níumenningunum svokölluðu sem ákærð eru fyrir árás á Alþingi hófst í Héraðsdómi Reykjavíkur klukkan 9.15. Gert er ráð fyrir að aðalmeðferðin muni standa yfir í þrjá daga.

Tíu karlar í starfshópi um jafnrétti kynjanna

Guðbjartur Hannesson velferðarráðherra hefur skipað starfshóp til að gera tillögur um hvernig auka megi þátttöku karla í umræðum um jafnrétti kynja og auka aðild karla að jafnréttisstarfi.

Þrýst á markvissari viðræður

Samninganefnd Starfsgreinasambandsins ákvað á fundi í gær að vísa kjaradeilu sambandsins við Samtök atvinnulífsins til ríkissáttasemjara. Að mati samninganefndarinnar hefur hægt miðað og því sé mikilvægt að þrýsta á um markvissari viðræður sem leiddar verði af ríkissáttasemjara. Er það von Starfsgreinasambandsins að það skili kjarasamningi aðila í höfn frekar fyrr en síðar.

Kanna sýkingu í sumargotssíldinni

Hafrannsóknaskipið Dröfn RE er nú komið inn á Breiðafjörðinn til að kanna sýkingu í íslensku sumargotsíldinni, sem fór að herja á stofninn árið 2008 og hefur skert hann verulega.

Herjólfur siglir til Þorlákshafnar næstu daga

Vestmannaeyjaferjan Herjólfur mun sigla til Þorlákshafnar næstu daga í stað Landeyjahafnar. Á vef Siglingastofnunar segir að útlit sé fyrir mikla ölduhæð við Suðurströndina næstu daga, sem mun hamla siglingum til Landeyjahafnar.

Fótgangandi varaðir við hálkunni

Mikið annríki var á slysadeild Landspítalans í gær og alveg fram á kvöld, vegna óvenju margra hálkuslysa á höfuðborgarsvæðinu. Fólk á öllum aldri leitaði þangað mis illa leikið, eftir að hafa dottið á gangstéttum og bílastæðum.

Áskilja sér rétt til að verja eigur sínar ytra

Slitastjórn Glitnis er aftur komin í hart við svokallaða sjömenningaklíku Jóns Ásgeirs Jóhannessonar í New York, þrátt fyrir að dómari hafi vísað málinu frá að uppfylltum skilyrðum. Það eru einmitt þau skilyrði sem nú er tekist á um fyrir dómnum.

Ívari sleppt úr gæsluvarðhaldi

Ívar Guðjónsson, fyrrverandi forstöðumaður eigin fjárfestinga Landsbankans, var látinn laus úr gæsluvarðhaldi í gær. Yfirheyrslum yfir honum er lokið í bili og þess vegna taldi sérstakur saksóknari ekki þörf á að halda honum lengur á bak við lás og slá.

Sótt yrði að Íslandi úr nokkrum áttum

Ef Icesave-deilunni verður ekki lokið með samkomulagi er fyrirsjáanlegt að Bretar og Hollendingar munu mögulega hefja málsókn og halda því meðal annars fram að ríkisstjórn eða ráðherrar hafi gefið bindandi yfirlýsingar um að greiða fjárhæðir sem þeir innleystu til reikningseigenda. Að auki mun ESA (eftirlitsstofnun EFTA) að öllum líkindum fara af stað með samningsbrotamál gegn Íslandi. Þá er líklegt að Bretar og Hollendingar (og jafnvel aðrar þjóðir) muni halda uppi að minnsta kosti svipuðu andófi gegn Íslandi og íslenskum hagsmunum og hingað til. Það hefur birst í andstöðu þeirra við lánveitingar og aðra fyrirgreiðslu, til dæmis hjá Alþjóðagjaldeyrissjóðnum, Evrópska framkvæmdabankanum og fleiri aðilum.

Gleymdist að setja viðurlög

Fiskistofa hyggst framvegis ganga hart fram vegna ólöglegra framkvæmda við og í veiðivötnum. Sveitar- og veiðifélög, verktakar og landeigendur hafa um árabil staðið fyrir ýmiss konar framkvæmdum án þess að fá til þess tilskilin leyfi.

Matthías hefur ekki fundist

Ekkert hafði spurst til Matthíasar Þórarinssonar síðdegis í gær, en hans hefur verið saknað síðan fyrir áramót.

Fréttaskýring: Auðlindir verði að hámarki leigðar út til 25 eða 30 ára

Í drögum að nýrri orkustefnu er lagt til að orkuauðlindum verði safnað í stofnun eða sjóð ríkisins. Vilja að ríkið láti sjálft rannsaka nýja virkjunarkosti. Gera verður skýrar kröfur um umgengni við auðlindirnar.

Fara ekki í lögguna eftir nám

Nokkur hluti nemenda við Lögregluskólann hefur sótt sér nám við skólann án þess að hyggja á starf í lögreglunni eftir útskrift.

Tillitsleysi í umferðinni pirrar flesta

Tæplega þrír af hverjum fjórum ökumönnum hafa verið undir álagi í umferðinni undanfarið samkvæmt könnun sem Capacent Gallup gerði fyrir Umferðarstofu í nóvember síðastliðnum. Tæpur þriðjungur segist oft eða stundum vera undir álagi.

Ófært og ólíðandi að SA dragi kvótann inn í kjarasamninga

Það er ófært og ólíðandi að Samtök atvinnulífsins (SA) blandi áformum stjórnvalda um að endurskoða löggjöf um stjórn fiskveiða inn í viðræður um kjarasamninga, sagði Jóhanna Sigurðardóttir forsætisráðherra á Alþingi í gær.

Níumenningarnir fyrir dóm: Þriggja daga réttarhöld

Aðalmeðferð í máli ríkissaksóknara gegn níumenningunum svokölluðu sem ákærð eru fyrir árás á Alþingi hefst í Héraðsdómur Reykjavíkur á morgun. Gert er ráð fyrir að aðalmeðferðin muni standa yfir í þrjá daga.

Sjónvarpskóngur ákærður: Við erum saklaus

„Við komum fyrir dómara í dag og lýstum okkur algjörlega saklaus af öllum ásetningi. Þetta mál er með hreinum ólíkindum,“ segir Ingvi Hrafn Jónsson, sjónvarpsstjóri ÍNN. Hann og eiginkona hans voru í desember ákærð fyrir skattalagabrot og krafin um rúmar 11 milljónir króna.

Líkir málflutningi Landsbankamanna við Nurnberg réttarhöldin

„Ég held að það væri nær að Íslendingar bæðu Breta afsökunar," segir Vilhjálmur Bjarnason, lektor við viðskiptafræðideild Háskóla Íslands. Hann er ekki par hrifinn af ummælum Ólafs Ragnars Grímssonar, forseta Íslands, sem sagði í samtali við The Wall Street Journal að Gordon Brown ætti að biðjast afsökunar á því að hafa sagt að Ísland væri gjaldþrota í miðju efnahagsfárviðrinu.

Ók á ljósastaur

Umferðaróhapp varð á Miklubraut skammt frá gatnamótunum við Grensásveg á áttunda tímanum í kvöld. Bifreið var ekið á ljósastaur og þurfti að flytja ökumanninn á slysadeild. Samkvæmt upplýsingum sem fengust hjá slökkviliði höfuðborgarsvæðisins var ökumaðurinn ekki mikið slasaður. Hann var einn í bifreiðinni.

Afhentu þingflokksformönnum ályktun um fiskinn

Formaður Vinstri grænna í Reykjavík og formaður Samfylkingarfélagsins í Reykjavík afhentu í dag, þingflokksformönnum Samfylkingarinnar og Vinstri hreyfingarinnar græns framboðs ályktun stjórna félaganna um fiskiauðlindina í þjóðareign.

Miskunnarlausari og hættulegri árásir

„Ég skyldi ætla að fólk vissi að það væri hættulegt að sparka í höfuðið á mönnunum því innan kúpunnar er afskaplega viðkvæmt líffæri sem ekki endurnýjar sig svo auðveldlega eftir áverka eða uppákomur," segir Elísabet Benediktz, yfirlæknir Slysa- og bráðamóttöku Landspítala.

Foreldrar kaupi umhverfisvottaðar barnavörur

Ýmsar vörur sem ætlaðar eru börnum gætu haft skaðleg áhrif á þroska þeirra. Sérfræðingur Umhverfisstofnunnar hvetur foreldra til að kynna sér málið og velja vörur sem eru umhverfisvottaðar.

Mótmælendum fjölgaði þegar líða tók á daginn

Fátt fólk kom saman á Austurvelli og barði í tunnur þegar þingið kom saman í dag. Mótmælin reyndust þó ekki jafn fjölmenn og í október á síðasta ári þó mótmælendum hafi fjölgað þegar líða tók á daginn.

Á fjórða tug vitna og sakborninga yfirheyrðir

Á fjórða tug vitna og sakborninga hafa verið yfirheyrðir af embætti sérstaks saksóknara vegna meintrar markaðsmisnotkunar Landsbankans fyrir hrun. Sex teymi vinna að yfirheyrslunum en búist er við því að fjöldi sakborninga og vitna aukist.

Eignarnám kemur til greina

Forsætisáðherra segir koma til greina að gripið verði til eignarnáms vegna sölunnar á HS Orku en skynsamlegra sé að ná samningum við forystumenn Magma áður, svo ekki komi til skaðabótakröfu.

Flugmaðurinn fékk heiftarlega magakveisu

Boeing 777 farþegaþota Air France flugfélagsins með 232 farþega innanborðs neyddist til að lenda óvænt á Keflavíkurflugvelli um hádegisbil. Annar flugmaðurinn fékk heiftarlega magakveisu og var fluttur á sjúkrahús, en var útskrifaður nú síðdegis.

Lögreglan mótmælir málflutningi kráareiganda

Fjórum skemmtistöðum var lokað um helgina þar sem fjöldi gesta var yfir hámarki, leyfi vantaði og dyraverðir voru réttindalausir. Formaður félags kráareigenda sendi lögreglu tóninn í dag og sagði aðgerðirnar ólöglegar en lögreglan segir það alrangt.

Þrír handteknir til viðbótar vegna árásar á Players

Þrír til viðbótar hafa verið handteknir í tengslum við rannsókn lögreglunnar á höfuðborgarsvæðinu á fólskulegri líkamsárás nærri veitingastaðnum Players í Kópavogi aðfaranótt sunnudags. Um er að ræða þrjá karla en þeir eru á þrítugs- og fertugsaldri.

„Of mikið gert úr áhrifum þessara breytinga“

„Það er bara staðreynd að það eru afgerandi fæstir farþegar í þessum síðustu ferðum á kvöldin," segir Reynir Jónsson, framkvæmdastjóri Strætó bs. „Þegar við fáum þau skilaboð frá eigendum okkar, sveitarfélögunum, að við verðum að hagræða, þá förum við bara niður í leiðarkerfið og skoðun hvernig við getum sparað sem mest þannig að það hafi áhrif á sem fæsta farþega," segir Reynir.

Einn handtekinn vegna mótmælanna

Um tuttugu til þrjátíu manns eru komnir saman á Austurvelli til að mótmæla, samkvæmt upplýsingum frá sjónarvotti. Einn hefur verið handtekinn en hann var að reyna að stöðva mótmælendur við iðju sína og taldi þá raska ró Alþingis. Maðurinn var færður í lögreglubíl. Þingfundur hófst klukkan þrjú og byrjuðu mótmælendur að koma saman þá, en mótmælin voru boðuð klukkan hálffimm.